Рецепти Archives - Marija Marija Marija

🥯 Протеински Мајонез без масло 🥯

Оставете коментар / LinkInBio, Додатоци, Рецепти, Сосови, макала, намази и кремови / Марија

Доколку сакаш мајонез, но се грижиш за здравјето, мојот протеински мајонез без масло, е за тебе! Направен од свилено тофу, овој протеински мајонез е кремаст, богат и неверојатно вкусен, а во исто време лесен и хранлив. Дефинитивно совршена алтернатива на класичниот мајонез што ќе сакаш (и ќе можеш) да ја користиш секој ден.

Наместо голема количина масло и јајца, главната состојка на овој протеински мајонез е свиленото тофу. И токму тоа создава мазна, кремаста текстура и додава растителен протеин во секој залак. Резултатот е тонунез, или веганез, односно посен мајонез што е многу полесен, но сепак доволно богат и вкусен. Одличен е за сендвичи, салати, врапови, или како сос.

Она што најмногу го сакам кај овој рецепт е тоа што е многу едноставен. Буквално само неколку состојки, блендер и неколку минути се доволни за да добиетш домашен протеински мајонез со совршена текстура. А најдобриот дел? Можете лесно да се прилагоди! Повеќе сенф, повеќе лимон, малку лук или зачини зависно од вкусот што го сакаш.

Инаку, целиот рецепт и начинот на подготовка е малку подолу во постов, а кај мене на инстаграм во reels имаш и кратко видео од подготовката.

Пет причини зошто овој протеински мајонез без масло?

Прво, освен што е вкусен, нема ни капка масло, па го прави одличен доколку внимаваш на калорискиот внес. Второ, овој протеински мајонез е и одличен начин да внесеш повеќе протеин во оброците без премногу да се оптоваруваш или да чувствуваш тежина. Трето, совршен е за луѓе што бараат полесни опции, растителни (plant-based) оброци или едноставно сакаат поздрава верзија од омилените сосови што секогаш ги имаат во фрижидер. Четврто, свиленото тофу има неутрален вкус, што значи дека ги впива сите ароми од состојките што му се додават и создава навистина балансиран и кремаст резултат. Петто, се прави за 30 секунди!

Ако сега не те убедив, веројатно никогаш нема!

Доколку сакаш мајонез, но сакаш да внимаваш на калорискиот внес, направи си го мојот протеински мајонез. Брз, лесен, вкусен и хранлив, овој мој тофунез е доказ дека и поздравите верзии можат да бидат подеднакво вкусни, ако не и повкусни од класиката или оригиналот. Доколку го направиш, тагни го мојот профил @marijamarijamarija или остави ми коментар под овој пост.

Печати рецепт

🥯 Протеински Мајонез без масло 🥯

Време на подготовка5

Вкупно време5

Автор: Марија Марија Марија

Oпрема

блендер

Состојки

1 пакување Свилено Тофу
1 с.л. Сенф (полна)
1 к.л. Јаворов сируп или Мед
2 с.л. Лимон, исцеден
½ к.л. Сол
½ к.л. Провансалска мешавина

Инструкции

Сите состојки се блендаат додека да се добие еднолична смеса.
Зачините може да се прилагодат по вкус.

Вкупна доза:
(препорачана порција: )
Нутритивни вредности од цела доза:
Калории: 238 kcal.
Протеини: 22 gr.
Јаглехидрати: 3.8 гр.
Масти: 14.2 гр.
Влакна: 2 гр.
Калиум: 1.84 мг.

* с.л. = супена лажица - ќе го користам како кратенка*
* Доколку користите мед, поради неговата густина, ќе треба да се додаде топла вода и поголема количина и не сум сигурна дали ќе се добие истиот крем (бидејки јас не користам мед)

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

🥯 Протеински Мајонез без масло 🥯 Read More »

🥒 Азиска Краставица Салата 🥒

Оставете коментар / LinkInBio, Рецепти, Ручек, Салати / Марија

На оваа азиска краставица салата ме „навлече“ една пријателка од Кореја што живее во Холандија. Во април ни беа на гости, и дискутиравме во што се користам гочуџанг (gochujang) сос (а јас го користам во доста јадења). Разменувајќи рецепти доцна навечер, ме праша дали ги имам состојките (нормално ги имав, затоа што се од тоа редовно користам во други комбинации) и во 22 часот навечер, Суџи го направи сосов. Советот беше: утре стави го врз краставица.

И следниот ден, направив како што ми кажаа, и… Крцкава, освежителна и со совршен баланс помеѓу пикантно, солено и благо, оваа азиска краставица салата се подготвува за неколку минути, е 🔥🔥

Иако навидум краставицата е главната состојка, сепак, ѕвездата во оваа азиска краставица салата е сосот. Целиот рецепт е подолу во објавава а кај мене на инстаграм во reels има и кратко видео од подготовката.

Зошто баш оваа азиска краставица салата

Пред се поради тоа што се прави многу лесно, но особено поради гочуџанг (gochujang) сосот. Оваа корејска ферментирана паста од чили додава длабочина, умами вкус и пријатна лутина што ја прави салатата неверојатно вкусна и по малце „addictive“. Сосот е прилично едноставен, и се прави лесно (но е пикантно лут) и да бидам искрена, толку е вкусен што буквално сакаш да го ставиш на сè. Буквално „по една лажица од сите состојки“ или со минимална адаптација по вкус.

Оброк или прилог

Она што најмногу го сакам кај оваа азиска краставица салата е што може да биде и прилог и лесен оброк. Одлично оди со ориз, тофу, нудкли или како освежувачка салата покрај нешто крцкаво и топло. А ако сакаш уште повеќе текстура и вкус (yes, please!), додади млад кромид или кршени кикирики одозгора.

Покрај тоа што е вкусна, оваа салата е и полна со бенефити. Краставицата помага за хидратација, лукот и ферментираните состојки од gochujang пастата имаат посебен вкус и карактер, а целиот рецепт е лесен, брз и идеален за денови кога и немаш баш многу време за готвење.

Следниот ппат дефинитивно ќе. додадам и тофу за протеини, а си задавам предизвик да видиме во што се ќе го употребам овој сос 🙂

Ако сакаш рецепти што се едноставни, а сепак полни со вкус и карактер, оваа азиска краставица салата сигурно ќе ти стане нов фаворит. Брза е, освежителна и совршен доказ дека и наједноставните состојки можат да создадат нешто навистина посебно. Доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🥒 Азиска Краставица Салата 🥒Прочитај повеќе »

🥒 Азиска Краставица Салата 🥒 Read More »

🍯 „Glow&Calm“ бомбици 🍯

Оставете коментар / LinkInBio, Бомбици, Десерти, Рецепти / Марија

Овие „Glow&Calm“ бомбици се совршен чоколаден десерт за сјајна кожа, стабилна енергија и мирен ум! Затоа што најдобрите десерти се оние што не само што се вкусни, туку и прават да се чувствуваме добро и од внатре и од надвор. Епа моиве „Glow&Calm“ бомбици се токму тоа: нутритивно богати, чоколадни, кремасти и полни со состојки што го хранат телото одвнатре (ама и душата).

Комбинацијата од таан, какао, ленено семе и ф’стаци создава совршен баланс на здрави масти, магнезиум, антиоксиданси и природна сладост. А резултатот? Десерт што изгледа луксузно и декадентно, а всушност е нутритивно богата ужинка што може да помогне за постабилна енергија, природен сјај и помалку „cravings“ за благо.

Искрено, мене вкусот потсетува на комбинација помеѓу брауни, алва и пралина. Чудно, интересно и многу богато. Целиот рецепт е подолу во објавава а кај мене на инстаграм во reels има и кратко видео од подготовката.

Зошто овие “Glow&Calm” бомбици

Таанот е богат со калциум и здрави масти што ја хранат кожата.
Какаото содржи магнезиум и антиоксиданси што помагаат за релаксација и сјај.
Лененото семе додава омега-3 и диететски влакна.
Ф’стаците се одлични за кожата, благодарение на витаминот Е и добрите масти.
Сирупот од урми дава природна карамелеста сладост без рафиниран шеќер.
Циметот придонесува за постабилен шеќер и помалку „cravings“
Ова е еден од оние рецепти што секогаш ги чувам во фрижидер за брза ужинка со кафе или кога ми се јаде нешто благо.

Здраво не значи здодевно

Мислам дека ова го докажувам со секој нов рецепт што го креирам. А овие „Glow&Calm“ бомбици се уште еден доказ за тоа. Со неколку едноставни, нутритивно богати состојки добиваш десерт што е кремаст, чоколаден и неверојатно вкусен. А истовремено го задоволува и му дава на телото корисни масти, диететски влакна и минерали. И секако, најдобриот дел во моите рецепти? Што се навистина брзи. Така и за овие бомици, не ти треба печење, блендер, миксер или многу време. Ти требаат само состојките излистани подолу и неколку минути од твојот ден. Секој заслужува little homemade luxury moment, нели?

П.С. Ако те мрзи да правиш бомбици, можеш смесата да ја наредит во тавче, и да исечеш барови 🙂

Доколку си во ерата на здрава и сјајна кожа, ти се јаде благо, а не сакаш да трошиш многу време на подготовка, имам уште еден рецепт за тебе! Моите „Glow&Calm“ бомбици со таан се мали топчиња луксуз :) Вкусни, здрави и лесни! Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍯 „Glow&Calm“ бомбици 🍯Прочитај повеќе »

🍯 „Glow&Calm“ бомбици 🍯 Read More »

🍞 Протеинска проја со леќа 🍞

LinkInBio, Лепчиња, Рецепти, Солени лепчиња / Марија

Иако веќе имам една протеинска проја, оваа протеинска проја со леќа, има уште повеќе протеини. Леќата, како главна состојка, ѝ дава богата текстура, хранливост и длабочина. Па така, оваа протеинска проја со леќа е одличен избор за секој што сака балансирана и вкусна исхрана. Во овој рецепт јас употребив сушени чери домати и маслинки, но може да се направи со други полнења по избор. Тофуто и нутритивниот квасец се задолжителни. Едно парче има 15 грама растителен протеин (со други зборови, посна е и веганска). Се прави во еден сад и е многу вкусна, брза и едноставна. Целиот рецепт е подолу во објавава а кај мене на инстаграм во reels има и кратко видео од подготовката.

Со оваа протеинска проја со леќа, наместо стандардна варијанта, добивате рецепт кој изобилува со протеини, растителни влакна. Содржи природни состојки што ем убаво го хранат телото, ем го задоволуваат и вкусот. Совршена за сите што сакаат поздрави варијанти на омилените домашни рецепти. Мојата протеинска проја со леќа, докажува дека хранливата храна може да биде неверојатно вкусна, ароматична и инспиративна. Затоа што понекогаш, најубавите рецепти се оние што ја комбинираат традицијата, знаењето и креативноста.

Протеинска проја со леќа за совршен почеток на денот

15 грама протеин и 5 грама диететски влакна се супер основа за почеток на денот. Плус, супер е и за деца! Јас на Каи му ја комбинирам со котиџ сирење или со грчки јогурт за уште малку протеин и сум сигурна дека има супер нутритивен и балансиран оброк. Како што напоменав и претходно, рецептов може слободно да се прилагодува според вашите вкусови и преференци. Така на пример, полнењето можете да го збогатите со запржен млад кромид и печурки, или пак свежи домати и лукче. Каква комбинација и да направите, ова е еден супер вкусен и балансиран оброк.

Јас ја правам во тава, но доколку ја правите за вашите малечки, можете да ја направите и во калапи за мафини. Па така, сите што сакаат креативни, поздрави варијанти на омилените рецепти, топло препорачувам да ја пробате оваа протеинска проја со леќа. Затоа што добрата храна не е само оброк. Таа е уживање, инспирација и начин да внесеме повеќе вкус и грижа за себе во секој ден.

Доколку се уште се мислиш дали да ја пробаш мојата протеинска проја со леќа, те молам, не се мисли повеќе! Те охрабрувам да ја нашравиш и пробаш, бидејќи е навистина вкусна и крцкава. Плус, преполна со протеини. Доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍞 Протеинска проја со леќа 🍞Прочитај повеќе »

🍞 Протеинска проја со леќа 🍞 Read More »

🧆 Протеински Палента Топчиња 🧆

LinkInBio, Појадок, Рецепти, Ручек, Ужина / Марија

Искрено, овие протеински палента топчиња не беа рецепт што го планирав. Од малку познати факти за мене, издвојувам дека ич не сум љубител на палента!

Ама, Каи многу сака палента и секој пат пробувам нови варинајти и комбинации со палента. Па така настанаа и овие протеински палента топчиња. Во еден од оние денови кога фрижидерот не е сосем празен… ама не те инспирира. Освен палента, имав и неколку состојки што секогаш ги чувам „за секој случај“ и желба да направам нешто брзо, хранливо и различно од вообичаеното.

И како за некој што не сака палента, решив дека сепак ќе направам нешто едноставно а вкусно. Нешто крцкаво однадвор, меко одвнатре. Нешто што ќе ме држи сита подолго.

И така настанаа овие предобри протеински палента топчиња! На Каи вообичаено палентата му ја правам со котиџ или грки јогурт, ама оваа протеинска верзија денес е со крскаво тофу! Пре-до-бри!

Ако се искомбинираат со свежа салата (и уште малце тофу) се супер ручек. Јас ги јадев за појадок, со протеински хумус и свежа краставичка, ама може и да бидат супер ужинка. Баш се лапни-голтни. Лесно се прават и стојат во фрижидер (иако кај нас не издржаа). Едно топче има 41 калорија и 2.2 грама растителен протеин! А целиот рецепт и начинот на подготовка го има подолу во овој пост и кај мене на инстаграм во reels.

Зошто овие протеински палента топчиња?

Затоа што некој што не јаде палента ви кажува дека се многу вкусни! Навистина се. Но и затоа што

се прават од едноставни состојки
можеш да ги адаптираш според вкус
одлични се и за возрасни и за деца
совршени се кога сакаш нешто „comfort“, ама сепак хранливо

А кога велам можеш да ги адаптираш според вкус, мислам на тоа дека можеш да сакаш какви било додатоци, или друг извор на протеин и пак да добиеш вкусен оброк. Иако, јас дефинитивно препорачувам да ја пробаш прво оваа комбинација!

Така што, доколку сакаш брз и едноставен рецепт, што не одзема премногу време, богат е со растителен протеин и диететски влакна, вусен е и различен, тогаш дефинитивно направи ги!

Можеби најубавиот дел од овој рецепт не е само вкусот, туку чувството дека со малку состојки можеш да направиш нешто што навистина ќе ти го разубави денот. Нешто едноставно, а толку задоволувачко. Ако ги пробаш, ќе ми биде баш драго да ми пишеш како ти испаднале. Или уште подобро, во која твоја верзија ќе ги претвориш…

Доколку сакаш палента, направи ги овие протеински палента топчиња. Доколку не сакаш палента, тогаш дефинитивно направи ги овие палента топчиња - ќе те предомислам (мене ме предомислија!) И секако, доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🧆 Протеински Палента Топчиња 🧆Прочитај повеќе »

🧆 Протеински Палента Топчиња 🧆 Read More »

🍪 Брзи колачиња со 2 состојки 🍪

LinkInBio, Десерти, Колачиња и бисквити, Рецепти / Марија

Овие брзи колачиња со 2 состојки се веројатно едни од најубавите колачиња што ќе ги пробате. Имаат само 2 состојки (и уште две за неверојатна арома) се прават во еден сад (блендер), природно се засладени и буквално ги задоволуваат сите услови за епитетот НАЈ. A да, дефинитивно се и едни од најбрзите! Се прават за 15 минути, а се јадат уште побрзо…

Како за 15 минути?

Киснење на урми: 5 мин
Правење смеса: 1 мин
Формирање колачиња: 1 мин
Печење: 8 мин

And just like that… имате брз, едноставен и многу вкусен (а и многу поздрав) десерт.

Целиот рецепт (не дека е којзнае колав) е подолу во оваа објава, а имате и видео од подготовката кај мене на инстаграм во reels

Зошто да ги направиш овие брзи колачиња со 2 состојки?

Хахаха.. Какво е ова прашање! Превкусни се! Ама пре-препревкусни! Плус се многу поздрави од кое било друго колаче што ќе го купите. И се прават ултра брзо. Е ама имаат една маана. Толку се вкусни што се јадат многу брзо 🙂

Многумина веќе ги пробаа, но доколку си еден од оние што се уште ги нема направено овие љубовни колачиња со таан, те охрабрувам да ги направиш уште денес и доколку ги направиш, тагни го мојот инстаграм профил @marijamarijamarija

…

🍪 Брзи колачиња со 2 состојки 🍪Прочитај повеќе »

🍪 Брзи колачиња со 2 состојки 🍪 Read More »

🍓 Брауни со Малини 🍓

LinkInBio, Брауни, Десерти, Рецепти / Марија

Ова брауни со малини е еден многу стар рецепт (уште од 2011, пред да имам сајт) и го правев како дел од серијалот „10 браунис од овошје, зеченчук и цели зрна“. Епа 5 години подоцна, еве ги сите, едно по едно на сајт. Плус, Каи мораше да го проба и сакаше заедно да го правиме па немав избор 🙂

Инаку, постојат десерти што ги јадеме „набрзина“, со чувство дека правиме нешто погрешно. Но, постојат десерти што ги јадеме свесно, со уживање, баланс и благодарност. Епа, ова брауни со малини се токму такво.

Совршена комбинација од богато чоколадо и освежителна, киселкаста малина. Длабоко, сочно, меко одвнатре, со текстура што се топи во уста. А сепак, направено од состојки што го поддржуваат телото, наместо да го оптоваруваат. Целиот рецепт е подолу во оваа објава, а имате и кратко видео од подготовката, кај мене на инстаграм во reels

И пак ќе повторам, многу сум среќна што буквално во секој мој рецепт има многу овошје или зеленчук (понекогаш и тоа и тоа).

Како да го направите ова брауни со малини

Браунито има вкупно 8 состојки и се прави многу лесно, во еден сад. Јас како мајка и жена што работи неколку работи, сметам дека не смееме да бидеме робови на оброци што се подготвуваат со саати. За мене колку побрзо, толку подобро. Бонус е ако нема многу садови за миење :))

Е сега, од нутриционистички аспект, како некој што работи со жени кои сакаат да намалат тежина без рестрикции и казни, верувам во едно правило:
кога десертот е направен со квалитетни целосни состојки, тој станува дел од балансиран начин на исхрана, секако во модерација.

Па така, доколку си во фаза на регулирање на тежина, намалување на воспаление или едноставно сакаш подобар однос со храната, ваквите рецепти се мостот помеѓу „сакам нешто благо“ и „сакам да се чувствувам добро“. Затоа што јас не верувам во елиминација. Јас верувам во подобри избори.

Зошто баш комбинацијата чоколадо и малина?

Кога го подготвував серијалот „10 браунис од овошје, зеченчук и цели зрна“ немав идеја што конкретно правам, само сакав да ги прибам сите чудни комбинации на овошје, зеленлук и цели зрна што можат да бидат брауни. И ова ми беше меѓу фаворитите.

Чоколадото дава длабочина, богатство и чувство на сатисфакција. Малините додаваат свежина, природна сладост и лесна киселост што го балансира вкусот.

И не е само вкусот во прашање. Малините се богати со:

антиоксиданси
растителни влакна
природни фитонутриенти

Комбинацијата со квалитетно какао создава десерт што е интензивен по вкус, но не претежок за дигестијата.

Доколку сакаш поздраво благо, длабок, интензивен чоколаден вкус што во исто време ќе те освежи, тогаш моето брауни со малини е совршено за тебе. Многу е вкусно, и сочно и се прави навистина лесно и брзо. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍓 Брауни со Малини 🍓Прочитај повеќе »

🍓 Брауни со Малини 🍓 Read More »

🍓 Гранола со црвено овошје 🍓

LinkInBio, Гранола, Појадок, Рецепти / Марија

Оваа гранола со црвено овошје е уште еден гламурозен изум во категоријата на граноли. И како што е веќе добро познато за мене и моите гранола експерименти, секој нов гранола вкус, за мене е нова авантура. И многу сум горда на сите мои граноли. Богати и уникатни на вкус – и буквално за сечиј вкус! Без разлика дали сакате гранола со портокал, со јаболко, со тиква, со таан, со хељда, со чоколадо, со Киноа, со морков, со сусам и суви кајсии, или пак можеби сакате поинаква гранола авантура во форма на чашки, или пак можеби солена гранола, мислам дека сетилата ќе ви бидат задоволени.

Инаку, за мене има нешто посебно во домашната гранола. Мирисот додека се пече, но и чувството дека сум направила нешто добро за себе. Оваа антиоксидантска гранола со црвено овошје не е само вкусен појадок – таа е внимателно избалансирана комбинација на состојки што го поддржуваат телото одвнатре.

Зошто гранола со црвено овошје?

Малините, капините, боровинките, вишните и рибизлите се вистински шампиони кога станува збор за антиоксиданси. Богати се со полифеноли и антоцијанини – соединенија што го штитат телото од оксидативен стрес, го намалуваат воспалението и придонесуваат за здравје на срцето, мозокот и кожата. Редовната консумација на вакво овошје е поврзана и со подобра регулација на шеќерот во крвта и подобрена когнитивна функција. И само е логично дека треба да станат гранола, нели? Единствено нелогично е зошто до сега ја немам направено оваа гранола со црвено овошје…

Инаку, овесни снегулки користам секогаш како основа во сите мои граноли, бидејќи обезбедуваат долготрајна ситост и стабилна енергија. Благодарение на бета-глуканите, тие помагаат во намалување на лошиот холестерол, го поддржуваат здравјето на дигестивниот систем и придонесуваат за подобар баланс на апетитот во текот на денот. Изборот на семки и јатки го правам во од, најчество според она каков вкус сакам да добијам и то имам дома. Овој пат, користев пекани и бадеми за здрави масти, растителни протеини и витамин Е. Овие нутриенти се клучни за здраво срце, подобра функција на мозокот и заштита на клетките од предвремено стареење. Дополнително, тие помагаат подолго да се чувствуваме сити и задоволни по оброкот.

Инаку, целиот рецепт и начинот на подготовка, го имате подолу во овој пост, а имате и кратко видео од подготовката кај мене на инстаграм во reels

Повеќе од појадок

Оваа гранола е антиинфламаторна, хранлива и балансирана. Таа го поддржува имунитетот, го негува дигестивниот систем и обезбедува енергија што трае. Совршена е за појадок со јогурт или растително млеко, како додаток на смути, или како брза, но квалитетна ужина во текот на денот. И како и секогаш, не можам доволно да потенцирам да си направите домашна гранола! Таа не е само оброк, таа е навика на грижа за себе. Со контролирани состојки (особено количество на шеќер) домашната гранола е многу, ама сериозно многу подобар избор од која било купечка!

Сакаш брз и здрав појадок или ужинка? Направи си гранола! Не знаеш каква? Направи си ја оваа гранола со црвено овошје! Или која било гранола од мојата колекција (имам многу). Но, доколку сакаш гранола што е многу здрава, освежителна, ароматична, киселкаста и вкусна, тогаш почни овде. Направи ја оваа гранола со црвено овошје. А доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍓 Гранола со црвено овошје 🍓Прочитај повеќе »

🍓 Гранола со црвено овошје 🍓 Read More »

🍰 Чоколадна торта со леќа: Здрава, сочна и полна со протеини 🍰

LinkInBio, Десерти, Рецепти, Торти и тартови / Марија

Оваа чоколадна торта со леќа е одговор на сите загрижени „чокољупци“ :)) Но, ако сме искрени, сите сакаме чоколадна торта, нели? Особено ако е сочна, со богат чоколаден и сладок вкус. Но, често пати токму таква торта знае да ни предизвика вина или грижа на совест…

Иако веќе имам две други чоколадни торти, (една со к иноа, и една роденденска), оваа чоколадна торта со леќа е уште еден начин да уживаш во омилениот десерт без чувство на вина, и тоа со токму таа неочекувана, но неверојатно вкусна и здрава состојка… леќа! Оваа чоколадна торта со леќа е здрава, сочна и богата со протеини, а никој нема да ја забележи „тајната“ состојка.

Епа кога една торта е здрава, тогаш дефинитивно треба да се проба, нели? Не се двоуми, свари си црвена леќа и направи си го ова чоколадно задоволство уште денес.

П.С. мајка ми не јаде леќа (знам, чудно) но оваа торта и беше превкусна и воопшто не ја почувстува леќата!

Зошто леќа?

Леќата е мал, но навистина моќен извор на растителни протеини и влакна. Таа не само што додава хранливост, туку и помага тортата да биде неверојатно сочна и мека, без потреба од големи количини масло или пак јајца. Покрај тоа, леќата е природно безглутенска и е одлична за оние кои сакаат да го намалат внесот на јаглехидрати или да вклучат повеќе растителни влакна во исхраната.

Ова значи дека твојата омилена чоколадна торта сега може да биде и здрав избор, без да го загуби оној класичен, богат чоколаден вкус што сите го сакаме.

Со леќа имам мнооогу рецепти, и еве да те потсетам неколку многу вкусни идеи што можеш да си направиш (ова е секако само дел, слободно пребарај на сајтот)

Инаку, целиот рецепт и начинот на подготовка го има во рецептот подолу, а едно кратко видео има и кај мене во reels на инастаграм.

Зошто мора да ја пробаш оваа чоколадна торта со леќа?

Оваа чоколадна торта не е само вкусна – таа е полн пакет здравје:

Растителни протеин: Леќата обезбедува протеини кои помагаат во одржување на мускулната маса и чувство на ситост.
Диететски Влакна: Помагаат во варење, регулираат шеќер во крвта и ја одржуваат ситоста подолго.
Без глутен и природно засладена: Совршена за луѓе со алергии или оние кои сакаат да намалат шеќер.

Било да планираш роденден, семеен ручек, празничен десерт или едноставно сакаш да се почестиш после работа, оваа чоколадна торта со леќа е практично магична. Може да ги импресионираш твоите пријатели и семејство без да се чувствуваш виновно, а истовремено ќе им понудиш десерт кој е почувствителен кон здравјето, но без компромис на вкусот.

Доколку си љубител на чоколадни торти, но сакаш нешто поинакво, здраво, протеинско и богато со диететски влакна, тогаш оваа чоколадна торта со леќа е дифинитивно за тебе! Те охрабрувам да ја направиш и пробаш најбрзо што можеш, и доколку ја направиш, тагни го мојот инстаграм профил @marijamarijamarija или остави ми коменар под овој пост.

…

🍰 Чоколадна торта со леќа: Здрава, сочна и полна со протеини 🍰Прочитај повеќе »

🍰 Чоколадна торта со леќа: Здрава, сочна и полна со протеини 🍰 Read More »

🍠 Полнети Палачинки од Компир 🍠

LinkInBio, Рецепти, Ручек / Марија

Овие полнети палачинки од компир љубов на прво залче! Плус, се супер идеја за релативно брз ручек. Јас ги правев со мешавина од обичен и сладок компир, но можете да ги направите и само со обичен. Плус, можете да ги полните со што сакате и тоа ги прави одлични! Со што и да ги наполните, ќе бидат подеднакво вкусни. Јас овој пат ги полнев со: млад кромид, морков, брокула, печурки и тофу. И за многу кратко време добив многу вкусен и здрав оброк што може да се искомбинира со салата и хумус, или пак како прилог со друго јадење.

Крцкави се од надвор а меки и сочни од внатре. Може да им ставите и вегански (или обичен) кашкавал и внатрешноста ќе биде уште помека и растеглива. И покрај тоа што велам дека овие полнети палачинки од компир се идеја за ручек, сепак, се супер опција и за појадок, но и за вечера. Слободно наполнете ги и само со тофу, и ќе добиете супер протеински полнети палачинки од компир. Протеини засекогаш!

Како да ги направите овие полнети палачинки од компир?

Сварете го и испасирајте го компирот
Згответе го зеленчукот или соодветно подгответе го полнењето што ќе го изберете
Формирајте палачинки, ставете од смесата, поклопете

Подолу го имате целосниот рецепт и начинот на подготовка а кај мене на инстаграм во reels имате и кратко видео од подготовката.

Зошто да ги пробате овие полнети палачинки од компир?

Од повеќе причини (главните секако се дека се вкусни, дека се прават брзо и дека се многу вкусни):

Имаат супер количество на растителни влакна, антиоксиданси, растителни протеини, витамини и минерали
Имаат релативно малку калории но голема нутритивна густина, што ги прави супер за слабеење.
Немаат глутен, лесни се за варење, не ја оптоваруваат работата на црниот дроб и се идеални за балансирани оброци во здрава исхрана.
Благодарение на комбинацијата на калиум, магнезиум, фосфор и витамин B6, компирот помага во одржување на здрави мускули, коскено ткиво и правилна работа на нервниот систем.
Кога варениот компир ќе се олади, дел од неговиот скроб се трансформира во резистентен скроб – тип на јаглехидрат кој не се вари целосно и служи како храна за добрите бактерии во цревата.

Ова придонесува за подобра дигестија и порамномерно ниво на шеќер во крвта.

Еве уште една идеја за ручек, брз, лесен и многу вкусен! Полнети палачинки од компир. Се прават многу едноставно и може да се полнат со што ти душа сака, па со тоа секој пат ќе имаш различен рецепт! Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🍠 Полнети Палачинки од Компир 🍠Прочитај повеќе »

🍠 Полнети Палачинки од Компир 🍠 Read More »

🫔 Благи Протеински Пити со Оризова хартија 🫔

LinkInBio, Десерти, Рецепти, Слатки лепчиња / Марија

Овие благи протеински пити со оризова хартија се мојот најнов експеримент. И буквално беа тоа, експеримент што излезе многу вкусен и богат со растителни протеини.

Плус, има нешто посебно во моментите кога имаш потреба од нешто слатко, но сакаш да е здраво и да не е премногу тешко. А сепак, нешто што ќе го задоволи апетитот без да ти создаде чувство на вина. Звучи комплицирано бидејќи има многу параметри, нели? Епа баш така, настанаа овие благи протеински пити со оризова хартија. Супер спој на едноставност, креативност и мала доза домашна магија.

Наместо класично тесто, овде оризовата хартија ја има главната улога. Нема глутен и има малку калории а ја прави оваа блага протеинска пита лесна, крцкава и многу интересна.

Но, искористив уште неколку трикови што совршено со вклопија во овој рецепт…

Зошто оваа Благи протеински пити?

Затоа што рецепт за солени веќе имам. Имам и за пролетни ролнички. Додуша, имам и еден рецепт за блага, полнета со печени јаболка. Но оваа верзија е супер затоа што е богата со протеини а има малку калории. Што значи, овие благи протеински пити се идеални за утринско уживање со кафе, појадок пред тренинг, или како здрава алтернатива на класичен десерт. А најубавото? Може да ги модифицирате и да ги направите по ваш вкус. Јас ги правев со банана и црно чоколадо, но можете да ги направите со боровинки или јатки.

Од експеримент до полн погодок

И со овој рецепт, уште една ми се потврди теоријата дека најчесто најдобрите рецепти не се најдраматичните, туку оние што ги правиме со леснотија и само неколку „што-се-нашло“ состојки. Токму такви се и овие благи протеински пити! Мали, благи и совршено едноставни.

И да не го заборавам ТРИКОТ! За секоја пита употребив по два листа оризова хартија. Првата ја натопив во чоколадно млеко од бадем и тоа беше вистински agme changer. Втората ја натопив со вода. Целиот рецепт и начинот на подготовка е објаснет подолу а имате и кратко видео кај мене на инстаграм во reels.

Доколку ти се јаде нешто благо, лесно, не прекалорично и богато со протеини и без глутен, тогаш овие благи протеински пити со оризова хартија се за тебе! Вкусно слатко полнење, што лесно може да се модификува и готови за 10-тина минути! Доколку ги направиш, тагни го мојот инстаграм профил @marijamarijamarija  или остави ми коментар под овој пост.

…

🫔 Благи Протеински Пити со Оризова хартија 🫔Прочитај повеќе »

🫔 Благи Протеински Пити со Оризова хартија 🫔 Read More »

🍎 Есенски бомбици со јаболка 🍎

LinkInBio, Бомбици, Десерти, Рецепти / Марија

Јаболката, циметот и оревите ми се како мала магија во кујната: потсетник на детството, на мирисот од колачињата на баба. Па овие есенски бомбици со јаболка се токму тоа: едноставен, здрав десерт што ја носи целата есен во едно моќно и здраво залче.

Плус, овие есенски бомбици со јаболка супер начин да внесете сезонски состојки во еден многу лесен, хранлив и природно засладен десерт. Не се печат и немаат никаков вештачки шеќери (само урми) и вкус што го храни телото и ја буди душата.

Но ако сум реална, овие бомбици ги направив пред сѐ за Каи. Затоа што обожава бомбици! Па, за мене нема поголема мотивација да експериментирам со вкусови и да знам дека јаде квалитетна ужинка.

Но, ако сум исто така реалана… Не ги јадеше само Каи 😋 затоа што се навистина АМА НАВИСТИНА многу вкусни и декадентни!

Зошто овие бомбици со јаболка?

Покрај тоа што се неверојатно вкусни, овие бомбици се вистинска нутритивна бомбичка. Богати се со омега-3 масни киселини, кои помагаат во јакнење на имунитетот и одржување на здравјето на мозокот и срцето. Ова е особено важно во есенскиот период кога телото природно бара поддршка и енергија. Урмите носат природна енергија и влакна. А јаболкото и портокалот додаваат витамини и антиоксиданси што го освежуваат телото и ја поддржуваат неговата природна енергија.

Вкус на есен во едно залче

И уште еднаш, тука сум да ви покажам дека здравата храна не мора да е комплицирана. Овие бомбици со јаболка се доказ дека со само неколку целосни состојки, малку време и желба, може да имаш ужинка или десерт што ќе те врати во баланс.

Овие есенски бомбици со јаболка се совршени за кога сакаш брза, хранлива ужинка што ќе те засити, ќе ти даде енергија и ќе те потсети дека есента не е само сезона на промени, туку и на грижа за себе.

Од оваа доза излегуваат 16 поголеми бомбици. Целиот рецепт го имаа подолу во постов а кај мене на инстаграм во reels има и кратко видео од подготовката.

Доколку сакаш all-things-autumn и сакаш здрави, брзи и едноставни бомбици, овие бомбици со јаболка се совршени за тебе. Те охрабрувам да ги направиш, бидејќи иммат неодолив есенски вкус што се топи во уста. ! А, доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍎 Есенски бомбици со јаболка 🍎Прочитај повеќе »

🍎 Есенски бомбици со јаболка 🍎 Read More »

Рецепти

🥯 Протеински Мајонез без масло 🥯

Пет причини зошто овој протеински мајонез без масло?

🥯 Протеински Мајонез без масло 🥯

Oпрема

Состојки

Инструкции

🥒 Азиска Краставица Салата 🥒

Зошто баш оваа азиска краставица салата

Оброк или прилог

🍯 „Glow&Calm“ бомбици 🍯

Зошто овие “Glow&Calm” бомбици

Здраво не значи здодевно

🍞 Протеинска проја со леќа 🍞

Протеинска проја со леќа за совршен почеток на денот

🧆 Протеински Палента Топчиња 🧆

Зошто овие протеински палента топчиња?

🍪 Брзи колачиња со 2 состојки 🍪

Како за 15 минути?

Зошто да ги направиш овие брзи колачиња со 2 состојки?

🍓 Брауни со Малини 🍓

Како да го направите ова брауни со малини

Зошто баш комбинацијата чоколадо и малина?

🍓 Гранола со црвено овошје 🍓

Зошто гранола со црвено овошје?

Повеќе од појадок

🍰 Чоколадна торта со леќа: Здрава, сочна и полна со протеини 🍰

Зошто леќа?

Зошто мора да ја пробаш оваа чоколадна торта со леќа?

🍠 Полнети Палачинки од Компир 🍠

Како да ги направите овие полнети палачинки од компир?

Зошто да ги пробате овие полнети палачинки од компир?

🫔 Благи Протеински Пити со Оризова хартија 🫔

Зошто оваа Благи протеински пити?

Од експеримент до полн погодок

🍎 Есенски бомбици со јаболка 🍎

Зошто овие бомбици со јаболка?

Вкус на есен во едно залче

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️
© 2022 МаријаМаријаМарија. All rights are reserved.

Рецепти

Пет причини зошто овој протеински мајонез без масло?

🥯 Протеински Мајонез без масло 🥯

Oпрема

Состојки

Инструкции

Зошто баш оваа азиска краставица салата

Оброк или прилог

Зошто овие “Glow&Calm” бомбици

Здраво не значи здодевно

Протеинска проја со леќа за совршен почеток на денот

Зошто овие протеински палента топчиња?

Како за 15 минути?

Зошто да ги направиш овие брзи колачиња со 2 состојки?

Како да го направите ова брауни со малини

Зошто баш комбинацијата чоколадо и малина?

Зошто гранола со црвено овошје?

Повеќе од појадок

Зошто леќа?

Зошто мора да ја пробаш оваа чоколадна торта со леќа?

Како да ги направите овие полнети палачинки од компир?

Зошто да ги пробате овие полнети палачинки од компир?

Зошто оваа Благи протеински пити?

Од експеримент до полн погодок

Зошто овие бомбици со јаболка?

Вкус на есен во едно залче

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.