Совети

Во овој водич ќе прочитате:

• Што е куркума и зоршто се користи
• Придобивки од консумирање куркума
• Златно млеко: Лате од куркума
• Што можеме да заклучиме

Што е куркума и зошто се користи

Зачинот познат како куркума е веројатно најдобриот и најефективниот додаток во исхраната. Куркумата има неверојатни придобивки за вашето тело и но и вашиот мозок.

Куркума е зачинот кој му ја дава препознатливата жолто-портокалова боја на карито. Во Индија се користи илјадници години и како зачин и како лековит корен. Неодамна, и современата наука почна да ги поткрепува традиционалните тврдења дека куркумата содржи соединенија со лековити својства. Овие соединенија се нарекуваат куркуминоиди, од нив, најважен е куркуминот. Куркуминот е главната активна состојка во куркумата. Има моќни антиинфламаторни ефекти и е многу силен антиоксиданс.

Придобивки од консумирање куркума

Листата на придобивки од куркуминот, многу слично како што е тоа случај и со ѓумбирот, е навистина долга, и опсежна, но ајде да се задржиме на најзначајните:

1. Куркумата содржи биоактивни соединенија со лековити својства

Но, поради тоа што куркуминот слабо се апсорбира во вашиот крвоток, за да го добиете целосниот ефект, треба да се појача. Пожелно е да се консумира со црн бибер кој содржи пиперин. Пиперинот е природна супстанца која ја подобрува апсорпцијата на куркумин за 2.000%. Куркуминот е исто така растворлив во масти. Ова значи дека веројатно е добра идеја да консумирате куркума во оброк богат со масти.

2. Куркумата е природно антиинфламаторно соединение

Хроничните воспалувања влијаат во предизвикување здравствени состојби и болести како: срцеви заболувања, Алцхајмер, рани дегенеративни состојби, ракови итн… Затоа, сè што може да помогне во намалувањето на хроничното воспаление е важно за спречување или лекување на овие состојби.

3. Куркумата може да го зголеми антиоксидативниот капацитет на телото

Оксидативното оштетување е еден од причинителите на стареењето, како и причинител на многу болести. Слободните радикали имаат тенденција да реагираат со важни органски супстанции, како што се ДНК, масните киселини и протеините. Главната причина зошто антиоксидансите се толку корисни е тоа што го штитат телото од слободните радикали. Куркумата е моќен антиоксиданс кој може да ги неутрализира слободните радикали.

4. Куркумата може да го намали ризикот од срцеви заболувања

Веројатно главната придобивка од куркумата кога станува збор за срцеви заболувања е подобрувањето на функцијата на ендотелот. Куркуминот исто така се верува дека помага во спречувањето на развојот на срцева хипертрофија, срцева слабост, кардиотоксичност индуцирана од лекови, миокарден инфаркт, атеросклероза, аортна аневризма, мозочен удар и кардиоваскуларни компликации со дијабетес.

5. Куркумата може да помогне во спречување на некои типови на рак

Ракот е болест која се карактеризира со неконтролиран раст на клетките. Постојат многу различни форми на рак, а куркуминот се смета за доста корисен во лекувањето и третманот на одредени ракови. Пред се, влијае на растот и развојот на клетките. Исто така може да придонесе кон уништување на канцерогените клетки. Дополнително, може да ја намали ангиогенезата (растот на нови крвни садови кај туморите), како и намалување на метастазите (ширењето на ракот низ останатите органи).

6. Куркумата може да биде корисна во лекувањето на Алцхајмерова болест

За жал, како и за ракот, така и за Алцхајмеровата болест, сè уште нема лек. Поради тоа, многу е важно да се влијае на спречување на појава на болеста. Во голема мера ова не може да се контролира, но воспалението и оксидативното оштетување играат улога во Алцхајмерова болест, а куркуминот има позитивни ефекти и на двете. Па одовде, консумирањето е еден вид на превенција.

7. Помага во артритис и остеопороза

Пациентите со артритис одлично реагираат на куркумин. Артритисот е често нарушување што се карактеризира со воспаление на зглобовите. Многу студии покажуваат дека куркуминот може да помогне во лекувањето на симптомите на артритис, а дури во некои случаи, е поефикасен од антиинфламаторните лекови.

8. Куркумата може да помогне во борбата со депресијата

Има голем број на студии што ја поврзуваат депресијата со хроничното воспаление. Иако, сè уште не е јасно дали воспалението предизвикува депресија или обратно, сепак, истражувањата сугерираат дека хроничното воспаление и депресијата влијаат едно на друго. Одовде, антиоксидансите како куркуминот можат да помогнат во ублажување на симптомите на депресија преку борба против хроничното воспаление.

9. Куркумата може да помогне во пролонгирање стареењето

Научниците веруваат дека куркумата може да се справи со хроничните болести поврзани со стареењето. Долговечноста во последно време е доста актуелна тема, па допрва ќе читаме за кинички студии што ќе ги докажуваат ефектите од куркумата врз стареењето и долговечноста.

Златно млеко: лате од куркума

Ова златно млеко (лате од куркума) е супер начин за да внесете куркума (иако за мене е пречудно на вкус). Потребните состојки за ова лате и начинот на којшто јас го приготвувам се во продолжение.

• 1 шоља растително млеко (јас користев домашно овесно млеко)
• ½ лажиче мелена куркума
• ¼ лажиче мелен ѓумбир
• ⅛ лажиче цимет
• 1 лажиче ванила
• Малку бибер (веќе објаснив дека го појачува дејството на куркумата)
• 1 лажица јаворов сируп (можете и помалку)

Ставете ги сите состојки во тенџерче на оган и оставате да зоврие. Потоа варете на тивок оган уште 2-3 минути со постојано мешање. Ставете во чаша и пробајте да уживате 😆 (или како мене, мислете на бенефитите а не и на вкусот)

Што можеме да заклучиме

Неодамна, и современата наука почна да ги поткрепува традиционалните тврдења дека куркумата содржи соединенија со лековити својства. Овие соединенија се нарекуваат куркуминоиди, од нив, најважен е куркуминот. Куркуминот е главната активна состојка во куркумата. Има моќни антиинфламаторни ефекти и е многу силен антиоксиданс. Листата на придобивки од куркуминот е навистина долга. Куркумата содржи биоактивни соединенија со лековити својства; e природно антиинфламаторно соединение; може да го зголеми антиоксидативниот капацитет на телото, може да го намали ризикот од срцеви заболувања; може да помогне во спречување на некои типови на рак; може да биде корисна во лекувањето на Алцхајмерова болест; помага во артритис и остеопороза; може да помогне во борбата со депресијата и може да помогне во пролонгирање стареењето. Моето златно млеко е уште еден супер начин за да внесете куркума.

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

Во овој водич ќе прочитате:

• Што значи „хидратација“
• Оптимална консумација на течности
• Хидратација преку храна
• Вода, најдобриот пијалок на светот
• 10 Причини зошто мораме да сме добро хидрирани
• Што можеме да заклучиме

Што значи „хидратација“

Хидратација, значи консумирање на доволно количество на вода и останати течности на дневно ниво. Нашето тело е сочинето од околу 70% вода, па одовде, одржувањето на нивото на хидратација е особено важно. Инаку, пиењето доволно вода секој ден, има клучно значење од повеќе причини: регулирање на телесната температура, одржување и подмачкување на зглобовите, спречување на инфекции, доставување на хранливите материи до клетките, како и одржување на правилно функционирање на органите. Добрата хидратација, исто така, го подобрува квалитетот на спиењето како и расположението. Верувале или не, губењето на вода во телото на само 2% од телесната тежина веќе доведува до замор, главоболки, раздразливост и намалени когнитивни функции, а загубата до 10% може да биде фатална.

Оптимална консумација на течности

Сите сме добро запознаени со она „пијте по 8 чаши вода на ден.“ Меѓутоа, како и за се останато, така и потребата од консумирање на вода зависи од повеќе параметри. Пред се, зависи од полот. Некои оптимални препораки за просечна жена се консумирање на околу 2 литри течност во текот на денот, додека за маж препорачаната количина изнаесува 3 литри. Малите деца имаат зголемена потреба за течност во споредба со телесната тежина, додека пак бремените жени и доилките исто така треба да го зголемат внесот на течности на приближно 2,5 до 3 литри дневно.

Консумацијата на течности исто така зависи и од физичката активност. Така, физички активните луѓе се препорачува да консумираат и над 4 литри течност. Иако ова навидум може да звучи како многу, имајте предвид дека во оваа количина спаѓа целата течност што ја консумираме. На пример, и кафето придонесува за хидратација на телото, особено ако пиеме поголема шолја кафе. Иако кафето не ја попречува нормалната хидратација, сепак, поголемата концентрација на кофеин побарува консумација на поголема количина вода, па затоа не е чудно што многумина од нас посегнуваат по вода со кафето, особено краткото еспресо.

Хидратација преку храна

Освен преку консумирање на вода и пијалоци, хидратација, односно потребните течности може да се внесат и преку храната, или со консумирање на свежо овошје и зеленчук богат со вода. Верувале или не, храната придонесува до 20% од вкупниот внес на течности! Овде првенствено спаѓаат:
🍉 Свежо овошје: лубеници, дињи, праски и нектарини, сите бобинки, сочни јаболка и круши, но и сите агруми;
🥒 Свеж зеленчук: домат, краставица, свежа пиперка, разни видови зелена салата, спанаќ;
🥛 Растителни млека од житарки или јатки
🍲 Супи и чорби: освен што се супер избор за лесен ручек или вечера, супите придонесуваат во вашата хидратација
🍹 Смути: за појадок или ужина, од овошје или зеленчук, смутито е одличен избр за вашето дневно хидрирање

Вода, најдобриот пијалок на светот

Сигурно во некоја фаза сте имале потешкотии да пиете вода наместо сокови и чаеви. И разбирливо, водата нема вкус не ве заблажува, но многу освежува. Доколку водата ви е обичен досаден пијалок – иако јас тврдам дека нема поубав пијалок од вода, пробајте да ја консумирате со трик – направете си инфузирана вода: збогатете ја со овошје или зеленчук. На пример, исцедете и исецкајте лимон и нане, изрендајте ѓумбир, додадете боровници или малини, или пак моркови и краставици. Во каква форма и да ја одберете, нека биде тоа природна вода со природни додатоци.

Трудете се по секоја цена да избегнувате купечки сокови или пак газирани пијалоци. Овие сокови и останатите засладени газирани пијалоци содржат многу шеќер што ја нарушува нормалната хидратација, што ги прави најлош можен избор за организмот.

Големите количини на алкохол доведуваат и до брза дехидрација, па доколку консумирате алкохол (дури и во најмали количини), задолжително пијте и многу вода. На ензимот кој го разградува алкохолот во телото му треба вода за овој отров за нас да се распадне на помали компоненти. 

10 Причини зошто мораме да сме добро хидрирани

1. Подобрена функција на мозокот

Како што напоменав на почетокот, дури и блага дехидрација – со само 2% загуба на течност – може да влијае на меморијата, расположението, концентрацијата и времето на реакција. Додавањето само неколку чаши вода плус во дневниот внес може да има позитивен ефект врз свесноста, да ги стабилизира вашите емоции, па дури и да се бори со чувствата на анксиозност. Ова е особено важно за постарите возрасни лица кои се изложени на поголем ризик и за дехидрација и за нарушена когнитивна функција.

2. Дигестивна хармонија

На вашето тело му е потребна вода за правилно да ја вари храната – без доволно вода, голема е веројатноста дека ќе почувствувате гасови, надуеност и други непријатности. Пиењето на доволно количество на вода помага во разградувањето на растворливите влакна од вашата исхрана и одржување на процесот на варење.

3. Повеќе енергија

Едноставно, со пиење повеќе вода, ќе спречите дехидрација и ќе имате повеќе енергија за да го издржите денот. Дехидрацијата може да ја забави циркулацијата и да влијае на протокот на кислород до вашиот мозок. Недостатокот на течности, исто така, може да предизвика вашето срце да работи понапорно за да пумпа кислород низ целото тело. Целата таа потрошена енергија може да направи да се чувствувате уморни, троми и помалку фокусирани.

4. Слабеење и одржување на здрава телесна тежина

Често пати не сте гладни, туку сте само жедни! Бидејќи дава чувство на ситост, водата може да ви помогне да се чувствувате сити помеѓу оброците – наместо да се упатувате кон фрижидерот или да посегате по грицки. Исто така, може да помогне во зајакнувањето на вашиот метаболизам.

5. Намалена болка во зглобовите

Дали знаете дека ‘рскавицата во нашите зглобови содржи приближно 80% вода? Хидратацијата им помага на зглобовите да останат добро подмачкани, што помага да се намали триењето со создавање на „перниче“ меѓу коските. Помалку триење значи неспокојно движење на зглобовите и помалку болки.

6. Подобра регулација на температурата

Кога сте дехидрирани, телото складира повеќе топлина. Ова ја намалува способноста да поднесувате топли температури. Пиењето многу вода ви помага да произведувате пот кога сте прегреани и за време на физичка активност, што пак го лади вашето тело. Овој вграден механизам за ладење е критичен за спречување на топлотен удар и други потенцијално смртоносни состојби поврзани со топлина и прегревање.

7. Заштита од камења во бубрези

Камењата во бубрезите се купчиња од минерални кристали кои се формираат во уринарниот тракт. Ако некогаш сте имале камен во бубрег, тогаш добро знаете колку оваа состојба може да биде болна. Консумирањето на соодветно количество вода и останати течности во текот на денот (секој ден!) може да помогне во разредување на концентрацијата на минералите во уринарниот тракт. Со тоа, можат да се намалат шансите за појава на камења. Водата, исто така, помага при исфрлање на штетните бактерии од мочниот меур, што пак може да помогне во спречување на инфекции на уринарниот тракт.

8. Поздраво срце

Главната состојка и на крвта е вода. Кога не пиете доволно вода, крвта станува поконцентрирана, што може да предизвика нерамнотежа на виталните минерали (електролити). Имајте предвид дека овие минерали, како калиумот и натриумот, се клучни за правилното функционирање на вашето срце.

9. Подобра детоксификација

Популарниот „детокс“ што го гледате и слушате насекаде околу вас. Епа природно, можете да го постигнете со доволното внесување на вода којашто ги поддржува природните системи за детоксикација на вашето тело. Овие системи ги отстрануваат отпадот и штетните материи преку мокрење, дишење, потење и движење на дебелото црево. Најдобрата поддршката на сопствените моќни, вградени процеси за детоксикација е токму водата, којашто со сигурност ќе ви помогне во подобрувањето на вашето целокупно здравје.

10. Помалку главоболки

Веќе напоменавме дека дури и благата загуба на течност може да предизвика контракција на мозокот, што кај некои лица може да доведе до силни главоболки па дури и мигрени. Да се ​​биде постојано добро хидриран е еднен од првите предуслови којшто може да помогне при контролата на болките во главата.

 Што можеме да заклучиме?

Хидратација значи консумирање на доволно количество на вода и останати течности во текот на денот. Инаку, нашето тело е сочинето од околу 70% вода, па одржувањето на нивото на хидратација е особено важно од повеќе причини: регулирање на телесната температура, одржување и подмачкување на зглобовите, спречување на инфекции, доставување на хранливите материи до клетките, како и одржување на правилно функционирање на органите. Добрата хидратаија, исто така, го подобрува квалитетот на спиењето како и расположението. Освен преку консумирање на вода и пијалоци, хидратација, односно потребните течности може да се внесат и преку храната, или со консумирање на свежо овошје и зеленчук богат со вода. Верувале или не, храната придонесува до 20% од вкупниот внес на течности! Доколку водата ви е обичен досаден пијалок, пробајте да ја консумирате инфузирана - збогатена со овошје или зеленчук. Имајте предвид дека алкохолот доведува до брза дехидрација, па доколку консумирате алкохол (дури и во најмали количини), задолжително пијте и многу вода.

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

Во овој водич ќе прочитате:

• Што е Нутритивен квасец?
• Нутритивни вредности
• Зошто и како се користи
• Придобивки од консумирањето на нутритивен квасец
• Потенцијални ризици од нутритивниот квасец
• Што можеме да заклучиме

Што е Нутритивен квасец?

Доколку се прашувавте „Што е нутритивен квасец?“, тогаш мислам дека сте на вистинското место. Овде ќе прочитате и ќе дознаете што е оваа состојка, зошто и како се користи. Нутритивен квасец е е деактивирана форма на пекарски или пивски квасец од групата Saccharomyces cerevisiae. Имајте на ум дека клучниот збор овде е деактивиран. Ова значи дека ја нема активната состојка што значи дека не треба да го ставите при подготовка на следниот леб или кифлички, бидејќи од него нема да нараснат (но, ќе имаат вкус на сирење). И покрај тоа што потекнуваат од истата габа, инстант квасецот и нутритивниот квасец ја немаат истата функција и не можат да се заменат еден со друг.

Нутритивни вредности

Доколку следното прашање ви беше „Како го добил името?“ тогаш одговорот е многу едноставен – токму поради нутритиентите што ги содржи. Нутритивниот квасец е одличен извор на витамини и минерали. Ги содржи и сите девет есенцијални амино киселини, што го прави целосен протеин како оние што се наоѓаат во производите од животинско потекло. Целосните протеини се важни хранливи материи кои помагаат во функциите како поправка на ткивото и апсорпција на хранливи материи. Тие исто така може да спречат губење на мускулите. Нутритивниот квасец содржи калциум, калиум, железо, витамин Б12, тиамин, рибофлавин, цинк, фолат. Во само 2 лажици има: 50 калории, 8 грама протеин, 1 грам масти, 5 грама јаглехидрати, 4 грама диететски влакна. Нема шеќер, нема глутен и нема соја па е погоден за луѓето со алергии или нетолерантност.

Зошто и како се користи нутритивен квасец

Нутритивниот квасец има специфичен вкус на сирење и поради тоа, најчесто се користи како додаток во вногу јадења, сосови, кремови… Јас овие моќни жолти гранули ги додавам во јадења како омлет од тофу, плескавици од тиквички, разни сирења, како што е на пример мојот вегански пармезан. Всушност, секој пат кога сакам нутритивно да збогатам некој солен оброк или да му дадам вкус на сирење, додавам лажица нутритивен квасец.

Придобивки од консумирањето на нутритивен квасец

1. Го подобрува здравјето на срцето и го намалува ризикот од дијабетес

Влакната во хранливиот квасец и бета-глуканот, може да го намали нивото на холестерол, е исто така нискогликемиска храна и може да помогне во регулирањето на шеќерот во крвта.

2. Го зајакнува имунитетот

Бета-глуканот исто така го зајакнува имунолошкиот систем. Нутритивниот квасец, исто така, содржи високи количини на антиоксиданси, кои можат да подобрат одредени имунолошки реакции.

3. Го подобрува здравјето на кожата, ноктите и косата.

Нутритивниот квасец може да помогне во борбата против проблемите со косата, кожата и ноктите, како што се тенки, слаби нокти и акни и други проблеми со кожата, губење на косата, проретчена коса, кршливи нокти итн.

4. Го намалува чувството на замор и ја зголемува енергијата

Внесувањето на доволна количина на витамин Б12 помага во намалување на чувството на замор. Заедно со Б12, другите Б витамини во нутритивниот квасец помагаат храната да се претвори во енергија. Овој процес му помага на вашето тело да одржува здрав метаболизам и постојано ниво на енергија. Инаку, количината на витамин Б12 што се содржи во нутритивниот квасец е релативно поголема од дневната потребна количина на вашето тело, па со додавање на само 1 лажица во исхраната гарантирано го исполнувате а можеби и надминувате препорачаното ниво.

5. Помага во побрзо закрепнување по напорна физичка активност

Доколку сте активен вежбач, токму нутритивниот квасец може да ви помогне побрзо да закрепнете после напорен тренинг а и да го подобри вашето расположение. Квасецот ги обновува белите крвни зрнца кои се изгубени за време на вежбањето и токму оваа регенерација на клетките помага при обновување на мускулите, зајакнување на имунолошкиот систем и намалувње на воспалението. Исто така, нутритивниот квасец содржи и високо ниво на цинк, минерал кој помага во поправка и регенерација на мускулите.

6. Помага во одржување на здрава бременост

Фолната киселина помага во заштитата на растечките фетуси од вродени дефекти, како што е spina bifida. Но, дури и доколку не сте бремени (или не планирате), фолатите и фолната киселина сепак играат важна улога во многу витални функции на телото, вклучително и производство на клетки и поправка на гените

7. Помага во спречување на појава на Анемија кај лицата што јадат исклучиво растителна храна (Вегани)

Недостаток на витамин Б12 може да предизвика анемија, замор и, во крајни случаи, невролошки проблеми. Поради високата количина на витамин Б12, нутритивниот квасец особено се препорачува како додаток во веганската исхрана.

8. Помага во ублажување на IBS

Нутритивниот квасец може да помогне во ублажување на синдромот на нервозно дебело црево, значително намалувајќи ја абдоминална болка и непријатност кај пациентите коишто страдаат од овој синдром.

Потенцијални ризици од нутритивниот квасец

Иако нутритивниот квасец се смета за безбеден за консумирање кај повеќето луѓе, сепак може да предизвика проблеми кај лица кои се чувствителни на производи од квасец или лица кои земаат одредени лекови. Доколку спаѓате во некоја од овие категории, задолжително консулитрајте се со вашиот лекар пред да почнете да користите нутритивен квасец во вашата дневна исхрана за да избегнете потенцијални несакани ефекти.

1. Доколку патите од Мигрена

Производите од квасец содржат тиамин, аминокиселина која помага во регулирањето на крвниот притисок. Иако е невообичаено, тиаминот може да предизвика дополнителни силни главоболки кај луѓето кои патат од мигрена.

2. Доколку имате алергии, нетолерантност или чувствителност на храна

Луѓето со чувствителност на производи од квасец не треба да консумираат нутритивен квасец. Тој исто така, може да ги влоши симптомите кај луѓе со воспалителни болести на цревата, како што е на пример Кроновата болест.

Што можеме да заклучиме

Нутритивниот квасец е е деактивирана форма на пекарски или пивски квасец од групата Saccharomyces cerevisiae, но сепак ја нема истата функција како инстант квасецот не е негова замена. Нутритивниот квасец е одличен извор на витамини и минерали. Ги содржи и сите девет есенцијални амино киселини, што го прави целосен протеин како оние што се наоѓаат во производите од животинско потекло. Има специфичен вкус на сирење и поради тоа, најчесто се користи како додаток во вногу јадења, сосови, кремови. Придобивките од консумирањето на нутритивен квасец се многубројни а меѓу најзначајните може да се извојат: го подобрува здравјето на срцето и го намалува ризикот од дијабетес; го зајакнува имунитетот; го подобрува здравјето на кожата, ноктите и косата; го намалува чувството на замор и ја зголемува енергијата; помага во побрзо закрепнување по напорна физичка активност; помага во одржување на здрава бременост ; помага во спречување на појава на Анемија кај лицата што јадат исклучиво растителна храна (Вегани); помага во ублажување на IBS. Иако нутритивниот квасец e безбеден за консумирање, сепак може да предизвика проблеми кај лица кои се чувствителни на производи од квасец или лица кои земаат одредени лекови. Затоа, доколку имате некоја ваква состојба, задолжително консултирајте се со вашиот лекар.

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

Во овој водич ќе прочитате:

• Што е мача и како се прави
• Сите здравствени придобивки од мачата
• Помалку кофеин, а сепак, повеќе енергија
• Совршено Мача лате
• Што можеме да заклучиме
• Moya Matcha

Што е мача и како се прави

Мача е зелен чај во прав добиен од чајни билки кои се заштитени од директна сончева светлина пред да бидат набрани. Околу 2 недели пред бербата, се прават структури околу чајните дрва, за тие да се во длабока сенка (речиси во мрак). Со ова се зголемува нивото на хлорофил и листовите добиваат јака зелена боја, омекнуваат и стануваат поблаги. По бербата, листовите кратко стојат на пареа за да се испарат, па потоа се сушат, од нив се чисти вишокот гранки и се мелат во традиционални мелници од што се добива препознатливиот прав со јака зелена боја.

Во споредба со обичниот сварен чај, кога пиеме мача, го конзумираме целиот чаен лист и на овој начин го снабдуваме нашето тело со сите хранливи материи коишто ги содржи чајот. 🍵

Уште една супер придобивка на мачата е што може да се употребува и во десерти и секаков вид на храна!

Сите здравствени придобивки од консумирање Мача

Мачата (и воопшто зелениот чај) е еден од најмоќните антиоксиданси и има неверојатно многу здравствени придобивки, а еве само некои од нив:

🌱 Преполна е со антиоксиданси (вклучувајќи го и моќниот антиоксидант EGCg кој се наоѓа единствено во чајот)
🌱 Одличен извор на витамин Ц, селен, хром, цинк и магнезиум
🌱 Помага во намалување на инфламацијата
🌱 Го зајакнува имунолошкиот систем
🌱 Богат извор на катехини
🌱 Го убрзува метаболизмот и согорува калории
🌱 И дава сјај и еластичност на кожата
🌱 Извор на енергија поради големото количество на кофеин
🌱 Помага во смирување на умот и релаксирање на телото
🌱 Ги зајакнува коските
🌱 Го регулира холестеролот
🌱 Ја подобрува концентрацијата
🌱 Го намалува крвниот притисок
🌱 Придонесува за подобро расположение

#FunFact - Јапонскиот будистичкиот монах Eichû (743-816) е првиот што ја носи мачата во Јапонија, додека монахот Eisai (1141-1215), во 1191 откако се враќа од Кина го носи со себе во Јапонија новиот метод на консумирање на чајот (или како што го пиеме денес: мача измешана во топла вода). Всушност, Будистичките зен монаси ја користеле мачата пред повеќе од 800 години, откако откриле дека консумирањето им помагало при секојдневната медитација. Мачата се покажала делотворна при подобрување на нивната будност, фокусот и смиреноста - причини поради кои го имаме тоа зен чувство 🧘‍♂️🍵

Помалку кофеин, а сепак, повеќе енергија

Иако зелениот чај и Мачата содржат кофеин, сепак, количината е малку помала отколку во црниот чај и значително помала отколку во кафето. Мачата ќе ви даде кофеински буст, но предноста е во тоа што создава понежен и подолготраен извор на стимулација, што придонесува во подобрување на концентрацијата. Па така, и покрај содржината на кофеин во мачата, нема никакви несакани ефекти по нејзиното конзумирање кои се типични после пиење кафе, како што се хиперактивност или висок притисок. А од друга страна, пак, нивото на енергија по пиење шолја мача може да трае и повеќе од 6 часа.

Совршено Мача лате 🍵

Иако, најдобриот начин, е мачата да ја конзумирате “pure by itself” 🌱 (како чај со топла вода) затоа што на тој начин вашето тело ќе ги апсорбира сите хранливи материи коишто ги содржи чајот. Но, мачата можете да ја пиете и во форма на (се попопуларното) лате. Варијации на Мача Лате има многу, но генерално, основното лате се прави многу лесно, потребно ви е: Мача, малку топла (но не зовриена) вода, растително млеко и јаворов сируп (или засладувач по ваша желба). 

🌿 Ставете 1 лажичка мача во празна чаша и полијте ја со вода (на температура од 70-80 °C)
🌿 Измешајте ја смесата со шасен (бамбусова маталка) или со машинка за правење пена. Мешајте околу 30 секунди
🌿 Додадете засладувач по желба (јаворов сируп, агаве) и повторно измешајте сѐ заедно
🌿 Загрејте го млекото (по ваша желба) и направете пена со помош на машинката за пена
🌿 Истурете ја пената врз мачата и уживајте во вашето совршено мача лате 🍵

Што можеме да заклучиме

Mачата потекнува од истото дрво како и зелениот чај, но се прави од целиот лист и поради тоа има поголема концентрација на антиоксиданси и останати витамини и минерали. Мачата има многу здравствени придобивки подеднакво и за менталното и за физичкото здравје. Дава енергија, опушта и релаксира, смирува, добра е за срцето, па дури може и да помогне во губењето на тежина. Лесно се подготвува и иако е најдобро да се косумира како чај, сепак одлична е и во лате, само со растително млеко и засладувач или други додатоци како на пример овошје, тоник итн.

🌿 Moya Matcha

Брендот Моya Matcha е автентична јапонска и органска мача која се одгледува во регионот Уџи во префектурата Кјото, познат по одгледувањето на најквалитетен зелен чај повеќе од 800 години. Регионот Уџи е познат по неговите плодни почви и чиста вода. Чајните билки таму имаат идеални услови за растење благодарение на ридовите кои обезбедуваат добра сончева светлина, честите магли кои ги штитат нежните лисја од мраз и големото количество на врнежи.

---

^{Бидејќи со Моya Matcha сме долго пријатели, со искористување на кодот „МММ10“ при порачка на некој од произвидите, добивате 10% попуст.}

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

Во овој водич ќе прочитате:

• Што е ѓумбир и зоршто се користи
• Придобивки од консумирање ѓумбир
• Едноставен чај од ѓумбир
• Што можеме да заклучиме

Што е ѓумбир и зошто се користи

Ѓумбирот е цветно растение со потекло од Југоисточна Азија и е еден од најздравите зачини на планетата. Поради тоа што припаѓа на фамилијата „Zingiberaceae“  се поврзува со коренот на куркума, кардамом и галангал (сите имаат слична коренеста структура).

Може да се консумира свеж, сушен, во прав, како масло, како сок, или во нашиот случај чај од ѓумбир! Исто така често се додава при готвењето (посебно околу божиќ 😝) но често се додава и во продукти за козметика а дури и во процесирана храна.

Придобивки од консумирање ѓумбир

Листата на придобивки од ѓумбирот е навистина долга, но може да ги издвојам најважните:

1. ја подобрува дигестијата (варењето на храната),
2. помага во борба против вируси и настинки (поради неговите антиинфламаторски и антиоксидантски ефекти),
3. помага при вртоглавици и менструални болки.
4. го намалува шеќерот во крвта,
5. помага при намалување на симптомите на остеопорозата (особено на колената),
6. го намалува хроничниот проблем со варењето на храната,
7. го регулира холестеролот,
8. може и да помогне во намалување на тежината
9. го подобрува имунтетот
10. ја подобрува состојбата и здравјето на кожата
11. го регулира стресот
12. ја подобрува функцијата на мозокот и штити од Алцхајмер

Јас порано воопшто не можев да го поднесам неговиот специфичен вкус, но сега не можам без него. Секое утро го пијам како чај, и ве охрабрувам и вие да пробате да го правите истото.

Едноставен чај од ѓумбир

Чајот што јас го правам буквално се прави за минута, има само 3 состојки и е многу вкусен и освежителен. Лупам мало парче свеж ѓумбир и го рендам во шоља. Цедам половина (или цел) лимон и додавам врела вода. Ете толку.

Што можеме да заклучиме

Ѓумбирот е преполн со нутритиенти и биоактивни компоненти коишто имаат многу моќни придобивки за нашето тело и мозок. Всушност, ѓумбирот е еден од малкуте „супер-храни“ што вистински го заслужува тој термин. Може да ви помогне да се изборите со вирусите, го смирува стомакот, ја подобрува функцијата на мозокот и е супер додаток во исхраната или наутро како чај.

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

Здрава и сјајна кожа – посредник помеѓу внатрешноста и надворешноста

Да се има здрава и сјајна кожа е повеќе од важно бидејжи кожата е еден од најзначајните штитови на телото! Кожата е создадена од повеќе слоеви. Горните слоеви се изградени од мртви клетки исполнети со протеинот кератин (од што се изградени ноктите и косата), додека внатрешните слоеви се живи, постојано се делат, и создаваат нови слоеви секој ден. Кожата (којашто патем зафаќа најголема поврѓина во нашето тело) има повеќе функции.

Пред сè, кожата овозможува заштита на внатрешните органи во телото. Па така, дебелите слоеви на кератин под надворешен притисок стануваат уште подебели (ако постојано одиме боси, кожата реагира на тој начин што создава дебел и цврст слој на кератин на стапалата). Кожата, исто така, овозможува ладење на телото – преку потењето. Слојот од масти под кожата нè штити од настинки. Еластичноста на кожата го овозможува истегнувањето при движење. Но, еластичноста се намалува со годините и со намалена хидрација. Функцијата што кожата ја има е неверојатно значајна и поради тоа е многу важно соодветно да се грижиме за неа.

7 најважни нутритиенти за здрава и сјајна кожа и каде да ги најдете

1. Витамин Ц

Нормалната кожа содржи големо количество на витамин Ц, којшто поддржува многу значајни функции како што се стимулација на синтеза на колаген и антиоксидантска заштита од УВ зраци. Храна богата со витамин Ц: лимон, јагоди, киви, портокали, спанаќ, кељ, брокула, пиперки, зелка, авокадо, боровинки, сладок компир, морков.

2. Витамин А

И горниот и долните слоеви на кожата имаат потреба од витамин А. Овој витамин штити од штетата што сончевите зраци можат да ја предизвикаат, како на пример прекин во процесот што го разградува колагенот. Иако е антиоксидант и ја има оваа заштитна моќ, сепак не е ефикасен како кремите за сончање! Храна богата со витамин А: морков, кељ, спанаќ, диња, манго, брокула, праска, тиква, аспарагус.

3. Витамин Е

Витаминот Е, како и витаминот А е антиоксиданс и помага во заштитата од штетните УВ зраци. Исто така, може да ја заштити кожата од штетното влијание на слободните радикали. Храна богата со витамин Е: авокадо, брокула, спанаќ, кељ, сладок компир, бадеми.

4. Цинк

Помага при регенерација на кожата по повреда, ги одржува ѕидовите на клетките стабилни и допринесува во делбата и растот на клетките. Храна богата со цинк: суви смокви, банана, урми, авокадо, малини, јагоди, диња, спанаќ, блитва, аспарагус, брокула, печурки, тиквичка, семки од тиква, сусам.

5. Селен 

Им помага на одредени антиоксиданси (како витамин А и Ц) при заштита на кожата од штетните УВ здраци. Храна богата со селен: бразилски орев, малини, спанаќ, брокула, аспарагус, печурки, овес, урми, банани, манго, киви, диња, суви смокви, сладок компир.

* Интересен е фактот дека некои од нутритиентите, како на пример селенот, што го има во рибата се „блокира“ од страна на живата од водата. Рибите исто така содржат и многу други токсини како на пример микропластики. Всушност, рибите сами по себе, природно немаат омега-3, туку се хранат со храна што има Омега-3 – како што се алгите.

6. Омега 3 масни киселини

Омега 3 масните киселини ја подобруваат заштитната функција на кожата, ја одржуваат влажноста и се борат со надворешните влијанија и иритации. Храна богата со Омега-3: авокадо, чиа семе, семе од коноп, ленено семе, семки од тиква, ореви, прокељ, листест зеленчук, бобинки, алги*.

7. Силициум диоксид

Силициумот им помага на клетките да носат и до 20% повеќе кислород, а исто така и помага на кожата да остане хидрирана. Храна богата со силициум: домати, краставица, целер, пиперки, коприва.

Како да се грижите за да имате здрава и сјајна кожа

Како и за остатокот од телото, така и за кожата, најдобрата грижа е природната. Правило број 1 за здрава кожа е хидратација. Хидрирајте го телото: пијте колку што може повеќе вода (ова е важно и за дигестијата (варењето на храната), не само за кожата). Но и консумирајте храна богата со вода (како лубеница, диња, краставици…). Правило број 2 за здрава кожа е правилната, балансирана исхрана. Внимавајте на храната: консумирајте храна со многу витамин Ц, витамин А и витамин Е. Селенот, цинкот и Омега 3 масните киселини се исто така многу важни за здравјето на кожата. Освен преку храна, добро е да суплементирате селен и цинк. Правило број 3 за здрава кожа е употреба на креми за заштита од сонце. Секогаш, без исклучок, користете креми со заштитен фактор. Сончевите УВ зраци се многу штетни и можат да доведат до оштетување на кожата – па дури и рак.

Што можеме да заклучиме

Кожата е најцврстиот штит, но и посредник помеѓу внатрешните органи и надворешните влијанија. Колку подобро се грижиме за кожата, толку подобро таа ќе ги извршува своите функции (коишто се навистина многубројни). Најважните чекори за здрава, сјајна и еластична кожа се постојана хидратација (консумирање многу вода, и храна богата со вода), соодветна исхрана (консумирање на храна богата со витамин А, витамин Е, витамин Ц, цинк, селен, омега-3 и силициум) како и користење на креми со заштитен фактор против УВ зраци. Во најдобрите храни за здрава кожа се вбројуваат: бобинките, јаболките, портокалите, брокулата, спанаќот, морковот, слаткиот компир, лимонот, доматите итн.

Во овој водич ќе прочитате:

• Што значи растителна храна
• 10 Причини зошто растителна исхрана
• Од каде да почнете
• Вашата нова пирамида на исхрана
• Што можеме да заклучиме

Пред да го започнете вашето патување со мене, важно е да бидете подготвени да го променинте начинот на размислување. Најважно од сè, е да не се концентрирате на помислата од што сè треба да се откажете, туку да се сконцентрирате се на сè она што ќе постигнете. Не гледајте на ова како на програма за намалување или зголемување на телесната тежина, туку како животен стил за подобрување на целокупното здравје и квалитетот на живот. Заедно, ќе се обидеме да создадеме долготрајни навики и да развиеме подлабоко чувство на љубов кон самите себе. Ќе научиме да му веруваме на телото и што тоа има да ни каже, како и да јадеме без страв. Мојата растителна исхрана е гориво и пријател на телото. 

Растителна исхрана значи консумирање на свежо или зготвено овошје и зеленчук, јатки, мешунки и целозрнести житарки. Тоа значи дека комплетно ја забораваме храната од животинско потекло, млеко и млечни производи, преработена и процесирана храна, шеќер, пакувани сокови и останата храна со многу долга листа на состојки од кои поголем дел не ни знаете што значат. Моето правило е: колку помалку содржина на етикетата, толку поздрава храна. Зеленчукот и овошјето немаат етикети и непотребни додатоци – кога го купувате ја знаете состојката што ја добивате. Така на пример, кога купувате домати или банани на етикетата ќе видите само 1 состојка: домат или банана. 

Јас ќе ви помогнам да научите што содржи зеленчукот и овошјето, како да го комбинирате, како да го консумирате и воедно ќе добиете неколку предлог оброци за полесен почеток и транзиција кон овој начин на живот.

10 Причини зошто растителна исхрана

Придобивките од примената на растителна исхрана се многубројни, а  јас ќе се осврнам на неколку, според мене, важни за општото здравје и благосостојба.

1. Подобра работа на дигестивниот систем
Храната од растително потекло е веројатно најдобриот начин за да го подобрите здравјето на вашиот дигестивен систем на долг рок, бидејќи е богата со диететски влакна, вода, витамини, минерали, антиоксиданси, пробиотици, протеини и не содржи компоненти коишто тешко се преработуваат (како што е тоа случај со месото, млечните производи и јајцата). Храната богата со влакна исто така, ја обновува и подобрува разновидноста на цревната флора.

3. Почиста кожа
Акните се една од најзастапените кожни состојби во модерното време и многу дерматолози ширум светот континуирано работат на поврзаноста на акните со храната којашто се консумира. До сега, во повеќе клинички студии е објавено дека консумирањето на свежа, целосна и непроцесирана храна, особено храна богата со влакна и полифеноли го намалува ризикот од акни, Омега-3 масните киселини, селенот, флавоноидите, хлорофилот, витаминот Ц и витаминот Е придонесуваат во подобрување на заштитната улога на кожата, ја зголемуваат влажноста, ја подобруват еластичноста, ги намалуваат црните дамки и ја прават кожата млада и сјајна. 

5. Повеќе енергија
Храната од животинско потекло е тешка за варење и за да ја свари, дигестивниот систем се преоптоварува и троши повеќе енергија. Токму поради тоа, откако ќе се прејадете чувствувате замор, летаргија или омалаксаност. Ова не е случај со храната од растително потекло. Напротив, растителната храна го зголемува нивото на енергија, бидејќи многу брзо се вари и содржи енергетски компоненти.

6. Подобро расположение
Ако се храните здраво автоматски го подобрувате квалитетот на вашиот живот, а тоа влијае и на целокупното расположение. Во моментот кога ќе ги промените навиките во исхраната, ќе го смените и целокупниот поглед кон животот, ќе почувствувате повеќе среќа, оптимизам и општа благосостојба.

Од каде да почнете?

Вашата нова пирамида на растителна исхрана

Веројатно се сеќавате на пирамидата за храна од учебниците во училиште, каде што основата беше лебот, житарките и јаглените хидрати во целост. Потоа следуваше животинскиот протеин, односно месо и риба, па животинските масти, односно млечните производи и на крајот маслото и преработената храна, како шеќер, слатки и слично. Доколку не се сеќавате, еве еден “trip down memory lane”.  (сл.1)

Иако поголемиот дел од човештвото, на долг рок се хранел вака, поновите истражувања наложија редефинирање на пирмидата, па месото го качија малку погоре кон врвот, а на негово место дојде зеленчукот. Сепак, моето верување е дека пирамидата треба да изгледа сосем поинаку, па мојата пирамида изгледа вака: основата е овошје, урми, зеленчук и растителен протеин. Следат зготвени јаглехидрати, повторно од растително потекло, па здрави масти коишто се содржат од авокадо, маслинки, маслиново масло, јатки, семки и житарки, а сосем на врвот се оние “feel-good comfort foods” како што е пастата (целозрнеста), оризот, црното чоколадо и слично. (сл.2)

Што можеме да заклучиме?

Верувам дека е тешко да исфрлите цела група на храна што сте ја консумирале целиот живот. Но, и не мора да биде толку тешко. Најголемата работа е во мислите. А потоа и во волјата. Доколку постојано мислите дека се откажувате од нешто или дека нешто „не смеете“ или ви е „забрането“ постојано ќе посегнувате по истото. Доколку пак, се фокусирате на мислата дека правите нешто добро за себе и за своето здравје, дека решавате да трчате „маратон“, а не „спринт“, тогаш сè ќе биде многу полесно. Придобивките се навистина големи и значајни. Растителната храна е преполна со витамини, минерали, антиоксиданси и диететски влакна кои имаат неверојатно големо и позитивно влијание на многу аспекти од нашето здравје. На ваша среќа, јас сум тука за да ви помогнам свесно да ги трансформирате вашите навики во исхраната во здрав и одржлив начин на живот.

Доколку сакате да направите мала промена, зачленете се во мојата мејлинг листа. Ќе се потрудам да споделувам корисни содржини, коишто ќе ви помогнат да го направите првиот чекор.

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

Во овој водич ќе прочитате:

• Што е зелено смути?
• Нутритивни информации
• Здравствени придобивки
• Потенцијални ризици
• На што да внимавате кога правите зелено смути:
• Што можеме да заклучиме

Што е зелено смути?

Зелено смути е нутритивно богата мешавина од зеленчук и овошје, во којашто преовладува листестиот зеленчук. Зеленото смути е еден начин за брз внес на поголемо количество на витамини и минерали. За разлика од цедените сокови, смутито ги задржува влакната од целосната храна, и токму поради тоа е малку подобар избор. 

Во основата на едно зеленo смути најчесто е зелен, листест зеленчук како спанаќ, кељ, рукола, блитва или микросалати искомбинирани со течност, најчесто вода, цеден лимон, портокал или цитрон. Секако, веќе напоменав дека зелените смутиња се комбинација од зеленчук и овошје, па така пијалокот не треба да се содржи само од листест зеленчук, бидејќи истиот има релативно ниска калориска вредност, како и малку масти и јаглехидрати.

Постојат стотици начини како да го подобрите вкусот на вашето зелено смути, па еве неколку предлози што да додадете:

🍋 Овошје богато со Витамин Ц: портокал, боровинки, малини, капини, јаболко, ананас, киви, 
🍌 Овошје со поголема блажина: лубеница, банана, круша, јапонско јаболко, авокадо
🥒 Зеленчук богат со вода: целер, краставица, карфиол, морков
🌰 Јатки и семки: чиа, ленено семе, путер од бадеми, кикиритки, лешници или индиски ореви, семе коноп
🧂 Зачини: ѓумбир, куркума, цимет, какао
🥥 Засладувач: урми

Дополнително, за уште подобра суплементација, може да додадете протеин во прав. Или пак спирулина, мака или останати витамини и минерали што ги преферирате.

Нутритивни информации

Како и за сè друго што консумирате, така и нутритивната содржина и калорискиот состав на едно зелено смути ќе зависи од она што ќе ставите во него. Но, ако ја земеме основата: шака спанаќ, 3 листа блитва, 3 листа кељ, ½ јаболко и 1 урма, содржината е следна:

• Калории: 83
• Протеини: 5,9 гр.
• Масти: 0,9 gr
• Јаглехидрати: 20 гр.
• Влакна: 8 гр.
  
  Оваа комбинација е исто така богата и со Витамин Ц, Витамин А, Витамин Е, Витамин К, Железо, Магнезиум, Калциум.
  
  На оваа комбинација, можете да додадете ½ банана, ½ шоља ананас, 1 лажица мелено ленено семе и 1 лажица путер од кикиритки. Со тоа, калориската вредност на вашето зелено смути ќе достигне до 304 калории и тоа е веќе супер почеток на денот. 
  
  Зеленото смути е исто така и добар извор на Б витамини, како фолат, Б6 и ниацин. Овие витамини помагаат во ослободување на енергијата од храната и коишто помагаат за здрав нервен систем.

Здравствени придобивки

Зеленото смути е одличен начин да внесете што повеќе листест зеленчук во вашиот оброк. Овие зеленчуци се добар извор на витамини и минерали и најнутритивни се кога се консумираат сирови (незготвени) како што е случајот во смути (и свежи салати). Исто така, прилично е лесно да го подесите вкусот на смутито со едноставно додавање на други овошја и зеленчуци со што ќе се формира еден фин течен оброк (се разбира се додека се внесат доволен број на калории, јаглехидрати и масти). 

Од здравствените придобивки што консумирањето на зелено смути во вашата исхрана, може да се издвојат: 

Подобрување на дигестивното здравје

Нерастворливите влакна во листестиот зеленчук и помагаат на преостанатата храна да помине низ желудникот, притоа намалувајќи одредени состојби како дијареа, констипација или подуеност. Храната богата со влакна исто така заситува, што значи дава чувство дека сте најадени подолго време, што пак придонесува во постигнување на добри резултати во процесот на слабеење (доколку тоа е вашата цел).

Подобрување на цврстината на коските

Листестиот зеленчук е одличен извор на Витамин К1. Зголеменото количество на овој витамин го намалува ризикот од фрактури и остеопороза. Исто така, го намалува и ризикот од намалување на густината на минерали во коските. 

Подобрување на имунитетот

Листестиот зеленчук има многу поголемо количество на витамин Ц од останатиот зеленчук. А Ц-витаминот го подобрува имунитетот, се бори со инфекциите и помага во одржување на здрави клетки во организмот. 

Намален ризик од хронични заболувања

Освен што е богат со витамин Ц и К1, листестиот зеленчук е богат и со антиоксиданси. Овде спаѓаат бета-каротен којшто заедно со Ц витаминот се борат со оксидативните нарушувања предизвикани од слободните радикали. Слободните радикало се појавуваат природно, но се зголемуваат како резултат на одреден начин на живот и надворешни фактори. Штетата што слободните радикали ја предизвикуваат е поврзана со хронични нарушувања како инфламација, срцеви заболувања и дури и рак.

Намалување на холестеролот

Потенцијални ризици

Поради фактот што самите листести зеленчуци не се доволни да заменат еден оброк, потребно е зеленото смути да содржи и други нутриенти. Од овде, можат да настанат два позначајни проблеми:

1. Недоволно балансирано смути, со премал калориски внес
2. Преголем калориски внес и зголемување на телесната тежина

Поради тоа што постојат многу начини и комбинации за зелено смути, возможно е да внесете премалку или премногу калории, шеќери, јаглехидрати или масти. Исто така, возможно е високиот концентрат на минерали од листестиот зеленчук да не биде соодветен за лица со одредени заболувања и медицински состојби*

На што да внимавате кога правите зелено смути:

Што можеме да заклучиме

Зелено смути е одличен начин да внесете поголемо количество на листест зеленчук којшто е богат со многу витамини и минерали. Сепак, потребно е да се внимава на додатоците за да не дојде до креирање на калориска бомба. Консумирањето на зелено смути наутро пред појадокот или како појадок, во додаток со друго свежо овошје помага при регулирање на столицата и преработка на храната, ви ја дава потребната енергија, а витамините и минералите помагаат во одржување на сјајна, мека и еластична кожа.

Доколку внимавате вашето зелено смути да биде добро избалансирано, истото ќе биде здраво и веќе по само 10 дена редовно консумирање, ќе ги почувствувате и придобивките.

За да ви помогнам, креирав мени со 10 зелени смути појадоци. Секое има до ±250 калории и се добро избалансирани за да ги задоволат потребите на телото. Во комбинација со свежо овошје, ќе ви овозможат здрав и енергичен почеток на денот.

_{* Ако имате некакви здравствени нарушувања, најдобро е да се консултирате со вашиот доктор пред да внесете голема количина на листест зеленчук.}

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .