Marija Marija Marija

Instagram Facebook Pinterest
контакт
Menu
Menu

Палачинки

🥦 Протеински зеленчукови палачинки (солени) 🥦

LinkInBio, Палачинки, Рецепти, Ручек /

Овие протеински зеленчукови палачинки се супер идеја за релативно брз и многу здрав ручек со 30 грама претеин и 460 калории од портција. Имаат 8 зеленчуци, што ги прави богати со диететски блакна (скоро 14 грама од порција) и се прават многу лесно и брзо. Можете да ги послужите со свежа салата, со печени компирчиња, хумус, или додаток по ваша желба.

Иако велам идеја за ручек, сепак, овие протеински зеленчукови палачинки се супер опција и за појадок, но и за вечера. Можете да ги ставите и во сендвич и да си ги земете за на работа или да ги спакувате за на училиште. Како и да ги искомбинирате, нема да погрешите, затоа што се многу здрави и многу вкусни. Исто така, изборот на зеленчук што ќе го ставите може да варира, и дури и охрабрувам да се користат различни зеленчуци секој пат – или пак, можете да ставите и уште нешто плус ова што јас вообичаено ставам. Само две работи се константни: брашно од наут и тофу – протеини засекогаш! 😆

протеински зеленчукови палачинки
протеински зеленчукови палачинки

Како да ги направите овие протеински зеленчукови палачинки?

Начинот на подготовка може да биде на два начини:

  1. Да го зготвите зеленчукот – како што јас преферирам. Мене многу ми се допаѓаат аромите што зготвениот зеленчук ги пушта и секогаш ја препорачувам оваа верзија.
  2. Зеленчукот да го ставите сиров – доколку немате време за готвење – но со ова губите дел од аромата, и зеленчукот е пожелно да ви биде многу многу ситно исецкан/изрендан за да не биде сосема жив (иако ни туа не е страшно)

Како што кажав, мојот рецепт е со зготвен зеленчук, и пак ќе повторам, слободно можете да замените нешто, да додадете нешто друго иако искрено, мислам дека употребив се

proteinski zelencukovi palachinki
proteinski zelencukovi palachinki
протеински зеленчукови палачинки

Сите придобивки од овие палачинки?

Од супер количество на растителни протеини, до супер количество на растителни влакна, до антиоксиданси (витамин Ц, бета-каротен, антоцијанини), до витамини и минерали (витамин К, витамин А, железо, магнезиум и калиум), овие протеински зеленчукови палачинки се навистина одлични за вас. Имаат малку калории но голема нутритивна густина. Лесни се за варење, не ја оптоваруваат работата на црниот дроб и се идеални за балансирани оброци во здрава исхрана или план за слабеење. Плус, брашното од наут, освен што нема глутен, има низок гликемиски индекс, што значи дека не предизвикува нагли скокови во шеќерот во крвта, туку обезбедува долготрајна енергија.

Се на се, светото тројство лесни-здрави-вкусни, според мене е најважно.

протеински зеленчукови палачинки
Доколку ти треба идеја за ручек, моите протеински зеленчукови палачинки се она што ти треба во моментов. Богати се со протеини, растителни влчакна, минерали и витамини, но поважано, вкусни се и се прават брзо и лесно. Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.
…

🥦 Протеински зеленчукови палачинки (солени) 🥦Прочитај повеќе »

🥦 Протеински зеленчукови палачинки (солени) 🥦 Read More »

🫐 Печени палачинки во тава 🫐

LinkInBio, Палачинки, Појадок, Рецепти /
печени палачинки во тава - Хедер

Како некој кој постојано бара начини побрзо да подготви појадок или вечера, овие печени палачинки во тава мислам дека ќе ми станат нов најдобар пријател! Не само што се брзи и лесни за подготовка, туку се и многу практични. Целата смеса за палачинки едноставно ја истурате во тава за печење, додавате некое овошје по избор, јатки или црно чоколадо и ги ставате на печење. Иако не се класични, сепак сметам дека влегуваат во низата рецепти за палачинки. Она што исто е супер кај овие печени палачинки во тава е тоа што се одлични за meal-prep. Стојат во фрижидер, а може и да се замрзнат, па потоа да се стоплат на тостер за брз и многу лесен оброк.

Исто така, немаат воопшто масло, па се погодни и за најстрогите пости. Имаат 9 состојки што со сигурност ги имате дома а за да ја подготвите смесата, потребен ви е само блендер.

печени палачинки во тава

Зошто овие печени палачинки во тава

Не знам дали вашето семејство сака палачинки исто колку моето (Каи особено), но кај нас палачинки се дел од утринскиот викенд ритуал. Но, превртувањето обични палачинки може да одземе доста време (особено ако правеите за повеќе гладни усти). Со овие печени палачинки во тава го немате постојаниот натпревар со времето. Плус, може да направите голема количина за целото семејство (или повеќе луѓе) во една голема тава. А може и да ги прилагодите со омилените додатоци и преливи на секого. Искрено, ова е генијално!

Јас ги правев со боровинки и малини – затоа што Каи ги обожава. Но, вие можете да ги направите со чоколадни капки, јагоди, банана, јатки, семки, чиа џем, домашна нутела или со булвално се што ќе ви посака душата.

pecheni palachinki vo tava
pecheni palachinki vo tava

Како да ги направите овие палачинки?

Мојот рецепт е поздрав и многу лесен, со само 9 состојки. Немаат глутен бидејќи ги правев со овесно брашно, но можете да ги направите со какво брашно сакате, доклку не внимавате на тоа. Јас ги правев во блендер и буквално смесата е готова за две минути. Потоа печете уште 150тина и тоа е тоа. Имате готов оброк! Целиот рецепт и начинот на подготовка го имате во рецептот подолу, а имате и кратко видео од подготовката кај мене на инстаграм во reels.

Каи јаде печени палачинки во тава со грчки јогурт и путер од кикирики
печени палачинки во тава
печени палачинки во тава
печени палачинки во тава
Доколку сакаш да палачинки, но ете баш денес не се чувствуваш дека сакаш да стоиш и да вртиш палачинки на тавче, тогаш дефинитивно треба да ги пробаш овие печени палачинки во тава. Многу се брзи, лесни и секако - вкусни! Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.
…

🫐 Печени палачинки во тава 🫐Прочитај повеќе »

🫐 Печени палачинки во тава 🫐 Read More »

🥕 Палачинки со моркови 🥕

LinkInBio, Палачинки, Појадок, Рецепти /
палачинки со моркови - Хедер

Палачинки со моркови, затоа што никогаш доволно од моркови, нели? Плус, мислам дека ми фалеа повеќе рецепти со моркови. Некако спонтано почнав да експериментирам со секаков вид на палачинки и мојата колекција сега за сега брои 17 видови! И тоа мислам дека е добар резултат, нели? Но нема застанување, се додека не испробам се од зеленчук и овошје во палачинка варијанта 🤣

Инаку, ако до сега експериментирав за мои потреби, сега палачинките што настануваат се со желба да му послужам разновидни комбинации и вкусови на Каи. Па така излегоа и овие палачинки со моркови. Благички – а тој вкус му е омилен, си ги касна без да има замерки 😍

Имаат вкупно 7 состојки (ако не ги правите за бебе можете да додадете и засладувач) и се прават лесно и во 1 сад.

палачинки со моркови

За бебе (слика најдолу) ги послужив со грчки јогурт и боровинки. А, за мене со сируп без шеќер (нешто што прв пат пробувам) и боровници. Но, супер се и во други комбинации, како на пример вашиот омилен путер од јатки или кое било свежо или смрзнато овошје. Супер се за појадок, бранч, ужина, па дури и десерт – кога сакате малку по „лајт“ и поздрава опција.

palachinki so morkovi
палачинки со моркови
palachinki so morkovi
палачинки со моркови

Зошто баш моркови?

Пред се, поради сите придобивки што морковот ги има. За потсетување, доколку не сте ги виделе овие рецепти од моркови, сега е време да ги видите и да ги направите затоа што сите до еден се ОДЛИЧНИ:

🥕 Чорба од моркови и ѓумбир
🥕 Сирова торта од моркови
🥕 Гранола со моркови
🥕 Пире од моркови

Во овие постови имам доста опфатено за придобивките од морковите и не знам дали има потреба да пишувам уште, но од најзначајните придобивки што ни се добро познати на сите ќе издвојам:

Морковите се особено добар извор на бета каротен, диететски влакна, витамин К1, калиум и антиоксиданси. Имаат малку калории и помагаат во намалување на нивото на холестерол и подобрување на здравјето на очите.

Интересно е тоа што низ светов има моркови во многу бои, вклучувајќи жолта, бела, портокалова, црвена и виолетова. Кај нас, за жал, има само портокалови, а портокаловите моркови ја добиваат својата светла боја од бета каротенот, антиоксиданс којшто телото го претвора во витамин А.

Дали да си ги направите овие палачинки со моркови?

Хмммм… мислам дека ова е ислишно прашање, затоа што одговорот е јасен. Да! Морате! Уште една причина зошто – морковите имаат низок гликемиски индекс, односно имаат помало влијание во покачувањето на нивото на шеќер во крвта. Тоа би значело дека, доколку не додадете засладувач, овие палачинки се супер опција за појадок.

Имајки го се ова на ум, логично беше дека ќе пробам да ги вклучам морковите што повеќе во исхраната на ова мало човече, па за да не биде во традиционалната барена форма, биднаа палачинки.

Инаку, освен што има малку калории, цвеклото е богато со многу витамини и минерали. Како што кажав претходно, собено е богато со фолат, витамин кој игра клучна улога во растот, развојот и здравјето на мозокот и срцето. И сега веќе мислам дека ве убедив, нели? Повеќе причини сигурно не ви се потребни за да ги направите моите палачинки со моркови уште утре. Затоа, извадете ги морковите и скролнете подолу во овој пост за да го видите целиот рецепт (којшто патем е многу едноставен) и начинот на подготовка. А кај мене на инстаграм во reels бидејќи имате и кратко видео. Како и секогаш секој коментар и секое споделување ми значи ♥️

палачинките на Каи

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку си љубител на палачинки (или дома имаш некој таков) а сакаш да внесеш повеќе зеленчук и да го почнеш денот здраво, тогаш дефинитивно треба да ги направиш моите палачинки со морков. Baby approved, но и многу лесни, многу вкусни и многу здрави. Така што, доколку ги направиш, тагни го мојот инстаграм профил @marijamarijamarija или да ми оставиш коментар под овој пост.
…

🥕 Палачинки со моркови 🥕Прочитај повеќе »

🥕 Палачинки со моркови 🥕 Read More »

🥞 Палачинки од Јапонски јаболки 🥞

LinkInBio, Палачинки, Појадок, Рецепти /
Палачинки од јапонски јаболки - Хедер

Палачинки од јапонски јаболки, или уште еден рецепт што произлезе најслучајно на свет. Имено, кога ќе ти донесат „две мали гајбички“ јапонски јаболки, што всушност се фул големи гајби, ќе треба да бараш начини што побрзо и покреативно да ги искористиш. Бидејќи веќе имам лепче од јапонски јаболки и мафини од јапонски јаболки, прво на списокот беа овие палачинки.

Плус, секако сакав да му послужам јапонско јаболко на Каи, со надеж дека же му се допадна (мисија успешна, многу му се допадна) па така падна одлуката за овие палачинки.

Инаку, имам уште еден рецепт на ум (а можеби и повеќе, за да се дотрошат „малите гајбички“).

Но ајде уште малку за палачинкиве. Освен што се навистина многу вкусни, многу се меки и воздушести и совршени за бебе.

палачинки од јапонски јаболки
јапонски јаболки / japonski jabolki
palachinki od japonski jabolki
palachinki od japonski jabolki

Како да ги направите овие палачинки со јапонски јаболки

Како и повеќето мои рецепти за палачинки, така и овие, се прават прелесно. јас прво ја извадив содржината од јаболките и ја изблендав со рачен блендер. А потоа ги измешав сите останати состојки заедно. Доколку користите рачен блендер, ги правите во еден сад, што значи нема миење садови и нема неред во кујна. А тоа многу, ама многу значи. Целиот рецепт е подолу во овој пост, а кај мене на инстаграм во reels има и кратко видевце. Секое споделување ми значи 😍

палачинки од јапонски јаболки
palachinki od japonski jabolki
палачинки од јапонски јаболки

Инаку, зошто е добро да јадете јапонски јаболки може да прочитате во некој од моите претходно објавени постови. Сега само ќе ви кажам зошто да ги направите овие палачинки од јапонски јаболки – затоа што се превкусни! Каи изеде 2 цели + пире и ги бендиса двете варијанти. 

Доколку си љубител на палачинки и сакаш да пробуваш нови варијанти и вкусови, тогаш направи си ги моите палачинки од јапонски јаболки. Те охрабрувам, бидејќи се многу вкусни, меки и воздушести. Плус, се прават многу лесно и брзо. Доколку ги направиш, тагни го мојот инстаграм профил @marijamarijamarija  или остави ми коментар под овој пост.
…

🥞 Палачинки од Јапонски јаболки 🥞Прочитај повеќе »

🥞 Палачинки од Јапонски јаболки 🥞 Read More »

🥞 Палачинки од цвекло 🥞

LinkInBio, Палачинки, Појадок, Рецепти /
Палачинки од цвекло - Хедер

Палачинки од цвекло или уште едни солени и здрави палачинки, со впечатлива розова боја!

Да бидам искрена, овие супервкусни и супермеки палачинчиња излегоа од желбата да му послужам цвекло на Каи, а притоа да не биде преголем хаос и да сум сигурна дека ќе го изеде. И верувајте ми, не погрешив! Изеде 3 цели палачинки! 😍

Освен што се прават навистина многу лесно и имаат само 5 состојки (плус зачини), лесно се адаптираат и за бебиња. Едноставно, пред да додадете сол и прашок за печиво, извадете малку од смесата што ќе биде за вашето малечко. Во смесата за вас додадете сол и прашок за печиво, и тоа е тоа – прелесно! За бебе ги послужив со грчки јогурт и авокадо. А, за мене со тофу рикота (дел од мојот прирачник за растителна исхрана што наскоро ќе биде достапен) и авокадо. Но, што и да додадете и како и да ги искомбинирате овие палачинки од цвекло, ќе добиете превкусен и супер здрав солен појадок.

палачинки од цвекло
palachinki od cveklo
палачинки од цвекло
палачинки од цвекло
палачинки од цвекло

Не штедете на зачини!

Цвеклото само по себе има доста земјен вкус, па за да добиете на вкус употребете колку можете повеќе зачини. Јас ставив лук во прав, сув копар, сув власец, оригано и биена сол. И секако, нутритивен квасец за малку „cheesy-flavor“. Вие можете да употребите што ви душа сака (но лукот задолжително). И ете така, уште едни солени пачачинки, заедно со оние од грашок и спанаќ, што влегуваат во бројната понуда на палачинки намојата веб страна. Веќе две солени и многу мотивација за експериментирање со уште солени верзии на палачинки. А до тогаш, задолжително пробајте ги овие палачинки од цвекло. Целиот рецепт (којшто патем е многу едноставен) и начинот на подготовка го имате подолу во објавава. А трк до кај мене на инстаграм во reels бидејќи имате и кратко видео.

Зошто палачинки од цвекло?

Цвеклото не му е омилено на секој, и токму затоа се трудам да креирам што е можно повеќе рецепти со цвекло. Така, се надевам ќе ви помогнам да го внесете овој чудотворен корен со впечатлива боја и импресивен нутритивен профил. Еве неколку од рецептите со цвекло што ги имам објавено:

Во повеќето од овие постови имам пишано по збор-два за придобивките од цвеклото и зошто е добро да се јаде (одлична храна за 🧠 поради големата количина на фолат), но подолу имате мааалку подетално за неколку од најважните придобивки од цвеклото. Во моментов, мене најважна придобивка ми е што ова малечко со сласт ги изеде овие палачинки од цвекло и со ова сме еден чекор поблиску до убави и здрави навики во јадењето!

Инаку, освен што има малку калории, цвеклото е богато со многу витамини и минерали. Како што кажав претходно, собено е богато со фолат, витамин кој игра клучна улога во растот, развојот и здравјето на мозокот и срцето.

мојот мал јадач Каи

Уште придобивки од цвекло

Цвеклото исто така содржи добра количина на манган, кој игра улога во формирањето на коските, функцијата на мозокот итн. Плус, богато е и со бакар, важен минерал потребен за производство на енергија и синтеза на одредени невротрансмитери. Понатаму, цвеклото содржи висока концентрација на нитрати, кои можат да помогнат во намалување на нивото на крвниот притисок. Ова може да доведе до намален ризик од срцеви заболувања и мозочен удар. Ова исто така го имам спомнато претходно, но е супер важно, особено за спортисти – јадењето цвекло може да ги подобри атлетските перформанси со подобрување на употребата на кислород и издржливоста. Затоа, за да го максимизирате овој важен ефект, консумирајте 2-3 часа пред тренинг или натпреварување.

Цвеклото исто така содржи пигменти наречени беталаини, коишто поседуваат голем број антиинфламаторни својства. Одличен извор е на диететски влакна, кои се суперкорисни за дигестивното здравје и го намалуваат ризикот од неколку хронични здравствени состојби. Плус, нитратите во цвеклото може да ја подобрат функцијата на мозокот преку проширување на крвните садови и со тоа зголемување на протокот на крв во мозокот…. Мислам дека повеќе причини не ви се потребни зошто да ги направите моите палачинки од цвекло. Затоа, земете си го тавчето за палачинки и засукајте ракави…

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку се уште ги немаш направено моите палачинки  од цвекло, ова е знакот дека треба да ги направиш. Baby approved, многу лесни, многу вкусни и многу здрави, буквално нема причина да не ги направиш. Така што, доколку ги направиш, тагни го мојот инстаграм профил @marijamarijamarija или да ми оставиш коментар под овој пост.
…

🥞 Палачинки од цвекло 🥞Прочитај повеќе »

🥞 Палачинки од цвекло 🥞 Read More »

🥞 Палачинки со тофу 🥞

LinkInBio, Палачинки, Појадок, Рецепти /
палачинки со тофу - Хедер

Палачинки со тофу или најпротеинските палачинки што ги имам направено во низата рецепти за палачинки. Моите беа чоколадни бидејќи ги правев со протеин од чоколадо и какао, но предноста им е што вкусот им е прилагодлив. Бидејќи главната состојка е свилено тофу, нивниот вкус ќе зависи од она што ќе ставите како додаток. На пример, додадете протеин од ванила и ванила екстракт и ќе имате ванила тофу палачинки. Целата доза има вкупно 51 грам протеин, или 25,5 грама од порција. Плус немаат никаков додаден шеќер, богати се со здрави масти и антиоксиданси.

И баш поради тоа што протеинот го диктира вкусот, следен пат ќе се обидам да ги направам солени, односно да ставам изолат од грашок без вкус, нутритивен квасец, маслинки и црна сол. Можеби ќе биде нов рецепт, а можеби само ќе го додадам во продолжение на овој, ќе видиме 🥹

палачинки со тофу
палачинки со тофу

Зошто палачинки со тофу?

Тофуто е еден од најдобрите извори на растителен протеин. Од таа причина и многу го користам во мојата секојдневна исхрана. Секојдневно пробувам нови рецепти и начини како да го употребам тофуто, па така настанаа и овие палачинки со тофу. И да се разбереме, 25 грама протеин (само палачинките, без додатоци) се супер за старт на денот. Плус, немаат шеќер и многу лесно може да го модификуваат вкусот (а со тоа да бидат и солени).

Во секцијата рецепти, можете да најдете многу рецепти со тофу, но овде ќе ви ги издвојам моите лични фаворити:
🍳 Тофу Омлет или пак 🍳 Тофу Кајгана
🧆 Тофу Ќофтиња
🥗 Грчка салата
🥘 Тофу Фритата
🍛 Протеински печен овес
🍝 Шпагети „Вегањезе“

Како да ги направите овие протеински палачинки?

Прво, набавете си свилено тофу. Во моментов го има во азиската продавница во Скопје, или ако одите во солун, набавете си некоја количина, за секој случај. Потоа, одберете си го омилениот протеин. Ова е опционално, но ја зголемува протеинската вредност на плачинките. Доколку не се храните исклучиво на растителна база, наместо растително млеко и протеин, можете да додадете грчки јогурт и вода. И, во основа тоа е тоа. Ви треба само блендер (или процесор за храна) и нелепливо тавче за палачинки. Целиот рецепт и начинот на подготовка го имате во рецептот подолу, а имате и кратко видео од подготовката кај мене на инстаграм во reels.

свилено тофу, какао, овесни снегулки, протеин, цимет, прашок за печиво, млеко од соја
palachinki so tofu
палачинки со тофу
Доколку сакаш да палачинки, но исто така сакаш и да го започнеш денот со супер количина на протеини,  тогаш ти препорачувам да ги направиш моите палачинки со тофу. Се прават лесно, многу се вкусни, и секако, this goes without saying, многу здрави. Додај си го омилениот вкус на протеин и направи ги благи или солени, со соодветни зачини. Доколку ги направиш, тагни го мојот инстаграм профил @marijamarijamarija или остави мо коменар под овој пост.
…

🥞 Палачинки со тофу 🥞Прочитај повеќе »

🥞 Палачинки со тофу 🥞 Read More »

🥬 Палачинки со грашок и спанаќ 🥬

LinkInBio, Палачинки, Појадок, Рецепти /

Овие палачинки со грашок и спанаќ се уште едни во серијата здрави палачинки, но овој пат солени 😍

Ми се јадеше солен појадок но сакав да внесам повеќе витамини а да не внесам премногу калории и така некако излегоа овие супервкусни и супер меки палачинчиња.

Се прават многу лесно и имаат само 4 состојки (плус зачини). Јас ги искомбинирав со хумус и чери домати за витамин Ц и здрави масти. Вие можете да ги искомбинирате и со грчки јогурт, доколку не јадете исклучиво растителна исхрана. Всушност мислам дека како и да ги искомбинирате овие палачинки со грашок и спанаќ, ќе добиете превкусен и супер здрав солен појадок.

Уште една предност е што не треба да користите воопшто масло. А, доколку дома имате пребирлив јадач, со овие палачинки со грашок и спанаќ ќе внесе минимум 2 зеленчука.

палачинки со грашок и спанаќ
спанаќ, грашок, овесно брашно, млеко соја
palachinki so grashok i spanakj
palachinki so grashik i spanakj

Конечно и солени палачинки за појадок

На сајтов имам објавено навистина многу палачинки но најчесто се во блага варијанта. Не знам зошто немам повеќе солени палачинки, но еве, овие палачинки со грашок и спанаќ го кршат мразот во тој домен. многу се вкусни и секако здрави, со преубава зелена боја, како за почеток на денот (особено ако е тмурен). Инаку, целиот рецепт и начинот на подготовка го имате подолу во објавава а имате и кратко видео кај мене на инстаграм во reels

палачинки со грашок и спанаќ
палачинки со грашок и спанаќ

Зошто палачинки со грашок и спанаќ?

Како за почеток, грашокот е супер извор на витамини Ц и Е, цинк и други антиоксиданси кои го зајакнуваат вашиот имунитет. содржи и витамин А и Б, а може да помогне при намалување на инфламацијата и хронични состојби, вклучувајќи дијабетес, срцеви заболувања и артритис.

Моќта на спанаќот веќе ни е позната (фала на Попај). Освен што е богат со железо, спанаќот има висок извор на зеаксантин и каротеноиди коишто помагаат во исфрлање на слободните радикали од телото. Помага при намалување на шеќерот во крвта, здравјето на коските и очите. Има антиинфламаторни својства и може да ја намали хипертензијата. Доволно аргументи, нели? Плус, малку калории 😍

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку се уште ги немаш направено моите палачинки со грашок и спанаќ, еве ти прилика. Те охрабрувам, бидејќи се навистина супер појадок! Доколку ги направиш, тагни го мојот инстаграм профил @marijamarijamarija или да ми оставиш коментар под овој пост.
…

🥬 Палачинки со грашок и спанаќ 🥬Прочитај повеќе »

🥬 Палачинки со грашок и спанаќ 🥬 Read More »

🥞 Полнети палачинки 🥞

LinkInBio, Палачинки, Појадок, Рецепти /
Полнети палачинки - Хедер

Овие полнети палачинки, не се којзнае колку револуционерен рецепт, но се супер забавни и дефинитивно малите јадачи ќе сакаат да ги правите често.

Тестото е многу едноставно и лесно, со само 3 состојки: млеко, банана и овесно брашно. А забавниот дел е полнењето. Јас ги полнев со црно чоколадо, путер од кикирики и чиа џем од малина.

Додека да почнам да подготвувам палачинки од состојки што до сега не сум ги правела, можете да си ги направите овие полнети палачинки, затоа што се навистина превкусни (и поважно) прелесни!

Секако, можете да употребите различно полнење, односно, се што ви се допаѓа вам. Целиот рецепт и начинот на подготовка го имате во рецептот подолу, а кратко видео од подготовката имате и кај мене на инстаграм во reels.

Бонус: Мини овошни палачинки 🥞

Супер е кога во еден пост има два рецепти, нели? Овие мини овошни ги направив со истото тесто и се забавував со овошјето. Едноставно исецкав јагоди и банани и ги извалкав во смесата. Потоа кратко ги испеков и voila ги добив овие мини палачинчиња, преполни со овошје. Рецептот и начинот на подготовка е подолу во овој пост. А, кратко видео имате кај мене на инстаграм во reels.

Без разлика дали ќе се одлучите за полнетите палачинки или пак ќе се одлучите за мини овошните палачинки, тестото е исто, се прави брзо и лесно и двете опции се супер вкусни. Така што, очекувам да ги пробате во вашата следна палачинка сесија!

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку се уште ги немаш направено моите полнети палачинки, очекувам да ги направиш уште следниот викенд. Те охрабрувам, бидејќи се многу вкусни а и многу забавни! А како втора опција, можеш да ги направиш и мини овошните палачинки за уште позабавен вкус. Доколку ги направиш, тагни го мојот инстаграм профил @marijamarijamarija или да ми оставиш коментар под овој пост.
…

🥞 Полнети палачинки 🥞Прочитај повеќе »

🥞 Полнети палачинки 🥞 Read More »

🍠 Палачинки од Сладок Компир 🍠

LinkInBio, Палачинки, Појадок, Рецепти /
палачинки од сладок компир - Хедер

Од палачинки никогаш доста, особено кога ќе ми дојде инспирација за нова варијанта како што беа овие палачинки од сладок компир. Инаку, рецепти од сладок компир имам многу, исто како што имам и многу за палачинки. Секако, тоа не значи дека не треба да имам уште повеќе, нели?

Инаку, (fun fact) овој рецепт беше еден од последните што ги тестирав пред да заминам во болница на породување. Токму затоа мислам дека ќе го памтам вечно а и дека ќе го правам често. Секако, чим јас ги направив овие палачинки од сладок компир во тој стадиум (39-та недела од бременост) – епа може секој. Единствено и МНОГУ ВАЖНО (‼️) како и за повеќето палачинки, така и за овие да ги печете на нелепливо тавче. 

А вкусот… вкусот е неодоливо сладок. Сочни се и меки и ќе го исполнат домот со преубава арома! Баш како што едно саботно утро заслужува… Бонус што додава на вредноста на овие палачинки е што се супер начин да внесете сладок компир во исхраната, на неприметен начин.

палачинки од сладок компир
palachinki od sladok kompir
смеса за палачинки
palachinki od sladok kompir

Со што да ги искомбинирате овие палачинки од сладок компир

Со што ви душа сака! Ооокеј, не може баш со сè, бидејќи реално се благи, па не може баш да ги јадете со солени комбинации… Но, супер одат со путер од јатки, свежо или смрзнато овошје, џем или само со јаворов сируп и семки. Како и да е, се прават лесно, брзо и во еден сад, па без проблем можете да ги пробувате во различни комбинации. Целиот рецепт е подолу, а имате и кратко видео кај мене на инстаграм во reels.

Палачинки од Сладок Компир
Палачинки од Сладок Компир
Палачинки од Сладок Компир
Доколку често правиш американски палачинки, те предизвикувам и охрабрувам да ги пробаш моите палачинки од сладок компир. Многу се вкусни, здрави, меки и сочни и уште еден начин да внесеш повеќе зеленчук и диететски влакна во оброците. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🍠 Палачинки од Сладок Компир 🍠Прочитај повеќе »

🍠 Палачинки од Сладок Компир 🍠 Read More »

🫔 Лесни и здрави палачинки 🫔

2 Comments / LinkInBio, Десерти, Палачинки, Појадок, Рецепти /
лесни и здрави палачинки - Хедер

Ова се навистина лесни и здрави палачинки (тенки, француски, или познати како Crêpes). Да бидам искрена никогаш не сум имала желба да правам француски палачинки бидејќи мислам дека се прават непотребно долго време а се јадат нереално кратко.

АМА, откако прв пат ги направив овие лесни и здрави палачинки, за отприлика околу 10 минути, сфатив дека се превкусни и дека воопшто не се комплицирани и тешки за правење. Па, оттогаш наваму, ги правам доста често 😋

Се прават со само 6 состојки и можете да ги јадете со се што ќе посакате, во секоја комбинација се превкусни!

Лесни и здрави палачинки
Лесни и здрави палачинки
Лесни и здрави палачинки
Лесни и здрави палачинки

За палачинки мислам дека нема потреба многу да се зборува

Верувам дека нема некој што не сака палачинки. Единствената дилема е дали повеќе сакате француски (Crêpes) или американски палачинки. Сепак, доколку не можете да се решите во кој тип на луѓе спаѓате, можете да ги разгледате сите палачинки што до сега ги имам направено. Сигурна сум дека ќе го најдете својот фаворит. А откако ќе го најдете, ве уверувам дека ќе ги правите барем еднаш во неделата. 🥞🥞🥞

lesni i zdravi palachinki
lesni i zdravi palachinki

А овие палачинки освен што се многу едноставни и лесни за правење, исто така се многу вкусни и вегански (посни). Релативно се поздрави од оние обичните (што се прават со полномасно кравјо млеко, јајца и бело брашно). Јас најчесто ги правам со домашен чиа џем, со путер од јатки, свежо овошје и мојот чоколаден сос. Но, како што кажав и на почетокот, со што и да ги искомбинирате, нема да погрешите, бидеји се навистина вкусни, воздушести и меки.

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку се уште ги немаш направено моите лесни и здрави палачинки, еве ти прилика. Те охрабрувам, бидејќи се навистина превкусни! Доколку ги направиш, тагни го мојот инстаграм профил @marijamarijamarija или да ми оставиш коментар под овој пост.
…

🫔 Лесни и здрави палачинки 🫔Прочитај повеќе »

🫔 Лесни и здрави палачинки 🫔 Read More »

🥞 Протеински палачинки со бадеми и јаболка 🥞

LinkInBio, Палачинки, Појадок, Рецепти /
Протеински палачинки - Хедер

Овие протеински палачинки со бадеми и јаболкa се уште еден во низата рецепти за палачинки. Вкусни се, лесни и здрави и можете да ги јадете за појадок или ужина. Плус, совршени се за викенд. Протеински се, затоа што ги правев до протеин во прав. Плус немаат никаков додаден шеќер, богати се со здрави масти и антиоксиданси.

Поради составот, погодни се за дијабетичари, бидејќи бадемите имаат гликемиски индекс 0.

Исто така, бадемовото брашно е богато со витамин Е и други антиоксиданси коишто имаат супер бенефити за кожата, но и го намалуваат ризикот од срцеви заболувања.

Сето ова, ги прави овие палачинки со помалку јаглехидрати, што е супер опција за појадок. Инаку, вкусот ќе го диктира протеинот што ќе го користите. Јас користев растителен протеин со вкус на солен карамел и излегоа ПРЕВКУСНИ!

протеински палачинки
протеински палачинки

Направете си сос од јаболка

Овие протеински палачинки ги правев со сос од јаболка, којшто јас го правам многу лесно. Лупам и сецкам јаболка, ставам малку вода и цимет и ги варам додека да испари водата и да омекне јаболкото. Потоа пасирам и додавам во рецепти.

Можете да ставите и засладувач или ванила, но мене циметот и блажината од јаболката ми е сосем доволна.

Секако, можете да употребите и купечки сос од јаболка, но моја препорака е да го прочитате составот, бидејќи голем дел од купечките сосови имаат голема количина на додаден шеќер.

Како да ги направите овие протеински палачинки?

Со само 6 состојки, овие протеински палачинки се прават многу лесно. Количините можете да ги модификувате во зависност од вкусот и количината што сакате да ја добиете. Протеинот можете да го замените со тапиока брашно или густин – но со тоа, палачинките ќе ја изгубат својата протеинска вредност. Целиот рецепт и начинот на подготовка го имате во рецептот подолу, а имате и кратко видео од подготовката кај мене на инстаграм во reels.

proteinski palachkinki
proteinski palachinki
Доколку сакаш да пробаш палачинки коишто имаат помалку јаглехидрати и понизок гликемиски индекс, а се богати со протеин, тогаш ти препорачувам да ги направиш моите протеински палачинки. Се прават прилично лесно, здрави се и многу вкусни. Додај си го омилениот вкус на протеин и уживај во здрав појадок за супер почеток на денот. Доколку ги направиш, тагни го мојот инстаграм профил @marijamarijamarija или остави мо коменар под овој пост.
…

🥞 Протеински палачинки со бадеми и јаболка 🥞Прочитај повеќе »

🥞 Протеински палачинки со бадеми и јаболка 🥞 Read More »

🎃 Палачинки од тиква 🎃

2 Comments / LinkInBio, Палачинки, Појадок, Рецепти /
палачинки од тиква - Хедер
Палачинки од тиква

Моите палачинки од тиква се уште еден топол есенски појадок (или ужина) што ќе го исполни домот со неверојатно пријатна миризба. Како и сите останати мои рецепти, така и овие палачинки од тиква се прават многу лесно и брзо и поважно, многу се вкусни и здрави.

Плус доколку имате „picky eater“ дома, ова е супер начин да му подметнете тиква во оброкот. А тиква е еден од поздравите зеленчуци што секој треба да го јаде (во рецептите подолу има детално и зошто)! Чисто за инспирација, овде ви оставам уште неколку рецепти од тиква што може да ви се најдат:

Така, овие палачинки од тиква се супер за секоја сезона, ама особено се погодни во есен и зима, да ве стоплат и срцето и домот.

pumpkin pancakes

A pumpkin a day keeps the goblins away 🤣

Воздушести и меки, со топол но уникатен есенски вкус, овие палачинки од тиква се одличен викенд појадок што дефинитивно мора да го направите. А доколку ви снема тиква, еве иснпирација за друг вкус на палачинки, имам многу 😍

тиква
тиква исечена на парчиња
sostojki palacinki od tikva
тесто за палачинки од тиква
палачинки од тиква

Како да ги направите овие палачинки од тиква?

Брзо и лесно – во 1 сад. Она што е најважно да имате е нелепливо тавче за палачинки. Толку! Сите состојки ги мешате во еден сад, печете и додавате топинзи. Деталниот рецепт го имате подолу, а целата постапка ја имате кај мене во reels на инстаграм.

палачинки од тиква

Инаку, овие палачинки од тиква можете многу лесно да ги направите протеински – се што треба да направите е наместо 1 шоља овесно брашно, да ставите 1/2 шоља брашно и дозерка протеин. Доколку смесата е ретка, додавајте овесно брашно по потреба.

Тиквата сама по себе нема многу протеини, но доколку ги послужите со семки од тиква и срца коноп, уште повеќе ќе ја зголемите протеинска вредност.

Инаку од дозата во рецептов излегуваат 2 порции или вкупно 8 поголемки палачинки (по 4 од лице).

Со што да ги послужите?

Јас ги правев неколку пати и секој пат ги пробував со различен топинг.

Супер одат со јаворов сируп, семе од коноп, пекани (а во тестото додадов ореви) и чачао парчиња. Исто така, одлична комбинација е со путер од бадем и боровница. А ги пробав и со путер од кикирики и мандарина (чудно но многу вкусно есенско комбо).

Инаку, одлични се да ги јадете и без ништо, поради тоа што сами по себе имаат супер вкус. Исто така, можете да ги искомбинирате со протеински јогурт и кокос или буквално со што ви падне на памет.

palachinki od tikva

(‼️) Како и за повеќето палачинки, и за овие е важно да ги печете на нелепливо тавче. 

Доколку си љубител на палачинки и сакаш да пробуваш нови вкусови, тогаш овие палачинки од тиква се must-try! Те охрабрувам да ги направиш, бидејќи се навистина вкусни, лесни и здрави. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🎃 Палачинки од тиква 🎃Прочитај повеќе »

🎃 Палачинки од тиква 🎃 Read More »