Шпагети „вегањезе“ или веганска верзија на болоњезе! Излегоа навистина превкусни и одлична копија на оригиналот. А, ако веќе морате да бирате помеѓу мелено месо и (како во случајов) тофу и темпе, мојата препорака веќе ја знаете, тофу и темпе, засекогаш!

Инаку една порција од овие шпагети „вегањезе располага со МНОГУ протеини и растителни влакна и е МНОГУ (ама многу) поздрава варијанта од оригиналот. И тоа за мене е секогаш најголемиот предизвик – копијата да е подобра од оригиналот.

Океј, верувам дека моите италијански пријатели нема да се сложат… 🥹

СЕПАК, сите вие што сакате поздрав, подолг и поквалитетн живот, дефинитивно треба да ги пробате. Јас користам шпагети од киноа, но вие можете да употребите какви ви се наоѓаат по дома.

Болоњезе не е од Болоња?

Океј, и мене ова ми беше сосем нова информација – да не го објавев постов, веројатно ќе мислев дека шпагетите болоњезе потекнуваат од Болоња. Всушност, наспроти популарното мислење, ова јадење (веројатно) потекнува од Имола, мало гратче западно од Болоња за коешто има први документирани докази во користење на рагу сос (основата на Болоњезе) уште во 18тиот век.

Овие шпагети „вегањезе“ потекнуваат од Скопје и од мојата кујна. 🤣 И мислам дека ова е една од неколкуте варијанти со коишто може да се подготват.

Доколку не можете да најдете темпе (бидејќи кај нас нема) или сејтан, можете да употребите печурки, леќа и ореви – што воедно ќе биде и мојата следна комбинација, бидејќи леќа и ореви ми е секогаш врвно комбо.

Една порција – 70 грама протеин

Сите веќе знаеме зошто протеините се важни. Плус, во сите објави се трудам да посочам дека растителните протеини се одлични за вас и пред се – насекаде! Епа, моите шпагети „вегањезе“ имаат 70 грама протеин во една порција. Ако тоа не ви е доволно, не знам што ви е… 🤷🏻‍♀️

Како да направите шпагети „вегањезе“

Доколку некогаш сте подготвувале рагу сос или болољезе, подготовката на овој рецепт ќе ви биде подеднакво едноставна (чекор плус е рендањето на тофуто). Целата постапка ја имате во рецептот подолу, на кратко, еве ги чекорите:
1. ги варите шпагетите според упатството на пакувањето
2. го динстате зеленчукот (со вода или маслиново);
3. ја додавате смесата од маринирано тофу и темпе;
4. го додавате доматниот сос и крчкате;
4. ги додавате сварените шпагети крчкате се заедно и послужувате.

И уште едно потсетување – чим јас ги правам – верувајте, воопшто не е комплицирано. Се ќе биде готово за 30тина минути. Кратко видео од подготовката имате во reels кај мене на инстаграм.

Доколку си љубител на паста и особено на болоњезе, тогаш дефинитивно треба да ја пробаш оваа моја веганска и многу здрава верзија. Моите шпагети „вегањезе“ имаат 70 грама протеин од порција, одлични се на вкус, и многу потсеќаат на оригиналот. Доколку ги направиш, тагни го мојот инстаграм профил @marijamarijamarija или остави мо коменар под овој пост.

Печати рецепт