Комбинирање на храната: неколку правила за подобри резултати

Во овој водич ќе прочитате:

Комбинирање на храната – кои групи овошје и зеленчук одат добро заедно

Верувам дека до сега имате слушнато десетици „правила“ или „насоки“ за комбинирање на храната; што со што оди или не оди и додека некои од тие теории се точни, некои се неточни. Да напоменам, ова е мој личен водич и како јас ги групирам истите за подобро варење. Како и другите слични насоки, не значи дека и оваа е беспрекорна, но јас се придржувам до истата бидејќи ми покажала резултати. (Сем мојот личен пример, има многу и многу познати личности коишто се придржуваат до раститална исхрана, и правилна комбинација на истата а во оваа листа се вбројуваат Новак Ѓоковиќ, Жизел Бундхен, Венера Вилијамс, Натали Портман итн.).

Она што треба да го знаеме е дека овошјето и зеленчукот се варат на различен начин. Овошјето има поголема количина на шеќер од зеленчукот и му треба помалку време да се свари. Тој шеќер од овошјето пак, може да го забави процесот на варење на зеленчукот доколку истите се несоодветно искомбинирани. Сепак, пред да почнеме со комбинациите, сакам да направам соодветна поделба на групите на овошје и зеленчук. 

Јас се водам според овој водич за комбинирање на храната:
🥭 Слаткото овошје, оди одлично со делумно кисело овошје и листест зеленчук
🫐 Делумно киселото овошје оди одлично со слатко овошје, листест зеленчук и здрави масти. Може умерено да се комбинира и со Кисело овошје;
🥬 Листестиот зеленчук оди одлично со слатко овошје, делумно кисело овошје и здрави масти;
🍋 Киселото овошје оди одлично со листест зеленчук и здрави масти умерено (модерирано). Умеренното комбинирање со делумно кисело овошје е исто така во ред;
🍠 Зеленчукот со скроб оди одлично со листест зеленчук;
🥑 Здравите масти одат одлично со листест зеленчук и умерено со делумно кисело овошје;

Комбинирање на храната: неколку примери

Зошто е добро да не јадете овошје после ручек

Ова правило се однесува единствено за подобро варење. Овошјето содржи многу вода и влакна и најчесто се потребни максимум 45 минути за да се преработи, додека, на зготвената храна и треба повеќе време. Кога овошјето се консумира со или по потешка или термички преработена (зготвена) храна, останува подолго во желудникот, бидејќи на потешата храна и треба повеќе време за да се преработи. Ова значи дека доколку овошјето остане предолго, може да се „превари“ од желудочната киселина што пак може да доведе до процес на ферментација. Така, „влажниот и кисел“ остаток од ферментираната храна, останува во нашиот дигестивен тракт и може негативно да влијае на варењето – да го попречи лачењето на желудочна киселина, апсорпција на нутритиенти и во краен случај да доведе до болки во стомакот поради несварена храна, чувствителност и нетолеранција на храна или воспаление на цревата и желудникот.

Што можеме да заклучиме

Овошјето и зеленчукот е најдобрата храна што можете да му ја дадете на телото и колку повеќе јадете, толку подобро. Сепак, за да си го олесните варењето, добро е да внимавате како ги комбинирате. На овошјето му треба помалку време да се свари и најдобро е да се јаде наутро и барем 30-40 минути пред друга храна. Идеално е да не јадете овошје во попладневните часови, за да ја избегнете можноста истото да се задржи долго во вашиот желудник и да ферментира со што може да создаде воспалување во цревата. Сепак, слушајте што телото има да ви каже, тоа е најдобриот начин за правилно да се храните.