чоколадо Archives - Marija Marija Marija

🍯 „Glow&Calm“ бомбици 🍯

Оставете коментар / LinkInBio, Бомбици, Десерти, Рецепти / Марија

Овие „Glow&Calm“ бомбици се совршен чоколаден десерт за сјајна кожа, стабилна енергија и мирен ум! Затоа што најдобрите десерти се оние што не само што се вкусни, туку и прават да се чувствуваме добро и од внатре и од надвор. Епа моиве „Glow&Calm“ бомбици се токму тоа: нутритивно богати, чоколадни, кремасти и полни со состојки што го хранат телото одвнатре (ама и душата).

Комбинацијата од таан, какао, ленено семе и ф’стаци создава совршен баланс на здрави масти, магнезиум, антиоксиданси и природна сладост. А резултатот? Десерт што изгледа луксузно и декадентно, а всушност е нутритивно богата ужинка што може да помогне за постабилна енергија, природен сјај и помалку „cravings“ за благо.

Искрено, мене вкусот потсетува на комбинација помеѓу брауни, алва и пралина. Чудно, интересно и многу богато. Целиот рецепт е подолу во објавава а кај мене на инстаграм во reels има и кратко видео од подготовката.

Зошто овие “Glow&Calm” бомбици

Таанот е богат со калциум и здрави масти што ја хранат кожата.
Какаото содржи магнезиум и антиоксиданси што помагаат за релаксација и сјај.
Лененото семе додава омега-3 и диететски влакна.
Ф’стаците се одлични за кожата, благодарение на витаминот Е и добрите масти.
Сирупот од урми дава природна карамелеста сладост без рафиниран шеќер.
Циметот придонесува за постабилен шеќер и помалку „cravings“
Ова е еден од оние рецепти што секогаш ги чувам во фрижидер за брза ужинка со кафе или кога ми се јаде нешто благо.

Здраво не значи здодевно

Мислам дека ова го докажувам со секој нов рецепт што го креирам. А овие „Glow&Calm“ бомбици се уште еден доказ за тоа. Со неколку едноставни, нутритивно богати состојки добиваш десерт што е кремаст, чоколаден и неверојатно вкусен. А истовремено го задоволува и му дава на телото корисни масти, диететски влакна и минерали. И секако, најдобриот дел во моите рецепти? Што се навистина брзи. Така и за овие бомици, не ти треба печење, блендер, миксер или многу време. Ти требаат само состојките излистани подолу и неколку минути од твојот ден. Секој заслужува little homemade luxury moment, нели?

П.С. Ако те мрзи да правиш бомбици, можеш смесата да ја наредит во тавче, и да исечеш барови 🙂

Доколку си во ерата на здрава и сјајна кожа, ти се јаде благо, а не сакаш да трошиш многу време на подготовка, имам уште еден рецепт за тебе! Моите „Glow&Calm“ бомбици со таан се мали топчиња луксуз :) Вкусни, здрави и лесни! Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍯 „Glow&Calm“ бомбици 🍯Прочитај повеќе »

🍯 „Glow&Calm“ бомбици 🍯 Read More »

🍪 Колачиња со Леќа 🍪

LinkInBio, Десерти, Колачиња и бисквити, Рецепти, Ужина / Марија

Овие чоколадни колачиња со леќа се еден од оние „ај да пробам“ рецепти што излегуваат неверојатно вкусни! По структура се како познатите chocolate-chip cookies, само полни со протеини, диететски влакна, витамини и минерали. И нормално, природно засладени! Во едно колаче има 7,8 грама растителен протеин и 234 калории што ги прави супер ужинка!

Не ви велам дека се најдобрите колачиња на светот, ама ви велам дека треба да ги пробате и да заклучите дека се едни од најдобрите колачиња на светот!

Ем колаче, ем здраво: магијата на леќата!

Вообичаено, кога мислиме на колаче (или каков било десерт), обично замислуваме нешто слатко, но ретко замислуваме нешто здраво. Пријзнај!

А сега ако ти кажам дека колачињата можат да бидат и вкусни, да те заблажат, но и да бидат корисни за твоето здравје? Епа такви се моите колачиња со леќа – неочекувана комбинација, но совршен баланс на вкус и хранливост.

Зошто баш овие колачиња со леќа?

Леќата e позната по своите бројни здравствени придобивки, и според мене, е вистински суперхерој во светот на храната. Иако многумина ја потценуваат, или не ја консумираат, леќата е полна со растителни протеини, растителни влакна и минерали кои му даваат енергија и сила на твоето тело. Но, што ја прави уникатна и уште поинтересна е тоа што лесно може да биде манџа, вафли, лепче, или пак сочни, меки и неодоливи колачиња.

Со секое залче, ќе почувствуваш вистинско слатко задоволство. Е сега, можеби нема да почувствуваш, ама ќе знаеш колку природните состојки (во случајов леќата) можат да бидат здрави но и неверојатно вкусни. Овие колачиња со леќа, не само што ќе ја задоволи твојата потреба од благо, туку и ќе ти дадат причина повеќе да уживаш без грижа на совест.

Совршени се за со утринско кафе или чај, за ужинка во текот на денот, а супер се и за да ги изненадиш пријателите за време на празниците!

И мислам дека многу ги испофалив, така што ако немате леќа, набавете под итно. Целиот рецепт го имате подолу во овој пост а имате и кратко видео кај мене на инстаграм во reels.

Доколку си љубител на колачиња, но сакаш да се храниш поздраво, овој рецепт е за тебе! Моите колачиња со леќа се многу вкусен, брз, лесен и мноооогу здрав рецепт, во којшто верувај ми, ќе се заљубив на прво залче. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍪 Колачиња со Леќа 🍪Прочитај повеќе »

🍪 Колачиња со Леќа 🍪 Read More »

🍏 Колаче со јаболка 🍏

LinkInBio, Десерти, Колачиња и бисквити, Рецепти, Ужина / Марија

Ова колаче со јаболка, е вистинско слатко задоволство што ќе ви го нахрани телото ама и душата! Плус, има ли нешто поубаво од мирис на печено јаболко?

Иако ова не ми е прво колаче со јаболка, сепак е поинакво и многу, ама МНОГУ вкусно! Со само 5 состојки (и. мислам дека сум сигурна дека ги имате по дома) ова колаче со јаболка не е само десерт – туку може да биде и вистински здрава ужинка што ќе ве исполни со енергија!

Се прави брзо и лесно и целиот рецепт и начинот на подготовка го имате подолу во овој пост, а имате и кратко видео кај мене на инстаграм во reels

Јас го прелив со стопено црно чоколадо, (бидејќи животот нема логика без црно чоколадо) но вие можете и да го послужите без чоколадо.

Зошто токму ова колаче со јаболка?

Оваа комбинација на состојки не само што има неодолив вкус, туку има и многу нутритивни придобивки. За секоја состојка имам многу пишувано во моите други објави и рецепти, но еве овде на кратко:

Јаболката се природен извор на влакна и антиоксиданси коишто го помагаат варењето и го штитат телото од штетните слободни радикали.

Урмите се природен засладувач, што ја намалува потребата одкористење на рафиниран шеќер, и се богати со магнезиум и железо, коишто го поддржуваат енергетскиот баланс.

Оревите се уште една суперхрана и суперизвор на здрави масти, кои го подобруваат функционирањето на мозокот и го намалуваат лошиот холестерол.

Овесните снегулки обезбедуваат комплексни јаглехидрати кои постепено ослободуваат енергија и ве држат сити подолго.

Индивидуални убави вкусови споени во еден супервкус!

Мирис на печени јаболка со цимет, комбиниран со карамелизирана слаткост од урмите и крцкавиот вкус на оревите, надополнети со текстура од овесните снегулки што секое залче го прави вистинско уживање. И признавам, му дадов многу епитети ама вистина е многу освежително и вкусно и дефинитвно треба да се проба. Плус, одлично е и за:
☕️ Појадок со кафе или чај,
🍫 Брза ужинка на работа или училиште,
🍰 Десерт што ќе ги воодушеви и гостите

Доколку поздрав и многу ароматичен и вкусен десерт, тогаш те охрабрувам да го направиш което колаче со јаболка. Многу е вкусно и здраво и многу лесно се прави. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍏 Колаче со јаболка 🍏Прочитај повеќе »

🍏 Колаче со јаболка 🍏 Read More »

🍫 Чоколадни крамбл барови 🍫

LinkInBio, Барови, Десерти, Рецепти, Торти и тартови, Ужина / Марија

Овие чоколадни крамбл барови се мојот втор рецепт за крамбл десерт. Првиот беше мојот летен крамбл со цреши. И морам да признаам, двата се феноменални! Овој рецепт е богат, чоколаден и најважно од се – без печење! Се прави многу лесно и има вкупно 8 состојки (што сум сигурна дека ги имате по дома)

Како и сите останати мои десерти, така и овие чоколадни крамбл барови се многу подобар избор од кое било готово, купечко благо…

Иако се чоколадни (а не овошни) сепак се супер и за во лето, затоа што стојат во фрижидер и се супер разладувачко благо. Иако, јас лично повеќе преферирам освежителни овошни десерти, сепак, овие чоколадни крамбл барови се навистина превкусни. Плус се супер за секоја прилика – и за секојдневно заблажување, но и да ги послужите на гости.

Што ги прави овие чоколадни крамбл барови толку посебни?

Здрави состојки: Основата на овие барови се состои од здрави и природни состојки како овесни снегулки, таан, кокосово масло, и јаворов сируп. Овие состојки се богати со влакна, витамини и минерали.

Вегански и без глутен: Како и сите мои десерти, така и овие барови се целосно вегански и можат да бидат без глутен ако се користи овес без глутен.

Без рафиниран шеќер: Користам малку природен засладувач како јаворов сируп или сируп од урми, што ги прави маааалку подрави.

Богат чоколаден вкус: И покрај тоа што се здрави, овие барови не губат на вкусн. Црното чоколадо и путерот од кикиритки им даваат богат и интензивен вкус кој навистина ќе ја задоволи вашата потреба за благо.

Брзи, лесни и многу едноставни за подготовка

Тоа што не се печат, туку се прават во еден сад и се чуваат во фрижидер ги прави совршени (особено за во лето). Инаку од дозата во рецептот излегуваат 6 големи, односно 12 помали коцки (а една помала коцка е сосем доволна – верувајте!)

И како и за секоја друга објава, така и за оваа, целиот рецепт и начинот на подготовка (како и нутритивната вредност) ја имате на крајот на овој пост, а кај мене на инстаграм во reels имате и кратко видео од подготовката.

Направете си ги уште денес и уживајте ги со појадок, ужинка или десерт.

Доколку си љубител на брзи и лесни десерти, тогаш дефинитивно треба да ги направиш овие чоколадни крамбл барови! Те охрабрувам, бидејќи освен што се МНОГУ вкусни, се прават многу брзо и едноставно (и најважно) не се печат! Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍫 Чоколадни крамбл барови 🍫Прочитај повеќе »

🍫 Чоколадни крамбл барови 🍫 Read More »

🥑 Авокадо Бомбици 🥑

LinkInBio, Бомбици, Десерти, Рецепти / Марија

Овие авокадо бомбици се уште едни во серијата брзи но заборавени десерти. Се прават многу лесно – за 2 минути, имаат богат чоколаден вкус и се нутритивно пребогати, густи и интензивни. Доколку се прашувате зошто баш авокадо бомбици, овде можете да прочитате подетално за сите продобивки од авокадото. Исто така, иако „го бие лош глас“ овде можете да прочитате зошто авокадото е добро доколку сакате здраво да слабеете.

авокадо, путер лешник, какао, засладувач

Како да ги направите овие авокадо бомбици?

Купете си едно поголемо (или две помали) супер меки и супер зрели авокада. Јас лично купувам од Лидл, бидејќи многу се вкусни, а ги препорачувам оние со тврда црна лушпа. Потоа, земете го најдобриот путер од лешник @crux.mk и квалитетно какао. Додадете си засладувач по желба, измешајте, направете бомбици, извалкајте во какао и оладете. Толку. Без многу филозофии. Инаку, целиот рецепт и начинот на подготовка го имате подолу во објавава а имате и кратко видео кај мене на инстаграм во reels.

Као за крај, моја препорака е да не јадете повеќе од едно во денот бидејќи се доста калорични. А доколку имате потреба од повеќе калории и храна со поголема нутритивна густина, тогаш овие авокадо бомбици се полн погодок!

Доколку се уште ги немаш направено моите авокадо бомбици, не чекај друг знак - ова е тој! Те охрабрувам да ги направиш, бидејќи се прават многу лесно и едноставно а се многу нутритивно богати! Доколку ги направиш, тагни го мојот инстаграм профил @marijamarijamarija или да ми оставиш коментар под овој пост.

…

🥑 Авокадо Бомбици 🥑Прочитај повеќе »

🥑 Авокадо Бомбици 🥑 Read More »

🍫 Чоколадо со сусам и таан 🍫

LinkInBio, Барови, Десерти, Рецепти, Ужина / Марија

Чоколадо со сусам и таан, или брз десерт што не одзема време ниту бара особени вештини за подготовка. Ги заситува потребите за благо и е поздрава варијанта од купечко чоколадо, бидејќи нема додаден шеќер. Секако, доколку црното чоколадо ви е премногу горко, можете да додадете малку засладувач.

Моќни коцки, одлични за здравјето

Сусамот е одличен извор на здрави масти, диететски влакна, растителни протеини, витамини од групата Б, минерали, антиоксиданси и други корисни растителни соединенија. Редовната консумација на сусам може да помогне во контролата на шеќерот во крвта, да го намали холестеролот и болката од артритис. Исто така, консумирањето на сусам, може да го подобри целокупниот имунитет, да ја намали инфламацијата и холестеролот и триглицеридите.

Сусамот се верува дека може да помогне во урамнотежување на хормоните за време на менопауза, како и да го подобри здравјето на тироидната жлезда но и на коските.

Дополнително, црното чоколадо е богато со минерали, како железо, магнезиум и цинк. Содржи и антиоксиданси наречени флавоноиди, коишто имаат повеќе здравствени придобивки.

Се на се, ова чоколадо со сусам и таан е одличен десерт што може и треба да си го вметнете во исхраната (секако, во модерирани количини).

Како го направите ова чоколадо со сусам и таан

За отприлика 5 минути (можеби и помалце) во еден сад и без премногу размислување. Целиот рецепт и начинот на подготовка го има објаснето подолу во овој пост а имате и кратко видео кај мене на инстаграм во reels.

Доколку ви се допадна ова чоколадо со сусам и таан…

Тогаш, ве потсетувам на уште неколку постари (но превкусни) рецепти со сусам и таан. Пробајте ги, нема да погрешите:

1️⃣ Слатко-горки бомбици со таан
2️⃣ Љубовни колачиња со таан
3️⃣ Бисквити со таан и сусам
4️⃣ Таан карамел барови
5️⃣ Гранола со таан
6️⃣ Паста со леќа и таан

✨ Чекам да направите нешто и да ми го пишете вашиот фаворит!

Доколку си љубител на чоколадо, но сакаш поздрава домашна верзија, тогаш дефинитивно треба да го направиш ова чоколадо со сусам и таан. Се прави за 5 минути и е многу вкусно и супер здраво. Доколку го направиш, тагни го мојот инстаграм профил @marijamarijamarija или остави мо коменар под овој пост.

…

🍫 Чоколадо со сусам и таан 🍫Прочитај повеќе »

🍫 Чоколадо со сусам и таан 🍫 Read More »

🥠 Љубовни колачиња 🥠

LinkInBio, Десерти, Колачиња и бисквити, Ужина / Марија

Сите заслужуваме да се почестиме со овие љубовни колачиња со само 3 состојки. Доколку ме следите на инстаграм, веројатно веќе сте запознаени со мојата опсесија со комбинацијата таан и сируп – што да правам, врвна ми е! Епа еве и во форма на колачиња!

Освен што се многу вкусни и што се прават многу лесно, овие љубовни колачиња се направени од само 3 (плус црно чоколадо) состојки што се добри за вас (овес + таан + сируп од урми).
Таанот освен што е богат со селен, делува и како антиоксиданс, и ја намалува инфламацијата.

А за плус антиоксиданси можете да им направите вдлабнатини и да ги наполните со стопено црно чоколадо – и без ова се вкусни, ова е само „јагода на шлагот“

Многумина веќе ги пробаа, но доколку си еден од оние што се уште ги нема направено овие љубовни колачиња со таан, те охрабрувам да ги направиш уште денес и доколку ги направиш, тагни го мојот инстаграм профил @marijamarijamarija

…

🥠 Љубовни колачиња 🥠Прочитај повеќе »

🥠 Љубовни колачиња 🥠 Read More »

🫘 Чоколадни мафини со Грав 🫘

LinkInBio, Брауни, Десерти, Мафини, Рецепти, Ужина / Марија

Овие чоколадни мафини со грав, се уште еден супер експеримент од мојата кујна. Супер за кога ви се јаде благо а од друга страна сакате да внесете и протеини. Патем, луѓето што мислат дека со растителна исхрана не може да се внесат протеини, не се запознаени со моќта на гравот!

Сè што треба да знаете за црниот грав

Како и другите мешунки, како што се кикиритките, грашокот и леќата, црниот грав содржи висока содржина на протеини и диететски влакна. Но, црниот грав исто така содржи и неколку други клучни витамини и минерали кои имаат одлични бенефити врз нашето здравје. Можете да го јадете на секаков начин, а овие чоколадни мафини се само уште една идеја плус. Инаку, еве некои од најзначајните продобивки од црниот грав:

Го помага здравјето на коските

Железото, фосфорот, калциумот, магнезиумот, манганот, бакарот и цинкот што инаку црниот грав ги содржи, придонесуваат за градење и одржување на структурата и силата на коските.

Го намалува крвниот притисок

Црниот грав има ниско количество на натриум, а содржи калиум, калциум и магнезиум, минерали коитшо помагаат при намалувањето на крвниот притисок.

Ја подобрува дигестијата

Поради високата содржина на диететски влакна, црниот грав помага во спречување на констипацијата и одржување на здрав дигестивен тракт. Плус, црниот грав обезбедува гориво за здравите бактерии во дебелото црево.

Помага во управувањето на дијабетесот

Храната богата со диететски влакна, помага во намалувањето на нивото на гликоза во крвта кај лицата со Тип 1 дијабет. Дополнително, и лицата со дијабетес тип 2 може да имаат подобрени нивоа на шеќер во крвта, липиди и инсулин..

Да се вратиме на моите чоколадни мафини со грав

Доколку сакаш сочен и чоколаден десерт, но сепак сакаш да внимаваш на калорискиот внес или пак доколку водиш евиденција за внес на протеини, тогаш моите чоколадни мафини со грав се полн погодок. Немаат воопшто масло, јас ги засладив со јаворов сируп, но може да се засладат и со сируп од урми или пак да ги направите комплетно без засладувач. Дополнително, содржат и антиоксиданси поради какаото. Јас има додадов смрзнати јагоди, што е сосем опционално, но тоа ги направи уште посочни и повкусни. Целиот рецепт и начинот на подготовка го имате подолу а кај мене на инстаграм во reels имате и кратко видео за подготовка.

Доколку си љубител на интензивен чоколаден вкус и сочни десерти, а сепак сакаш тие да бидат здрави тогаш дефинитивно те охрабрувам да ги пробаш овие чоколадни мафини со грав. Се прават лесно и многу се вкусни и сочни. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🫘 Чоколадни мафини со Грав 🫘Прочитај повеќе »

🫘 Чоколадни мафини со Грав 🫘 Read More »

🫘 Протеинско Брауни од Наут 🫘

LinkInBio, Брауни, Десерти, Рецепти / Марија

Во мојата серија од здрави браунис од овошје, зеленчук и цели зрна тогаш не вклучив брауни од наут, па еве, пред да ги објавам останатите и на веб страната, почнувам токму со ова протеинско брауни од наут.

Протеинско – затоа што протеините се многу актуелни и буквално на секој рецепт со наслов протеински, му се посветува повеќе внимание.

Ова протеинско брауни од наут е навистина протеинско, со 8,2 грама протеин и 102 калории во едно парче. Има вкупно 6 состојки, се подготвува за буквално 5 минути и се пече за 30. Значи за 35 минути имате готов десерт (или ужина) со супер состав!

Ова, и останатите рецепти за брауни можете да ги најдете во категоријата брауни и сите се различно вкусни и здрави и дефинитивно вредат да се направат.

Како да го направите ова протеинско брауни од наут?

Најпрво, одберете си го омилениот чоколаден протеин во прав. Потоа, одберете убаво и квалитетно какао, вкусен и течен путер од бадем (колку потечен, толку подобро). Засладувачот е опционален, па доколку внимавате на внесот на јаглехидрати, можете да го направите и без него. Чоколадните капки се исто така опционални но, препорачливи (затоа што, зошто да не) 😀😆 Плус, антиоксидансите од какаото и црното чиколадо придонесуваат за уште поздрав десерт. Инаку, целиот рецепт и начинот на подготовка го имате подолу во рецептот, а имате и кратко видео кај мене на инстаграм во reels.

Зошто Наут?

Наутот е здрав и одличен извор на растителен протеин. Наутот е богат со диетални влакна, особено растворливи влакна наречени рафиноза. Со самото тоа што е богат со растворливи влакна, наутот го помага варењето и здравјето на цревата, а може да помогне и во намалувањето на холестеролот. Наутот е исто така добар за зацврстување на коските како и во намалување на ризикот од одредени ракови.

Доколку се уште го немаш направено моето протеинско брауни од наут, еве ти прилика. Те охрабрувам, бидејќи е навистина многу вкусно, чоколадно и богато со протеини и растителни влакна. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🫘 Протеинско Брауни од Наут 🫘Прочитај повеќе »

🫘 Протеинско Брауни од Наут 🫘 Read More »

🫘 Најздравиот брз десерт 🫘

LinkInBio, Барови, Десерти, Рецепти, Ужина / Марија

Без преувеличување – ова е најздравиот брз десерт што дефинитивно можете (и треба) да си го направите. Има вкупно 5 состојки + црно чоколадо што е опционално, но секако, препопрачливо. Затоа што – животот нема смисла без црно чоколадо, нели?

Инаку, ова меко и сочно колаче е природно засладено само со урми, додека останатите состојки се 3 од 6-те најздрави семиња што треба да ги консумирате.

Семки од тиква

освен што се одличен извор на растителен протеин, семките од тиква се богати со витамини и минерали како манган и витамин К, коишто играат важна улога во процесот на заздравување на раните. Исто така содржат цинк, минерал кој му помага на имунолошкиот систем да се бори против бактериите и вирусите. Семките од тиква се исто така одличен извор на: Фосфор, Магнезиум, Железо, Калиум, Бакар. Во една шоља семки од тиква има 285 калории, 12 гр. протеини, 36 гр. јаглехидрати, 12 гр. диететски влакна и 12 гр. масти.

Семки сончоглед

Семките од сончоглед, освен што се многу вкусни, се и многу здрави. Придонесуваат во намалување на ризикот од развој на болести како висок крвен притисок или срцеви заболувања. Содржат хранливи материи што го подобруваат имунолошкиот систем и го зголемуваат нивото на енергија. Генерално, семките сончоглед можат да помогнат во намалување на воспалението, подобрување на здравјето на срцето, поддршка на имунолошкиот систем, зголемување на нивото на енергија. Исто така, се и одличен извор на: Витамин Е Витамин Б1 Витамин Б6 Железо Бакар Селен Манган Цинк Калиум.

Ленено семе

Доколку ја читате содржината на мојот сајт или пак доколку го следите мојот инстаграм профил, веќе знаете дека ленено семе користам многу често. И за тоа, имам неколку причини.

Лененото семе значително го подобрува здравјето на дигестивниот систем, а може да помогне и при ублажување на констипацијата. Може да помогне и во намалување на вкупниот холестерол во крвта и нивото на липопротеини со ниска густина (ЛДЛ, или „лош“), што може да помогне и придонесе во намалување на ризикот од срцеви заболувања.

Јас од ленено семе правам сешто – пудинг за појадок, лепче, тако тортиљи, го ставам во крекери но и како замена за јајце во многу други рецепти.

Инаку, здравствените придобивки од лененото семе произлегуваат од фактот дека изобилува со влакна и омега-3 масни киселини, како и фитохемикалии наречени лигнани. Една лажица (7 грама) мелено ленено семе содржи 2 грама полинезаситени масни киселини (вклучува омега 3), 2 грама диетални влакна и 37 калории.

И тоа се состојките на најздравиот брз десерт (што можеби требаше да го крстам барови со семки, но ми текна откако го напишав цел текст) 😆

Го заслужува името најздравиот брз десерт

Сега, кога ги имате сите овие информации, мислам дека може да се сложите дека ова е еден од најздравите десерти што можете да ги приготвите. Се прави во процесор за храна, брзо и едноставно и стои во фрижидер неколку денови. Повеќе убедување не ви треба, нели? Чекам коментари! Целиот рецепт го имате во рецептот подолу, а начинот на подготовка во кратко видео кај мене во reels на инстаграм.

Доколку сакаш брз и здрав десерт, тогаш ова е дефинитивно знакот да го направиш најздравиот брз десерт. Освен што се прави лесно, МНОГУ е здраво е и навистина превкусно! Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🫘 Најздравиот брз десерт 🫘Прочитај повеќе »

🫘 Најздравиот брз десерт 🫘 Read More »

🥧 Брауни од тиква 🥧

LinkInBio, Брауни, Десерти, Рецепти / Марија

Ова брауни од тиква нема никакво брашно и има вкус како да е од нутела. Не преувеличувам – но сепак ќе оставам на вас да го пробајте и да кажете! Инаку, доколку го следите мојот инстаграм профил од поодамна, сигурни ќе се сетите на мојот мини-проект здрави браунис од зеленчук овошје и цели зрна (рецептите за сите, наскоро и овде). Почнав со 10 здрави браунис:
– сладок компир,
– тиквичка,
– грашок,
– цвекло,
– спанаќ,
– киноа,
– малина,
– авокадо,
– црвен грав,
– урми…
За да колекцијата да продолжи со брауни од аквафаба и сега ова, брауни од тиква.

Океј, можеби почнувам по обратен редослед, но подобро е да започнам од некаде отколку од никаде, нели! Плус, сега е сезона на тикви и добро е да ги искористиме колку што може повеќе.

Богат чоколаден вкус

Пред се поради блажината на тиквата и путерот од лешник, ова брауни од тиква има неверојатно кремаст и чоколаден вкус. Буквално како да јадете чоколаден крем, а всушност, јадете целосна и здрава храна. Има само 7 состојки, се прави во еден сад и готово е само за 30 минути, што го прави ова брауни од тиква совршен десерт кога немате време или кога имате остаток сварена тиква. Плус, доколку имате пребирливи јадачи дома – овој рецепт е полн погодок како да им „подметнете“ тиква без воопшто да приметат. Целиот рецепт и начинот на подготовка го имате подолу, а кај мене во reels на инстаграм имате и видео!

Есенската убавица – тиквата

Освен што е многу вкусна (печена, варена, во чорба, во палачинки, во мафини… Тиквата е богата со витамини, минерали и антиоксиданси, што ја прави навистина неверојатно здрава. Уште повеќе, тиквата има релативно малку калории, што ја прави погодна доколку сакате да изгубите или одржите тежина. Хранливите материи и антиоксидансите во тиквата го зајакнуваат имунолошкиот систем, помагаат во заштитата на видот, и можат да го подобрат здравјето на срцето и кожата.

10 причини зошто мора да го пробате ова брауни од тиква

До сега мислам дека ги набројав сите причини, но ајде да сумираме:

Многу е вкусно. МНОГУ
Чоколадно е, меко и кремасто
Нема никакво брашно, значи нема глутен
Се прави многу лесно, во 1 сад
Брзо се подготвува и се пече за 30тина минути
Здраво е и е супер начин да вметнете тиква во исхраната
Има вкус на нутела и тиквата нема шанси да ја осетите
Супер сезонски рецепт, за да ја искористите тиквата кога е во сезона
Доколку му додадете протеин, многу лесно ќе го избалансирате и ќе го направите протеинско брауни од тиква
Богато е со витамини, минерали, диететски влакна и антиоксиданси, нешто со што купечките десерти не можат да се пофалат.

Можам да набројувам уште, но мислам дека е време да скролнете до рецептот и да го направите. Чекам коментари!

Доколку си љубител на брауни, сакаш поздрава варијанта, не сакаш да поминуваш часови во кујна а сакаш длабок чоколаден вкус, тогаш ова брауни од тиква е дефинитивно за тебе. Нема никакво брашно, нема глутен, минимано е засладено а има вкус на нутела. Чоколадно и превкусно!  Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🥧 Брауни од тиква 🥧Прочитај повеќе »

🥧 Брауни од тиква 🥧 Read More »

🍨 Сладолед од црно чоколадо и портокал 🍨

LinkInBio, Десерти, Рецепти, Ужина / Марија

На Малта јадев ПРЕДОБАР вегански сладолед од црно чоколадо и портокал и толку ми беше вкусен што се опседнав да го направам дома. Барем во некоја приближна варијанта.

Бев скептик, ама сепак успеав да постигнам релативно близок вкус. Далеку е од италијанското „џелато“ од Малта, ама и мојот сладолед од црно чоколадо и портокал е многу вкусен. Дефинитивно вреди да се проба.

Се прави многу лесно, потребен ви е само процесор за храна или блендер, вкупно 8 состојки и 10 минути.

За црното чоколадо и какаото веќе знаеме дека се моќни антиоксиданси. Исто така, знаеме дека совршено си одговараат со порктокал (ако не знаете, клик овде). А овој сладолед е далеку подобра опција од кој било купечки, бидејќи единствениот шеќер е од бананите. Плус има здрави масти од путерот од лешник и витамин Ц од портокалот. За да го избалансирам, му додадов и дозерка протеин со вкус на чоколадо, но тоа е сосем опционално.

Лето, повели, спремни сме 😍

Најчесто сладоледот се смета за „забранета“ или „лоша“ храна па често пати се избегнува. Јас лично мног сакам сладолед и кога ќе наидам на вегански, секогаш пробувам. Ем си ја хранам душата, ем како во случајов, собирам инспирација за нови рецепти.

Не гледајте на храната како на „лоша“ или „добра“. Трудете се тоа што го консумирате да биде умерено и пред се балансирано. Убаво е да избегнувате шеќер и процесирана храна, но ништо лошо нема да се случи доколку некогаш се „почастите“.

Сепак, за да сте сигурни дека ќе јадете сладолед со убав состав, здрав и без додаден шеќер, направете си го овој сладолед од црно чоколадо и портокал. Така со сигурност ќе се разладите во топлите летни денови и нема да имате грижа на совест!

Доколку се уште немаш направено ниту еден од моите сладоледи, пробај го прво овој! Те охрабрувам, бидејќи е лесен, вкусен, здрав и без додаден шеќер. Плус, може лесно да се избалансира. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍨 Сладолед од црно чоколадо и портокал 🍨Прочитај повеќе »

🍨 Сладолед од црно чоколадо и портокал 🍨 Read More »

чоколадо