Ова не е лепче како што се научени да јадеме, туку е многу поубаво и поздраво! Најлесното лепче со семки се прави буквално од семиња и вода, премногу лесно, во еден сад, без неред во кујна, без месење, без проблем ☺️. Преполно е со протеини, антиоксиданси и омега-3 масни киселини и е супер за појадок или ужинка со малку хумус и краставица, со свежо овошје, или со путер од јатки, како десерт.
Но, зошто е толку здраво?
- Семки тиква – содржат високо количество на протеин и се одличен извор на диететски влакна, ја намалуваат инфламацијата при артритис, спречуваат формирање на камења во бубрезите, преполни се со минерали и Цинк, помагаат за добар сон, можат да ја намали количината на ЛДЛ холестеролот, го подобруваат здравјето на простатата, го убрзуваат метаболизмот, го намалуваат крвниот притисок, се борат со паразитите и ја подобруваат активноста на антиоксидантите.
- Ленено семе – содржат високо ниво на здрави омега-3 масни киселини, преполни се со антиоксиданси и се многу добар анти-инфламатор, го убрзуваат метаболизмот и помагаат во согорување на мастите, богати се со витамин Б, магнезиум, манган, фосфор, железо, калиум, помагаат при констипација, го намалуваат нивото на холестеролот и крвниот притисок и се многу богати со лигнани – фитоестрогени коишто влијаат во намалувањето на ризикот од одредени ракови поврзани со хормоните (најчесто на градите, матката, јајниците и простатата).
- Чиа семе – богати со со протеини и анти-оксиданси, помагаат за здрава и убава кожа и го подобруваат дигестивното здравје и варењето на храната, го убрзуваат метаболизмот и го зголемуваат нивото на енергија, добри се за здравјето на срцето, одлични за дијабет, придонесуваат за добро здравје на коските, и особено забите, и помагаат при губењето на тежина и градењето на мускули.
- Семки сончоглед – го подобруваат имунитетот, здравјето на срцето и нервниот систем, богати се со витамини и минерали, диететски влакна и антиоксиданси, одлични се за здрава кожа, коски и нокти, одличен извор се на железо, витамин Е и фосфор, помагаат во балансирање на хормоналните нивоа, и помагаат во подобрување на дигестијата (варењето на храната)
- Сусам – го подобрува варењето на храната (дигестијата), ја намалува инфламацијата и помага во одржување на здравјето на срцето, ја намалува хипертензијата, помага при намалување на анемија, го подобрува имунитетот и го убрзува метаболизмот, има добро количество на протеин и штити од радијација.
Псилиум (тегавец) – го намалува нивото на холестерол, крвниот притисок и нивото на шеќер во крвта, има анти-инфламаторски дејства, има големо количество на диететски влакна, помага при рефлукс, констипација и намалување на телесната тежина.
- Маслиново масло – го подобрува кардиоваскуларниот систем, помага во одржување на нивото на холестерол, помага при констипација, улцерозен колит, мозочен и срцев удар, помага при намалување од ризикот од рак на дојка, зајакнување на коските и борбата со Алцхајмер.
- Од се што набројав, не постои ниту една причина да не го направите направите и пробате најлесното лепче со семки, буквално ♥️
Ве уверувам дека ова лепче со семки набрзо ќе стане дел од вашата секојдневна исхрана. Плус, се прави премногу лесно, во еден сад, без неред во кујна, без месење, без проблем ☺️.
Супер е за појадок или ужинка со малку хумус и краставица, со свежо овошје, или со путер од јатки, како десерт.
Доколку се уште го немаш направено најлесното лепче со семки, те охрабрувам да го направиш уште денес и доколку го направиш, тагни го мојот инстаграм профил @marijamarijamarija
🥖 Најлесното лепче со семки 🥖
Состојки
- 1 ½ шоља овесни снегулки
- ½ шоља семки тиква
- ½ шоља семки сончоглед
- ½ шоља ленено семе цело
- 3 с.л. ленено семе мелено
- 2 с.л. чиа семе
- 3 с.л. сусам
- 1 к.л. сол
- 2 с.л. тегавец псилиум
- 1 с.л. маслиново масло
- 1 ¾ – 2 шољи вода се додава постепено
Инструкции
- Прво и најважно – не морате да загревате рерна. Јас го печев со постепеното загревање. на рерната.
- Ги ставате сите семки и тегавецот (псилиумот) во длабок сад и добро ги промешувате.
- Го додавате маслиновото и потоа и водата. Водата додавајте ја постепено – прво една шоља па потоа постепено по четвртина шоља (јас ставив вкупно две шољи).
- Мешате додека се соедини се во голема топка.
- Го покривате садот со фолија и го ставате во фрижидер, неколку саати, или најдобро преку ноќ.
- Пред да го печете, го оставате на собна темература еден час.
- Ја истурате смесата (тестото) во калап за леб обложен со хартија за печење и печете на 170°C околу 75 минути.
Вкупно парчиња: 12
(препорачана порција: 2 парчиња)
Нутритивни вредности од порција (**само лепче, без додатоци):
Калории: 253
Протеини: 33,6
Јаглехидрати: 21,38
Масти: 15,75
Влакна: 6,8
Железо, калиум, магнезиум, фосфор, калциум, цинк, селен, витамин А, омега-3, тиамин, рибофвлавин,
* Јас користам мерилки, ви препорачувам да набавите, многу се корисни а воопшто не се скапи. ** с.л. = супена лажица - ќе го користам како кратенка *** к.л. = кафена лажичка - ќе го користам како кратенка **** Времето на печење зависи од типот и моќноста на рерната. Проверувајте го да не ви загори или пак да не случајно не е добро испечено. Јас го печев 50 минути покриено со фолија и уште 15 без фолија - излезе одлично!
[Поврзано] Здраво лепче со помалку јаглехидрати
‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .