Овие тиква карамели се втор рецепт за карамели, но прв со тиква. И одлични се! Вистинско есенско десертче! Имаат само 7 состојки и се прават многу лесно и едноставно, буквално во еден сад. По желба можете да си ги прелиете со црно чоколадо (најчесто сите ја имаат таа желба), но и не мора. Во секоја варијанта се вкусни,
А освен што се вкусни се и супер здрави, природно засладени со урми и со многу диететски влакна што же го забрзаат варењето.
Плус, мислам дека единствено печено јаболко со цимет е повеќе есен од печена тиква, нели?
Инаку, овој пат, мојот карамел од урми го правев со кокосово млеко наместо со вода и доби супер шмек. Секако, доколку не сте љубител на кокос, можете да си го направите класично, со вода. Јас често си правам поголема количина и си го чувам во тегличка во фрижидер па го употребувам во различни комбинации.
И тоа е тоа, деталниот рецепт за моите тиква карамели го имате малку подоле, а кај мене на инстаграм во reels имате и едно кратко видевце. Ќе ми значи доколку го лајкнете, споделите или зачувате.
Доколку си љубител на тиква, тогаш мислам дека мора да ги пробаш овие тиква карамели. Те охрабрувам, бидејќи се навистина вкусни и се прават многу лесно. Доколку ги направиш, тагни го мојот инстаграм профил @marijamarijamarija или остави ми коментар под овој пост.
🎃 Тиква карамели 🎃
Oпрема
- процесор за храна
Состојки
- 6 с.л. Пире од тиква полни лажици
- 6 с.л. Кокосово млеко од конзерва
- 6 Урми свежи, меки
- 1 с.л. Ванила екстракт
- ½ шоља Кокосово брашно
- 2 с.л. путер од кикирики полни лажици
- 2 с.л. Црно чоколадо, стопено опционално
Инструкции
- Пире од тиква: Испечете тиква, и изгмечете ја со вилушка
- Урмите накиснете ги во кокосовото млеко и ванилата и оставете ги 15тина минути. Потоа изблендајте за да добиете карамел. Доколку е многу густо, постепено додавајте по малку вода или кокосово млеко.
- Во подлабок сад ставете го пирето од тиква, путерот од кикирики и кокосовото брашно и убаво измешајте за смесата да се соедини.
- Додадете го карамелот и убаво промешајте за смесата да се соедини.
- Формирајте топчиња (или форми по желба) ставете ги на хартија за печење и во фрижидер за да се стегнат.
- Опционално: прелијте ги или целосно извалкајте ги во црно чоколадо.
Вкупно парчиња: 24 бомбици
(препорачана порција: 2 бомбици)
Нутритивни вредности од порција:
Калории: 106 kcal
Протеини: 2,3 гр,
Јаглехидрати: 12,35 гр.
Масти: 4,46 гр.
Влакна: 3,42 гр.
Витамин А, железо, калиум
* Јас користам мерилки, ви препорачувам да набавите, многу се корисни а воопшто не се скапи. ** с.л. = супена лажица - ќе го користам како кратенка *** к.л. = кафена лажичка - ќе го користам како кратенка
‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .
Pocituvana,
pred se da vi kazam perfektna ste.
Sakav samo da ve prasam ova so merilkite, koja velicina/gramaza na merilka. Ili so koja ke pocneme da merime, so taa da merime celo vreme za site sostojki?
Pozdrav Snezana
Ви благодарам Снежана, на убавите зборови. Во однос на мерилките, количината е 250 мл за шоља – со тоа што се купечки, за да не мора да делите, бидејќи многу е тешко 1/4 да измерите во обична шоља. Се надевам дека помогнав
sekako, merilki imam i jas, pa sakav samo da se potvrdam. Bas sega ke gi pravam, ke izlezat dobro se nadevam 🙂
Vie prodolzete taka, jas ke ve sledam i so citanje i so pravenje