Marija Marija Marija

Instagram Facebook Pinterest
контакт
Menu
Menu

протеини

🍝 Паста со Протеински сос, сушени чери и печурки 🍝

LinkInBio, Рецепти, Ручек, Сосови, макала, намази и кремови /
pasta so proteinski sos, susheni cheri i pechurki

Многу се двоумев околу името на овој рецепт, бидејќи паста со протеински сос, сушени чери и печурки ми се чинеше предолго. Но, сфатив дека се е небитно кога пред вас стои оваа паста, накремаста и највкусна на свет! Иако знам дека рецептите со тофу не ми поминуваат најдобро (дали од предрасуди или од ограничена понуда на тофу), ве уверувам дека овој МОРАТЕ да го пробате. Свилено тофу има во Азиската продавница во Скопје, или пак купете си ако одите во Солун – верувајте ми, нема да зажалите. Плус, една порција содржи 36 грама растителен протеин, што за паста без месо е супер, нели!

Како Алфредо, само подобар

Нескромно, овој протеински сос е многу вкусен и потсеќа на добро познатиот алфредо сос, само што е поздрава и подобра варијанта, има повеќе протеин а е подрднакво кремаст. Се двоумев дали да го правам само со сушени чери или само со печурки, но на крај ри реков what the hell ќе го правам со двете! И не знгрешив! Се прави со само неколку состојки, брзо и лесно.

паста со протеински сос, сушени чери и печурки
паста со протеински сос, сушени чери и печурки

За сите состојки и начинот на подготовка, скролнете подолу во постов, а кај мене на инстаграм во reels имате и кратко видео. Ќе ми значи доколку го лајкнете или споделите. А уште повеќе ќе ми значи доколку го пробате!

Како да ја направите оваа паста со протеински сос?

Подолу имате слика од амбалажата на свиленото тофу, за да си направите скриншот и да го купите – прави многу разлика. Можете да го правите и со обично тофу, но ќе ви треба повеќе вода и многу повеќе блендање за да ја добиете оваа silky-smooth текстура. Но, да се вратам на сосот – има само 4 состојки: тофу, вода, нутритивен квасец и мисо (што е опционално, но препорачливо) додека останатите состојки се: сушени чери, малку од нивното масло, младо кромитче, лук и печурки. И секако, паста по избор.

свилено тофу
pasta so proteinski sos, susheni cheri i pechurki
pasta so proteinski sos, susheni cheri i pechurki

Иако за секоја паста што ќе ја направам викам дека е најдобра што сум ја направила, оваа паста со протеински сос, сушени чери и печурки мислам дека е дефинитивно најдобрата (или барем до следната 🤣)

Во однос на пастата, моја препорака е доколку најдете секогаш да употребите интегрална или паста од цели зрна.

Don’t be upsetti, eat some Spaghetti!

Се одјавувам со паста шали и секако, ве чекам да ги пробате и да ми кажете дали ви де допаднале

паста со протеински сос, сушени чери и печурки
Доколку си љубител на паста и сакаш да пробаш нов, кремаст и многу вкусен сос, во исто време богат со протеини, тогаш дефинитивно треба да ја пробаш оваа паста со протеински сос, сушени чери и печурки. Многу е кремаста, вкусна, и богата со протеини. Доколку ја направиш, тагни го мојот инстаграм профил @marijamarijamarija или остави мо коменар под овој пост.
…

🍝 Паста со Протеински сос, сушени чери и печурки 🍝Прочитај повеќе »

🍝 Паста со Протеински сос, сушени чери и печурки 🍝 Read More »

🥪 Крцкав киноа тофу сендвич со намаз од сончоглед 🥪

LinkInBio, Појадок, Рецепти, Ручек /
Киноа Тофу сендвич - Хедер
Крцкав киноа тофу сендвич

Оваа објава има многу долго име но содржи три рецепти: крцкав киноа тофу сендвич и намаз од сончоглед, односно: крцкаво киноа тофу + сендвич + намаз од сончоглед. И сега мислам дека се оправдав, нели? Инаку, сендвичов излезе многу спонтано. Првично, замислата ми беше да го направам тофуто посебно, а намазот да ми биде посебна објава. Но, решив дека можам да ги искомбинирам, и на едно место да имате повеќе рецепти. Секако, можете се да си направите посебно.

Инаку, овој крцкав киноа тофу сендвич излезе превкусно и мене ми беше врвен ручек, богат со растителни протеини.

Се прави многу лесно. Јас го печев во air-fryer (без воопшто масло) но можете и да го испржите (јас избегнувам пржење максимално) .

А доколку не сакате да го јадете како сендвич, можете да го послужите со салата и многу свеж или печен зеленчук.

Како да го направите ова Киноа тофу?

За сендвичот нема што многу да објаснувам, а крцкавото киноа тофу исто така се прави брзо и лесна! Потребни ви се 3 сада во кои ќе го извалката тофуто. Еден со брашно, еден со млеко и еден со киноа (претходно сварена). Инаку, јас во фрижидер секакош имам сварена киноа. Пред се, затоа што ми е супер за meal-prep а и за рецепти како овој или како вафлите со киноа и јагоди.

За миксот од брашно можете да употребите што сакате (или што имате дома). Јас употребив брашно од наут и нутритивен квасец (за повеќе протеини).

Инаку, целиот рецепт и начинот на подготовка го имате подолу во рецептот, а имате и кратко видео кај мене на инстаграм во reels.

Крцкав киноа тофу сендвич
kinoa tofu
kinoa tofu
киноа тофу
намаз од сончоглед

Како да го направите намазот од сончоглед?

Исто така, многу лесно. Прво треба да го накиснете сончогледот во зовриена вода, минимум 2 часа. Потоа процедувате, ги додавате состојките и блендате. И тоа е тоа. Можете да го јадете како додаток во сендвичи и тортиљи, како дресинг во салати (со малку повеќе лимон) или како прилог во други јадења, бидејќи е супер извор на здрави масти (и е многу вкусен). Мене лично овој намаз ми е замена за мајонез.

И така, сосем за крај на овој пост стигнавме и до сендвичот. Јас користев купечко лепче, но ако знаете да си направите дома, тоа ви е плус! На лепчето мачкате од намазот од сончоглед, па го ставате тофуто, па микс зелена салата, домат, краставица и вегански кашкавал (ова е опционално). И тоа е тоа. Брз, избалансиран и многу вкусен ручек со 53 грама протеин и 700 калории.

Доколку сакате сендвич, но малку поздрава варијанта, направете си го овој крцкав киноа сендвич со намаз од сончоглед. Содржи 53 грама растителен протеин и намирници што ги имате дома и што не се процесирани. Многу е вкусен и дефинитивно поздрава варијанта од кој било купечки. Доколку го направиш, тагни го мојот инстаграм профил @marijamarijamarija или остави ми коментар под овој пост.
…

🥪 Крцкав киноа тофу сендвич со намаз од сончоглед 🥪Прочитај повеќе »

🥪 Крцкав киноа тофу сендвич со намаз од сончоглед 🥪 Read More »

🍔 Бургер од Леќа 🍔

LinkInBio, Рецепти, Ручек /
бургери од леќа - Хедер

Овој бургер од леќа е уште еден во низата бургери што често ги правам (а заборавам да ги објавам на сајт). Па еве, конечно да си ја поправам грешката!

Кога станува збор за плескавици, секогаш ја избирам опцијата да ги правам дома. Тогаш точно знам какви состојки имаат, си ги зачинувам по вкус (а кога е вкус во прашање, не правам компромиси). Плус, имитациите на месо, не му одговараат на мојот стомак, па ги избегнувам.

Малку наука

Леќата, иако содржи супер количина на растителен протеин, сепак сама по себе не е комплетен протеин, бидејќи не ги содржи сите есенцијални амино-киселини. Поради тоа, леќата (и останатите мешунки) е добро да се комбинираат со зрна, како на пример ориз, овес, пченица, ‘рж или пченка. Зрната во овој случај се комплементарни протеини за мешунките. Тие содржат цистеин и метионин што ѝ недостигаат на леќата, а леќата пак обезбедува лизин што зрната не го содржат доволно.

бургер од леќа
burger od lekja
burger od lekja
burger od lekja
бургер од леќа

Како да го направите овој бургер од леќа

Како и повеќето мои оброци и рецепти, така и овој бругер од леќа, се прави прилично лесно. Се што ви треба е процесор за храна и неколку едноставни состојки (најголем акцент овде е на зачините). Исто така, потребно е да ја накиснете леќата минимум 3 часа претходно.

И иако постов се вика бургер од леќа, овие плескавици можете да ги јадете и само со салата или со прилог ориз, компир или буквално што ви душа сака.

Богати се протеини, многу се вкусни и здрави и дефинитивно заслужуваат да се најдат на вашето неделно мени. Потребните состојки и целиот начин на подготовка го имате подолу, а имате и кратко видео кај мене во reels на инстаграм.

бургер од леќа
бургер од леќа

Инаку, ова е уште еден рецепт кадешто мојата домашна павлака се вклопи одлично! Јас ја смешав со малку лут сос и зачини и добив мноооогу вкусен сос! Во однос на лепчето, мојата препорака секогаш е лепче од цели здрна, но за жал јас искористив какво имав дома…

Од овој рецепт излегуваат 4 големи бургери и 4 мали (за деца) или пак 6 големи бургери или 3 порции. Бонус: baby-approved се!

1 порција, односно 2 плескавици содржат скоро 19 грама растителен протеин, и ако додадете уште некој извор, како на пример тофу, ќе добиете супер протеински ручек.

бургер од леќа
Доколку си љубител на бургери но немаш проблем да пробуваш нови вкусови, тогаш ти го препорачувам овој бургер од леќа. Вкусен е и многу здрав, богат со протеини и растителни влакна и е супер лесна опција за ручек за целото семејство! Доколку го направиш, тагни го мојот инстаграм профил @marijamarijamarija или остави мо коменар под овој пост.
…

🍔 Бургер од Леќа 🍔Прочитај повеќе »

🍔 Бургер од Леќа 🍔 Read More »

🌯 Тофу Гиро 🌯

LinkInBio, Рецепти, Ручек /
тофу гиро - Хедер
тофу гиро

Тофу гиро, затоа што ние што не јадеме месо, нема причина зошто да треба да патиме, нели? Ако сум комплетно искрена, од гиро памтам само како мириса (бидејќи често одам во Грција, ама вкусот вооптшо не памтам каков е). Но, без разлика, ова мое тофу гиро излезе превкусно, прекрцкаво, преароматично и пребогато со растителни протеини. Овој рецепт содржи дури 40гр. протеин.

Јас го направив во готови пити, со микс зелена слата, домати маринирани со балзамико и зачини и цацики од мојата веганска павлака. Вие можете да си додадете и компирчиња во air-fryer со многу малку масло и многу зачини (крцкање насекаде).

И освен што ова тофу гиро е крцкаво и сочно, многу вкусно и веднаш ќе ве транспортира на море, и е супер опција за вашиот следен ручек.

Како да го направите ова Тофу Гиро?

Постапката е навистина брза и лесна! Мене ми требаа: 15 минути за маринирање и печење на тофуто, 5 минути за одмрзнување и затоплување на питата, 30 минути за киснење на индиските и правење на цацикито и неколку секунди да склопување на гирото. А толку ми беше вкусно, што јадењето беше буквално 2 минути 😂

Значи вкупно 50 минути, од кои 30 се за киснење на индиските ореви. Доколку си ги накиснете од претходно, ќе имате готов оброк за 20тина минути. Инаку, целиот рецепт и начинот на подготовка го имате подолу во рецептот, а имате и кратко видео кај мене на инстаграм во reels.

тофу гиро
тофу гиро
tofu giro
тофу гиро

Зошто да го направите ова Тофу Гиро?

Затоа што може да направите пауза од месо, а сепак да добиете подеднакво вкусен оброк. Исто така, затоа што е брз оброк а сепак е направен дома, од целосни состојки. Затоа што нема мајонези, многу сол и шеќер од купечки сосови. Но и затоа што нема премногу маснотии. И секако, затоа што е вкусно!!

И како некој што постојано експериментира со вкусови и опции на тофу, морам да признаам дека сум ПРЕЗАДОВОЛНА и прегорда како ми испадна ова. Дефинитивно често ќе си го правам, но од друга страна, нема да престанам со испробување на нови опции и вкусови.

Доколку сакате гиро а во исто време ви треба и пауза од месо - повелете рецепт! Моето Тофу Гиро е совршениот избор за вас. Направен од целосни состојки (можете да си ги направите сами и питите ако преферирате) крцкаво и сочно, освежително и вкусно и полно со протеини - буквално нема причина да не го пробате! Доколку го направиш, тагни го мојот инстаграм профил @marijamarijamarija или остави ми коментар под овој пост.
…

🌯 Тофу Гиро 🌯Прочитај повеќе »

🌯 Тофу Гиро 🌯 Read More »

🥩 Бечко Тофу (Тофу Шницли) 🥩

LinkInBio, Рецепти, Ручек /
Тофу шницли - Хедер

Ова крцкаво бечко тофу (тофу шницли) се всушност рекреација на добро познатата „Бечка“ шницла, само во растителна варијанта. И освен што е многу крцкаво и вкусно, исто така е богато со растителни протеини. Овој рецепт содржи дури 34гр. протеин.

Можете да го послужите само со салата или пак како додаток со ориз, компири, кари или некое друго омилено јадење.

Јас го правам во air-fryer со многу малку масло, но доколку сакате можете да го испржите во тавче. Многу е крцкаво и сочно, како и да решите да го подготвите. Плус, маринадата му дава навистина супер шмек. Јас користев мисо паста и лут сос, но тоа е сосем опционално, можете да ги изоставите или да употребите барбикју сос (или нешто по ваша желба).

Зошто ќе ви се допадне ова Бечко Tофу (Тофу Шницли)?

Затоа што пред сè, е МНОГУ крцкаво и МНОГУ вкусно но и поради тоа што се прави лесно и брзо. Плус, богато е со протеини (а тоа е big deal во денешно време). Исто така, затоа што можете да го комбинирате со повеќе оброци (или да го јадете самостојно). Но, и поради тоа што е супер за meal-prep.

Јас го правев со вкупно 14 состојки (од кои 2 се секако опционални а во овие 14 ги вклучив и зачините) и иако звучат многу, ве уверувам дека навистина не се. Постапката е прилично едноставна и брза.

Сигурна сум дека можам да набројам уште причини зошто ќе ви се допадне моето бечко тофу (тофу шницли) (мислам најмногу поради името 😆) но оставам на вас да го направите и пробате.

Крцкаво и многу блиску до вкусот што го знаете

А тајната е (верувале или не) да го замрзнете тофуто. Науката зад замрзнатото тофу е многу интересна! Маринирано свежо тофу влијае само на надворешниот вкус на тофуто, но, ја остава средината бесвкусна (какво што е и тофуто по природа). После многу обиди и тестирања, најдобриот начин маринада навистина да му додаде вкус и „месна“ текстура – е прво да го замрзнете.

Значи, го вадиме од пакувањето, го цедиме, го ставаме во сад, го замрзнуваме (целосно), целосно го одмрзнуваме, го цедиме од вишокот вода и го притискаме со хартија (или крпа) за целосно да излезе водата. Е дури потоа го маринираме!

Доколку сакате поздраво благо за празниците, тогаш ви препорачувам да го пробате моето брауни со јапонски јаболки. Сега им е сезона и ова е супер начин да ги искористите. многу е вкусно, не е многу благо и се прави навистина лесно. Доколку го направиш, тагни го мојот инстаграм профил @marijamarijamarija или остави ми коментар под овој пост.
…

🥩 Бечко Тофу (Тофу Шницли) 🥩Прочитај повеќе »

🥩 Бечко Тофу (Тофу Шницли) 🥩 Read More »

🍳 Омлет од Наут 🍳

LinkInBio, Омлети, Појадок, Рецепти /

Овој омлет од наут е супер алтернатива доколку сте љубител на омлет, но сакате да се храните предоминантно со растителна исхрана. Уште еден во серијата растителни омлети (веќе имам од тофу, од семки тиква), овој омлет од наут има многу слична текстура како класичниот. Се прави од брашно од наут, нема глутен и содржи растителни протеини, што го прави здрава и добра опција што навистина ќе ве засити за појадок.

А, кога ќе го започнете денот со добар појадок, не се прејадувате во текот на денот. Порано не бев некој голем „фан“ на јајца, но денес, уживам во моите растителни опции (кои ја имаат сличната текстура и вкус).

Но, освен за појадок, можете да си го направите и за вечера. Без разлика на времето од денот, овој омлет од наут е секогаш супер опција! Освен што лесно се прави, нискокалоричен е, а сепак многу заситува!

омлет од наут
omlet od naut
omlet od naut
омлет од наут
омлет од наут

Зошто ќе ви се допадне овој омлет од наут?

🍳 Текстура: Смесата од брашно од наут многу наликува на текстурата на омлет. Плус, можете да го направите помек или пак крцкав, секако ќе биде вкусен.

😋 Вкус: Неутралниот вкус на брашното од наут е празно платно за вашата креативност. Додадете ги вашите омилени билки, зачини и зеленчук за да создадете бескрајни комбинации на вкусови.

🤩 Разновидност: Уживајте во вашиот омлет од наут, обичен, полнет со тофу (за уште повеќе протеин), зеленчук и маслинки. Наполнете го со мексиканско бурито фил или пак со печурки.

🌱 Убави состојки: Се прави со едноставни состојки од растително потекло, за да можете комплетно (и без грижи) да уживате во појадокот. Плус, оваа доза има исто протеини колку едно јајце.

Како да го направите?

Подготвувањето омлет од наут е изненадувачки едноставно и брзо (за буквално 5 минути). Потребно ви е нелепливо тавче и маталка. Дополнително – за да го имате вкусот на јајце без да користите јајце, задолжително употребете црна сол (кала намак). Црната сол има многу здравствени придобивки (знам дека ви должам посебен пост на оваа тема), но, на кратко: може да го подобри варењето, да ја намали подуеноста, може да ги ублажи грчевите во мускулите, може да ја подобри количината на железо итн. А за вкус на сирење (плус б12, уште протеини) додадете и нутритивен квасец. И тоа е тоа. Целиот рецепт и начинот на подготовка ги имате подолу во рецептот, а имате и видео кај мене во reels на инстаграм.

Ова е уште една алтернативна варијанта за омлет - овој пат омлет од наут. Со многу сличен вкус и текстура како омлетот од јајца, е супер алтернатива што дефинитивно треба да ја пробате. Доколку го направиш, тагни го мојот инстаграм профил @marijamarijamarija или остави мо коменар под овој пост.
…

🍳 Омлет од Наут 🍳Прочитај повеќе »

🍳 Омлет од Наут 🍳 Read More »

🧇 Протеински Вафли од Тофу 🧇

LinkInBio, Вафли, Појадок, Рецепти /
Вафли од тофу - Хедер

Овие вафли од тофу се уште едни во серијата протеински вафли без додаден протеин. Овој пат солени и со 34 грама протеин, одлични за појадок, па и за ручек! Се прават прилично лесно и брзо и освен што се полни со растителни протеини, исто така изобилуваат и со диететски влакна, витамини и минерали! Јас ги искомбинирав со свежи чери домати, маслинки и хумус, но можете да ги послужите и со авокадо, свежа салата, салца или друг сос/намаз по вкус. Бонус, супер се и за деца бидејќи освен протеинот од тофу, внесуваат и јаглехидрати (скриени зеленчуци). Па така, без да знаат ќе добијат навистина суперздрави (овој пат солени) вафли!

За да ги направите овие протеински вафли од тофу, потребни ви се 7 состојки, зачини по вкус и желба, блендер и тостер за вафли. Целиот рецепт се наоѓа подолу во овој пост, а кај мене на инстаграм во reels. има и кратко видео.

вафли од тофу
vafli od tofu
vafli od tofu
вафли од тофу

Зошто да ги направите овие вафли од тофу?

1️⃣ Солен протеински појадок – нешто што знам дека на многумина им треба!

2️⃣ Многу лесно се комбинираат. Солени се и можете да им додадете буквално што ви душа сака (а може да ви послужат и како подлога за мини пици за вашите малечки)

3️⃣ Суперздрави и супер вкусни. Плус, можете да додадете и други зеленчуци и да добијат друга боја (на пример цвекло за розови или спанаќ за зелени)

4️⃣ Три причини се доволни, но сепак, сите сакаат вафли! Па така, овие вафли од тофу се одличен семеен појадок (или ручек, па дури и вечера).

vafli od tofu
вафли од тофу

За тофуто и наутот имам пишувано во многу од моите претходни објави, па мислам дека нема потреба да повторувам зошто треба да ги внесете во вашата исхрана. Брокулата исто така – кралицата меѓу суперхраните. И тоа е тоа, кратко но слатко!

Доколку си љубител на вафли, но сакаш солени вкусови, еве едни протеински вафли од тофу, за одличен почеток на денот. Те охрабрувам да ги направиш и пробаш бидејќи многу се вкусни и здрави. А, доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🧇 Протеински Вафли од Тофу 🧇Прочитај повеќе »

🧇 Протеински Вафли од Тофу 🧇 Read More »

🫓 Крекери од Леќа 🫓

LinkInBio, Крекери, Лепчиња, Рецепти /
крекери од леќа - Хедер
крекери од леќа

Овие крекери од леќа се многу вкусни, многу здрави и полни со растителни протеини, здрави масти и диететски влакна. И тоа е се што недостасува на купечките крекери. Се прават многу брзо и лесно а можете да ги модификувате по вкус. Главната улога во подготовката на овие крекери е црвената леќа па затоа додека го читате овој пост, станете и закиснете си една шоља црвена леќа во поголема тегла со вода. Така, уште утре ќе можете да си ги направите овие крекери.

Крекери од леќа за појадок, ручек, вечера или пак за ужина

Добро прочитавте. Овие крекери од леќа можете да ги јадете буквално во секоја варијанта. Со јогурт и салата или тофу кајгана и хумус за појадок. Како замена за крутони во голема протеинска салата за ручек. Со маслинки и домат за вечера. Или пак доколку имате потреба да грицкате, мојата препорака е да не посегате по друго сем по овие крекери од леќа, така ќе грицкате паметно и здраво.

Леќа сега, леќа засекогаш

Леќа е една од оние намирници што ја јадеме можеби секој втор ден. Дали се тоа тортиљи/врапови, палачинки, дали се вафли, или манџа, дали се ќофтиња, лепче или пак намаз (наскоро) леќата е сеприсутна. И со причина. Во една шоља леќа има 46 грама растителен протеин, 21 грам диететски влакна и само 4,2 грама масти.

И ете така, многу лесно протеинскиот бар ќе го замените со протеински крекер (особено ако во моментот повеќе ви се јаде нешто солено).

Инаку, јас ги правев со ленено семе, семки од сончоглед и тиква и сусам, но вие можете да додадете што имате дома или што ви одговара на вкус. Исто така, моето комбо на зачини мене ми е превкусно, но вие можете да го модификувате по ваш вкус. Затоа се одлични – базата е иста но комбинациите се бескрајни!

крекери од леќа
крекери од леќа

Уште неколку причини зошто да ги направите овие крекери од леќа

Голем дел од причините веќе ги поминав погоре, но ајде уште некоја причина плус (доколку ви треба). Леќата е одличен извор на витамини од групата Б, железо, магнезиум, калиум и цинк. Исто така е одличен извор на растителни протеини и диететски влакна.

Одличен извор е на полифеноли кои го подобруваат здравјето, имаат силни антиоксидантни и антиинфламаторни својства со потенцијални ефекти кои ги инхибираат клетките на ракот.

Го штити срцето така што помага во губење на тежината, спречување на акумулација на хомоцистеин во телото и подобрување на нивото на холестерол и крвниот притисок.

krekeri od lekja
krekeri od lekja
krekeri od lekja

Доста ви се причини нели? Но ајде уште една: МНОГУ се вкусни! Затоа скролнете малку за да го видите целиот рецепт, а кај мене на инстаграм во reels имате и кратко видео од подготовката.

krekeri od lekja
крекери од леќа
Доколку сакаш здрави грицки или здрава солена ужинка, пробај ги моите крекери од леќа. Лесно се прават, богати се со протеин, многу се вкусни и здрави! Ќе го направат грицкањето да е со помалку грижа на совест. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🫓 Крекери од Леќа 🫓Прочитај повеќе »

🫓 Крекери од Леќа 🫓 Read More »

🫘 Протеински вафли од Грав 🫘

LinkInBio, Вафли, Појадок, Рецепти /
вафли од грав - Хедер

Уште еден вафли рецепт (трет во серијата протеински вафли) или вафли од грав! Први беа вафлите од леќа, па вафлите од наут. За сега да му дојде ред и на неговото височество – грав! Имаат, само 8 состојки и 35 грама протеин (без протеин во прав) во целата доза, и секако се прават ултра брзо и лесно. А тоа што се чоколадни е само уште еден плус. Јас ги правев со рогач и без засладувач, за да може да јаде и Каи, но вие доколку не ги правите за бебе, можете да ги направите со какао и плус јаворов сируп (или засладувач по вкус). Гравот не се чувствува, само ја збогатува чоколадната текстура.

И да, овие вафли од грав се супер доколку сакате да го почнете денот со протеини, без да додавате дополнителни прашоци.

Е сега, иако рековме дека сабота е ден за палачинки, а недела е ден за вафли, кога недела ќе се погоди сончева и топла, рецептот се пишува доцна попладне исе објавува во понеделник. 😆

вафли од грав
vafli od grav
vafli od grav
вафли од грав
вафли од грав
вафли од грав

Вистинска уметност: ем протеински, ем чоколадни, ем здрави, ем од грав

Листата на придобивки од редовното консумирање на грав е долга. Пред се, изобилува со растителни протеини. Конкретно црвениот грав (каков што користам во овој рецепт) е многу богат со диететски влакна. Исто така содржи значителни количини на отпорен скроб, а обезбедува и многу витамини и минерали, како на пример:

  • Фолат: исто така познат како фолна киселина или витамин Б9, фолатите се сметаат за особено важни за време на бременоста.
  • Железо: овој суштински минерал има многу важни функции во вашето тело.
  • Калиум: минерал што особено влијае врз здравјето на срцето.
  • Витамин К1: исто така познат како филоквинон, витаминот К1 е важен за коагулацијата на крвта.
vafli od grav
вафли од грав

Па токму затоа гравот е дел од нашата исхрана на различни начини. после превкусното брауни од пред неколку години, решив да пробам да направам вафли од грав и не згрешив! Плус, се baby-friendly, што е уште еден голем плус. Модификацијата за бебе ја пишав на почетокот (рогач наместо какао и без засладувач). И ете така, уште еден забавен начин да јадете грав и да внесете протеин во оброкот (а тоа да не е манџа). Целиот рецепт е подолу, а имате и кратко видео кај мене на инстаграм во reels. И навистина, оваа серија протеински вафли особено ме радува, но ме радува и што мојата колекција на вафли од недела во недела постепено се зголемува. Потсетување, рецепт за вафли имам и во мојата 30 дневна програма за растителна исхрана, како и во прирачникот за бебе оброци 6+м и прирачникот за бебе оброци 9+м.

Доколку си љубител на вафли, по можност чоколадни, и сакаш да внесеш протеински оброк без притоа да додаваш протеин во прав, овие вафли од грав се изборот за тебе. Те предизвикувам и охрабрувам да ги направиш и пробаш бидејќи многу се вкусни, здрави, и полни со протеин. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🫘 Протеински вафли од Грав 🫘Прочитај повеќе »

🫘 Протеински вафли од Грав 🫘 Read More »

🥠 Пита триаголници со зеленчук и тофу 🥠

LinkInBio, Лепчиња, Појадок, Рецепти, Ручек, Солени лепчиња /
Пита триаголници - Хедер
Пита триаголници со зеленчук и тофу

Овие пита триаголници со зеленчук и тофу, се совршена замена за купечка пита или банички. А една од моите „toxic traits“ е дека многу сакам тесто. Пити, банички, кифлички… Толку многу ги сакам, што за мое добро се трудам нивното консумирање да го сведам на минимум. Но, од време на време си правам поздрави варијанти, како на пример мојата пита со спанаќ и тофу, мојата протеинска проја, или пак некое од лепчињата со леќа, ленено семе, микс семиња или сладок компир.

Така сум сигурна дека си ја задоволувам потребата, а притоа не јадам празни калории без никаква нутритивна вредност. Туку напротив, внесувам многу диететски влакна, протеини и витамини и минерали.

Така настанаа и овие пита триаголници со зеленчук и тофу. Имав кори од хељда и првично сакав да ја правам питата со спанаќ, но решив дека од едно пакетче кори, ќе излезат 2 рецепти (вториот наскоро).

Како да си ги направите овие пита триаголници со зеленчук и тофу

Како и секогаш, кај мене на инстаграм во reels имате кратко видео од подготовката. А целиот рецепт е објавен подолу во овој пост. Но, на кратко, овие пита триаголници со зеленчук и тофу се прават навистина лесно. Супер е тоа што можете да користите буквално каков зеленчук имате дома, па секој пат ќе имате различен вкус. За мене тофуто е задолжително, заради извор на протеин, а секогаш додавам плус уште некој извор на расителен протеин за уште подобар баланс.

Конкретно филот во овој рецепт го правев со грашок и леќа, плус морков, кромид, целер, спанаќ, брокула, карфиол и тофу. Навистина превкусно и презаситувачко полнење. Јас ги јадев за ручек, но можете да си ги направите од вечерта претходно и да ги јадете за појадок.

Пита триаголници со зеленчук и тофу
pita triagolnici so zelencuk i tofu
pita triagolnici so zelencuk i tofu
pita triagolnici so zelencuk i tofu
Пита триаголници со зеленчук и тофу

Полнење по ваш вкус, ем супервкусно ем суперздраво!

Велам по ваш вкус, затоа што она што може да се најде во пекарите е веќе познати. Месо, сирење, спанаќ и евентуално праз или зелка. Но вакво зеленчуково полнење нема да најдете во нитуедна пекара. Експлозија од вкусови и симбиоза на здрави состојки се она што треба да ве мотивира да си ги направите. И секако, разноликоста и прилагодливоста. Еднаш наполнете ги со печурки, спанаќ и тофу. Следен пат наполнете ги со хељда, печурки и тофу… Или пак со киноа, брокула, моркови и леќа… Впрочем, со што ви душа сака.

Само имајте го на ум следново – колку повеќе зеленчук, толку позаситувачки и хранливи ќе ги направите. А тоа го сакаме. Вкусен и нуртитивно богат оброк што ќе ги задоволи потребните на микро и макро ниво.

pita triagolnici so zelencuk i tofu
Пита триаголници со зеленчук и тофу
Пита триаголници со зеленчук и тофу
Доколку и ти како мене си љубител на „all things тесто“ тогаш ти препорачувам да си ги направиш овие пита триаголници со зеленчук и тофу. Јас употребив многу зеленчук, но ти можеш многу лесно да ги модификуваш со зеленчукот што го имаш дома. Направи си ги, затоа што се многу вкусни и дефинитивно поздрави од коебило печиво што ќе го купиш надвор. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🥠 Пита триаголници со зеленчук и тофу 🥠Прочитај повеќе »

🥠 Пита триаголници со зеленчук и тофу 🥠 Read More »

🧇 Протеински вафли од Наут 🧇

LinkInBio, Вафли, Појадок, Рецепти /
Вафли од Наут - Хедер

Втори во серијата протеински вафли се овие вафли од наут! По вафлите од леќа, нови, со само 7 состојки и 24 грама протеин (без протеин во прав) во целата доза, и секако брзи, лесни и вкусни! Иако главната состојка е наут, верувајте не се чувствува, напротив многу се вкусни! За мене ги правев обични, за Каи ги правев со банана, а следен пат сакам да им додадам плус уште некое овошје, мислам дека ќе бидат уште поубави. Инаку, наутот им додава посебна структура и влажност на тестото.

Погодни се за пребирливи јадачи, но уште поважно, погодни се и за meal-prep што значително може да ви го олесни животот. За да ги направите овие вафли од наут, потребен ви е процесор за храна и тостер за вафли. И наут, секако 😆

И како што гледам, полека но сигурно сабота е ден за палачинки, а недела е ден за вафли.

вафли од наут
vafli od naut
vafli od naut
вафли од наут
vafli od naut
вафли од наут

Зошто треба да ги направите овие вафли од наут?

Затоа што се уште еден паметен начин да внесете протеин во оброкот (а тоа да не е манџа). Но исто така, се прават многу лесно а и се лесно прилагодливи на вкус. Можете да им додадете, какао, или пак јагоди или малини и со тоа, секој пат да имате различен вкус. Плус, можете да ги јадете со што ви душа сака! Мојот предлог секогаш е путер од кикиритки (уште малку протеин), свежо или смрзнато овошје, кокосов јогурт или домашен џем. Овој пат јас ги јадев со путер од кикирики, сируп од урми и дробени пекани (плус малини) – врвна комбинација! Целиот рецепт е подолу, а имате и кратко видео кај мене на инстаграм во reels. И освен што сум среќна за оваа серија протеински вафли, среќна сум и што мојата колекција на вафли постепено се зголемува. Потсетување, рецепт за вафли имам и во мојата 30 дневна програма за растителна исхрана, како и во прирачникот за бебе оброци 6+м и прирачникот за бебе оброци 9+м.

вафли од наут
вафли од наут
Доколку си љубител на вафли, сакаш денот да го започнеш со протеински оброк а да не мора да додаваш прашок, овие вафли од наут ги исполнуваат сите услови. Те предизвикувам и охрабрувам да ги направиш и пробаш бидејќи многу се вкусни, здрави, меки и сочни. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🧇 Протеински вафли од Наут 🧇Прочитај повеќе »

🧇 Протеински вафли од Наут 🧇 Read More »

🧇 Протеински вафли од леќа 🧇

LinkInBio, Вафли, Појадок, Рецепти /
Вафли од леќа - Хедер

Решив дека ќе правам серија на протеински вафли, па овие вафли од леќа се први на дневен ред. Имаат скоро 32 грама протеин, во целата доза, а притоа не содржат протеин во прав! Многу лесно се прават, но поважно, освен што се супер вкусни, полни се со диететски влакна, витамини и минерали и растителни протеини! Да бидам искрена за овие вафли се инспирирав правејќи ги моите тортиљи од леќа и палачинки за Каи па решив да ги пробам. И навистина се многу вкусни. Плус, ако додадете путер од кикирики овој оброк ќе има повеќе од 35 грама протеин! Јас ги послужувам со овошје но супер се и со џемче или сируп од урми! Супер се за деца, бидејќи ќе внесат многу протеини, растителни влакна и хранливи материи од леќата или со други зборови, ќе им послужите навистина суперздрави вафли!

За да ги направите овие протеински вафли од леќа, потребни ви се 5 состојки, блендер и тостер за вафли. За целиот рецепт скролнете подолу во овој пост, а кај мене на инстаграм во reels. има и кратко видео.

протеински вафли од леќа
vafli od lekja
vafli od lekja
vafli od lekja
vafli od lekja
протеински вафли од леќа
протеински вафли од леќа

Зошто овие вафли од леќа се супер?

Прва причина: чинија полна со протеини! А веќе знаете дека денес сè се врти околу протеините нели? Но, освен што се протеински, овие вафли од леќа се и многу хранливи и многу здрави.
Втора причина: лесно се прилагодуваат на вкус. Овој рецепт е благ, но многу лесно можете да ги направите и солени. Доколку се решите за оваа блага варијанта, можете да ги комбинирате со џем, крем, овошје или путер од јатки. Во секоја комбинација се одлични.
Трета причина: Сите сакаат вафли! Односно, ова е супер појадок (или вечера) за целото семејство. Ако сабота е ден за палачинки, тогаш недела дефинитивно е ден за вафли!

А сега кога сме кај вкусот, кога подобро ќе размислам, следниот предизвик ми е да ги направам солени и со уште повеќе протеини!

протеински вафли од леќа
протеински вафли од леќа
Доколку си љубител на вафли, еве едни протеински вафли, за одличен почеток на денот. Те предизвикувам и охрабрувам да ги направиш и пробаш бидејќи многу се вкусни, здрави, меки и сочни. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🧇 Протеински вафли од леќа 🧇Прочитај повеќе »

🧇 Протеински вафли од леќа 🧇 Read More »