LinkInBio Archives - Marija Marija Marija

🧆 Протеински Палента Топчиња 🧆

Оставете коментар / LinkInBio, Појадок, Рецепти, Ручек, Ужина / Марија

Искрено, овие протеински палента топчиња не беа рецепт што го планирав. Од малку познати факти за мене, издвојувам дека ич не сум љубител на палента!

Ама, Каи многу сака палента и секој пат пробувам нови варинајти и комбинации со палента. Па така настанаа и овие протеински палента топчиња. Во еден од оние денови кога фрижидерот не е сосем празен… ама не те инспирира. Освен палента, имав и неколку состојки што секогаш ги чувам „за секој случај“ и желба да направам нешто брзо, хранливо и различно од вообичаеното.

И како за некој што не сака палента, решив дека сепак ќе направам нешто едноставно а вкусно. Нешто крцкаво однадвор, меко одвнатре. Нешто што ќе ме држи сита подолго.

И така настанаа овие предобри протеински палента топчиња! На Каи вообичаено палентата му ја правам со котиџ или грки јогурт, ама оваа протеинска верзија денес е со крскаво тофу! Пре-до-бри!

Ако се искомбинираат со свежа салата (и уште малце тофу) се супер ручек. Јас ги јадев за појадок, со протеински хумус и свежа краставичка, ама може и да бидат супер ужинка. Баш се лапни-голтни. Лесно се прават и стојат во фрижидер (иако кај нас не издржаа). Едно топче има 41 калорија и 2.2 грама растителен протеин! А целиот рецепт и начинот на подготовка го има подолу во овој пост и кај мене на инстаграм во reels.

Зошто овие протеински палента топчиња?

Затоа што некој што не јаде палента ви кажува дека се многу вкусни! Навистина се. Но и затоа што

се прават од едноставни состојки
можеш да ги адаптираш според вкус
одлични се и за возрасни и за деца
совршени се кога сакаш нешто „comfort“, ама сепак хранливо

А кога велам можеш да ги адаптираш според вкус, мислам на тоа дека можеш да сакаш какви било додатоци, или друг извор на протеин и пак да добиеш вкусен оброк. Иако, јас дефинитивно препорачувам да ја пробаш прво оваа комбинација!

Така што, доколку сакаш брз и едноставен рецепт, што не одзема премногу време, богат е со растителен протеин и диететски влакна, вусен е и различен, тогаш дефинитивно направи ги!

Можеби најубавиот дел од овој рецепт не е само вкусот, туку чувството дека со малку состојки можеш да направиш нешто што навистина ќе ти го разубави денот. Нешто едноставно, а толку задоволувачко. Ако ги пробаш, ќе ми биде баш драго да ми пишеш како ти испаднале. Или уште подобро, во која твоја верзија ќе ги претвориш…

Доколку сакаш палента, направи ги овие протеински палента топчиња. Доколку не сакаш палента, тогаш дефинитивно направи ги овие палента топчиња - ќе те предомислам (мене ме предомислија!) И секако, доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🧆 Протеински Палента Топчиња 🧆Прочитај повеќе »

🧆 Протеински Палента Топчиња 🧆 Read More »

🍓 Брауни со Малини 🍓

LinkInBio, Брауни, Десерти, Рецепти / Марија

Ова брауни со малини е еден многу стар рецепт (уште од 2011, пред да имам сајт) и го правев како дел од серијалот „10 браунис од овошје, зеченчук и цели зрна“. Епа 5 години подоцна, еве ги сите, едно по едно на сајт. Плус, Каи мораше да го проба и сакаше заедно да го правиме па немав избор 🙂

Инаку, постојат десерти што ги јадеме „набрзина“, со чувство дека правиме нешто погрешно. Но, постојат десерти што ги јадеме свесно, со уживање, баланс и благодарност. Епа, ова брауни со малини се токму такво.

Совршена комбинација од богато чоколадо и освежителна, киселкаста малина. Длабоко, сочно, меко одвнатре, со текстура што се топи во уста. А сепак, направено од состојки што го поддржуваат телото, наместо да го оптоваруваат. Целиот рецепт е подолу во оваа објава, а имате и кратко видео од подготовката, кај мене на инстаграм во reels

И пак ќе повторам, многу сум среќна што буквално во секој мој рецепт има многу овошје или зеленчук (понекогаш и тоа и тоа).

Како да го направите ова брауни со малини

Браунито има вкупно 8 состојки и се прави многу лесно, во еден сад. Јас како мајка и жена што работи неколку работи, сметам дека не смееме да бидеме робови на оброци што се подготвуваат со саати. За мене колку побрзо, толку подобро. Бонус е ако нема многу садови за миење :))

Е сега, од нутриционистички аспект, како некој што работи со жени кои сакаат да намалат тежина без рестрикции и казни, верувам во едно правило:
кога десертот е направен со квалитетни целосни состојки, тој станува дел од балансиран начин на исхрана, секако во модерација.

Па така, доколку си во фаза на регулирање на тежина, намалување на воспаление или едноставно сакаш подобар однос со храната, ваквите рецепти се мостот помеѓу „сакам нешто благо“ и „сакам да се чувствувам добро“. Затоа што јас не верувам во елиминација. Јас верувам во подобри избори.

Зошто баш комбинацијата чоколадо и малина?

Кога го подготвував серијалот „10 браунис од овошје, зеченчук и цели зрна“ немав идеја што конкретно правам, само сакав да ги прибам сите чудни комбинации на овошје, зеленлук и цели зрна што можат да бидат брауни. И ова ми беше меѓу фаворитите.

Чоколадото дава длабочина, богатство и чувство на сатисфакција. Малините додаваат свежина, природна сладост и лесна киселост што го балансира вкусот.

И не е само вкусот во прашање. Малините се богати со:

антиоксиданси
растителни влакна
природни фитонутриенти

Комбинацијата со квалитетно какао создава десерт што е интензивен по вкус, но не претежок за дигестијата.

Доколку сакаш поздраво благо, длабок, интензивен чоколаден вкус што во исто време ќе те освежи, тогаш моето брауни со малини е совршено за тебе. Многу е вкусно, и сочно и се прави навистина лесно и брзо. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍓 Брауни со Малини 🍓Прочитај повеќе »

🍓 Брауни со Малини 🍓 Read More »

🍓 Гранола со црвено овошје 🍓

LinkInBio, Гранола, Појадок, Рецепти / Марија

Оваа гранола со црвено овошје е уште еден гламурозен изум во категоријата на граноли. И како што е веќе добро познато за мене и моите гранола експерименти, секој нов гранола вкус, за мене е нова авантура. И многу сум горда на сите мои граноли. Богати и уникатни на вкус – и буквално за сечиј вкус! Без разлика дали сакате гранола со портокал, со јаболко, со тиква, со таан, со хељда, со чоколадо, со Киноа, со морков, со сусам и суви кајсии, или пак можеби сакате поинаква гранола авантура во форма на чашки, или пак можеби солена гранола, мислам дека сетилата ќе ви бидат задоволени.

Инаку, за мене има нешто посебно во домашната гранола. Мирисот додека се пече, но и чувството дека сум направила нешто добро за себе. Оваа антиоксидантска гранола со црвено овошје не е само вкусен појадок – таа е внимателно избалансирана комбинација на состојки што го поддржуваат телото одвнатре.

Зошто гранола со црвено овошје?

Малините, капините, боровинките, вишните и рибизлите се вистински шампиони кога станува збор за антиоксиданси. Богати се со полифеноли и антоцијанини – соединенија што го штитат телото од оксидативен стрес, го намалуваат воспалението и придонесуваат за здравје на срцето, мозокот и кожата. Редовната консумација на вакво овошје е поврзана и со подобра регулација на шеќерот во крвта и подобрена когнитивна функција. И само е логично дека треба да станат гранола, нели? Единствено нелогично е зошто до сега ја немам направено оваа гранола со црвено овошје…

Инаку, овесни снегулки користам секогаш како основа во сите мои граноли, бидејќи обезбедуваат долготрајна ситост и стабилна енергија. Благодарение на бета-глуканите, тие помагаат во намалување на лошиот холестерол, го поддржуваат здравјето на дигестивниот систем и придонесуваат за подобар баланс на апетитот во текот на денот. Изборот на семки и јатки го правам во од, најчество според она каков вкус сакам да добијам и то имам дома. Овој пат, користев пекани и бадеми за здрави масти, растителни протеини и витамин Е. Овие нутриенти се клучни за здраво срце, подобра функција на мозокот и заштита на клетките од предвремено стареење. Дополнително, тие помагаат подолго да се чувствуваме сити и задоволни по оброкот.

Инаку, целиот рецепт и начинот на подготовка, го имате подолу во овој пост, а имате и кратко видео од подготовката кај мене на инстаграм во reels

Повеќе од појадок

Оваа гранола е антиинфламаторна, хранлива и балансирана. Таа го поддржува имунитетот, го негува дигестивниот систем и обезбедува енергија што трае. Совршена е за појадок со јогурт или растително млеко, како додаток на смути, или како брза, но квалитетна ужина во текот на денот. И како и секогаш, не можам доволно да потенцирам да си направите домашна гранола! Таа не е само оброк, таа е навика на грижа за себе. Со контролирани состојки (особено количество на шеќер) домашната гранола е многу, ама сериозно многу подобар избор од која било купечка!

Сакаш брз и здрав појадок или ужинка? Направи си гранола! Не знаеш каква? Направи си ја оваа гранола со црвено овошје! Или која било гранола од мојата колекција (имам многу). Но, доколку сакаш гранола што е многу здрава, освежителна, ароматична, киселкаста и вкусна, тогаш почни овде. Направи ја оваа гранола со црвено овошје. А доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍓 Гранола со црвено овошје 🍓Прочитај повеќе »

🍓 Гранола со црвено овошје 🍓 Read More »

🍰 Чоколадна торта со леќа: Здрава, сочна и полна со протеини 🍰

LinkInBio, Десерти, Рецепти, Торти и тартови / Марија

Оваа чоколадна торта со леќа е одговор на сите загрижени „чокољупци“ :)) Но, ако сме искрени, сите сакаме чоколадна торта, нели? Особено ако е сочна, со богат чоколаден и сладок вкус. Но, често пати токму таква торта знае да ни предизвика вина или грижа на совест…

Иако веќе имам две други чоколадни торти, (една со к иноа, и една роденденска), оваа чоколадна торта со леќа е уште еден начин да уживаш во омилениот десерт без чувство на вина, и тоа со токму таа неочекувана, но неверојатно вкусна и здрава состојка… леќа! Оваа чоколадна торта со леќа е здрава, сочна и богата со протеини, а никој нема да ја забележи „тајната“ состојка.

Епа кога една торта е здрава, тогаш дефинитивно треба да се проба, нели? Не се двоуми, свари си црвена леќа и направи си го ова чоколадно задоволство уште денес.

П.С. мајка ми не јаде леќа (знам, чудно) но оваа торта и беше превкусна и воопшто не ја почувстува леќата!

Зошто леќа?

Леќата е мал, но навистина моќен извор на растителни протеини и влакна. Таа не само што додава хранливост, туку и помага тортата да биде неверојатно сочна и мека, без потреба од големи количини масло или пак јајца. Покрај тоа, леќата е природно безглутенска и е одлична за оние кои сакаат да го намалат внесот на јаглехидрати или да вклучат повеќе растителни влакна во исхраната.

Ова значи дека твојата омилена чоколадна торта сега може да биде и здрав избор, без да го загуби оној класичен, богат чоколаден вкус што сите го сакаме.

Со леќа имам мнооогу рецепти, и еве да те потсетам неколку многу вкусни идеи што можеш да си направиш (ова е секако само дел, слободно пребарај на сајтот)

Инаку, целиот рецепт и начинот на подготовка го има во рецептот подолу, а едно кратко видео има и кај мене во reels на инастаграм.

Зошто мора да ја пробаш оваа чоколадна торта со леќа?

Оваа чоколадна торта не е само вкусна – таа е полн пакет здравје:

Растителни протеин: Леќата обезбедува протеини кои помагаат во одржување на мускулната маса и чувство на ситост.
Диететски Влакна: Помагаат во варење, регулираат шеќер во крвта и ја одржуваат ситоста подолго.
Без глутен и природно засладена: Совршена за луѓе со алергии или оние кои сакаат да намалат шеќер.

Било да планираш роденден, семеен ручек, празничен десерт или едноставно сакаш да се почестиш после работа, оваа чоколадна торта со леќа е практично магична. Може да ги импресионираш твоите пријатели и семејство без да се чувствуваш виновно, а истовремено ќе им понудиш десерт кој е почувствителен кон здравјето, но без компромис на вкусот.

Доколку си љубител на чоколадни торти, но сакаш нешто поинакво, здраво, протеинско и богато со диететски влакна, тогаш оваа чоколадна торта со леќа е дифинитивно за тебе! Те охрабрувам да ја направиш и пробаш најбрзо што можеш, и доколку ја направиш, тагни го мојот инстаграм профил @marijamarijamarija или остави ми коменар под овој пост.

…

🍰 Чоколадна торта со леќа: Здрава, сочна и полна со протеини 🍰Прочитај повеќе »

🍰 Чоколадна торта со леќа: Здрава, сочна и полна со протеини 🍰 Read More »

🍠 Полнети Палачинки од Компир 🍠

LinkInBio, Рецепти, Ручек / Марија

Овие полнети палачинки од компир љубов на прво залче! Плус, се супер идеја за релативно брз ручек. Јас ги правев со мешавина од обичен и сладок компир, но можете да ги направите и само со обичен. Плус, можете да ги полните со што сакате и тоа ги прави одлични! Со што и да ги наполните, ќе бидат подеднакво вкусни. Јас овој пат ги полнев со: млад кромид, морков, брокула, печурки и тофу. И за многу кратко време добив многу вкусен и здрав оброк што може да се искомбинира со салата и хумус, или пак како прилог со друго јадење.

Крцкави се од надвор а меки и сочни од внатре. Може да им ставите и вегански (или обичен) кашкавал и внатрешноста ќе биде уште помека и растеглива. И покрај тоа што велам дека овие полнети палачинки од компир се идеја за ручек, сепак, се супер опција и за појадок, но и за вечера. Слободно наполнете ги и само со тофу, и ќе добиете супер протеински полнети палачинки од компир. Протеини засекогаш!

Како да ги направите овие полнети палачинки од компир?

Сварете го и испасирајте го компирот
Згответе го зеленчукот или соодветно подгответе го полнењето што ќе го изберете
Формирајте палачинки, ставете од смесата, поклопете

Подолу го имате целосниот рецепт и начинот на подготовка а кај мене на инстаграм во reels имате и кратко видео од подготовката.

Зошто да ги пробате овие полнети палачинки од компир?

Од повеќе причини (главните секако се дека се вкусни, дека се прават брзо и дека се многу вкусни):

Имаат супер количество на растителни влакна, антиоксиданси, растителни протеини, витамини и минерали
Имаат релативно малку калории но голема нутритивна густина, што ги прави супер за слабеење.
Немаат глутен, лесни се за варење, не ја оптоваруваат работата на црниот дроб и се идеални за балансирани оброци во здрава исхрана.
Благодарение на комбинацијата на калиум, магнезиум, фосфор и витамин B6, компирот помага во одржување на здрави мускули, коскено ткиво и правилна работа на нервниот систем.
Кога варениот компир ќе се олади, дел од неговиот скроб се трансформира во резистентен скроб – тип на јаглехидрат кој не се вари целосно и служи како храна за добрите бактерии во цревата.

Ова придонесува за подобра дигестија и порамномерно ниво на шеќер во крвта.

Еве уште една идеја за ручек, брз, лесен и многу вкусен! Полнети палачинки од компир. Се прават многу едноставно и може да се полнат со што ти душа сака, па со тоа секој пат ќе имаш различен рецепт! Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🍠 Полнети Палачинки од Компир 🍠Прочитај повеќе »

🍠 Полнети Палачинки од Компир 🍠 Read More »

🫔 Благи Протеински Пити со Оризова хартија 🫔

LinkInBio, Десерти, Рецепти, Слатки лепчиња / Марија

Овие благи протеински пити со оризова хартија се мојот најнов експеримент. И буквално беа тоа, експеримент што излезе многу вкусен и богат со растителни протеини.

Плус, има нешто посебно во моментите кога имаш потреба од нешто слатко, но сакаш да е здраво и да не е премногу тешко. А сепак, нешто што ќе го задоволи апетитот без да ти создаде чувство на вина. Звучи комплицирано бидејќи има многу параметри, нели? Епа баш така, настанаа овие благи протеински пити со оризова хартија. Супер спој на едноставност, креативност и мала доза домашна магија.

Наместо класично тесто, овде оризовата хартија ја има главната улога. Нема глутен и има малку калории а ја прави оваа блага протеинска пита лесна, крцкава и многу интересна.

Но, искористив уште неколку трикови што совршено со вклопија во овој рецепт…

Зошто оваа Благи протеински пити?

Затоа што рецепт за солени веќе имам. Имам и за пролетни ролнички. Додуша, имам и еден рецепт за блага, полнета со печени јаболка. Но оваа верзија е супер затоа што е богата со протеини а има малку калории. Што значи, овие благи протеински пити се идеални за утринско уживање со кафе, појадок пред тренинг, или како здрава алтернатива на класичен десерт. А најубавото? Може да ги модифицирате и да ги направите по ваш вкус. Јас ги правев со банана и црно чоколадо, но можете да ги направите со боровинки или јатки.

Од експеримент до полн погодок

И со овој рецепт, уште една ми се потврди теоријата дека најчесто најдобрите рецепти не се најдраматичните, туку оние што ги правиме со леснотија и само неколку „што-се-нашло“ состојки. Токму такви се и овие благи протеински пити! Мали, благи и совршено едноставни.

И да не го заборавам ТРИКОТ! За секоја пита употребив по два листа оризова хартија. Првата ја натопив во чоколадно млеко од бадем и тоа беше вистински agme changer. Втората ја натопив со вода. Целиот рецепт и начинот на подготовка е објаснет подолу а имате и кратко видео кај мене на инстаграм во reels.

Доколку ти се јаде нешто благо, лесно, не прекалорично и богато со протеини и без глутен, тогаш овие благи протеински пити со оризова хартија се за тебе! Вкусно слатко полнење, што лесно може да се модификува и готови за 10-тина минути! Доколку ги направиш, тагни го мојот инстаграм профил @marijamarijamarija  или остави ми коментар под овој пост.

…

🫔 Благи Протеински Пити со Оризова хартија 🫔Прочитај повеќе »

🫔 Благи Протеински Пити со Оризова хартија 🫔 Read More »

🍎 Есенски бомбици со јаболка 🍎

LinkInBio, Бомбици, Десерти, Рецепти / Марија

Јаболката, циметот и оревите ми се како мала магија во кујната: потсетник на детството, на мирисот од колачињата на баба. Па овие есенски бомбици со јаболка се токму тоа: едноставен, здрав десерт што ја носи целата есен во едно моќно и здраво залче.

Плус, овие есенски бомбици со јаболка супер начин да внесете сезонски состојки во еден многу лесен, хранлив и природно засладен десерт. Не се печат и немаат никаков вештачки шеќери (само урми) и вкус што го храни телото и ја буди душата.

Но ако сум реална, овие бомбици ги направив пред сѐ за Каи. Затоа што обожава бомбици! Па, за мене нема поголема мотивација да експериментирам со вкусови и да знам дека јаде квалитетна ужинка.

Но, ако сум исто така реалана… Не ги јадеше само Каи 😋 затоа што се навистина АМА НАВИСТИНА многу вкусни и декадентни!

Зошто овие бомбици со јаболка?

Покрај тоа што се неверојатно вкусни, овие бомбици се вистинска нутритивна бомбичка. Богати се со омега-3 масни киселини, кои помагаат во јакнење на имунитетот и одржување на здравјето на мозокот и срцето. Ова е особено важно во есенскиот период кога телото природно бара поддршка и енергија. Урмите носат природна енергија и влакна. А јаболкото и портокалот додаваат витамини и антиоксиданси што го освежуваат телото и ја поддржуваат неговата природна енергија.

Вкус на есен во едно залче

И уште еднаш, тука сум да ви покажам дека здравата храна не мора да е комплицирана. Овие бомбици со јаболка се доказ дека со само неколку целосни состојки, малку време и желба, може да имаш ужинка или десерт што ќе те врати во баланс.

Овие есенски бомбици со јаболка се совршени за кога сакаш брза, хранлива ужинка што ќе те засити, ќе ти даде енергија и ќе те потсети дека есента не е само сезона на промени, туку и на грижа за себе.

Од оваа доза излегуваат 16 поголеми бомбици. Целиот рецепт го имаа подолу во постов а кај мене на инстаграм во reels има и кратко видео од подготовката.

Доколку сакаш all-things-autumn и сакаш здрави, брзи и едноставни бомбици, овие бомбици со јаболка се совршени за тебе. Те охрабрувам да ги направиш, бидејќи иммат неодолив есенски вкус што се топи во уста. ! А, доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍎 Есенски бомбици со јаболка 🍎Прочитај повеќе »

🍎 Есенски бомбици со јаболка 🍎 Read More »

🍎 Гранола со Јаболка 🍎

LinkInBio, Гранола, Појадок, Рецепти / Марија

Пред некој ден ми се пријаде гранола (изненадувачки, нели) и сфатив дека имам дури 11 различни рецепти за гранола а се уште го немам објавено рецептот за гранола со јаболка! Голема грешка што веднаш ја исправам. Но мислам дека овој пат сум на време. Септември е точно на средина, летото календарски се уште не е завршено, но сите полека почнуваме да се препуштаме кон есенскиот cozy vibe.

А токму мирисот на печено јаболко со цимет е тој што најмногу потсетува на удобност, спокој и… на есен. Замисли си ја крцкавоста на овесот и јатките, споена со сладоста на јаболката и мирисот на цимет што се шири низ кујната. Секое залче од оваа гранола со јаболка е мало потсетување дека храната не е само гориво, туку и ритуал. Мал подарок за себе уште од рано наутро.

А најдоброто нешто е што нема шеќер. Затоа што знам дека потајно сакаш да си ставиш мед во чинијата во есен. Нели?

Зошто гранола со јаболка?

Мислам дека ќе се сложиш дека вкусот на јаболка со цимет буди една посебна носталгија. Те враќа на моменти кога времето тече побавно… На мирни утра или на семејни оброци. Оваа гранола со јаболка е повеќе од рецепт. Таа е симбол на баланс меѓу здравјето и уживањето, меѓу храната што го негува телото и вкусовите што ја греат душата.

Многу е вкусна, и е суперздрава! А како што кажав и погоре не користев засладувач така што нема шеќер. Па, блажината ќе зависи комплетно од јаболките што ќе ги употребиш. Јас користев црени јаболчиња, но можепш да употребиш какви имаш. Секако, можеш да го адаптираш рецептот и да додадеш и засладувач по желба.

Гранола и одржување на тежината

Гранолите генерално (особено купечките) се прилично калорични и преполни со додадени шеќери. Поради калориската вредност што ја има, гранолата се препорачува да се јаде по 1-2 лажици. Имајте предвид дека и домашните граноли иако се поздрави од купечките се пак се калорични, бидејќи употребувате многу јатки кои сами по себе се калорични.

Иако оваа гранола со јаболка е повеќе ориентирана на семки, сепак е доста калорична. Во оваа гранола со јаболка, од јатки употребив само пекани (јас ги обожувам, но можете да ги замените со ореви). Пеканите (и оревите) и даваат посебен вкус, особено во комбинација со јаболка. Остатокот од енергијата доаѓа од семки од тиква, сончоглед, чиа и ленено семе. Комбинација што носи растителни протеини, корисни влакна и здрави масти што заситуваат подолго. Овесните снегулки додаваат стабилна енергија и помагаат да се одржи рамномерно ниво на шеќер во крвта. Ова значи дека нема нагли падови и напади на глад. Така добив гранола што не е претешка, туку доста хранлива и освежителна. Сепак, мојата препорака е да го задржиш дозирањето од 2 лажици од оброк.

Полека но сигурно станувам „Марија со Тофуто“ и „Марија со Гранолите“ :) Едноставно е, многу сакам гранола и мислам дека постојано ќе експериментирам со различни вкусови и комбинации. Доколку сакаш гранола што вкусна, ароматична, нема шеќер и едноставно вика „Покриј се со меко ќебенце додека ме јадеш“, тогаш не се двоуми. Направи ја оваа гранола со јаболка. А доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍎 Гранола со Јаболка 🍎Прочитај повеќе »

🍎 Гранола со Јаболка 🍎 Read More »

🫔 Пити со Оризова хартија 🫔

LinkInBio, Лепчиња, Рецепти, Ручек, Солени лепчиња, Тортиљи и врапови / Марија

Има јадења кои не само што го хранат стомакот, туку некако успеваат да ја нахранат и душата. Моите пити со оризова хартија полнети со тофу и спанаќ се токму такв: лесни, кревки, но полни со вкус!

Сè почна од желбата да направам некоја безглутенска пита, но во исто време, нешто што ќе биде полесно, и што ќе може да се јаде и топло и ладно, без да тежи, а сепак да биде полно со вкус и текстура.

Оризовата хартија е како платно на кое можеш да насликаш што сакаш. А такво е и тофуто – навидум без вкус, а прима секаков вкус што е му се даде. Е сега прашањето,

Зошто повторно полнење со спанаќ и тофу

Да, веќе имам една пита со спанаќ и тофу, но оваа верзија ја направив поинаква, подноставна и со многу подлабок вкус. Се фокусирав на зачините и аромите за тофуто и не додавав други додатоци.

Така што, ако бараш идеја за вкусен и малку поразличен оброк или мезе, овие пити со оризова хартија се одличен избор. Полни се со хранливи состојки, лесни за подготовка и изгледаат убаво на маса (идеални и за секојдневен ручек, но и кога имаш гости). Инаку, од целата доза во овој рецепт излегуваат 4 големи пити, со вкупно 664 калории и 30 грама протеин. Ова ги прави овие пити со оризова хартија помалку калорични од четврт бурек и со повеќе протеини! Плус, количината е голема, може и да не ја изедете цела порција 🙂 И да, многу подобра опција од бурек!

Зошто токму оризова хартија?

Оризовата хартија е одлична алтернатива за класичното тесто или кори. Без глутен е, брзо се работи со неа и добива убава, лесно крцкава текстура кога се пече. Плус, не тежи во стомакот како некои класични пити. А периодов правам многу рецепти со оризова хартија: солени пролетни ролнички, слатки ролнички со јаболка… И мислам дека низата само ќе ја дополнувам! И да не дожам премногу, целиот рецепт и начинот на подготовка е објаснет подолу а имате и кратко видео кај мене на инстаграм во reels.

Доколку ти се јаде пита или бурек, ама внимаваш на калорискиот внес и сакаш да се храниш малку поздраво (и без глутен) тогаш овие пити со оризова хартија се полн погодок! Полнети се со тофу и спанаќ, богати со протеини, виамини, минерали и диететски влакна и готови за 20 минути! Мислам дека повеќе причини и нема потреба да набројувам. А, да! Превкусни се! Доколку ги направиш, тагни го мојот инстаграм профил @marijamarijamarija  или остави ми коментар под овој пост.

…

🫔 Пити со Оризова хартија 🫔Прочитај повеќе »

🫔 Пити со Оризова хартија 🫔 Read More »

🫓 Крекери од Наут 🫓

LinkInBio, Крекери, Лепчиња, Рецепти / Марија

Овие брзи, лесни и пред се, здрави крекери од наут се твојата следна „грицка“. Направи си ги за ужинка или послужи ги гостите на следната седенка. Одлично одат со хумус или некаков друг намаз но супер се и како додаток со салата. Плус, богати се со растителни протеини, што ниедна купечка грицка не ви го обезбедува, нели? А денес, се се врти околу протеините. Шала на страна, овие крекери од наут се прават навистина многу едноставно и можете да си ги зачините по вкус и да бидете сигурни дека ќе грицкате нешто здраво и нутритивно.

Зошто крекери со наут?

Наутот (заедно со лежата) отсекогаш ми бил еден од омилените „скриени херои“ во кујната. Богат со протеини, растителни влакна, минерали и витамини, тој додава не само нутритивна вредност, туку и прекрасна текстура и вкус. Во овие крекери, наутот е вистинска ѕвезда, им дава суптилна оревеста нота и крцкава текстура.

Инау, идејата за овие крекери од наут се роди еден попладне кога сакав нешто лесно, но сѐ пак посебно за грицкање. Бидејќи избегнувам глутен и брашно, сакав да направам нешто без глутен, со поразличен профил на хранливи материи. Така стигнав до наутот.

Од првиот обид успешни! Едноставни за правење, со само неколку состојки и готови за само петнаесет минути. И што е најважно, сите дома ги одобрија. Дури и најмалите прстиња бараа уште „клекели“!

За целиот рецепт и начинот на подготовка скролнете надолу во овој пост, а секако, кај мене на инстаграм во reels имате и кратко видео од подготовката.

Овие крекери од наут се потсетник дека убавината често лежи во едноставноста. Со неколку состојки и малку љубов, можеш да создадеш нешто што ќе ги зближи сите околу масата. А таму, меѓу тивкиот разговор и звукот на крцкањето, се раѓаат најубавите сеќавања. И тоа е тоа, немам што повеќе да кажам, освен да си ги направиш и да уживаш без грижа на совест!

Доколку и ти како мене сакаш крцкави крекери, тогаш дефинитивно мораш да ги пробаш крекери од наут. Те охрабрувам, бидејќи се многу вкусни и се прават навистина брзо и лесно. Доколку ги направиш, тагни го мојот инстаграм профил @marijamarijamarija  или остави ми коментар под овој пост.

…

🫓 Крекери од Наут 🫓Прочитај повеќе »

🫓 Крекери од Наут 🫓 Read More »

🍊 Гранола со Портокал 🍊

LinkInBio, Гранола, Појадок, Рецепти / Марија

Ако си како мене и сакаш гранола, никако не смееш да ја направиш мојата гранола со портокал. Совршено крцкава, дозирано слатка, но сепак здрава. Одлична за да го започнеш денот, бидејќи не само што ќе те засити, туку и ќе ти го крене расположението. Се прашуваш зошто никако не смееш да ја направиш? Паааа затоа што има потенцијал да ти стане опсесија 🙂

Знам, знам, за секоја следна гранола го пишувам истото, верувам дека е до мене. Ама вистина секој нов вкус, за мене е нова авантура. Па така, по гранолата со тиква, со таан, со хељда, со чоколадо, со Киноа, со морков, со сусам и суви кајсии, гранола чашките, и секако солената гранола, оваа гранола со портокал е уште едно вкусно доживување.

Зошто гранола со портокал?

Прво, ајде да бидеме искрени. Мирисот на свежо рендана кора од портокал има некоја посебна магија. Го буди сетилото за мирис, слично како мирисот на печено јаболко со цимет, нели? А кога тој мирис ќе се спои со вкуснот на печен орев, карамелниот вкус на мед, аромите на ѓумбир, кардамом, цимет и малку ванила… верувај ми, нема подобар начин да го започнеш денот.

И така, ако си љубител на гранола, оваа верзија со портокал, пријатно ќе те изненади. Има богат поцитрусен, вкус и поинаква свежина од сите други граноли до сега. Со добар додаток, доволно е богата за да биде супер појадок – не само ужинка.

Потсетување: Домашна vs. купечка гранола

Мислам дека во секоја објава со гранола го кажувам ова, па ајде и овде да се потсетиме зошто сакам сама да си правам гранола:

Ја контролирам количината шеќер. Многу од купечките граноли се преполни со додадени шеќери и сирупи. Кога ја правам дома, користам сируп од умри, мед или јаворов сируп – и толтоа во ограничена количина, без претерување.
Ги бирам состојките. Сакам да знам што има во мојата чинија. Целосно зрнести овесни снегулки, органски јатки и семиња… и секако – свежо рендана кора од органски портокал.
Го добивам вкусот што го сакам. Ако сакам повеќе крцкава гранола – ја печам малку подолго. Можеш да си играш со текстура и вкус – и тоа е вистинската убавина на домашната гранола.

Сакаш гранола? И јас! И затоа нема да престанам со експерименти на оваа тема. Доколку сакаш гранола што е освежителна, ароматична, со длабок и богат цитрусен вкус, тогаш не се двоуми. Направи ја оваа гранола со портокал. А доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍊 Гранола со Портокал 🍊Прочитај повеќе »

🍊 Гранола со Портокал 🍊 Read More »

🥦 Протеински зеленчукови палачинки (солени) 🥦

LinkInBio, Палачинки, Рецепти, Ручек / Марија

Овие протеински зеленчукови палачинки се супер идеја за релативно брз и многу здрав ручек со 30 грама претеин и 460 калории од портција. Имаат 8 зеленчуци, што ги прави богати со диететски блакна (скоро 14 грама од порција) и се прават многу лесно и брзо. Можете да ги послужите со свежа салата, со печени компирчиња, хумус, или додаток по ваша желба.

Иако велам идеја за ручек, сепак, овие протеински зеленчукови палачинки се супер опција и за појадок, но и за вечера. Можете да ги ставите и во сендвич и да си ги земете за на работа или да ги спакувате за на училиште. Како и да ги искомбинирате, нема да погрешите, затоа што се многу здрави и многу вкусни. Исто така, изборот на зеленчук што ќе го ставите може да варира, и дури и охрабрувам да се користат различни зеленчуци секој пат – или пак, можете да ставите и уште нешто плус ова што јас вообичаено ставам. Само две работи се константни: брашно од наут и тофу – протеини засекогаш! 😆

Како да ги направите овие протеински зеленчукови палачинки?

Начинот на подготовка може да биде на два начини:

Да го зготвите зеленчукот – како што јас преферирам. Мене многу ми се допаѓаат аромите што зготвениот зеленчук ги пушта и секогаш ја препорачувам оваа верзија.
Зеленчукот да го ставите сиров – доколку немате време за готвење – но со ова губите дел од аромата, и зеленчукот е пожелно да ви биде многу многу ситно исецкан/изрендан за да не биде сосема жив (иако ни туа не е страшно)

Како што кажав, мојот рецепт е со зготвен зеленчук, и пак ќе повторам, слободно можете да замените нешто, да додадете нешто друго иако искрено, мислам дека употребив се

Сите придобивки од овие палачинки?

Од супер количество на растителни протеини, до супер количество на растителни влакна, до антиоксиданси (витамин Ц, бета-каротен, антоцијанини), до витамини и минерали (витамин К, витамин А, железо, магнезиум и калиум), овие протеински зеленчукови палачинки се навистина одлични за вас. Имаат малку калории но голема нутритивна густина. Лесни се за варење, не ја оптоваруваат работата на црниот дроб и се идеални за балансирани оброци во здрава исхрана или план за слабеење. Плус, брашното од наут, освен што нема глутен, има низок гликемиски индекс, што значи дека не предизвикува нагли скокови во шеќерот во крвта, туку обезбедува долготрајна енергија.

Се на се, светото тројство лесни-здрави-вкусни, според мене е најважно.

Доколку ти треба идеја за ручек, моите протеински зеленчукови палачинки се она што ти треба во моментов. Богати се со протеини, растителни влчакна, минерали и витамини, но поважано, вкусни се и се прават брзо и лесно. Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🥦 Протеински зеленчукови палачинки (солени) 🥦Прочитај повеќе »

🥦 Протеински зеленчукови палачинки (солени) 🥦 Read More »

LinkInBio

🧆 Протеински Палента Топчиња 🧆

Зошто овие протеински палента топчиња?

🍓 Брауни со Малини 🍓

Како да го направите ова брауни со малини

Зошто баш комбинацијата чоколадо и малина?

🍓 Гранола со црвено овошје 🍓

Зошто гранола со црвено овошје?

Повеќе од појадок

🍰 Чоколадна торта со леќа: Здрава, сочна и полна со протеини 🍰

Зошто леќа?

Зошто мора да ја пробаш оваа чоколадна торта со леќа?

🍠 Полнети Палачинки од Компир 🍠

Како да ги направите овие полнети палачинки од компир?

Зошто да ги пробате овие полнети палачинки од компир?

🫔 Благи Протеински Пити со Оризова хартија 🫔

Зошто оваа Благи протеински пити?

Од експеримент до полн погодок

🍎 Есенски бомбици со јаболка 🍎

Зошто овие бомбици со јаболка?

Вкус на есен во едно залче

🍎 Гранола со Јаболка 🍎

Зошто гранола со јаболка?

Гранола и одржување на тежината

🫔 Пити со Оризова хартија 🫔

Зошто повторно полнење со спанаќ и тофу

Зошто токму оризова хартија?

🫓 Крекери од Наут 🫓

Зошто крекери со наут?

🍊 Гранола со Портокал 🍊

Зошто гранола со портокал?

Потсетување: Домашна vs. купечка гранола

🥦 Протеински зеленчукови палачинки (солени) 🥦

Како да ги направите овие протеински зеленчукови палачинки?

Сите придобивки од овие палачинки?

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️
© 2022 МаријаМаријаМарија. All rights are reserved.

LinkInBio

Зошто овие протеински палента топчиња?

Како да го направите ова брауни со малини

Зошто баш комбинацијата чоколадо и малина?

Зошто гранола со црвено овошје?

Повеќе од појадок

Зошто леќа?

Зошто мора да ја пробаш оваа чоколадна торта со леќа?

Како да ги направите овие полнети палачинки од компир?

Зошто да ги пробате овие полнети палачинки од компир?

Зошто оваа Благи протеински пити?

Од експеримент до полн погодок

Зошто овие бомбици со јаболка?

Вкус на есен во едно залче

Зошто гранола со јаболка?

Гранола и одржување на тежината

Зошто повторно полнење со спанаќ и тофу

Зошто токму оризова хартија?

Зошто крекери со наут?

Зошто гранола со портокал?

Потсетување: Домашна vs. купечка гранола

Како да ги направите овие протеински зеленчукови палачинки?

Сите придобивки од овие палачинки?

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.