1шољапросоисплакнето и тостирано во рерна, 7 минути
½шољабадемитостирани во рерна, 7 минути
½шољасемки тикватостирани во рерна, 7 минути
½шољасемки сончогледтостирани во рерна, 7 минути
1шољасусамтостиран во рерна, 7 минути
8големи свежи урми, ситно исецканиако се суви, треба малце да се накиснат во вода
½шољасува брусница (без шеќер)
2с.л.сируп од урмиза помала блажина можете и само 1
3с.л.путер од кикирикиили путер од јатки по ваша желба
Instructions
Загрејте ја рерната на 170 степени.
На едно тавче обложено со хартија за печење истурете го исплакнатото и исцедено просо и убаво распоредете го. Ставете го во рерна и тостирајте го 10-12 минути.
Во меѓувреме, обложете уште едно тавче за печење со хартија за печење и тука истурете го сусамот, семките од тиква и сончоглед и бадемите. Тостирајте ги 7-8 минути.
Додека семките и просото се печат, во длабок сад за мешање истурете ја брусницата, путерот од кикирики и сирупот од урми.
Урмите (препорачливо да се свежи и сочни - доколку не се, накиснете ги малку во врела вода за да омекнат) ситно исецкајте ги. Треба да станат паста кога ќе ги мешате состојките.
Додадете ги урмите во садот. А откако ќе се истостираат, додадете ги и просото и семките.
Бадемите можете да ги додадете цели или подобро да ги исецкате во сецко за да бидат на помали парчиња.
Измешајте ги убави сите состојки. Урмите треба да станат како паста и смесата да биде леплива и добро да се соедини. Бидете упорни и трпеливи во мешањето.
Обложете тавче за печење со хартија за печење и овде истурете ја смесата. Убаво натапкајте ја за да биде рамна.
Ставете во ладилник да се стегне. Мене ми стоеше преку ноќ, но и некој час е доволно.
Исечете на барови и послужете. Мене ми излегоа 25 барчиња од оваа количина.