пица

Оваа протеинска пица од брокула е уште еден начин како да вметнете брокула во вашата секојдневна исхрана (особено, доколку дома имате пребирлив јадач што не е љубител на брокула). Едноставно, крстете ја ПИЦАТА НА ХАЛК и веднаш победувате!

За пицава велам протеинска, затоа што ја правев со брашно од наут и тофу. А за брокулата многу пати имам пишувано дека е кралица меѓу зеленчуците, и дека едноставно треба да биде дел од вашата секојдневна исхрана. Што значи, пицава е win-win!

Сепак, познавам многу луѓе што воопшто не можат да јадат брокула (и јас бев меѓу нив до пред 10тина години). Но, кога ќе го пронајдете соодветниот начин на подготовка што ќе ви биде вкусен, држете се до него и јадете ја во таа форма.

Епа оваа протеинска пица од брокула мислам дека е добра форма…

Како да ја направите мојата протеинска пица од брокула

Со само 5 состојки, 10 минути за подготовка и 25 минути за печење, оваа пица од брокула е готова брзо и лесно! Брашното од наут и тофуто се извор на протеин, а не заборавајте да додадете и здрави мсти како што е на пример авокадото или маслинки. И така, за само 35 минути ќе имате супер здрав и супер забавен оброк.

И мислам дека не ви треба повеќе убедување. Имајте предвид дека е толку лесна што ја правев буквално ден пред да заминам на породување и официјално ова е мојот последен рецепт правен со меше. Целиот рецепт и начинот на подготовка е подолу а имате и кратко видео кај мене на инстаграм во reels.

Оваа киноа пица беше првата пица од „алтернативно“ тесто што си ја направив кога решив дека ќе намалам консумирање на бело брашно. Ова беше одамна (не така далечната 2015) и се уште не знам зошто ја немав објавено до сега – веројатно ми е беше толку секојдневие, па поинтересно ми беше да пробувам со други алтернативи.

Ако петок е храна – ќе беше пица!

Затоа што сите сакаат петок и сите сакаат пица! Оваа киноа пица е уште една здрава варијанта како замена за обично тесто за пица. Не дека е лошо понекогаш да јадете и обична пица, но секогаш кога можете, трудете се да си правите сами дома, за да знаете точно што и колку ставате.

Од експерименти го издвојувам овој, зачудувачки вкусен и полн со протеини, диететски влакна, витамини и минерали – пица со брашно од наут и чиа семе. Јас направив две со различни топинзи и двете беа супер. Основите потребни состојки се вкупно 8, плус можете да си додадете зачини по желба.

Нема некој што не сака пица

И тоа е реалноста. Пица е едно прекрасно италијанско јадење и не велам дека не теба да ја јадеме, но, добро е од време на време да се замени класичното тесто со ова, или со некое од моите алтернативни растителни пици. На овој начин, освен што ќе внесете многу подобри и похранливи материи, ќе ја намалите количината на „празни калории“ и масти.

Пица од карфиол или една од помотивирачките пораки за мене – ако карфиолот може да стане пица, тогаш ти можеш да постигнеш сè!

Епа еве ја приказната за еден карфиол и како си ја исполни судбината да стане вкусна и здрава пица 🤤 😬

Вложете труд, вреди

Мојот рецепт е со вкупно 8 состојки (вклучително зачините) но без топинзите. Топинзите ви ги пишувам како предлог, а вие секогаш можете да експериментирате со нив и да ги прилагодувате според вашите желби и вкусови.

Инаку, ова тесто за пица не е најлесно за правење, ама е многу вкусно, здраво и многу многу помалку калорично од кое било друго. И тоа се неколку причини поради коишто вреди да го направите.

Пица од цвекло со 3 состојки! Безглутенска, веганска и РОЗЕВА 💖 Плус, многу здрава и нутритивно богата.

Пред некое време кога го објавив хумусот од цвекло на мојот инстаграм профил, посочив да го зачувате постот затоа што ќе ви треба за друг – епа еве го другиот!

Секако, целиот рецепт за хумусот од цвекло го имате и овде – и е клучно да го направите, за да ја направите оваа пица.

Оризово брашно

Бидејќи е без глутен, оризовото брашно е одличен избор за оние кои страдаат од нетолеранција на глутен и автоимуни состојби, како Целијакија. Содржи добра количина на нерастворливи влакна, кои одржуваат баланс во дигестивниот тракт. Оризовото брашно е богато со калциум, што го прави одличен избор за одржување на здравјето на коските и скелетот. Белото оризово брашно (100 g) содржи 9,2 mg Холин, што го спречува таложењето на масти и холестерол во црниот дроб. Со ова, помага во одржување на здравјето на црниот дроб. Поради високата минерална густина, особено цинкот, оризовото брашно може да го подобри имунитетот. Исто така, оризовото брашно содржи и добра количина на протеини.

3 состојки и 3 одлични приќини зошто да ја пробате оваа пица. Ако ви треба четврта, тоа сигурно ќе биде нејзината розева боја! 💖