Овие брзи колачиња со 2 состојки се веројатно едни од најубавите колачиња што ќе ги пробате. Имаат само 2 состојки (и уште две за неверојатна арома) се прават во еден сад (блендер), природно се засладени и буквално ги задоволуваат сите услови за епитетот НАЈ. A да, дефинитивно се и едни од најбрзите! Се прават за 15 минути, а се јадат уште побрзо…
Како за 15 минути?
Киснење на урми: 5 мин
Правење смеса: 1 мин
Формирање колачиња: 1 мин
Печење: 8 мин
And just like that… имате брз, едноставен и многу вкусен (а и многу поздрав) десерт.
Целиот рецепт (не дека е којзнае колав) е подолу во оваа објава, а имате и видео од подготовката кај мене на инстаграм во reels
Зошто да ги направиш овие брзи колачиња со 2 состојки?
Хахаха.. Какво е ова прашање! Превкусни се! Ама пре-препревкусни! Плус се многу поздрави од кое било друго колаче што ќе го купите. И се прават ултра брзо. Е ама имаат една маана. Толку се вкусни што се јадат многу брзо 🙂
Многумина веќе ги пробаа, но доколку си еден од оние што се уште ги нема направено овие љубовни колачиња со таан, те охрабрувам да ги направиш уште денес и доколку ги направиш, тагни го мојот инстаграм профил @marijamarijamarija
Сите заслужуваме да се почестиме со овие љубовни колачиња со само 3 состојки. Доколку ме следите на инстаграм, веројатно веќе сте запознаени со мојата опсесија со комбинацијата таан и сируп – што да правам, врвна ми е! Епа еве и во форма на колачиња!
Освен што се многу вкусни и што се прават многу лесно, овие љубовни колачиња се направени од само 3 (плус црно чоколадо) состојки што се добри за вас (овес + таан + сируп од урми).
Таанот освен што е богат со селен, делува и како антиоксиданс, и ја намалува инфламацијата.
А за плус антиоксиданси можете да им направите вдлабнатини и да ги наполните со стопено црно чоколадо – и без ова се вкусни, ова е само „јагода на шлагот“
Многумина веќе ги пробаа, но доколку си еден од оние што се уште ги нема направено овие љубовни колачиња со таан, те охрабрувам да ги направиш уште денес и доколку ги направиш, тагни го мојот инстаграм профил @marijamarijamarija
Мислам дека мојата опсесија со путер од кикирики веќе е добро позната, па така овие чашки со путер од кикирики се еден од оние брзи и лесни десерти што ми ја полни душата и ми ја дава целата енергија на светот.
Здрави се, природно засладени со урми, богати со Омега-3 здрави масти, и со само 4 состојки.
🌰 Ореви – богати со железо, калциум, калиум, магнезиум, фолат, и омега 3 масни киселини. Можат да помогнат во намалување на холестеротол, намалување на инфламацијата и ризикот од срцеви заболувања.
🍮 Урми – богати со антиоксиданси и диететски влакна, го подобруваат здравјето на дигестивниот систем и зајакнување на коските. Особено се корисни за време на бременоста, бидејќи помагаат во природно породување.
🍫 Какао – богато со флавоноиди – нутриенти што помагаат при намалување на крвниот притисок, ја подобруваат циркулацијата на крвта до срцето и мозокот и помагаат во спречување на згрутчувањето на крвта.
🥜 Путер од кикирики – богат со витамин Е и Б витамини, но и антиоксиданси и омега-6 масни киселини. Може да помогне при кардиоваскуларни заболувања и помага во спречување на дијабет.
Десерт или енергетска бомба
И двете! Овие чашки со путер од кикирики ем ќе ве заблажат (иако се природно засладени) ем ќе ви ја дадат потребната енергија, поради тоа што се богати со јатки и урми. Сепак, колку и да ви се вкусни, препорачувам да јадете само по едно, бидејќи иако се здрави, сепак се доста калорични – а ова е особено важно доколку внимавате на внесот на калории. За сите вас коишто сакате да качите некое кило – овие чашки со путер од кикирики се совршени за вас! Кога сме кај путер од кикирики, веќе знаете дека мојот избор е секогаш CRUX!
Како да ги направите овие чашки со путер од кикирики?
Во три едноставни чекори:
Ги мешате сите состојки во блендер додека да добиете еднолична смеса (тесто)
Ја натапкувате смесата (тестото) во тавче за мафини и правите вдлабнување со лажичка
Ги полните со по 1 лажиче путер од кикирики
Пред да ги пробате, задолжително оставете ги во фрижидер да се стврднат. Инаку, целиот рецепт и начинот на подготовка го имате во рецептот подолу а можете да го погледнете и видеото во reels кај мене на инстаграм.
По желба, можете да им ставите и растопено чоколадо или (како во мојот случај) од мојот чоколаден сос.
Доколку сакаш малку поздрав десерт што нема додаден шеќер а ти дава многу енергија, тогаш дефинитивно треба да ги пробаш овие чашки со путер од кикирики. Те охрабрувам, бидејќи се многу вкусни и се прават навистина лесно и брзо (и забавно). Доколку ги направиш, тагни го мојот инстаграм профил @marijamarijamarijaили остави ми коментар под овој пост.
Другарка ми Бојана, ме замоли да и направам просо барови што нема да имаат кокосово масло. Пробала некаде некои барови што и се допаднале па ме предизвика да направам нешто што ќе и се допадне и што ќе може лесно да си го прави дома. А на такви предизвици особено се радувам. Е сега, ја чекам да ми остави коментар дали предизвикот е успешен 😎
Просото е здраво. Многу.
Просо секогаш имам дома, но најчесто го употребувам како додаток во манџи од типот на леќа, грашок или боранија. Причината – комбинирањето на просо со останатите мешунки создава високо сварлив, целосен протеин, преполн со нутриенти. Па, доколку не употребувате просо во вашите готвени јадења, еве ви причина да почнете!
Но, во десерт не знам зошто не ми текнало да го направам, што признавам, ми било голема грешка. Овие просо барови ги правам прв пат – но дефинитивно не и последен. Всушност, мислам дека ќе пробувам уште многу варијации на темата просо барови!
💪🏻 Просото е одличен извор на протеини, влакна, како и многу витамини и минерали како на пример: Витамин А, Витамин Б, Фосфор, Калиум, Калциум, Железо;
🌱 Обезбедува повеќе есенцијални амино киселини од повеќето други житарки;
👌🏻 Преполно е со антиоксиданси;
🍡 Има низок гликемиски индекс, што значи дека не го зголемува нивото на шеќер во крвта;
🩸 Богато е со влакна и нескробни полисахариди, два вида несварливи јаглехидрати кои помагаат во контролата на нивото на шеќер во крвта;
🍽 Содржи растворливи влакна, кои произведуваат вискозна супстанција во цревата. За возврат, ова ги заробува мастите и помага да се намали нивото на холестерол;
🍚 Просото е зрно без глутен, што го прави остварлив избор за луѓето со целијачна болест или оние кои следат диета без глутен;
👨🏻🍳 Богато е со ниацин, што му помага на вашето тело да управува со повеќе од 400 ензимски реакции;
🍛 Богато е со диететски влакна (и растворливи и нерастворливи). Нерастворливите влакна во просото се познати како „пребиотик“, што значи дека ги поддржуваат добрите бактерии во вашиот дигестивен систем;
За појадок, за ужина, за десерт, за енергија
Да, овие барови се супер здрава опција со чај и овошје за појадок. Одлични се за ужина додека сте во движење. Супер избор се за десерт, но, даваат и супер количина на енергија, па можете да изедете едно пред вежбање. Сепак, обидете се да не изедете повеќе од 2 во текот на денот, бидејќи, сепак, семките се доста калорични.
Комбинацијата на состојките освен што е супер здрава е многу вкусна и ги задоволува потребите за благо.
Дефинитивно овие просо барови имаат потенцијал да станат вашиот омилен крцкав десерт и да ги заменат сите купечки гранола-барови и спакувани „здрави“ слатки. Но, мислам дека нема потреба повеќе да објаснувам. Мислам дека ова доволно да ве убеди да си ги направите уште веднаш, бидејќи и подготовката им е ултра-лесна.
Доколку сакаш здрава, вкусна и крцкава ужина, еве ти прилика да ги направиш моите просо барови. Те охрабрувам, бидејќи се многу вкусни и се прават навистина лесно и брзо. Доколку ги направиш, тагни го мојот инстаграм профил @marijamarijamarijaили остави ми коментар под овој пост.
Овие барчиња се дефинитивно најлесните чоколадни барчиња на светот! Кога прв пат ги направив, ги објавив само во хајлајтс, и мислам дека не ја добија славата што ја заслужуваат. Па, неодамна ги објавив и со видео сакајки да покажам колку навистина брзо и лесно се прават. За жал, за „fudge“ нема соодветен македонски збор а овој десерт е токму тоа! Меко, чоколадно и многу вкусно колаче со само 6 состојки. Се прави буквално за 5 минути, во еден сад, без неред во кујна и без комплицирани чекори. Едноставно ги мешате сите состојки заедно!
6 добри состојки
Мислам дека сите ќе се сложиме, доколку имате портреба од нешто благо, добро е да знаете од какви состојки е направено. Но, уште подобро е, доколку знаете дека сите состојки се добри за вас. Епа, баш такви се најлесните чоколадни барчиња. Само 6 состојки – сите добри за вас. Ќе знаете какви нутритиенти сте внеле и ќе бидете сигурни дека не внесувате празни калории.
Урми и Сируп од урми
Освен што се одличен придоден засладувач или „бонбони од природата“, урмите се богати со калиум, магнезиум, бакар, манган, железо, витамин Б6, и диететски влакна. Сето ова ги прави погодни за многу состојби и заболувања, како што е констипацијата и контролата на шеќерот во крвта. Содржат неколку видови на антиоксиданси што можат да помогнат во спречување на одредени хронични заболувања, како што се срцеви заболувања, рак, Алцхајмерова болест и дијабетес. Урмите, исто така може да го поттикнат и олеснат природното породување кај бремените жени, доколку се консумираат во последните неколку недели од бременоста.
Какао
Какаото содржи полифеноли, антиоксиданси кои помагаат за подобрување на нивото на холестерол и шеќер во крвта и го намалуваат ризикот од срцеви заболувања. Богато е со теобромин, којшто помага да се намали инфламацијата и може да има заштитни дејства од болести како дијабетес, срцеви заболувања, рак. Бидејќи какаото е богато со фитонутриенти, но има малку масти и шеќер, калориите што ќе ги добиете, ќе бидат преполни со здрави материи. Какаото исто така, го зголемува чувството на ситост. Со други зборови, иако чоколадото вообичаено се поврзува со зголемување на телесната тежина, какаото во прав всушност може да помогне да се намали телесната тежина, обезбедувајќи важни хранливи материи.
Путер од кикирики
Уште една многу моќна состојка! Кикириките и путерот од кикирики содржат хранливи материи што можат да го зајакнат здравјето на срцето и да го подобрат нивото на шеќер во крвта. Путерот од кикирики обезбедува добра количина на растителни протеини. Исто така, содржи есенцијални витамини и минерали, како што се магнезиум, калиум, ниацин, витамин Е и цинк. Но, содржи и хранливи материи што можат да го подобрат здравјето на срцето, вклучувајќи: мононезаситени масни киселини (MUFAs) и полинезаситени масни киселини (PUFAs). Путерот од кикирики е храна со релативно малку јаглени хидрати што содржи добри количини на масти и протеини, и влакна. Ова значи дека путерот од кикирики, (без додаден шеќер), нема значително влијание врз нивото на гликоза во крвта, што го прави погоден за лицата со дијабетес.
Кокосово малсо
Кокосовото масло е богат извор на триглицериди (од среден ланец), вид на заситени масти. Овие масти можат да го забрзаат согорувањето на калориите, а со тоа можат да помогнат во губењето на тежината. Овие триглицериди се и брз извор на енергија што телото го апсорбира и користи побрзо од другите видови заситени масти. Кокосовото масло помага во хидрирање вашата кожа и во подобрување на заштитната функцијана кожата. Исто така, може да помогне во зајакнувањето на косата (ја зголемува флексибилноста и го намалува кршењето на влакната).
Доколку се уште го немаш пробано и направено најлесните чоколадни барчиња, не ја пропуштај оваа прилика. Те охрабрувам, бидејќи ова сочно и меко колаќе е навистина вкусно и се прави за буквално 5 минути. Доколку го направиш, тагни го мојот инстаграм профил @marijamarijamarija
Кога сакате нешто МНОГУ благо а да нема преработени шеќери, ова брзинско трослојно колаче од урми е совршено за вас. Има само 6 состојки и се прави многу лесно. Од оваа количина ми излегоа 15 парчиња, ама моја препорака е да сечете помали парчиња и да добиете 30 затоа што, верувајте многу е благо. Практично ова е вистинска калориска бомба!
Се чини дека веднаш штом го објавив на мојот инстаграм профил, ова најлесно трослојно колаче од урми стана еден од омилените и најзачувувани десерти. А на мое големо задоволство, добив и добар фидбек од многумина што веднаш го направија и пробаа.
Карамел од урми
Инаку карамелот од урми ми е еден од најчесто употребуваните додатоци во рецепти (не е исто со сируп од урми) и за него решив да посветам целосен пост. Причината е следна: стои долго во фрижидер, може сам по себе да е десерт или пак да биде дел од други десерти. Јас ги практикувам и двете опции.
Последно предупредување
Да, ова е навистина последно предупредуање: внимавајте на изедената количина од ова трослојно колаче од урми 😀
Зошто е толку вкусно? Затоа што првиот слој е комбинација од ореви, какао и урми. Вториот слој е комбинација од бадеми, ванила и урми. Третиот слој е карамел. И сосем за крај прелив од црно чоколадо.
Одлично оди со кафе и чај и доколку сте внимателни и имате силен карактер за да не подлегнете на вкусот и ако не дозволите вкусот комплетно да ве обземе, стои долго и во фрижидер. 😆 Со среќа!
Доколку се уште го немаш пробано и направено најлесното трослојно колаче од урми, еве совршена прилика. Те охрабрувам, бидејќи е навистина вкусно и многу, многу благо. Доколку го направиш, тагни го мојот инстаграм профил @marijamarijamarija
Во фрижидер најчесто имам тегла со карамел од урми којшто го употребувам во различни комбинации (често само црпнувам со лажица и ставам малце свежи боровинки). Овие чоколадни бомбици со бадеми и портокал беа еден таков „искористи-го-карамелот-од-урми десерт“. Плус, комбинацијата чоколадо-портокал мислам дека се уште е непобедена, па кога на тоа ќе се додаде карамел од урми и бадеми го добивате ова вистинско овошно-марципан совршенство! Но, уште кога прв пат ги објавив на мојот инстаграм профил, кажав дека сепак ќе мора да ги направите за да се уверите дека се навистина најдобри 🤪
Бадемите се едни од најздравите јатки. Содржат многу здрави масти, диететски влакна, протеини, магнезиум и витемин Е. Го намалуваат нивото на шеќер во крвта, го намалуваат крвниот притисок и го намалуваат нивото на холестерол. Од останатите моќи, бадемите го намалуваат гладот што може да помогне во процесот на губење тежина.
Полифенолите во урмите придонесуваат за намалување на инфламацијата, а освен овие антиоксиданси, јадејќи урми внесувате и железо, витамин Б6, калиум (за подобро срце) и здрав природен шеќер што не е полн со празни калории.
Ете така, освен што овие чоколадни бомбици со бадеми и портокал се многу вкусни исто така се супер здрав десерт. 💪🏻
Доколку си еден од ретките што се уште ги нема пробано и направено овие чоколадни бомбици со бадеми и портокал, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija илиостави ми коментар под овој пост.
Од добро познатите факти за мене, издвојувам дека: МНОГУ сакам путер од кикирики, урми и брзи и едноставни рецепти. Ако нешто мразам е да помимнувам часови во кујна и затоа се трудам се што правам да е брзо и едноставно. Такви се и овие колачиња од урми! А за вкусот не можам да објаснам, мора да ги пробате сами. Уште еднаш, многу сум среќна што постојат crux.mk затоа што мислам дека немам пробано повкусен путер од кикирики 😍
Инаку, овие колачиња од урми се еден од најзачувуваните рецепти на мојот инстаграм профил – и разбирнливо, навистина се многу лесни за правење и многу многу вкусни (и многу поздрави до кој било купечки десерт или колаче!).
Урмите верувале или не се неверојатен извор на антиоксиданси. Ја подобруваат дигестијата, работата на мозокот, го контролираатнивото на шеќер во крвта, ги зајакнуваат коските, помагаат при несоница, ја подобруваат работата на срцето. Нивото на витамин Ц и витамин Д што го содржат помага во одржувањето на еластичноста на кожата (и ја прават мазна). Толку многу моќ, во толку мало пакување 😍
Путерот од кикирики содржи омега 6 масни киселини и помага во борбата со лошиот ЛДЛ холестерол. Содржи добра количина на протеини, магнезиум, фосфор, цинк, ниацин и витамин Б6.
Значи овие колачиња не само што се десерт, туку се и лек 😆 Шала на страна, и покрај здравите компоненти, сепак и урмите и путерот од кикирики и овесот се калорични, така што препорачувам умерено консумирање.
Доколку се уште ги немаш пробано овие прелесни и пребрзи колачиња, те охрабрувам да ги направиш уште денес и доколку ги направиш, тагни го мојот инстаграм профил @marijamarijamarija
