Океј, веќе сите знаеме – Марија многу сака супи и чорби! А, оваа чорба од брокула е совршен оброк, утеха, лек! Зошто? Затоа што брокулата е еден од најмоќните зеленчуци на планетата! Плус, јас најчесто ја правам во комбинација со грашок и спанаќ или блитва за уште побогата нутритивна вредност!

Но, комбинациите за чорба со брокула се бескрајни! Направете ја со морков или со компир. Па дури и во комбинација со карфиол е одлична. Како и да се решите да ја искомбинирате и приготвите, нема да погрешите! Ве уверувам дека мојата чорба од брокула ќе биде еден од оние задолжителни оброци. Еве и зошто:

Брокула: колку повеќе, толку подобро

Освен што има малку калории а многу витамини и минерали, брокулата е еден од оние зеленчуци што има моќ да ви помогне буквално во сè!

Богата е со многу хранливи материи, вклучувајќи диететски влакна, витамин Ц, витамин К, железо и калиум. Исто така, може да се пофали со фактот дека содржи повеќе растителни протеини од повеќето други зеленчуци.

Зелено пакетче од витамини и минерали

Богата е со Витамин Ц, антиоксиданс важен за функцијата на имунолошкиот систем и здравјето на кожата. Само 1/2 шоља (45 грама) сирова брокула обезбедува речиси 70% од потребните дневни вредности. Содржи високи количини на Витамин К1, којшто е важен за згрутчување на крвта и може да го подобри здравјето на коските. Содржи Фолат (витамин Б9), што е особено важен за бремените жени. Фолатите се потребни за нормален раст на ткивото и функцијата на клетките. Богата е и со Калиумот којшто е корисен за контрола на крвниот притисок и спречување на срцеви заболувања. Содржи Манган како и Железо – што е неопходен минерал, којшто има многу важни функции во телото, како што е транспортот на кислород во црвените крвни зрнца.

Добра е за здравјето на срцето

Редовното консумирање обарена брокула го намалува ризикот од кардиоваскуларни болести, бидејќи ја намалува вкупната количина на холестерол во телото. Плус, може да го намали ризикот од срцеви заболувања.

Добра е за здравјето на очите

Брокулата содржи каротеноиди, лутеин и зеаксантин, кои можат да го намалат ризикот од очни нарушувања (особено оние поврзани со стареењето), како што се катаракта и макуларна дегенерација. Брокулата содржи и бета-каротен, кој телото го претвора во витамин А, чиј недостаток е поврзан со ноќно слепило.

Го поддржува хормоналниот баланс

Содржи растително соединение наречено индол-3-карбинол (I3C), кое делува како растителен естроген и може да помогне во балансирање на хормоните со регулирање на нивото на естроген. I3C, исто така, се покажа и како средство за намалување на ризикот од естроген-индуциран рак на дојка и репродуктивен карцином и кај мажите и кај жените. Сепак, за ова се потребни уште клинички истражувања.

Го подобрува имунитетот

Бидејќи е богата со сулфур, брокулата може да го подобри здравјето на цревата и како резултат на тоа, да ја подобри целокупната одбрана од инфекции. Сулфурот го поддржува производството на глутатион којшто е важен за одржување и рефенерирање на цревната обвивка. Како силен антиоксиданс, глутатионот делува низ телото и ги штити клетките од воспалително оштетување.

Доколку си љубител на супи и чорби а се уште ја немаш направено оваа чорба од брокула, еве прилика да ја направиш. Те охрабрувам, бидејќи е навистина многу здрава, густа и сочна, кремаста и превкусна. Доколку ја направиш, тагни го мојот инстаграм профил @marijamarijamarija или остави ми коментар под овој пост.

Печати рецепт