Сосови, макала, намази и кремови Archives

🍫 Чоколаден пудинг со тофу и киноа 🍫

LinkInBio, Десерти, Додатоци, Рецепти, Сосови, макала, намази и кремови / Марија

Овој чоколаден пудинг со тофу и киноа е кремаст, здрав и навистина неодолив! Плус богат со протеини и диететски влакна. Иако веќе имам два протеински пудинзи (чоко пудинг) и (двослоен пудинг) ова е уште една варијанта. Има само 6 состојки, се прави буквално прелесно а е навистина многу кремаст и вкусен. Засладен е само со урми што го прави уште поздрав и има само 370 калории и 15 грама протеин! Во однос на подготовката – јас го правам со свилено тофу за најкремаста текстура, но може да се направи и со обично тофу, но треба да додадете повеќе млеко, да го блендате подолго и крајниот резултат да биде silky smooth.

Зошто овој чоколаден пудинг со тофу и киноа е совршен избор?

✅ Полн со растителни протеини
✅ Кремаст и нежен
✅ Без млеко и без глутен
✅ Без вештачки засладувачи
✅ Лесен за подготовка – само неколку состојки и блендер, и имаш фантастичен десерт!

Вкусен, кремаст и неодоливо вкусен (а сепак здрав)!

Овој чоколаден пудинг со тофу и киноа е совршен баланс меѓу здраво и вкусно. Киноата му дава блага оревеста нота и дополнителна кремавост, додека свиленкастото тофу го прави нежно кремаст. Какаото му дава длабока чоколадна арома, а урмите го прават доволно благ, но без вишок шеќери. Тоа значи дека можеш да уживаш во секоја лажичка без грижа на совест! Кога последен пат си јадел таков пудинг?

Она што го прави овој десерт посебен е неговата хранлива и нутритивна вредност. Киноата е супер-храна богата со растителни протеини, железо и влакна, а тофуто додава растителни протеини, квалитетни аминокиселини и здрави масти. Ова не е само десерт – тоа е енергетски оброк кој ќе те засити и ќе ти даде сила во текот на денот. Без разлика дали го јадеш како здрав појадок, попладневна ужинка или вечерен десерт, овој чоколаден пудинг е идеален избор за сите што сакаат да се хранат подобро, а сепак да уживаат во неодоливи вкусови.

Целиот рецепт и начинот на подготовка го има подолу во рецептот, а имам и видео од целата подготовка кај мене на инстаграм во reels. Ова е десерт што ќе го обожаваш – лесен, хранлив и совршено чоколаден! 😍

Доколку сакаш брза и протеинска ужинка со богат чоколаден вкус, а не сакаш да јадеш купечки пудинг полн со процесирани шеќери, тогаш мојот чоколаден пудинг со тофу и киноа е тоа што ти треба! Многу вкусен и кремаст, со 15 грама протеин и само 370 калории, минимално засладен се прави буквално за неколку минути. Така што, доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍫 Чоколаден пудинг со тофу и киноа 🍫Прочитај повеќе »

🍫 Чоколаден пудинг со тофу и киноа 🍫 Read More »

🍯 Наутела – Нутела од наут 🍯

LinkInBio, Додатоци, Рецепти, Сосови, макала, намази и кремови / Марија

Оваа моја Наутела – Нутела од Наут, освен што има супер фраерско име, е многу здрава алтернатива за сите љубители на познатиот сладок крем! 🍫

Е сега ќе речете „Што ти текна нутела од наут, кога веќе имаш ФЕНОМЕНАЛНА домашна нутела?“ И еве го мојот одговор… Мојата Наутела – Нутела од Наут е богата со протеини, диететски влакна а има многу помалку масти од онаа со лешник што е навистина феноменална.

Едноставно сега имате две опции една со лешник и оваа со наут. Зависно од преференциите и секако, расположливите намирници дома. Инаку оваа Наутела – Нутела од Наут има само 5 состојки и се прави многу лесно. Целиот рецепт го имате подолу во оваа објава, а постапката можете да ја видите и кај мене на инстаграм во reels.

Што ја прави оваа Наутела посебна?

Наут: Богат со растителни протеини, влакна и железо, наутот е идеален за енергичен почеток на денот. Ја поттикнува дигестијата и ви помага да се чувствувате сити подолго.
Урми: Полни со природни шеќери, антиоксиданти и минерали како магнезиум и калиум – урмите се вистински извор на здрава енергија.
Рогач: Оваа суперхранлива замена за какао е богата со калциум, нема кофеин, и го поддржува здравјето на коските и срцето. Секако, можете да употребите и квалитетно какао, но јас се решив за рогач за да може овој рецепт да биде baby-friendly.

Секако, слободно рогачот можете да го замените со Какао, доколку кремчево не го јадат деца под 2 год.

Зошто да ја направите оваа Наутела – Нутела од Наут?

Затоа што е многу вкусна и здрава!! Оваа Наутелa – Нутела од Наут не содржи рафиниран шеќер, масло или дополнителни додадоци. Има многу помало количество на масти во однос на лешниците и плус е:
✅ 100% растителна
✅ Богата со протеини и нутриенти
✅ Вкусна и кремаста
✅ Лесна за подготовка
✅ Со гооолем потенцијал да ви стане новиот омилен рецепт

Како да ја искомбинирате мојата Наутела – Нутела од Наут?

Како и секој друг чоколаден намаз, така и оваа Наутела – Нутела од Наут, можете да ја јадете во различни компбинации, па еве листа на сите мои рецепти со коишто можете да ја искомбинирате:

🥞 Палачинки
🧁 Мафини
🥨 Крекери
🍩 Крофни
🍞 Или едноставно да си ја намачкате на лепче или пак на свежо овошје!

И иако сакам да ви пишувам уште причини зошто и идеи како, мислам дека нема потреба. Оставам на вас да ја направите и да ми пишете мислење!

Доколку си љубител на чоколаден крем, но сакаш поздрава варијанта со ЗНАЧИТЕЛНО повеќе протеини - тогаш мојата Наутела - Нутела од Наут е совршена за тебе! Многу е вкусна и здрава и дефинитивно те охрабрувам да ја направиш и пробаш. Секако, доколку ја направиш, тагни го мојот инстаграм профил @marijamarijamarija или остави мо коменар под овој пост.

…

🍯 Наутела – Нутела од наут 🍯Прочитај повеќе »

🍯 Наутела – Нутела од наут 🍯 Read More »

🍝 Паста со Протеински сос, сушени чери и печурки 🍝

LinkInBio, Рецепти, Ручек, Сосови, макала, намази и кремови / Марија

pasta so proteinski sos, susheni cheri i pechurki

Многу се двоумев околу името на овој рецепт, бидејќи паста со протеински сос, сушени чери и печурки ми се чинеше предолго. Но, сфатив дека се е небитно кога пред вас стои оваа паста, накремаста и највкусна на свет! Иако знам дека рецептите со тофу не ми поминуваат најдобро (дали од предрасуди или од ограничена понуда на тофу), ве уверувам дека овој МОРАТЕ да го пробате. Свилено тофу има во Азиската продавница во Скопје, или пак купете си ако одите во Солун – верувајте ми, нема да зажалите. Плус, една порција содржи 36 грама растителен протеин, што за паста без месо е супер, нели!

Како Алфредо, само подобар

Нескромно, овој протеински сос е многу вкусен и потсеќа на добро познатиот алфредо сос, само што е поздрава и подобра варијанта, има повеќе протеин а е подрднакво кремаст. Се двоумев дали да го правам само со сушени чери или само со печурки, но на крај ри реков what the hell ќе го правам со двете! И не знгрешив! Се прави со само неколку состојки, брзо и лесно.

паста со протеински сос, сушени чери и печурки

За сите состојки и начинот на подготовка, скролнете подолу во постов, а кај мене на инстаграм во reels имате и кратко видео. Ќе ми значи доколку го лајкнете или споделите. А уште повеќе ќе ми значи доколку го пробате!

Како да ја направите оваа паста со протеински сос?

Подолу имате слика од амбалажата на свиленото тофу, за да си направите скриншот и да го купите – прави многу разлика. Можете да го правите и со обично тофу, но ќе ви треба повеќе вода и многу повеќе блендање за да ја добиете оваа silky-smooth текстура. Но, да се вратам на сосот – има само 4 состојки: тофу, вода, нутритивен квасец и мисо (што е опционално, но препорачливо) додека останатите состојки се: сушени чери, малку од нивното масло, младо кромитче, лук и печурки. И секако, паста по избор.

Иако за секоја паста што ќе ја направам викам дека е најдобра што сум ја направила, оваа паста со протеински сос, сушени чери и печурки мислам дека е дефинитивно најдобрата (или барем до следната 🤣)

Во однос на пастата, моја препорака е доколку најдете секогаш да употребите интегрална или паста од цели зрна.

Don’t be upsetti, eat some Spaghetti!

Се одјавувам со паста шали и секако, ве чекам да ги пробате и да ми кажете дали ви де допаднале

Доколку си љубител на паста и сакаш да пробаш нов, кремаст и многу вкусен сос, во исто време богат со протеини, тогаш дефинитивно треба да ја пробаш оваа паста со протеински сос, сушени чери и печурки. Многу е кремаста, вкусна, и богата со протеини. Доколку ја направиш, тагни го мојот инстаграм профил @marijamarijamarija или остави мо коменар под овој пост.

…

🍝 Паста со Протеински сос, сушени чери и печурки 🍝Прочитај повеќе »

🍝 Паста со Протеински сос, сушени чери и печурки 🍝 Read More »

🎄 Ароматично веганско сирење 🎄

LinkInBio, Празнични, Рецепти, Сосови, макала, намази и кремови / Марија

Ова ароматично веганско сирење се канам да го „скоцкам“ за на сајт веќе подолго време, но некако цело време „искрснуваат“ други рецепти. Епа сега, во духот на празниците, решив дека конечно ќе го фотнам, во „празнично руво“ и ќе го споделам, затоа што навистина заслужува простор овде.

Новогодишните и божиќните празници за мене се нешто магично (ептен сум christmas sucker 🎄) па вака „дотерани“ рецептчиња ми се многу драги. Инаку, лани ја правев салатата божиќно венче (нема рецепт, затоа што многу е едноставно објаснета во видеото). А оваа година оваа елка од моето ароматично веганско сирење.

Се надевам дека ќе имам уште малку време деновиве, па ќе смислам уште некој рецепт што ќе добие празнична презентација. А до тогаш, скролнете надолу во постов за да го видите целиот рецепт и да си го направите час поскоро. А кај мене на инстаграм во reels ви оставив и кратко видео од подготовката.

Зошто моето ароматично веганско сирење?

Затоа што празничниот период кај нас е период на пости и верувам дека секој што пости би сакал да го има ова кремасто ароматично „сирење“. Освен тоа, мнооогу е вкусно и е супер здраво за вас, затоа што се прави од индиски ореви. А за индиските ореви имам поопширно пишувано во повеќе наврати. Па, додека сте тука, читнете го мојот рецепт за Веганска павлака.

Во однос на аромата – слободно додавајте колку сакате и какви сакате зачини и мирудии. Мојот оригинален рецепт е со лук, буковец, прованса мешавина, свеж рузмарин и магдонос. Но, веќе нагласив дека е лесно прилагодливо, па вие можете да го прзачинитеилагодите според вашиот вкус и расположение. Можам да потврдам дека супер оди со свежо чили (за сите љубители на лута храна). Единствени две намирници што се константни во овој рецепт се индиските ореви и нутритивниот квасец.

Доколку постиш или од којабило причина сакаш да паузираш со сирење ама сепак ти недостасува, тогаш пробај го моето ароматично веганско сирење. Те охрабрувам, бидејќи се прави навистина брзо и лесно и е баш превкусно. Плус, можеш да си играш со зачини и мирудии и секој пат да добиваш различен вкус. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🎄 Ароматично веганско сирење 🎄Прочитај повеќе »

🎄 Ароматично веганско сирење 🎄 Read More »

🍄 Пате од печурки 🍄

LinkInBio, Празнични, Рецепти, Сосови, макала, намази и кремови / Марија

Веќе подолго време се канам да направам пате од печурки. Но, сакам да направам и уште некој нов намаз, бидејќи одамна немам направено. И еве бидна конечно. И не само што бидна, вкусот е предобар.

Мислам дека одамна немам уживано во некој намаз како што уживав во ова пате од печурки. Секако, за вкусови не се расправа. Знам дека нешто што ми е превкусно на мене, нема да му биде на некој друг. Но, мислам дека ова пате од печурки дефинитивно вреди да се проба.

Во пресрет на слави и празници

Посни намази се особено погодни во празничниот период и периодот на слави. Супер се бидејќи можете да ги послужите со крекери и некој зеленчук и да имате супер мезе. Затоа периодов сем ова пате од печурки, ќе се обидам да направам уште некој намаш што се надевам ќе ви се најде во периодот на пости, слави и празници.

Зошто пате од печурки

Искрено, затоа што е вкусно и се прави релативно брзо. Стои неколку дена во фрижидер и од дозата во рецептот ќе наполните тегла од 270 грама.

Јас го правев со микс печурки и мислам дека во најголема мера поради тоа и ми се допадна толку, но вие можете да експериментирате и да се обидете само со шампињони или со вашите омилени печурки.

Во рецептот же забележите дека користев и мисо. Мисо паста е всушност традиционален јапонски додаток во исхраната и се прави од ферментирани зрна (најчесто соја или грав). Дава супер шмек и кај нас го има во азиската продавница во Скопје. Но доколку немате, слободно можете да го изоставите. Целиот рецепт и начинот на подготовка го имате подолу во рецептот. А имате и кратко видео кај мене на инстаграм во reels.

Доколку сакаш брзи и лесни домашни намази, тогаш дефинитивно треба да го пробаш ова пате од печурки. Има длабок вкус и се прави многу лесно. Така што, доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍄 Пате од печурки 🍄Прочитај повеќе »

🍄 Пате од печурки 🍄 Read More »

🍓 Двослоен протеински пудинг 🍓

LinkInBio, Десерти, Рецепти, Сосови, макала, намази и кремови / Марија

Овој двослоен протеински пудинг, всушност е варијација на мојот протеински чоко пудинг. Подеднакво протеинска, но малку поосвежителна опција. Се прави буквално исто (лесно) а е навистина многу вкусен. Употребете го омилениот засладувач за да си ја подесите блажината, или пак доколку сакате киселкаст вкус, изоставете го комплетно. Инаку во однос на подготовката важи истото – јас го правам со свилено тофу. Но, може да се направи и со обично тофу, но треба да додадете повеќе млеко, да го блендате подолго и крајниот резултат да биде silky smooth.

Десерт, ужина и протеински буст

Овој двослоен протеински пудинг можете да го јадете како десерт, ужина или по вежбање како протеински буст. Нема многу калории што е уште една предност за сите оние коишто внимаваат на дневен внес.

Зошто двослоен протеински пудинг?

За придобивките од тофуто имам доста пишувано во моите претходни рецепти со тофу, а најопфатно објаснив овде. Затоа, нема да ви објаснувам зошто овој двослоен протеински пудинг е здрав. Едноставно ќе ви кажам: освен што е здрав, направете си го бидејќи е вкусен!

Јас го правев со малини, но вие можете да го направите со јагоди, боровници или пак микс од шумско овошје – подеднакво вкусен во сите варијанти.

И така, решив овој пост да е краток и едноставен, баш како и самиот пудинг па нема да должам повеќе. Целиот рецепт и начинот на подготовка го имате подолу во рецептот, а имате и видео од целата подготовка кај мене на инстаграм во reels.

Доколку сакаш брза и протеинска ужинка а да не е купечки пудинг, тогаш мојот двослоен протеински пудинг е за тебе! Многу вкусен и освежителен, со 12 грама протеин и само 190 калории, минимално засладен се прави буквално во секунди (не во минути). Така што, доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍓 Двослоен протеински пудинг 🍓Прочитај повеќе »

🍓 Двослоен протеински пудинг 🍓 Read More »

🥄 Намаз од Сончоглед 🥄

LinkInBio, Рецепти, Сосови, макала, намази и кремови / Марија

Овој намаз од сончоглед го правев толку одамна, и среќа што рецептот си го запишав во тефтер, инаку никогаш немаше да се сетам што точно ставив, па ќе морав да импровизирам…

Затоа, за да нема импровизации, или принтајте си ги рецептите, или запишувајте си ги во тефтер. Јас во моментов го користам овој:

Тефтер за Рецепти

Супер е тоа што доколку ви се допаѓа, имам и код за попуст, па откако ќе го додадете во кошничка, внесете го кодот MARIJAFRANKLY10 за да добиете 10% попуст (попустот важи за целата продавница, какои за продизводите што веќе се на попуст)

Зошто мојот намаз од сончоглед

Уф! Затоа што е многу вкусен, и може достојно да го замени мајонезот во исхраната. Ем поздраво ем супер вкусно.

Сфатив дека немам објавено многу намази, иако доста често си правам, па еве со овој намаз од сончоглед ќе си ја исправам грешката и ќе почнам да ги објавувам еден по еден.

Како што времето полека заладува, топлите сендвичи ќе бидат една од оние „comforting foods“ и добри, вкусни и здрави намази се задолжителни. Плус, знаете дека секогаш сум за да се јаде нешто подготвено дома, од убави намирници, затоа што секогаш можете да ја контролирате содржината и количината и нема да внесете непотребни работи или вишок масти, шеќери и калории.

Овој намаз од сончоглед е супер опција за појадок или за ужина, може да се комбинира со авокадо, домати или друг зеленчук по желба а супер е и во сендвичи!

Исто така, многу лесно можете да го претворите во мајонез – се што треба е да ставите малку повеќе вода и подолго да блендате. Така, ќе добиете здрав мајонез, од природни масти и без додадоци штетни за здравјето.

Како да го направите овој намаз

Многу едноставно! Потребен ви е блендер или уште подобро процесор. Јас го направив погуст, но како што објаснив и погоре во постот, можете да го блендате подолго (со малку повеќе вода) и да го направите потечен за да добиете мајонез.

Има само неколку состојки, ништо екстравагантно. Јас му ставив повеќе лукче, затоа што лукче is life! Но вие слободно прилагодете си го вкусот според ваша желба. Ставете повеќе сенф и сок од лимон за да добиете повеќе вкус на мајонез.

И да не должиме многу, скрол надолу за да го видите целиот рецепт и начонот на подготовка, а секако имате и кратко видео кај мене на инстаграм во reels.

Доколку си љубител на намази, мојот намаз од сончоглед е твојот нов омилен намаз. Те охрабрувам да го направиш, бидејжи е многу вкусен, се прави многу лесно и стои во фрижидер (во добро затворен стаклен сад). Доколку го направиш, тагни го мојот инстаграм профил @marijamarijamarija или остави ми коменар под овој пост.

…

🥄 Намаз од Сончоглед 🥄Прочитај повеќе »

🥄 Намаз од Сончоглед 🥄 Read More »

🍱 Пролетни ролнички 🍱

LinkInBio, Рецепти, Ручек, Сосови, макала, намази и кремови / Марија

Овој тип на полнети ролнички или попознати како spring rolls (Gỏi cuốn) се традиционално Виетнамско јадење, но се распространети насекаде низ Азија. Се разликуваат од кинеските пролетни ролнички по тоа што овие се свежи, додека кинеските се пржени и полнети со готвен зеленчук (или месо).

Традиционалните виетнамски пролетни ролнички се служат со рибји сос, но вториот сос по избор е со путер од кикирики, каква што верзија си направив и јас. Не проверив каков е оригиналниот рецепт за сосот со путер од кикирики, ама мојава излезе ВРВНА!

Инаку, за пролетни ролнички нема некој посебен рецепт, битно е да имате оризова хартија и свеж зеленчук по желба. Доколку јадете ракчиња, можете да ставите зготвени ракчиња, или пак печено или запржено тофу (димено функционира исто) 😋

И сега, мојата омилена фотка, или суровата реалност – 4 месеци по породувањето, моето летно тело навистина не беше подготвено (иако оптимистички мислев дека ќе биде). Овие пролетни ролнички беа мноооооогу вкусни, но бидејќи ги правам прв пат, мојата проценка е дека треба да се испраксирам со ролањето, па дефинитивно ќе ги направам уште неколку пати.

Инаку, јас ги полнев со:
– Авокадо
– Чери
– Морков
– Краставица
– Маслинки
– Младо кромитче
– Растителен кашкавал
– Марула
– Соба вермичели нудли од хељда
– Димено тофу

*** Сите азиски состојки ги набавив од азиската продавница во Центар

Како да си направите пролетни ролнички?

Инаку, начинот на подготовка го имате на сликите подолу, а кратко видео од подготовката имате и кај мене на инстаграм во reels. ‼️ Она што е клучно во подготовката на пролетни ролнички е, да ја натопите убаво оризовата хартија во млака вода. Потоа, потребано е да ја ставите на влажна површина додека ја полните. Мотањето е вежба!

соја сос, оризов оцет, оризова хартија, свеж зеленчук

Заради баланс, мојата препорака, како и секогаш е, да ставите свеж зеленчук во изобилство, извор на протеин како и извор на здрави масти – но доколку го направите мојот сос со путер од кикирики, мастите ви се покриени!

Сос со путер од кикирики

Е сега за сосов! Можам да го опишам само со 1 збор: ЛУДИЛО. Можно е поради мојата опсесија со путер од кикирики, не велам не. Но навистина излезе превкусен. Плус во комбинација со свежите пролетни ролнички беше апсолутна победа. Ме потсети на виетнамскиот сос каков што го паметам и тоа ептен ме израдува! Да не должиме многу, рецептот за сосот е 👇🏻

Доколку и ти како мене многу сакаш да пробаш пролетни ролнички, но никако да направиш, ова е знакот! набави оризова хартија и свеж зеленчук и почни со мотање. А, доколку ги направиш, тагни го мојот инстаграм профил @marijamarijamarija или да ми оставиш коментар под овој пост.

…

🍱 Пролетни ролнички 🍱Прочитај повеќе »

🍱 Пролетни ролнички 🍱 Read More »

🍨 Протеински чоко пудинг 🍨

LinkInBio, Десерти, Рецепти, Сосови, макала, намази и кремови / Марија

Протеински чоко пудинг или уште еден здрав пудинг, направен дома од супер состојки, готов за 3 минути. Единствена маана (да, има маана) е што кај нас нема silken tofu. Меко или свилено тофу јас купувам од соседните држави, најчесто од Солун, и доколку сте во можност, топло ви препорачувам да си набавите количина затоа што навистина можете да правите супер работи со него. Пудингов можете да го направите и со обично тофу, но треба да додадете млеко, да го блендате подолго и крајниот резултат да не биде silky smooth.

Митовите и вистините за тофуто

Многумина ми пишаа како тоа јадам тофу, нели е штетоно, нели се прави од соја па не треба да се консумира. Па нели сојата влијае на хормоните и тн. Во оваа прилика би сакала да разјаснам неколку работи:

Тофуто е еден вид на „сирење“ што се прави од соја. Се прави така што се завива свежо млеко од соја, се притиска во цврст блок и потоа се лади, слично како што традиционалното млечно сирење.

Дел од придобивките од тофуто

За дел од придобивките од тофуто имам доста пишувано во моите претходни рецепти со тофу, но, од корисни информации никогаш доста, нели?

Тофуто (и останатите производи од соја)н содржат природни соединенија наречени изофлавони – моќни антиоксиданси што помагаат во намалувањето на оксидативниот стрес предизвикан од молекулите наречени слободни радикали. Токму овој оксидативен стрес е вклучен и во стареењето и во појавата на голем број хронични болести. Соја исто така е особено богата со изофлавони и обезбедуваат други активни растителни соединенија, како што се сапонини.

Тофуто, е одличен извор на растителни протеини, обезбедувајќи ги сите девет есенцијални амино киселини кои ни се потребни за раст и развој и подобрување на имунитетот.

Сварливоста на протеинот во сојата, (што се однесува на тоа колку добро нашето тело може да го користи протеинот), е одлична, па дури и споредлива со онаа од животинските протеини.

Во кои случаи да внимавате на внесот на тофу

Прво, доколку сте алергични на соја и продукти од соја, тофу не смеете да консумирате. Иако случаите се ретки, сепак сојата може да ја попречи активноста на тироидната жлезда, што значи дека доколку имате проблеми со тироидата, внимавајте на количината на тофу што ја внесувате. Тофуто и останатите производи од соја содржат оксалат; па луѓето со историја на камења во бубрезите со калциум оксалат треба да внимаваат на количината на производи од соја што ќе ја консумираат. Генерално, консумацијата на соја и продукти од соја стана контроверзна во последниве години, но, Европската управа за безбедност на храна заклучи дека изофлавоните од соја не влијаат негативно на тироидната жлезда, градите или матката кај жените во постменопауза.

Да се вратиме на мојот протеински чоко пудинг

Добрата работа за овој протеински чоко пудинг е што нема што многу да се објаснува. Се прави екстремно брзо и лесно и има само 5 (или 6 доколку користите обично тофу) состојки. Засладен е со урми (нема подобро) богат е со протеини, диететски влакна и антиоксиданси – или се што недостасува во еден купечки пудинг.

Целиот рецепт и начинот на подготовка го имате подолу во рецептот, а имате и видео од целата подготовка кај мене на инстаграм во reels

Доколку сси љубител на пудинзи и кремови но сепак сакаш да пробаш поздрава варијанта (што е богата со протеини) тогаш дефинитивно те охрабрувам да го направиш мојот протеински чоко пудинг. Се прави буквално во секунди (не во минути) и има супер протеинска вредност. Така што, доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍨 Протеински чоко пудинг 🍨Прочитај повеќе »

🍨 Протеински чоко пудинг 🍨 Read More »

🍨 Сладок крем од индиски ореви 🍨

LinkInBio, Рецепти, Сосови, макала, намази и кремови / Марија

Овој сладок крем од индиски ореви е многу лесен и едноставен додаток на вашите десерти. Како и мојот најлесен чоколаден сос, така и овој, се прави за неколку минути и потребни се само 3 состојки: индиски ореви, урми и ванила.

Инспирацијата да го направам ми дојде кога ја правев чоколадната торта од киноа, но сфатив дека овој крем може да се употребува во каква било комбинација. Погоден е како додаток за појадок, ужина и десерт – или секој пат кога сакате минимално да се заблажите а да не посегате по купечки крем.

Вкусот е комбинација од ванила и карамела, но блажината е сосем суптилна а кремавоста ја одредувате самите вие со времето на мелење на индиските ореви.

Како да го јадете овој сладок крем од индиски ореви?

Како додаток на вашите палачинки или вафли. Со ваето омилено банана лепче. Во комбинација со вашето омилено свежо или смрзнато овошје. Но и како фил во разни торти и колачи.

Буквално – овој крем можете да го јадете секако!

Слободно модификувајте го

Доколку сакате да добиете поинакво вкус, можете да употребите екстракт со ментол, чоколадо или пак рум и секој пат ќе добиете различен вкус.

А ако пак сакате да биде неутрален, не додавајте урми и нема да осетите никаква блажина.

Доколку ти недостасува здраво заблажување, те охрабрувам да го направиш и пробаш мојот сладок крем од индиски уште денес. Се прави брзо и лесно, а доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍨 Сладок крем од индиски ореви 🍨Прочитај повеќе »

🍨 Сладок крем од индиски ореви 🍨 Read More »

🍫 Домашна Нутела 🍫

2 Comments / LinkInBio, Рецепти, Сосови, макала, намази и кремови / Марија

Оваа домашна нутела е еден мој постар рецепт за којшто неодамна сфатив дека не ми е објавен тука. Па тој пропуст мораше веднаш да се искоригира и еве ја објавата!

Е сега, дозволете кратко да ви кажам нешто за оваа моја домашна нутела. Доколку сте љубител на богат вкус на чоколаден крем, тогаш дефинитивно морате да си ја направите. На целата количина има само 1 лажица јаворов сируп и 3 урми – то е МНОГУ помалку отколку количината на шеќер што ја има во купечкиот крем.

Плус, вкусот на печен лешник и црна чоколада е навистина неодолив. Целиот рецепт го имате подолу во оваа објава, а постапката можете да ја видите и кај мене на инстаграм во reels. Не заборавајте да додадете сол, бидејќи солта го нагласува вкусот на околадата.

Уште нешто! Доколку немате јак блендер за да ги сомелете лешниците – имам еден ХАК за вас 😎

Новиот путер од лешник на @crux.mk е толку кремаст и нежен, така што слободно можете да употребите една тегличка за да ја добиете оваа нутела. Едноставно промешајте го со останатите состојки! Thank me later!

Зошто домашна Нутела?

Затоа што знаете точно какви состојки има! Нема емулгатори, вештачки бои и ароми, и еден тон додаден шеќер. Затоа што е направена од целосна храна и црно чоколадо – што е богат антиоксиданс. Плус, мозете да дозирате дали да биде малку crunchy или пак комплетно silky smooth! Според мене, ова се повеќе од доволно причини зошто.

Плус, можете да ја јадете во различни компбинации, па еве листа на сите мои рецепти со коишто можете да ја искомбинирате:

🥞 Палачинки
🧁 Мафини
🥨 Крекери
🍩 Крофни

Или едноставно да си ја намачкате на лепче со многу свежо овошје!

Сакам да пишувам уште, ама нема потреба. Оставам на вас да ја направите и да ми пишете фидбек!

Доколку си љубител на познатиот чоколаден крен - мојата домашна нутела е дифинитивно подобра и поздрава варијанта - но подеднакво вкусна! Те охрабрувам да ја направиш и пробаш (имам пишано и предлог за хак доколку немаш јак процесор) и доколку ја направиш, тагни го мојот инстаграм профил @marijamarijamarija или остави мо коменар под овој пост.

…

🍫 Домашна Нутела 🍫Прочитај повеќе »

🍫 Домашна Нутела 🍫 Read More »

🫕 Матено тофу намаз 🫕

LinkInBio, Рецепти, Сосови, макала, намази и кремови / Марија

Поаѓајќи од идејата за матена фета, произлезе овој матено тофу намаз и ве уверувам дека е дефинитивно најдоброто нешто што можете да си го направите дома! Со само едно правење овој намаз ми стана омилен. Вкусен е, здрав и полн со протеини – и тоа е се што ни треба за еден намаз. И да, се прави лесно, сè што ви треба е процесор за храна.

Има 9 состојки, од кои 5 се зачини (можете да ги адаптирате вкусовите). Целата количина има 290 калории и 34,4 гр. протеини. Јаглехидратите на целата колличина се вкупно 9,4 од кои 5,5 гр. се растителни влакна. Инаку, од целата количина излегуваат 3 порции. Ова е буквално одлична нутритивна содржина, особено како за намаз. Секако, доколку убаво го искомбинирате ќе си имате балансиран, нутритивно богат и многу вкусен оброк.

Да повторам уште еднаш (притоа не преувеличувам) намазов е МНОГУ вкусен!

Матено тофу намаз со лубеница и краставица

Скоро во секој рецепт со тофу нагласувам дека мааната и предноста на тофуто е што нема вкус. Буквално вкусот ќе зависи од начинот на подготовка и зачините што ќе ги употребите. И тоа според мене е вистински благослов. Со овој матено тофу намаз, првата комбинација што ја направив (а направив две 😋) беше со лубеница и краставица. Исеков убаво парче зрела лубеница, намачкав од намазот и наредив тенки резанки краставица. Овој микс на вкусови мене супер ми се вклопи – слатка лубеница, солен намаз и неутрална освежителна краставица – многу добро (посебно за топол августовски ден)!

Еден намаз, два рецепти

Но, за сите што не се љубители на комбинирани вкусови и што со сигурност овој намаз нема да го искомбинираат со лубеница – имам уште нешто во ракавот.

Одлично оди на потпечено лепче, со тостиран сусам, или како основа за врап, со многу свеж спанаќ. А верувам дека има уште многу комбинации што допрва ќе ги пробувам. Секоја варијанта ќе биде додадена во постов!

Испечете чери домати со малку маслиново и послужете ги врз мојот матено тофу намаз. Оставете печените домати да пуштат малку од сосот и потоа можете да послужите.

Доколку си љубител на комбинирани вкусови, мојот матено тофу намаз намачкај си го на лубеница, во спротивно пробај го со печени чери домати. Во секој случај МОРАШ да го направиш затоа што е многу вкусен и полн со протеини! Доколку го направиш, тагни го мојот инстаграм профил @marijamarijamarija или остави мо коменар под овој пост.

…

🫕 Матено тофу намаз 🫕Прочитај повеќе »

🫕 Матено тофу намаз 🫕 Read More »

Сосови, макала, намази и кремови

Зошто овој чоколаден пудинг со тофу и киноа е совршен избор?

Вкусен, кремаст и неодоливо вкусен (а сепак здрав)!

Што ја прави оваа Наутела посебна?

Зошто да ја направите оваа Наутела – Нутела од Наут?

Како да ја искомбинирате мојата Наутела – Нутела од Наут?

Како Алфредо, само подобар

Како да ја направите оваа паста со протеински сос?

Don’t be upsetti, eat some Spaghetti!

Зошто моето ароматично веганско сирење?

Во пресрет на слави и празници

Зошто пате од печурки

Десерт, ужина и протеински буст

Зошто двослоен протеински пудинг?

Зошто мојот намаз од сончоглед

Како да го направите овој намаз

Како да си направите пролетни ролнички?

Сос со путер од кикирики

Митовите и вистините за тофуто

Дел од придобивките од тофуто

Во кои случаи да внимавате на внесот на тофу

Да се вратиме на мојот протеински чоко пудинг

Како да го јадете овој сладок крем од индиски ореви?

Слободно модификувајте го

Зошто домашна Нутела?

Матено тофу намаз со лубеница и краставица

Еден намаз, два рецепти

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.