Колачиња и бисквити

Ем колаче, ем здраво: магијата на леќата!

Вообичаено, кога мислиме на колаче (или каков било десерт), обично замислуваме нешто слатко, но ретко замислуваме нешто здраво. Пријзнај!

А сега ако ти кажам дека колачињата можат да бидат и вкусни, да те заблажат, но и да бидат корисни за твоето здравје? Епа такви се моите колачиња со леќа – неочекувана комбинација, но совршен баланс на вкус и хранливост.

Ова колаче со јаболка, е вистинско слатко задоволство што ќе ви го нахрани телото ама и душата! Плус, има ли нешто поубаво од мирис на печено јаболко?

Иако ова не ми е прво колаче со јаболка, сепак е поинакво и многу, ама МНОГУ вкусно! Со само 5 состојки (и. мислам дека сум сигурна дека ги имате по дома) ова колаче со јаболка не е само десерт – туку може да биде и вистински здрава ужинка што ќе ве исполни со енергија!

Се прави брзо и лесно и целиот рецепт и начинот на подготовка го имате подолу во овој пост, а имате и кратко видео кај мене на инстаграм во reels

Јас го прелив со стопено црно чоколадо, (бидејќи животот нема логика без црно чоколадо) но вие можете и да го послужите без чоколадо.

Брзи, лесни, вкусни и полни со протеини – такви се овие протеински колачиња. Плус се прават во Аir-Fryer и се готови за само 7 минути.

Убавината на овие колачиња (освен што се многу вкусни) е што се прават неверојатно лесно. Пожелно е да имате Аir-Fryer, но доколку немате, можете да ги печете и во рерна.

За протеински колачиња – мора протеин

Една од главните состојки на овие протеински колачиња е протеинот во прав. Јас користев чоколаден вегански протеин од грашок и тоа им даде уште повеќе шмек. Доколку немате, можете да ставите 2 лажици какао како замена, но протеинската вредност ќе биде драстично помала.

Крцкави од надвор, сочни и меки од внатре

Периодов ова е еден од моите омилени десерти од повеќе причини. Многу се вкусни, многу лесно се прават, состојките се едноставни и секогаш ги имам дома и се уште еден начин како да внесам повеќе протеин.

Плус, многу е убаво чувството кога ви се јаде благо и знаете дека тоа што го јадете освен што ќе ви ги задоволи потребите за благо, во исто време ќе задоволи и други потреби на организмот и убаво ќе го нахрани (нема да изедете празни калории и преработени шеќери).

Целиот рецепт и начинот на подготовка го имате подолу во рецептот, а имате и видео од целата подготовка кај мене на инстаграм во reels

Десерт без додаден шеќер

Гледајте црното чоколадо што ќе го употребите да биде барем 80%. Ако најдете, употребете и 90% – тоа е навистина горко и нема никаков шеќер. А доколку сакате можете и комплетно да го изоставите. Доколку бананата е навистина зрела (темно кафена) тогаш ќе добиете совршена блажина со нота на карамел. Сепак, ве охрабрувам да не се плашите од црното чоколадо, затоа што е одличен антиоксиданс. И на крајот на денот, животот е поубав со чоколадо во него, нели?

Што е „крамбл“ со цреши

Да бидам искрена, не знам како е точниот израз за „крамбл“ со цреши на македонски. Баба ми го правеше со вишни, но рецептот не беше овој, сигурна сум дека имаше путер и јајца. Во секој случај, ова колаче мене секогаш ќе ме потсетува на баба ми, а ова е една поздрава варијанта.

Колачево нема додаден шеќер, се прави лесно и е многу освежително и вкусно. Ако не ми верувате, повелете, направете го и пресудете сами.

Од аспект на состојки, вкупно 7, и сите до една супер за вас! А најдоброто од се е чиа џемот од цреши. 😍 Кората е нежна и мека и нема шанси да познаете дека нема ниту брашно ниту путер ниту шеќер!

Рецептов го пишувам во јули, значи сезона на цреши, направете си го колачево и замрзнете си цреши за да моќете да си го правите и во зима.

Како да го направите овој „крамбл“ со цреши

Прво треба да го направите чиа џемот со цреши што всушност ќе ви биде филот. Притоа, доколку не сте правеле чиа џем, без грижи, се прави за 10 минути во едно обично тенџерче и со 3 стотојки – цреши, чиа и јаворов сируп (или засладувач по желба). Можете да го изоставите, но ќе биде прилично кисел.

Подетално објаснување имате во рецептот, но овде на кратко:
1. Ги ставате црешите во тенџерче на оган и го додавате јаворовиот сируп. Варите додека црешите да пуштат течност. Откако ќе омекнат, изгмечење ти го алатка за пире или лажица/вилушка.
2. Додадете го чиа семето и ватере со повремено мешање.
3. Тргнете го од оган и оставете го да се излади и да се згусне

Меки, крцкави, вкусни

Морам да признаам дека многу ми е криво што кога првично го објавив овој рецепт за моите бисквити со таан и сусам, лани на инстаграм, немаше некој посебен интерес. Се надевам дека сега откако ги објавувам овде, ќе почнете да ги правите затоа што се без масло. Може да ги направите и без шеќер, сочни крцкави и со многу богат вкус. 😍

За да ги направите, потребни ви се точно 9 состојки, од кои таанот ја има клучната улога. Но, целиот спој на вкусови одлично се инкорпорира во ова крцкаво а сепак меко бисквит-колаче.

Слично како и слатко-горките бомбици со таан, така и овие бисквит-колачиња се мегу моите лични фаворити што ги правам многу често. Бонус на вкусот е што имаат добра количина на растителни протеини.

Ги правите еднаш и после ги правите засекогаш!

Не преувеличувам, ама овие бисквити со Таан и Сусам МНОГУ добро одат со чај или кафе. Одлични се за ужина „во од“, дома или во канцеларија. Но, поважно, навистина се прават пребрзо и прелесно.

Се прават во четири едноставни чекори:
1. Ги мешате сите состојки во еден сад
2. Правите топчиња со еднаква големина (земајте со лажица или мерилка за да ви се исти)
3. Ги валкате во сусам
4. Ги редите на тавче за печење и ги сплескувате со дно од чаша (за да добиете бисквити)

Плус, супер се за да ги правите до вашиот тодлер, бидејќи валкањето во сусам и сплескувањето со чаша мислам дека се посебно забавни за малите.

Јас дефинитивно ќе ги правам често, бидејќи без дилема ова ми е најлесниот десерт на светот. Веројатно следниот пат ќе пробам со доза чоколаден протеин или можеби малку екстракт од ванила. Мислам дека има потенцијал за развивање во неколку насоки и мислам дека секоја нова насока ќе биде поинакво вкусно доживување.

Доколку ги направите, оставете ми коментар, баш ме интересира дали ви се допаднаа.

Инаку, освен што ќе ве заблажи, овој десерт ќе ви обезбеди доволна количина антиоксиданси, магнезиум, калиум и железо, што е супер, за десерт. Со само 50 калории од парче, со изедени 3 сте и калориски подмирени и добро заблажени!

Крцкави и меки

Самото име ви кажува за состојките и мислам дека овој пат нема потреба да пишувам колку се добри и важни за вашето здравје (многу!). Така што, мислам дека може да се задржиме на текстурата и на вкусот на овие колачиња со бадеми и чиа…

Сакам да кажам дека се нешто помеѓу бисквит и колаче. Крцкави се и меки, и мислам дека веќе ви најбројав доволно причини за да ги пробате. Одлично одат со кафе и чај. Како ужина или десерт – одлични во секоја комбинација.