LinkInBio Archives - Page 2 of 19 - Marija Marija Marija

🍊 Гранола со Портокал 🍊

LinkInBio, Гранола, Појадок, Рецепти / Марија

Ако си како мене и сакаш гранола, никако не смееш да ја направиш мојата гранола со портокал. Совршено крцкава, дозирано слатка, но сепак здрава. Одлична за да го започнеш денот, бидејќи не само што ќе те засити, туку и ќе ти го крене расположението. Се прашуваш зошто никако не смееш да ја направиш? Паааа затоа што има потенцијал да ти стане опсесија 🙂

Знам, знам, за секоја следна гранола го пишувам истото, верувам дека е до мене. Ама вистина секој нов вкус, за мене е нова авантура. Па така, по гранолата со тиква, со таан, со хељда, со чоколадо, со Киноа, со морков, со сусам и суви кајсии, гранола чашките, и секако солената гранола, оваа гранола со портокал е уште едно вкусно доживување.

Зошто гранола со портокал?

Прво, ајде да бидеме искрени. Мирисот на свежо рендана кора од портокал има некоја посебна магија. Го буди сетилото за мирис, слично како мирисот на печено јаболко со цимет, нели? А кога тој мирис ќе се спои со вкуснот на печен орев, карамелниот вкус на мед, аромите на ѓумбир, кардамом, цимет и малку ванила… верувај ми, нема подобар начин да го започнеш денот.

И така, ако си љубител на гранола, оваа верзија со портокал, пријатно ќе те изненади. Има богат поцитрусен, вкус и поинаква свежина од сите други граноли до сега. Со добар додаток, доволно е богата за да биде супер појадок – не само ужинка.

Инаку, целиот рецепт и начинот на подготовка, го имате подолу во овој пост, а имате и кратко видео од подготовката кај мене на инстаграм во reels

Потсетување: Домашна vs. купечка гранола

Мислам дека во секоја објава со гранола го кажувам ова, па ајде и овде да се потсетиме зошто сакам сама да си правам гранола:

Ја контролирам количината шеќер. Многу од купечките граноли се преполни со додадени шеќери и сирупи. Кога ја правам дома, користам сируп од умри, мед или јаворов сируп – и толтоа во ограничена количина, без претерување.
Ги бирам состојките. Сакам да знам што има во мојата чинија. Целосно зрнести овесни снегулки, органски јатки и семиња… и секако – свежо рендана кора од органски портокал.
Го добивам вкусот што го сакам. Ако сакам повеќе крцкава гранола – ја печам малку подолго. Можеш да си играш со текстура и вкус – и тоа е вистинската убавина на домашната гранола.

Сакаш гранола? И јас! И затоа нема да престанам со експерименти на оваа тема. Доколку сакаш гранола што е освежителна, ароматична, со длабок и богат цитрусен вкус, тогаш не се двоуми. Направи ја оваа гранола со портокал. А доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍊 Гранола со Портокал 🍊Прочитај повеќе »

🍊 Гранола со Портокал 🍊 Read More »

🥦 Протеински зеленчукови палачинки (солени) 🥦

LinkInBio, Палачинки, Рецепти, Ручек / Марија

Овие протеински зеленчукови палачинки се супер идеја за релативно брз и многу здрав ручек со 30 грама претеин и 460 калории од портција. Имаат 8 зеленчуци, што ги прави богати со диететски блакна (скоро 14 грама од порција) и се прават многу лесно и брзо. Можете да ги послужите со свежа салата, со печени компирчиња, хумус, или додаток по ваша желба.

Иако велам идеја за ручек, сепак, овие протеински зеленчукови палачинки се супер опција и за појадок, но и за вечера. Можете да ги ставите и во сендвич и да си ги земете за на работа или да ги спакувате за на училиште. Како и да ги искомбинирате, нема да погрешите, затоа што се многу здрави и многу вкусни. Исто така, изборот на зеленчук што ќе го ставите може да варира, и дури и охрабрувам да се користат различни зеленчуци секој пат – или пак, можете да ставите и уште нешто плус ова што јас вообичаено ставам. Само две работи се константни: брашно од наут и тофу – протеини засекогаш! 😆

Како да ги направите овие протеински зеленчукови палачинки?

Начинот на подготовка може да биде на два начини:

Да го зготвите зеленчукот – како што јас преферирам. Мене многу ми се допаѓаат аромите што зготвениот зеленчук ги пушта и секогаш ја препорачувам оваа верзија.
Зеленчукот да го ставите сиров – доколку немате време за готвење – но со ова губите дел од аромата, и зеленчукот е пожелно да ви биде многу многу ситно исецкан/изрендан за да не биде сосема жив (иако ни туа не е страшно)

Како што кажав, мојот рецепт е со зготвен зеленчук, и пак ќе повторам, слободно можете да замените нешто, да додадете нешто друго иако искрено, мислам дека употребив се

Сите придобивки од овие палачинки?

Од супер количество на растителни протеини, до супер количество на растителни влакна, до антиоксиданси (витамин Ц, бета-каротен, антоцијанини), до витамини и минерали (витамин К, витамин А, железо, магнезиум и калиум), овие протеински зеленчукови палачинки се навистина одлични за вас. Имаат малку калории но голема нутритивна густина. Лесни се за варење, не ја оптоваруваат работата на црниот дроб и се идеални за балансирани оброци во здрава исхрана или план за слабеење. Плус, брашното од наут, освен што нема глутен, има низок гликемиски индекс, што значи дека не предизвикува нагли скокови во шеќерот во крвта, туку обезбедува долготрајна енергија.

Се на се, светото тројство лесни-здрави-вкусни, според мене е најважно.

Доколку ти треба идеја за ручек, моите протеински зеленчукови палачинки се она што ти треба во моментов. Богати се со протеини, растителни влчакна, минерали и витамини, но поважано, вкусни се и се прават брзо и лесно. Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🥦 Протеински зеленчукови палачинки (солени) 🥦Прочитај повеќе »

🥦 Протеински зеленчукови палачинки (солени) 🥦 Read More »

🥕 Бомбици со Морков 🥕

LinkInBio, Бомбици, Десерти, Рецепти / Марија

Бомбици немам направено кујзнае од кога, па овие бомбици со морков настанаа спонтано, бидејќи дете Каи одеше по мене и викаше „Каи сака чоколадо“ а пустиот, чоколадо нема пробано 🤣. Практично, имав урми, јатки и моркови па решив да му направам брзо и здраво „чоколадо“ во форма на бомбица. Ги проба и заборави на чоколадото и викаше „Каи сака бобинца“ Ете… кратка приказна од моето секојдневие или како настанаа овие бомбици со морков во неколку реченици.

И како и сите мои десерти (и оброци) така и овие, се прават многу брзо, можете да ги правите заедно со вашите деца, и секако се многу подобра варијанта отколку некој купечки десерт. Ако ништо друго, имаат морков (што не се чувствува) 😃😃

Имаат вкупно 10 сестојки (можете да ги направите и со помалку), а целиот рецепт е подолу во овој пост. Плус, имам и кратко видео кај мене на инстаграм во reels.

Зошто да ги направите овие бомбици со морков

Веќе набројав неколку причини, но ајде for the sake of argument, да набројам уште неколку. Значи освен што се многу вкусни, се прават многу брзо и лесно, одобрени за мали јадачи, не се преблаги, овие бомбици со морков исто така се:

Природен извор на енергија – идеални како ужина пред или по вежбање.
Поддржуваат имунитет и варење.
Ги негуваат срцето и мозокот.
Помагаат со фокус и концентрација.
Здрава алтернатива на слатки – без додаден шеќер, вештачки ароми или конзерванси.
Практични за на работа, училиште или патување.

А еве и зошто:

🌰 Ореви

Богати со здрави масти (омега-3 и омега-6) кои го поддржуваат здравјето на срцето.
Извор на протеини, влакна, и антиоксиданси.
Ја подобруваат функцијата на мозокот и помагаат во регулирање на холестеролот.

🌴 Урми

Природен засладувач, полн со влакна што помагаат на дигестијата.
Содржат железо, магнезиум, и витамин Б6, важни за енергија и нервен систем.
Даваат брза енергија без нагли осцилации на шеќерот во крвта.

🥕 Морков

Богат со бета-каротен (провитамин А), важен за здрави очи и кожа.
Природен антиоксиданс кој го зајакнува имунитетот.
Ниска калорична вредност, но богат со хранливи материи.

🥥 Кокос

Содржи лауринска киселина која има антивирусно и антибактериско дејство.
Добар извор на влакна и здрави масти за долготрајна ситост.

🌾 Овес

Богат со бета-глукан, вид на влакна што го намалува холестеролот и ги стабилизира шеќерите во крвта.
Поддржува здраво варење и дава чувство на ситост.
Идеален за одржување на енергија низ денот.

🥜 Путер од бадем

Полн со витамин Е, антиоксиданс кој го штити телото од оксидативен стрес.
Богат со здрави масти, калциум, магнезиум и протеини.
Одлична опција за поддршка на мускулите и коските.

Доколку ти се јаде благо, ама не многу благо, сакаш десерт, ама да е благ, тогаш овие бомбици со морков се совршениот избор за тебе! Ги исполнуваат сите услови: брзи се, лесни, здрави, полни со енергија, плус секако, супервкусни! Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🥕 Бомбици со Морков 🥕Прочитај повеќе »

🥕 Бомбици со Морков 🥕 Read More »

🫐 Печени палачинки во тава 🫐

LinkInBio, Палачинки, Појадок, Рецепти / Марија

Како некој кој постојано бара начини побрзо да подготви појадок или вечера, овие печени палачинки во тава мислам дека ќе ми станат нов најдобар пријател! Не само што се брзи и лесни за подготовка, туку се и многу практични. Целата смеса за палачинки едноставно ја истурате во тава за печење, додавате некое овошје по избор, јатки или црно чоколадо и ги ставате на печење. Иако не се класични, сепак сметам дека влегуваат во низата рецепти за палачинки. Она што исто е супер кај овие печени палачинки во тава е тоа што се одлични за meal-prep. Стојат во фрижидер, а може и да се замрзнат, па потоа да се стоплат на тостер за брз и многу лесен оброк.

Исто така, немаат воопшто масло, па се погодни и за најстрогите пости. Имаат 9 состојки што со сигурност ги имате дома а за да ја подготвите смесата, потребен ви е само блендер.

Зошто овие печени палачинки во тава

Не знам дали вашето семејство сака палачинки исто колку моето (Каи особено), но кај нас палачинки се дел од утринскиот викенд ритуал. Но, превртувањето обични палачинки може да одземе доста време (особено ако правеите за повеќе гладни усти). Со овие печени палачинки во тава го немате постојаниот натпревар со времето. Плус, може да направите голема количина за целото семејство (или повеќе луѓе) во една голема тава. А може и да ги прилагодите со омилените додатоци и преливи на секого. Искрено, ова е генијално!

Јас ги правев со боровинки и малини – затоа што Каи ги обожава. Но, вие можете да ги направите со чоколадни капки, јагоди, банана, јатки, семки, чиа џем, домашна нутела или со булвално се што ќе ви посака душата.

Како да ги направите овие палачинки?

Мојот рецепт е поздрав и многу лесен, со само 9 состојки. Немаат глутен бидејќи ги правев со овесно брашно, но можете да ги направите со какво брашно сакате, доклку не внимавате на тоа. Јас ги правев во блендер и буквално смесата е готова за две минути. Потоа печете уште 150тина и тоа е тоа. Имате готов оброк! Целиот рецепт и начинот на подготовка го имате во рецептот подолу, а имате и кратко видео од подготовката кај мене на инстаграм во reels.

Каи јаде печени палачинки во тава со грчки јогурт и путер од кикирики

Доколку сакаш да палачинки, но ете баш денес не се чувствуваш дека сакаш да стоиш и да вртиш палачинки на тавче, тогаш дефинитивно треба да ги пробаш овие печени палачинки во тава. Многу се брзи, лесни и секако - вкусни! Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🫐 Печени палачинки во тава 🫐Прочитај повеќе »

🫐 Печени палачинки во тава 🫐 Read More »

🍫 Домашни протеински барови 🍫

LinkInBio, Барови, Десерти, Рецепти, Ужина / Марија

Во време кога број еден тема на дискусија е протеинот и кога велнес индустријата царува со производство на брзи протеински оброци, ужини и особено протеински барови, моите домашните протеински барови се совршено решение за сите што сакаат здрава алтернатива без вештачки состојки и рафинирани шеќери. Овие протеински барови не само што се вкусни и богати со растителни протеини, туку имаат и здрави масти и диетески влакна и минерали што го хранат телото во текот на целиот ден.

Моќна комбинација на нутриенти

Моите протеински барови содржат природни, хранливи состојки кои обезбедуваат балансирана енергија:

Протеин и есенцијални аминокиселини

Протеин во прав и колаген – поддржуваат мускулен раст, регенерација и здравје на кожата, косата и ноктите.

Киноа – комплетен растителен протеин што содржи сите девет есенцијални аминокиселини.
Наут – одличен извор на растителен протеин и влакна, помага во стабилизирање на шеќерот во крвта.

Здрави масти за одржлива енергија

Путер од кикирики – богат со мононезаситени масти, магнезиум и витамин Е.
Семе од коноп и тиква – содржат протеини но и омега-3 и омега-6 масни киселини, кои помагаат во намалување на воспаленијата и поддржуваат здравје на срцето.

Природен извор на енергија

Урми – природно слатки, богати со растителни влакна, калиум и антиоксиданси, обезбедуваат долготрајна енергија.

Зошто да ги изберете моите протеински барови?

Моите домашни протеински барови се совршено избалансирани – едно барче има 13 грама протеин и 130 калории. Но исто така, 8 грама јаглехидрат, 5 грама масти и 3.5 грама растителни влакна! Ова ги прави погодни за секој што бара здрава опција за зголемување на дневниот внес на протеини, и да остане енергичен!

✔ Поевтини се од купечките
✔ Одличен пред или по тренинг или за ужинка
✔ Заситуваат и даваат долготрајна енергија
✔ Богати со растителни влакна за подобра дигестија
✔ Природно засладени, без рафинирани шеќери и вештачки адитиви
✔ Вкусни се

И покрај се ова што набројав, овие протеински барови исто така се прават многу лесно. Откако ќе ги изблендате сите состојки, ги ставате во замрзнувач да се стегнат околу еден час и тоа е тоа. Целата постапка ја имате подолу во постот а кај мене на инстаграм во reels имате и кратко видео.

Доколку и често посегнуваш по протеински барови за ужинка, тогаш ти препорачувам да си ги направиш овие домашни протеински барови. Здрави се, вкусни, избалансирани и се прават многу лесно. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍫 Домашни протеински барови 🍫Прочитај повеќе »

🍫 Домашни протеински барови 🍫 Read More »

🌶️ Протеинска пита со многу зеленчук 🌶️

LinkInBio, Лепчиња, Рецепти, Ручек, Солени лепчиња / Марија

Оваа протеинска пита со многу зеленчук, ја направив сосем случајно, ама излезе толку вкусна што стана дел од нашето редовно мени. Супер е за појадок, ручек па дури и вечера. Богата е со растителни протеини, диететски влакна, витамини и минерали. Со еден збор, има се што ви треба за богат и нутритивен оброк.

Јас ја правев со 11 состојки, плус зачини, ама во основа имате 5, и се останато е зеленчук и можете да употребите буквално што ви душа сака. Инаку, оваа протеинска пита е протеинска, затоа што во основата има леќа и тофу, па оттаму и високата протеинска вреност (има 37гр. протеин од порција) и 600 калории.

Брз, здрав и избалансиран ручек

Комбинацијата на леќа, тофу и зеленчук (и печурки како во мојот случај) создава балансиран оброк кој е богат со протеини и влакна, а истовремено многу лесен за подготовка. Плус, супер е тоа што можете да си ја направите од претходната вечер и да имате готов балансиран оброк за следниот ден. Оваа протеинска пита е хранлив, заситувачки и превкусен оброк! Само е важно една работа да не заборавите – да накиснете леќа!

Како да ја направите оваа протеинска пита со многу зеленчук

Еден супер факт за оваа протеинска пита е што се прави во процесор за храна и потребен ви е само тој сад. Буквално ги ставате состојките во него, блендате и мешате и тоа е тоа. Јас зеленчукот малку го зготвев, што е сосем опционално и зависи од зеленчукот што ќе го употребите. Тиквичката и морковот апсолутно можете да ги ставите и свежи и да ви излезе уште побрза. А можете да додадете и свежи или сушени чери (исто врв).

Леќата е супер-храна што често е потценета. Таа е богата со растителни протеини, железо, магнезиум и растителни влакна, што ја прави одлична за одржување на енергијата и за поддршка на дигестивниот систем. Тофуто е исто така одличен извор на растителни протеини, па комбинацијата на овие две состојки, заедно со свеж и сезонски зеленчук, создава оброк кој е подеднакво вкусен и заситувачки.

Неколку совети плус:
– На дното на тавчето за печење ставам малку маслиново и палента, за да не се залепи и за да биде крцкава (доколку тавите ви се лепат, задолжително ставете хартија за печење).
– Користам многу зачини, за уште побогат вкус.
– Од горе наросувам многу сусам.
– Корнфлексот го кршам со рака и го додавам внатре пред печење, за да крцка повеќе.
– Ја јадам со свежа салата за уште повеќе зеленчук и дополнителна свежина.
– Доколку сте љубител на лут сос, препорачувам!

И не само што е вкусна и лесно се вари, оваа протеинска пита е полна со антиоксиданси, витамини и минерали. Без глутен, без млечни производи и без рафинирани масти!

И на кратко тоа е тоа. Оваа протеинска пита со многу зеленчук е навистина превкусна и супер здрава! Можете да си ја комбинирате со зеленчукот што го имате дома и секој пат ќе биде различна, но подеднакво вкусна. Целиот рецепт и начинот на подготовка е објаснет подолу а имате и кратко видео кај мене на инстаграм во reels.

Доколку ти се јаде пита, дефинитивно направи ја оваа пита со спанаќ и тофу. Многу потсеќа на грчката спанакопита, па можеби и да е повкусна. Не е мрсна (внимаваме на маслото, нели) а богата е со протеини, витамини, минерали и антиоксиданси. Секако, доколку ја направиш, тагни го мојот инстаграм профил @marijamarijamarija  или остави ми коментар под овој пост.

…

🌶️ Протеинска пита со многу зеленчук 🌶️Прочитај повеќе »

🌶️ Протеинска пита со многу зеленчук 🌶️ Read More »

🍫 Чоколаден пудинг со тофу и киноа 🍫

LinkInBio, Десерти, Додатоци, Рецепти, Сосови, макала, намази и кремови / Марија

Овој чоколаден пудинг со тофу и киноа е кремаст, здрав и навистина неодолив! Плус богат со протеини и диететски влакна. Иако веќе имам два протеински пудинзи (чоко пудинг) и (двослоен пудинг) ова е уште една варијанта. Има само 6 состојки, се прави буквално прелесно а е навистина многу кремаст и вкусен. Засладен е само со урми што го прави уште поздрав и има само 370 калории и 15 грама протеин! Во однос на подготовката – јас го правам со свилено тофу за најкремаста текстура, но може да се направи и со обично тофу, но треба да додадете повеќе млеко, да го блендате подолго и крајниот резултат да биде silky smooth.

Зошто овој чоколаден пудинг со тофу и киноа е совршен избор?

✅ Полн со растителни протеини
✅ Кремаст и нежен
✅ Без млеко и без глутен
✅ Без вештачки засладувачи
✅ Лесен за подготовка – само неколку состојки и блендер, и имаш фантастичен десерт!

Вкусен, кремаст и неодоливо вкусен (а сепак здрав)!

Овој чоколаден пудинг со тофу и киноа е совршен баланс меѓу здраво и вкусно. Киноата му дава блага оревеста нота и дополнителна кремавост, додека свиленкастото тофу го прави нежно кремаст. Какаото му дава длабока чоколадна арома, а урмите го прават доволно благ, но без вишок шеќери. Тоа значи дека можеш да уживаш во секоја лажичка без грижа на совест! Кога последен пат си јадел таков пудинг?

Она што го прави овој десерт посебен е неговата хранлива и нутритивна вредност. Киноата е супер-храна богата со растителни протеини, железо и влакна, а тофуто додава растителни протеини, квалитетни аминокиселини и здрави масти. Ова не е само десерт – тоа е енергетски оброк кој ќе те засити и ќе ти даде сила во текот на денот. Без разлика дали го јадеш како здрав појадок, попладневна ужинка или вечерен десерт, овој чоколаден пудинг е идеален избор за сите што сакаат да се хранат подобро, а сепак да уживаат во неодоливи вкусови.

Целиот рецепт и начинот на подготовка го има подолу во рецептот, а имам и видео од целата подготовка кај мене на инстаграм во reels. Ова е десерт што ќе го обожаваш – лесен, хранлив и совршено чоколаден! 😍

Доколку сакаш брза и протеинска ужинка со богат чоколаден вкус, а не сакаш да јадеш купечки пудинг полн со процесирани шеќери, тогаш мојот чоколаден пудинг со тофу и киноа е тоа што ти треба! Многу вкусен и кремаст, со 15 грама протеин и само 370 калории, минимално засладен се прави буквално за неколку минути. Така што, доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍫 Чоколаден пудинг со тофу и киноа 🍫Прочитај повеќе »

🍫 Чоколаден пудинг со тофу и киноа 🍫 Read More »

🍪 Колачиња со Леќа 🍪

LinkInBio, Десерти, Колачиња и бисквити, Рецепти, Ужина / Марија

Овие чоколадни колачиња со леќа се еден од оние „ај да пробам“ рецепти што излегуваат неверојатно вкусни! По структура се како познатите chocolate-chip cookies, само полни со протеини, диететски влакна, витамини и минерали. И нормално, природно засладени! Во едно колаче има 7,8 грама растителен протеин и 234 калории што ги прави супер ужинка!

Не ви велам дека се најдобрите колачиња на светот, ама ви велам дека треба да ги пробате и да заклучите дека се едни од најдобрите колачиња на светот!

Ем колаче, ем здраво: магијата на леќата!

Вообичаено, кога мислиме на колаче (или каков било десерт), обично замислуваме нешто слатко, но ретко замислуваме нешто здраво. Пријзнај!

А сега ако ти кажам дека колачињата можат да бидат и вкусни, да те заблажат, но и да бидат корисни за твоето здравје? Епа такви се моите колачиња со леќа – неочекувана комбинација, но совршен баланс на вкус и хранливост.

Зошто баш овие колачиња со леќа?

Леќата e позната по своите бројни здравствени придобивки, и според мене, е вистински суперхерој во светот на храната. Иако многумина ја потценуваат, или не ја консумираат, леќата е полна со растителни протеини, растителни влакна и минерали кои му даваат енергија и сила на твоето тело. Но, што ја прави уникатна и уште поинтересна е тоа што лесно може да биде манџа, вафли, лепче, или пак сочни, меки и неодоливи колачиња.

Со секое залче, ќе почувствуваш вистинско слатко задоволство. Е сега, можеби нема да почувствуваш, ама ќе знаеш колку природните состојки (во случајов леќата) можат да бидат здрави но и неверојатно вкусни. Овие колачиња со леќа, не само што ќе ја задоволи твојата потреба од благо, туку и ќе ти дадат причина повеќе да уживаш без грижа на совест.

Совршени се за со утринско кафе или чај, за ужинка во текот на денот, а супер се и за да ги изненадиш пријателите за време на празниците!

И мислам дека многу ги испофалив, така што ако немате леќа, набавете под итно. Целиот рецепт го имате подолу во овој пост а имате и кратко видео кај мене на инстаграм во reels.

Доколку си љубител на колачиња, но сакаш да се храниш поздраво, овој рецепт е за тебе! Моите колачиња со леќа се многу вкусен, брз, лесен и мноооогу здрав рецепт, во којшто верувај ми, ќе се заљубив на прво залче. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍪 Колачиња со Леќа 🍪Прочитај повеќе »

🍪 Колачиња со Леќа 🍪 Read More »

🍏 Колаче со јаболка 🍏

LinkInBio, Десерти, Колачиња и бисквити, Рецепти, Ужина / Марија

Ова колаче со јаболка, е вистинско слатко задоволство што ќе ви го нахрани телото ама и душата! Плус, има ли нешто поубаво од мирис на печено јаболко?

Иако ова не ми е прво колаче со јаболка, сепак е поинакво и многу, ама МНОГУ вкусно! Со само 5 состојки (и. мислам дека сум сигурна дека ги имате по дома) ова колаче со јаболка не е само десерт – туку може да биде и вистински здрава ужинка што ќе ве исполни со енергија!

Се прави брзо и лесно и целиот рецепт и начинот на подготовка го имате подолу во овој пост, а имате и кратко видео кај мене на инстаграм во reels

Јас го прелив со стопено црно чоколадо, (бидејќи животот нема логика без црно чоколадо) но вие можете и да го послужите без чоколадо.

Зошто токму ова колаче со јаболка?

Оваа комбинација на состојки не само што има неодолив вкус, туку има и многу нутритивни придобивки. За секоја состојка имам многу пишувано во моите други објави и рецепти, но еве овде на кратко:

Јаболката се природен извор на влакна и антиоксиданси коишто го помагаат варењето и го штитат телото од штетните слободни радикали.

Урмите се природен засладувач, што ја намалува потребата одкористење на рафиниран шеќер, и се богати со магнезиум и железо, коишто го поддржуваат енергетскиот баланс.

Оревите се уште една суперхрана и суперизвор на здрави масти, кои го подобруваат функционирањето на мозокот и го намалуваат лошиот холестерол.

Овесните снегулки обезбедуваат комплексни јаглехидрати кои постепено ослободуваат енергија и ве држат сити подолго.

Индивидуални убави вкусови споени во еден супервкус!

Мирис на печени јаболка со цимет, комбиниран со карамелизирана слаткост од урмите и крцкавиот вкус на оревите, надополнети со текстура од овесните снегулки што секое залче го прави вистинско уживање. И признавам, му дадов многу епитети ама вистина е многу освежително и вкусно и дефинитвно треба да се проба. Плус, одлично е и за:
☕️ Појадок со кафе или чај,
🍫 Брза ужинка на работа или училиште,
🍰 Десерт што ќе ги воодушеви и гостите

Доколку поздрав и многу ароматичен и вкусен десерт, тогаш те охрабрувам да го направиш което колаче со јаболка. Многу е вкусно и здраво и многу лесно се прави. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍏 Колаче со јаболка 🍏Прочитај повеќе »

🍏 Колаче со јаболка 🍏 Read More »

🍯 Наутела – Нутела од наут 🍯

LinkInBio, Додатоци, Рецепти, Сосови, макала, намази и кремови / Марија

Оваа моја Наутела – Нутела од Наут, освен што има супер фраерско име, е многу здрава алтернатива за сите љубители на познатиот сладок крем! 🍫

Е сега ќе речете „Што ти текна нутела од наут, кога веќе имаш ФЕНОМЕНАЛНА домашна нутела?“ И еве го мојот одговор… Мојата Наутела – Нутела од Наут е богата со протеини, диететски влакна а има многу помалку масти од онаа со лешник што е навистина феноменална.

Едноставно сега имате две опции една со лешник и оваа со наут. Зависно од преференциите и секако, расположливите намирници дома. Инаку оваа Наутела – Нутела од Наут има само 5 состојки и се прави многу лесно. Целиот рецепт го имате подолу во оваа објава, а постапката можете да ја видите и кај мене на инстаграм во reels.

Што ја прави оваа Наутела посебна?

Наут: Богат со растителни протеини, влакна и железо, наутот е идеален за енергичен почеток на денот. Ја поттикнува дигестијата и ви помага да се чувствувате сити подолго.
Урми: Полни со природни шеќери, антиоксиданти и минерали како магнезиум и калиум – урмите се вистински извор на здрава енергија.
Рогач: Оваа суперхранлива замена за какао е богата со калциум, нема кофеин, и го поддржува здравјето на коските и срцето. Секако, можете да употребите и квалитетно какао, но јас се решив за рогач за да може овој рецепт да биде baby-friendly.

Секако, слободно рогачот можете да го замените со Какао, доколку кремчево не го јадат деца под 2 год.

Зошто да ја направите оваа Наутела – Нутела од Наут?

Затоа што е многу вкусна и здрава!! Оваа Наутелa – Нутела од Наут не содржи рафиниран шеќер, масло или дополнителни додадоци. Има многу помало количество на масти во однос на лешниците и плус е:
✅ 100% растителна
✅ Богата со протеини и нутриенти
✅ Вкусна и кремаста
✅ Лесна за подготовка
✅ Со гооолем потенцијал да ви стане новиот омилен рецепт

Како да ја искомбинирате мојата Наутела – Нутела од Наут?

Како и секој друг чоколаден намаз, така и оваа Наутела – Нутела од Наут, можете да ја јадете во различни компбинации, па еве листа на сите мои рецепти со коишто можете да ја искомбинирате:

🥞 Палачинки
🧁 Мафини
🥨 Крекери
🍩 Крофни
🍞 Или едноставно да си ја намачкате на лепче или пак на свежо овошје!

И иако сакам да ви пишувам уште причини зошто и идеи како, мислам дека нема потреба. Оставам на вас да ја направите и да ми пишете мислење!

Доколку си љубител на чоколаден крем, но сакаш поздрава варијанта со ЗНАЧИТЕЛНО повеќе протеини - тогаш мојата Наутела - Нутела од Наут е совршена за тебе! Многу е вкусна и здрава и дефинитивно те охрабрувам да ја направиш и пробаш. Секако, доколку ја направиш, тагни го мојот инстаграм профил @marijamarijamarija или остави мо коменар под овој пост.

…

🍯 Наутела – Нутела од наут 🍯Прочитај повеќе »

🍯 Наутела – Нутела од наут 🍯 Read More »

🧁 Протеински мафини со леќа и јаболко 🧁

LinkInBio, Десерти, Мафини, Појадок, Рецепти, Ужина / Марија

Многу е убаво кога може да се направат мафини од се, па дури и вакви мафини со леќа и јаболко! Богати со растителни протеини и диететски влакна, овие мафини со леќа и јаболко се одлични за целото семејство (и за сите пребирливи јадачи што не сакаат да јадат леќа).

Се прават многу лесно и едноставно, супер се за meal-prep и стојат во фрижидер неколку дена – што значи можете да имате готов, домашен и здрав појадок или ужина следните 2-3 дена.

Зошто да ги направите овие мафини со леќа и јаболко

Најпрво, бидејќи се многу здрави, а потоа бидејќи се и многу вкусни! Во комбинација со малку путер од кикиритки и свежо овошје се супер појадок или ужинка за вас или вашите деца! Плус, мафини како мафини – лесни се за пакување, носење и секако – јадење!

Зошто баш оваа комбинација

Од толку многу објави, веќе не сум сигурна во која имам детално пишувано за леќата, во која за семките тиква. Но ајде на кратко… Комбинацијата на состојки во овие мафини од леќа и јаболко е супер хранлива и може да го зајакне имунитетот, да помогне во варењето, да ви даде енергија и да го заштити срцето и нервниот систем. А еве и зошто:

Леќа – богата со протеини, растителни влакна, железо, и магнезиум. Помага во подобрување на варењето на храната, стабилизирање на нивото на шеќерот во крвта и поддржува здрава функција на срцето.

Семки од тиква – полни со антиоксиданти, цинк, магнезиум и здрави масти. Цинкот е важен за имунитетот, додека магнезиумот го поддржува здравјето на срцето и нервниот систем.

Јаболко – извор на растителни влакна, особено пектин, кој помага во варењето и ги чисти токсините од телото. Јаболкото содржи и витамини, како витамин Ц, кој го зајакнува имунолошкиот систем.

Мед – има антибактериски и антиоксидативни својства. Го подобрува имунитетот и може да помогне при воспаленија и инфекции. Исто така, медот е природен извор на енергија.

Супер оброк и за вашите најмали

Доколку дома имате мал или пребирлив јадач, овие мафини со леќа и јаболко се одличен начин за да послуќите леќа, доколку манџата е одбиена. Многу се вкусни и ги имаат сите потребни хранливи материи не само за вас туку и за вашето малечко. Плус, стојат во фрижидер 5 дена, така што се супер и за meal-prep. Целиот рецепт и начинот на подготовка го имате подолу а кај мене на инстаграм во reels имате и кратко видео за подготовка.

Да ве потсетам 👇🏻

Неколку фантастични рецепти со леќа

Бургер од леќа
Крекери од леќа
Вафли од леќа (што може да бидат и палачинки)
Паста со леќа и таан
„Месо“ од леќа и киноа
Чили леќа (апсолутниот фаворит на сите)
Ќофтиња од леќа
Лепче од леќа
Ролат од леќа

Неколку фантастични рецепти со семки тиква

И додека е очигледно дека МНОГУ користам леќа, треба малку повеќе да ги активирам и семките од тиква, и оваа листа да се збогати! Сега за сега, тука сме:

Доколку си љубител на мафини или пак не јадеш леќа, овие мафини со леќа и јаболко се за тебе! Звучи контрадикторно ама вреди да се пробаат - чеќата не се чувствува а се многу здрави. Плус, се прават лесно и многу се вкусни и сочни. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🧁 Протеински мафини со леќа и јаболко 🧁Прочитај повеќе »

🧁 Протеински мафини со леќа и јаболко 🧁 Read More »

🍪 Брзи Таан бомбици 🍪

LinkInBio, Бомбици, Десерти, Рецепти / Марија

Овие брзи таан бомбици се навистина супер-брз рецепт за кога немате воопшто време, инспирација или премногу расположливи состојки дома. Се прават навистина лесно (и да, брзо) и се многу вкусни! Не се печат (само се ладат) и стојат во фрижидер неколку денови (доколку не им подлегнете и ги изедете побрзо).

Но, имајте предвид дека иако се многу вкусни и поздрави од купечките десерти, сепак се доста калорични. Па, доколку внимавате на калорискиот внес, моја препорака е да се задржите на само една во денот. Тешко е, знам, но обидете се (јас се трудам) 😃😃

Зошто да ги направите моите брзи таан бомбици

🥰 Причина број 1: Сте погрешиле ли некогаш со некој од моите десерти? Не, епа еве ви една причина!
⏳ Причина број 2: Имате ли часови за да печете торти и колачи? Не, епа еве ви уште една причина!
🥑 Причина број 3: Имате ли секогаш многу намирници за да правите десерти со 10+ состојки? Не, епа еве, уште една причина!
🍡 Причина број 4: Дали е подобро да јадете купечки колачи со процесиран шеќер? Секако дека не, за ова не треба ни да дискутираме, па е уште една причина!
🌰 Причина број 5: Дали секогаш го знаете составот на десертите што ги консумирате? Не, епа составот на овие бомбици го знаете, а богами ќе ги дознаете и сите бенефити, доколку скролнете малку подолу во постов!

Лесно какако 1+1

Блендер/процесор ќе ви треба единствено за да ги сомелете бадемите. Доколку користите готово брашно, или претходно сомелени бадеми, тогаш ви треба само еден подлабок сад. Ги мешате состојките, формирате топчиња и ставате во фрижидер. Да, толку едноставно. Инаку, целиот рецепт и начинот на подготовка го имате подолу во овој пост, а кај мене на инстаграм во reels имате и кратко видео од подготовката. И тоа е тоа! Ве чекам со коментари…

Доколку си љубител на десерти што не се печат и доколку сакаш бомбици, ова е уште еден рецепт за тебе! Моите бомбици со таан се супервкусни и суперлесни. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍪 Брзи Таан бомбици 🍪Прочитај повеќе »

🍪 Брзи Таан бомбици 🍪 Read More »

LinkInBio

Зошто гранола со портокал?

Потсетување: Домашна vs. купечка гранола

Како да ги направите овие протеински зеленчукови палачинки?

Сите придобивки од овие палачинки?

Зошто да ги направите овие бомбици со морков

А еве и зошто:

🌰 Ореви

🌴 Урми

🥕 Морков

🥥 Кокос

🌾 Овес

🥜 Путер од бадем

Зошто овие печени палачинки во тава

Како да ги направите овие палачинки?

Моќна комбинација на нутриенти

Зошто да ги изберете моите протеински барови?

Брз, здрав и избалансиран ручек

Како да ја направите оваа протеинска пита со многу зеленчук

Зошто овој чоколаден пудинг со тофу и киноа е совршен избор?

Вкусен, кремаст и неодоливо вкусен (а сепак здрав)!

Ем колаче, ем здраво: магијата на леќата!

Зошто баш овие колачиња со леќа?

Зошто токму ова колаче со јаболка?

Индивидуални убави вкусови споени во еден супервкус!

Што ја прави оваа Наутела посебна?

Зошто да ја направите оваа Наутела – Нутела од Наут?

Како да ја искомбинирате мојата Наутела – Нутела од Наут?

Зошто да ги направите овие мафини со леќа и јаболко

Зошто баш оваа комбинација

Супер оброк и за вашите најмали

Да ве потсетам 👇🏻

Неколку фантастични рецепти со леќа

Неколку фантастични рецепти со семки тиква

Зошто да ги направите моите брзи таан бомбици

Лесно какако 1+1

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.