Marija Marija Marija

🥪 Крцкав киноа тофу сендвич со намаз од сончоглед 🥪

Крцкав киноа тофу сендвич

Оваа објава има многу долго име но содржи три рецепти: крцкав киноа тофу сендвич и намаз од сончоглед, односно: крцкаво киноа тофу + сендвич + намаз од сончоглед. И сега мислам дека се оправдав, нели? Инаку, сендвичов излезе многу спонтано. Првично, замислата ми беше да го направам тофуто посебно, а намазот да ми биде посебна објава. Но, решив дека можам да ги искомбинирам, и на едно место да имате повеќе рецепти. Секако, можете се да си направите посебно.

Инаку, овој крцкав киноа тофу сендвич излезе превкусно и мене ми беше врвен ручек, богат со растителни протеини.

Се прави многу лесно. Јас го печев во air-fryer (без воопшто масло) но можете и да го испржите (јас избегнувам пржење максимално) .

А доколку не сакате да го јадете како сендвич, можете да го послужите со салата и многу свеж или печен зеленчук.

Како да го направите ова Киноа тофу?

За сендвичот нема што многу да објаснувам, а крцкавото киноа тофу исто така се прави брзо и лесна! Потребни ви се 3 сада во кои ќе го извалката тофуто. Еден со брашно, еден со млеко и еден со киноа (претходно сварена). Инаку, јас во фрижидер секакош имам сварена киноа. Пред се, затоа што ми е супер за meal-prep а и за рецепти како овој или како вафлите со киноа и јагоди.

За миксот од брашно можете да употребите што сакате (или што имате дома). Јас употребив брашно од наут и нутритивен квасец (за повеќе протеини).

Инаку, целиот рецепт и начинот на подготовка го имате подолу во рецептот, а имате и кратко видео кај мене на инстаграм во reels.

Крцкав киноа тофу сендвич
намаз од сончоглед

Како да го направите намазот од сончоглед?

Исто така, многу лесно. Прво треба да го накиснете сончогледот во зовриена вода, минимум 2 часа. Потоа процедувате, ги додавате состојките и блендате. И тоа е тоа. Можете да го јадете како додаток во сендвичи и тортиљи, како дресинг во салати (со малку повеќе лимон) или како прилог во други јадења, бидејќи е супер извор на здрави масти (и е многу вкусен). Мене лично овој намаз ми е замена за мајонез.

И така, сосем за крај на овој пост стигнавме и до сендвичот. Јас користев купечко лепче, но ако знаете да си направите дома, тоа ви е плус! На лепчето мачкате од намазот од сончоглед, па го ставате тофуто, па микс зелена салата, домат, краставица и вегански кашкавал (ова е опционално). И тоа е тоа. Брз, избалансиран и многу вкусен ручек со 53 грама протеин и 700 калории.

Доколку сакате сендвич, но малку поздрава варијанта, направете си го овој крцкав киноа сендвич со намаз од сончоглед. Содржи 53 грама растителен протеин и намирници што ги имате дома и што не се процесирани. Многу е вкусен и дефинитивно поздрава варијанта од кој било купечки. Доколку го направиш, тагни го мојот инстаграм профил @marijamarijamarija или остави ми коментар под овој пост.

Крцкав Киноа Тофу Цендвич и Намаз од Сончоглед

Време на подготовка10 minutes
Време на готвење20 minutes
Киснење на сончогледот2 hours
Вкупно време30 minutes
Автор: Марија Марија Марија

Oпрема

  • блендер / процесор за храна

Состојки

Крцкаво Киноа Тофу

  • 150 гр. Тофу, исечено на парчиња (шницли)
  • шоља Киноа, сварена
  • ¼ шоља Млеко од соја или друго растително
  • ¼ шоља Брашно од Наут
  • 2 с.л. Нутритивен квасец
  • 1 к.л. Димена паприка
  • 1 к.л. Зеленчуков зачин
  • 1 к.л. Сол + други зачини по вкус

Намаз од сончоглед

  • ½ шоља Сончоглед накиснет во вода 2 часа
  • шоља вода
  • 1 месечинка Лук
  • 1 к.л. Сол
  • 1 с.л. Сок од лимон
  • 1 к.л. Сенф
  • ½ к.л. Мисо паста опционално
  • ½ к.л. Јаворов сируп

Сендвич

  • 2 парчиња Леб, по избор
  • 2 с.л. Намаз од сончоглед
  • 2 парчиња Киноа тофу
  • 1 шака Микс зелена салата
  • ½ Домат
  • ¼ Краставица или друг зеленчук
  • 2 парчиња Вегански кашкавал опционално, или други додатоци по желба

Киноа Тофу
Вкупно парчиња: 2 (150 гр. тофу)
(препорачана порција: 2 парчиња)
Нутритивни вредности од порција:
Калории: 393,4 kcal
Протеини: 36,3 гр.
Јаглехидрати: 24,1 гр.
Масти: 15,2 гр.
Влакна: 7,9 гр.

Намаз од сончоглед
Вкупно парчиња: 10 с.л.
(препорачана порција: 2 с.л.)
Нутритивни вредности од порција:
Калории: 84,38 kcal
Протеини: 3,06 гр.
Јаглехидрати: 1,92 гр.
Масти: 7,28 гр.
Влакна: 1,28 гр.

Сендвич
Вкупно парчиња: 1 голем сендвич
(препорачана порција: 1 порција)
Нутритивни вредности од порција:
Калории: 708 kcal
Протеини: 52,56 гр.
Јаглехидрати: 77,62 гр.
Масти: 24,78 гр.
Влакна: 18,58 гр.

* Јас користам мерилки, ви препорачувам да набавите, многу се корисни а воопшто не се скапи. 
** с.л. = супена лажица - ќе го користам како кратенка

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

Оставете коментар

Your email address will not be published. Потребните полиња се обележани со *