Овие крекери со домати се еден од оние рецепти што совршено го доловуваат вкусот на летото: зрели домати што мирисаат на сонце, медитерански билки, едноставни состојки и мнооооогу крцкање буквално со секое залче. Овие крекери се толку едноставни и речиси и да не бараат многу труд. А изгледаат како да се послужени на мала тераса покрај море. И секако дека летото, морето и медитеранот ме инсипираа за овие крекери со домати, овес и тофу. Лесни, хранливи и богати со растителни протеини и диететски влакна. Иако на прв поглед изгледаат прилично обично, тие се многу повеќе од тоа. Благодарение на комбинацијата од овес и тофу, добиваш крекери богати со растителни протеини, диететски влакна и сложени јаглехидрати за подолготрајна ситост! Плус, доматите внесуваат природна сочност и лесна киселкаста свежина. Додека ароматичните зачини го заокружуваат вкусот и му даваат оној препознатлив медитерански карактер.

Зошто овие крекери со домати?

Една од работите што најмногу ми се допаѓа кај овие крекери со домати, е нивната разновидност. Подеднакво добро функционираат како лесен појадок, попладневна ужина, додаток покрај салата или како дел од летна даска со хумус, маслинки, свеж зеленчук и намази.

Особено се практични затоа што можат да се подготват однапред и неколку дена да останат крцкави ако се чуваат во затворен сад. Па така, кога ќе посакаш нешто брзо, наместо купечки грицки полни со заситени масти шеќери и непотребни адитиви, имаш домашна алтернатива направена од вистински, целосни намирници. Тофуто не само што ја збогатува хранливата вредност, туку придонесува и за пријатната структура на крекерите. Овесот, пак, дава природна полнота и е одличен извор на бета-глукани, растворливи влакна кои придонесуваат за подолго чувство на ситост и поддршка на здравјето на срцето. Заедно создаваат комбинација што не е само вкусна, туку и функционална. Особено ако се трудиш да внесуваш повеќе растителни протеини во секојдневната исхрана.

За целиот рецепт и начинот на подготовка скролнете надолу во овој пост. А секако, кај мене на инстаграм во reels имате и кратко видео од подготовката.

Медитеранската исхрана одамна се смета за еден од најбалансираните начини на исхрана во светот. А нејзината убавина лежи токму во едноставноста. Наместо строги правила, таа нè учи да избираме сезонски намирници. Да готвиме со свежи состојки и да уживаме во секој залак. Во овие крекери токму тоа доаѓа до израз. Сочните домати носат ликопен, моќен антиоксиданс по кој се препознатливи. Овесот обезбедува стабилна енергија, а тофуто додава квалитетни растителни протеини без непотребни заситени масти. Кога сето тоа ќе се спои со зачини и мааааалку екстра девствено маслиново масло, резултатот е рецепт што мириса на лето и на медитерански двор…

Доколку и ти како мене сакаш крцкави крекери, што ќе станат дел од твоето летно секојдневие, тогаш мораш да ги пробаш овие крекери со домати. Те охрабрувам, бидејќи се многу вкусни и се прават навистина брзо и лесно. Доколку ги направиш, тагни го мојот инстаграм профил @marijamarijamarija  или остави ми коментар под овој пост.

🍅 Крекери со Домати 🍅Прочитај повеќе »

Освен зошто се овие крекери со помалку јаглехидрати, ги сакам и затоа што се прават во еден сад, имаат вкупно 10 состојки, не се комплицирани а се многу вкусни. И отприлика тоа се причините зошто и вие мора да си ги направите. Секако, тоа што состојките се супер здрави за вас, е секогаш додадена вредност 🤣

Еден крекер, 40 калории

Овие крекери со помалку јаглехидрати се одлични затоа што совршено одат со сите ваши омилени намази и салати, а исто така се одлична ужина без ништо, сами по себе. Немаат глутен, погодни се и за палео и за кето начините на исхрана (доколку има некои што ги следат). Но поважно од сè, имаат многу бенефити, а само 40 калории од крекер.

Антиоксиданси, витамини и минерали

Семките од сончоглед се одличен извор на неколку хранливи материи – вклучувајќи витамин Е, Селен и Цинк. Есенцијалните витамини и минерали што ги содржат семките од сонќоглед, можат да помогнат да се намали ризикот од воспаленија, срцеви заболувања и дијабетес тип 2. Цинкот, инаку, е составен дел на имунолошкиот систем, бидејќи помага и во развојот и одржувањето на правилната функција на имуните клетки. Дополнително, цинкот функционира и како антиоксиданс, во борбата против слободните радикали.

Диететски влакна, омега масни киселини

Лененото семе е извор на многу хранливи материи, вклучувајќи растителни протеини, диететски влакна, омега-3 масни киселини, тиамин.

Лененото семе исто така содржи и лигнани коишто можат да помогнат во намалувањето на прогрес на одредени ракови. Уште една важна улога на лененото семе е подобрување на движењето на дебелото црево и подобрување на општото дигестивно здравје. Дополнително, може да помогне и во намалувањето на нивото на холестерол како и да го подобри здравјето на срцето.

Што можеме да заклучиме? Овие крекери се добри за вас и вашето здравје и се многу вкусни. Буквално нема причина да не ги направите.

‼️Сосем за крај, уште една важна порака: Гледајте ги додека ги печете, многу лесно горат.

Доколку сакаш поздрава ужинка или доколку си љубител на крекери, тогаш дефинитивно треба да ги пробаш овие крекери со помалку јаглехидрати. Те охрабрувам, бидејќи се вкусни и многу здрави! Доколку ги направиш, тагни го мојот инстаграм профил @marijamarijamarija или остави ми коментар под овој пост.

Околу новогодишните празници, направив еден куп варијации на крекери, па и овие крекери од цвекло и хељда беа едни од нив. Ем розеви, ем супер здрави, ем одличен начин да внесете добри нутритиенти и диететски влакна. Се прават брзо и лесно, и ви требаат вкупно 9 состојки ако ги користите истите зачини како и мене. Главните состојки, како што кажува и самиот наслов, се цвеклото и хељдата.

Плус, ленено семе за екстра омега 3 и семки од сончоглед за уште повеќе витамини, минерали и антиоксиданси.

Крекери од цвекло и хељда за ужина, грицкање па дури и појадок

Доколку имате потреба да грицкате, мојата препорака е да грицкате паметно и здраво. А овие крекери дури можете да ги јадете и за појадок со хумус и свеж зеленчук.

Совршени за љубителите на розова боја

Во 2020, кога почна ковид-карантинот, јас влегов во една розова фаза, под мотото „Quarantine pink food – nothing can bring me down“. Буквално сè пто правев беше розово, обидувајќи се тоа да биде еден вид на занимација што ќе ми ги тргне мислите од пандемијата и воедно ќе ги направи нашите оброци поинакви од вообичаено.

Тогаш правев розова паста, розови палачинки, розово суши, па дури и розов спанаќ (сосот беше со цвекло). Но, зачудувачки, овие крекери од цвекло и хељда, дојдоа на ред речиси 2 години подоцна. Сепак, доколку сакате да експериментирате со различна храна или пак доколку имате некој мал вљубеник во розевата боја – тогаш дефинитивно треба да му ги направите овие крекери.

Цвекло секогаш и во секаков облик

Јас имам некоја посебна љубов за оброци со цвекло. Освен што МНОГУ го сакам печено со зачини и маслиново, често си го правам хумусот со цвекло, пицата и секако, чорбата (доколку не сте ги пробале, морате). Плус, доколку вежбате, цвеклото помага во издржливоста и користењето на кислородот (win-win). Освен се што до сега имам кажано за цвеклото, еве уште неколку придобивки што можете да ги имате доколку редовно консумирате цвекло во вашата исхрана:

🧠 Може да го подобри здравјето на мозокот,
🫃🏻 Може да го подобри здравјето на дигестивниот систем,
🔥 Се бори со инфламацијата,
🩸 Го одржува нивото на крвниот притисок,
💦 Има малку масти и калории, но многу вода, што го балансира внесот на енергија,
💪🏻 Одличен извор на многу хранливи материи, вклучувајќи фолати, манган и бакар.

Доколку сакаш здрави грицки или ужинка, пробај ги моите крекери од цвекло и хељда. Лесно се прават, вкусни се и здрави, за грицкање со помалку грижа на совест. Доколку ги направиш, тагни го мојот инстаграм профил @marijamarijamarija или остави ми коментар под овој пост.

🫓 Крекери од цвекло и хељда 🫓Прочитај повеќе »

Ова се моите здрави крекери од многу зрна, или еден од оние прелесни рецепти којшто ги содржи 5 од 6-те најздрави семиња што треба да ги консумирате. Освен што се супер здрави, крекериве се многу вкусни и се одличен извор на растителен протеин, влакна, здрави масни киселини и многу минерали што го подобруваат имунитетот и работата на мозокот (меѓу другото)! Поодамна се објавени на мојот инстаграм профил, но секако дека заслужуваат објава и овде!

Моќта на семињата

Лененото семе и чиата се одличен извор на влакна, омега-3, лигнани и останати нутритиенти коишто можат да го намалат нивото на холестерол и крвниот притисок и да ги намалат ризик-факторите за срцеви заболувања.

Сусамот е извор на лигнани и може да ја намали инфламацијата и оксидативниот стрес.

Семките од тиква и сончоглед се одличен извор на моносатурирани и омега-6 масни киселини и протеини и можат да го подобрат здравјето на срцето, да ги ублажат симптомите на уриранрите заболувања и да помогнат во намалување на инфламацијата и нивото на холестерол.

И всушност, тоа се главните состојки на овие здрави крекери 😋 Здрави, поздрави, најздрави!

Но и многу крцкави и вкусни! Плус ако си ги заќините по ваша желба и ваш вкус, ве уверувам дека ќе уживате уште повеќе! Одлично одат со хумус, гвакамоле или намаз по ваша желба. Јас лично преферирам да ги јадам само со свежа салата, бидејќи семињата сами по себе се доста калорични.

Доколку се уште го немаш пробано моите здрави крекери од многу зрна, еве прилика! Те охрабрувам, бидејќи се одлични и многу здрави. Доколку го направиш, тагни го мојот инстаграм профил @marijamarijamarija 

🍘 Здрави крекери од многу зрна 🍘Прочитај повеќе »