наут Archives - Marija Marija Marija

🫓 Крекери од Наут 🫓

LinkInBio, Крекери, Лепчиња, Рецепти / Марија

Овие брзи, лесни и пред се, здрави крекери од наут се твојата следна „грицка“. Направи си ги за ужинка или послужи ги гостите на следната седенка. Одлично одат со хумус или некаков друг намаз но супер се и како додаток со салата. Плус, богати се со растителни протеини, што ниедна купечка грицка не ви го обезбедува, нели? А денес, се се врти околу протеините. Шала на страна, овие крекери од наут се прават навистина многу едноставно и можете да си ги зачините по вкус и да бидете сигурни дека ќе грицкате нешто здраво и нутритивно.

Зошто крекери со наут?

Наутот (заедно со лежата) отсекогаш ми бил еден од омилените „скриени херои“ во кујната. Богат со протеини, растителни влакна, минерали и витамини, тој додава не само нутритивна вредност, туку и прекрасна текстура и вкус. Во овие крекери, наутот е вистинска ѕвезда, им дава суптилна оревеста нота и крцкава текстура.

Инау, идејата за овие крекери од наут се роди еден попладне кога сакав нешто лесно, но сѐ пак посебно за грицкање. Бидејќи избегнувам глутен и брашно, сакав да направам нешто без глутен, со поразличен профил на хранливи материи. Така стигнав до наутот.

Од првиот обид успешни! Едноставни за правење, со само неколку состојки и готови за само петнаесет минути. И што е најважно, сите дома ги одобрија. Дури и најмалите прстиња бараа уште „клекели“!

За целиот рецепт и начинот на подготовка скролнете надолу во овој пост, а секако, кај мене на инстаграм во reels имате и кратко видео од подготовката.

Овие крекери од наут се потсетник дека убавината често лежи во едноставноста. Со неколку состојки и малку љубов, можеш да создадеш нешто што ќе ги зближи сите околу масата. А таму, меѓу тивкиот разговор и звукот на крцкањето, се раѓаат најубавите сеќавања. И тоа е тоа, немам што повеќе да кажам, освен да си ги направиш и да уживаш без грижа на совест!

Доколку и ти како мене сакаш крцкави крекери, тогаш дефинитивно мораш да ги пробаш крекери од наут. Те охрабрувам, бидејќи се многу вкусни и се прават навистина брзо и лесно. Доколку ги направиш, тагни го мојот инстаграм профил @marijamarijamarija  или остави ми коментар под овој пост.

…

🫓 Крекери од Наут 🫓Прочитај повеќе »

🫓 Крекери од Наут 🫓 Read More »

🥦 Протеински зеленчукови палачинки (солени) 🥦

LinkInBio, Палачинки, Рецепти, Ручек / Марија

Овие протеински зеленчукови палачинки се супер идеја за релативно брз и многу здрав ручек со 30 грама претеин и 460 калории од портција. Имаат 8 зеленчуци, што ги прави богати со диететски блакна (скоро 14 грама од порција) и се прават многу лесно и брзо. Можете да ги послужите со свежа салата, со печени компирчиња, хумус, или додаток по ваша желба.

Иако велам идеја за ручек, сепак, овие протеински зеленчукови палачинки се супер опција и за појадок, но и за вечера. Можете да ги ставите и во сендвич и да си ги земете за на работа или да ги спакувате за на училиште. Како и да ги искомбинирате, нема да погрешите, затоа што се многу здрави и многу вкусни. Исто така, изборот на зеленчук што ќе го ставите може да варира, и дури и охрабрувам да се користат различни зеленчуци секој пат – или пак, можете да ставите и уште нешто плус ова што јас вообичаено ставам. Само две работи се константни: брашно од наут и тофу – протеини засекогаш! 😆

Како да ги направите овие протеински зеленчукови палачинки?

Начинот на подготовка може да биде на два начини:

Да го зготвите зеленчукот – како што јас преферирам. Мене многу ми се допаѓаат аромите што зготвениот зеленчук ги пушта и секогаш ја препорачувам оваа верзија.
Зеленчукот да го ставите сиров – доколку немате време за готвење – но со ова губите дел од аромата, и зеленчукот е пожелно да ви биде многу многу ситно исецкан/изрендан за да не биде сосема жив (иако ни туа не е страшно)

Како што кажав, мојот рецепт е со зготвен зеленчук, и пак ќе повторам, слободно можете да замените нешто, да додадете нешто друго иако искрено, мислам дека употребив се

Сите придобивки од овие палачинки?

Од супер количество на растителни протеини, до супер количество на растителни влакна, до антиоксиданси (витамин Ц, бета-каротен, антоцијанини), до витамини и минерали (витамин К, витамин А, железо, магнезиум и калиум), овие протеински зеленчукови палачинки се навистина одлични за вас. Имаат малку калории но голема нутритивна густина. Лесни се за варење, не ја оптоваруваат работата на црниот дроб и се идеални за балансирани оброци во здрава исхрана или план за слабеење. Плус, брашното од наут, освен што нема глутен, има низок гликемиски индекс, што значи дека не предизвикува нагли скокови во шеќерот во крвта, туку обезбедува долготрајна енергија.

Се на се, светото тројство лесни-здрави-вкусни, според мене е најважно.

Доколку ти треба идеја за ручек, моите протеински зеленчукови палачинки се она што ти треба во моментов. Богати се со протеини, растителни влчакна, минерали и витамини, но поважано, вкусни се и се прават брзо и лесно. Те охрабрувам да ги пробаш и секако, доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🥦 Протеински зеленчукови палачинки (солени) 🥦Прочитај повеќе »

🥦 Протеински зеленчукови палачинки (солени) 🥦 Read More »

🍯 Наутела – Нутела од наут 🍯

LinkInBio, Додатоци, Рецепти, Сосови, макала, намази и кремови / Марија

Оваа моја Наутела – Нутела од Наут, освен што има супер фраерско име, е многу здрава алтернатива за сите љубители на познатиот сладок крем! 🍫

Е сега ќе речете „Што ти текна нутела од наут, кога веќе имаш ФЕНОМЕНАЛНА домашна нутела?“ И еве го мојот одговор… Мојата Наутела – Нутела од Наут е богата со протеини, диететски влакна а има многу помалку масти од онаа со лешник што е навистина феноменална.

Едноставно сега имате две опции една со лешник и оваа со наут. Зависно од преференциите и секако, расположливите намирници дома. Инаку оваа Наутела – Нутела од Наут има само 5 состојки и се прави многу лесно. Целиот рецепт го имате подолу во оваа објава, а постапката можете да ја видите и кај мене на инстаграм во reels.

Што ја прави оваа Наутела посебна?

Наут: Богат со растителни протеини, влакна и железо, наутот е идеален за енергичен почеток на денот. Ја поттикнува дигестијата и ви помага да се чувствувате сити подолго.
Урми: Полни со природни шеќери, антиоксиданти и минерали како магнезиум и калиум – урмите се вистински извор на здрава енергија.
Рогач: Оваа суперхранлива замена за какао е богата со калциум, нема кофеин, и го поддржува здравјето на коските и срцето. Секако, можете да употребите и квалитетно какао, но јас се решив за рогач за да може овој рецепт да биде baby-friendly.

Секако, слободно рогачот можете да го замените со Какао, доколку кремчево не го јадат деца под 2 год.

Зошто да ја направите оваа Наутела – Нутела од Наут?

Затоа што е многу вкусна и здрава!! Оваа Наутелa – Нутела од Наут не содржи рафиниран шеќер, масло или дополнителни додадоци. Има многу помало количество на масти во однос на лешниците и плус е:
✅ 100% растителна
✅ Богата со протеини и нутриенти
✅ Вкусна и кремаста
✅ Лесна за подготовка
✅ Со гооолем потенцијал да ви стане новиот омилен рецепт

Како да ја искомбинирате мојата Наутела – Нутела од Наут?

Како и секој друг чоколаден намаз, така и оваа Наутела – Нутела од Наут, можете да ја јадете во различни компбинации, па еве листа на сите мои рецепти со коишто можете да ја искомбинирате:

🥞 Палачинки
🧁 Мафини
🥨 Крекери
🍩 Крофни
🍞 Или едноставно да си ја намачкате на лепче или пак на свежо овошје!

И иако сакам да ви пишувам уште причини зошто и идеи како, мислам дека нема потреба. Оставам на вас да ја направите и да ми пишете мислење!

Доколку си љубител на чоколаден крем, но сакаш поздрава варијанта со ЗНАЧИТЕЛНО повеќе протеини - тогаш мојата Наутела - Нутела од Наут е совршена за тебе! Многу е вкусна и здрава и дефинитивно те охрабрувам да ја направиш и пробаш. Секако, доколку ја направиш, тагни го мојот инстаграм профил @marijamarijamarija или остави мо коменар под овој пост.

…

🍯 Наутела – Нутела од наут 🍯Прочитај повеќе »

🍯 Наутела – Нутела од наут 🍯 Read More »

🍳 Омлет од Наут 🍳

LinkInBio, Омлети, Појадок, Рецепти / Марија

Овој омлет од наут е супер алтернатива доколку сте љубител на омлет, но сакате да се храните предоминантно со растителна исхрана. Уште еден во серијата растителни омлети (веќе имам од тофу, од семки тиква), овој омлет од наут има многу слична текстура како класичниот. Се прави од брашно од наут, нема глутен и содржи растителни протеини, што го прави здрава и добра опција што навистина ќе ве засити за појадок.

А, кога ќе го започнете денот со добар појадок, не се прејадувате во текот на денот. Порано не бев некој голем „фан“ на јајца, но денес, уживам во моите растителни опции (кои ја имаат сличната текстура и вкус).

Но, освен за појадок, можете да си го направите и за вечера. Без разлика на времето од денот, овој омлет од наут е секогаш супер опција! Освен што лесно се прави, нискокалоричен е, а сепак многу заситува!

Зошто ќе ви се допадне овој омлет од наут?

🍳 Текстура: Смесата од брашно од наут многу наликува на текстурата на омлет. Плус, можете да го направите помек или пак крцкав, секако ќе биде вкусен.

😋 Вкус: Неутралниот вкус на брашното од наут е празно платно за вашата креативност. Додадете ги вашите омилени билки, зачини и зеленчук за да создадете бескрајни комбинации на вкусови.

🤩 Разновидност: Уживајте во вашиот омлет од наут, обичен, полнет со тофу (за уште повеќе протеин), зеленчук и маслинки. Наполнете го со мексиканско бурито фил или пак со печурки.

🌱 Убави состојки: Се прави со едноставни состојки од растително потекло, за да можете комплетно (и без грижи) да уживате во појадокот. Плус, оваа доза има исто протеини колку едно јајце.

Како да го направите?

Подготвувањето омлет од наут е изненадувачки едноставно и брзо (за буквално 5 минути). Потребно ви е нелепливо тавче и маталка. Дополнително – за да го имате вкусот на јајце без да користите јајце, задолжително употребете црна сол (кала намак). Црната сол има многу здравствени придобивки (знам дека ви должам посебен пост на оваа тема), но, на кратко: може да го подобри варењето, да ја намали подуеноста, може да ги ублажи грчевите во мускулите, може да ја подобри количината на железо итн. А за вкус на сирење (плус б12, уште протеини) додадете и нутритивен квасец. И тоа е тоа. Целиот рецепт и начинот на подготовка ги имате подолу во рецептот, а имате и видео кај мене во reels на инстаграм.

Ова е уште една алтернативна варијанта за омлет - овој пат омлет од наут. Со многу сличен вкус и текстура како омлетот од јајца, е супер алтернатива што дефинитивно треба да ја пробате. Доколку го направиш, тагни го мојот инстаграм профил @marijamarijamarija или остави мо коменар под овој пост.

…

🍳 Омлет од Наут 🍳Прочитај повеќе »

🍳 Омлет од Наут 🍳 Read More »

🍩 Бомбици од наут 🍩

LinkInBio, Бомбици, Десерти, Рецепти / Марија

Овие бомбици од наут јас почнав да ги правам кога почнав да дојам, затоа што сите состојки се верува дека можат да помогнат во лактацијата. Иако нема прецизни научни сознанија околу ова, сепак многу ми беа вкусни и немаше причина зошто да не ги правам.

Инаку, наутот е супер извор на растителни протеини и поради тоа јас доста често го користам во моите оброци. Во моите програми имам неколку ВРВНИ рецепти со наут а неколку рецепти можете и да најдете објавени овде, на сајтот. За да не лутате, еве за потсетување 👇🏻

🍪 Протеинско Брауни
🥦 Крокети (едни од моите омилени)
🍕 Протеинска Пица
🍲 Хранлива чорба (уште еден мој фаворит)

Рака на срце, многу наут десерти не сум правела, па така овие бомбици од наут достојно ќе се вбројат во низата здрави десерти или рецепти од наут.

Зошто овие бомбици од наут?

Освен поради тоа што се супер вкусни и се прават многу лесно, овие бомбици од наут се исто така и супер здрави и супер хранливи. И на толку честа употреба на зборот супер, мислам дека нема потреба повеќе да објаснувам, нели? 😁

Сите придобивки од наутот

Наутот е особено добар извор на манган и витаминот Б9 (фолат). Исто така, е одличен извор на влакна и растителни протеини, коишто заедно со неговата релативно ниска калориска вредност, може да ви помогне во губењето на тежината, односно да се чувствувате сити и да го намалат внесот на калории. Исто така, 1 шоља (164 грама) наут обезбедува околу 14,5 грама протеини, што го прави наутот еден од подобрите извори заедно со грав и леќа.

Дополнително, наутот имаа прилично низок гликемиски индекс (ГИ), што е индикатор за тоа колку брзо се зголемува шеќерот во крвта после јадење. А, влакната и протеините на наутот може да помогнат во регулирањето на нивото на шеќер во крвта, како резултат на тоа што влакната ја забавуваат апсорпцијата на јаглехидрати, и помагаат во постепен раст на нивото на шеќер во крвта наместо скок.

Инаку, растителните влакна во наутот се претежно растворливи, што значи дека се спојуваат со вода за да формираат супстанца слична на гел во вашиот дигестивен тракт. Растворливите влакна може да помогнат во зголемувањето на бројот на здрави бактерии во цревата и во спречување на прекумерен раст на нездрави бактерии. Сето ова може да доведе до намален ризик од некои дигестивни состојби, како што е синдром на нервозно дебело црево (IBS). Исто така, благодарение на импресивниот профил на хранливи материи што го содржи, наутот може да ја подобри функцијата на мозокот и менталното здравје – пред се поради тоа што е одличен извор на холин, којшто игра важна улога во функцијата на мозокот. Дополнително, наутот е добар извор на железо и може да помогне да се заштитите од недостаток на железо.

Да се вратиме на моите бомбици со наут

Инаку, првично причината зошто употребив само половина конзерва (и отк тогаш некако тоа ми стана мерката) беше бидејќи правев кари (наскоро рецепт и за него – фантастичен беше), па ми остана наут и незнаејќи што да му направам, го направив десерт. И сега, откако ве убедив колку се здрави и вкусни, ќе се обидам да ви доловам и колку лесно се прават. Се што ви треба е блендер или процесор за храна, 6/7 состојки (со опционалните додатоци) и 5 минути од вашиот ден. Нема чекори, буквално само се мелат, се формираат топчиња и се валкаат во чоколадо (најомилениот дел, нели). Целиот рецепт го имате подолу во постов а кај мене на инстаграм во reels има и кратко видео од подготовката.

Мојата доза е со половина конзерва, но слободно можете да ги дуплирате количините и да направите подолема доза.

Доколку сакаш здрави а брзи и едноставни бомбици, моите бомбици од наут се одлични за тебе. Те охрабрувам да ги направиш, бидејќи се little pieces of heaven! А, доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍩 Бомбици од наут 🍩Прочитај повеќе »

🍩 Бомбици од наут 🍩 Read More »

🫘 Протеинско Брауни од Наут 🫘

LinkInBio, Брауни, Десерти, Рецепти / Марија

Во мојата серија од здрави браунис од овошје, зеленчук и цели зрна тогаш не вклучив брауни од наут, па еве, пред да ги објавам останатите и на веб страната, почнувам токму со ова протеинско брауни од наут.

Протеинско – затоа што протеините се многу актуелни и буквално на секој рецепт со наслов протеински, му се посветува повеќе внимание.

Ова протеинско брауни од наут е навистина протеинско, со 8,2 грама протеин и 102 калории во едно парче. Има вкупно 6 состојки, се подготвува за буквално 5 минути и се пече за 30. Значи за 35 минути имате готов десерт (или ужина) со супер состав!

Ова, и останатите рецепти за брауни можете да ги најдете во категоријата брауни и сите се различно вкусни и здрави и дефинитивно вредат да се направат.

Како да го направите ова протеинско брауни од наут?

Најпрво, одберете си го омилениот чоколаден протеин во прав. Потоа, одберете убаво и квалитетно какао, вкусен и течен путер од бадем (колку потечен, толку подобро). Засладувачот е опционален, па доколку внимавате на внесот на јаглехидрати, можете да го направите и без него. Чоколадните капки се исто така опционални но, препорачливи (затоа што, зошто да не) 😀😆 Плус, антиоксидансите од какаото и црното чиколадо придонесуваат за уште поздрав десерт. Инаку, целиот рецепт и начинот на подготовка го имате подолу во рецептот, а имате и кратко видео кај мене на инстаграм во reels.

Зошто Наут?

Наутот е здрав и одличен извор на растителен протеин. Наутот е богат со диетални влакна, особено растворливи влакна наречени рафиноза. Со самото тоа што е богат со растворливи влакна, наутот го помага варењето и здравјето на цревата, а може да помогне и во намалувањето на холестеролот. Наутот е исто така добар за зацврстување на коските како и во намалување на ризикот од одредени ракови.

Доколку се уште го немаш направено моето протеинско брауни од наут, еве ти прилика. Те охрабрувам, бидејќи е навистина многу вкусно, чоколадно и богато со протеини и растителни влакна. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🫘 Протеинско Брауни од Наут 🫘Прочитај повеќе »

🫘 Протеинско Брауни од Наут 🫘 Read More »

🍕 Протеинска пица од Наут и Чиа 🍕

LinkInBio, Пици, Рецепти, Ручек / Марија

Од експерименти го издвојувам овој, зачудувачки вкусен и полн со протеини, диететски влакна, витамини и минерали – пица со брашно од наут и чиа семе. Јас направив две со различни топинзи и двете беа супер. Основите потребни состојки се вкупно 8, плус можете да си додадете зачини по желба.

Нема некој што не сака пица

И тоа е реалноста. Пица е едно прекрасно италијанско јадење и не велам дека не теба да ја јадеме, но, добро е од време на време да се замени класичното тесто со ова, или со некое од моите алтернативни растителни пици. На овој начин, освен што ќе внесете многу подобри и похранливи материи, ќе ја намалите количината на „празни калории“ и масти.

Богата со протеини

И здрава, и вкусна

За наутот веќе знаеме дека е еден од најдобрите извори на растителен протеин. Може да се консумира во многу форми и на различни начини и ова е еден од нив – како брашно во оваа пица од наут и чиа. За да го зголемите нивото на протеини, додадете тофу или сејтан, плус маслинки или авокадо за масти и доматен сос и зеленчук за јаглехидрати и влакна. Ете тоа е балансирана пица.

Јаглехидратите се добри за вас, но уштеподобро е кога оброкот преовладува со сите макронутриенти. Балансот ја игра клучната улога во се што правите, па така и во исхраната. Ибидете се да јадете балансирано, и верувајте тоа ќе ги даде најдобрите резултати. А, со самото тоа што сте тука и го читате текстов, сте еден чекор поблиску да ја пробате оваа пица или некоја од другите што ги имам објавено.

Доколку си љубител на пица, но сакаш да пробаш уште некоја поздрава опција, те охрабрувам да ја направиш мојата пица од наут и чиа уште денес. Доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍕 Протеинска пица од Наут и Чиа 🍕Прочитај повеќе »

🍕 Протеинска пица од Наут и Чиа 🍕 Read More »

🫘Хранлива чорба од наут 🫘

LinkInBio, Рецепти, Ручек, Супи, чорби и манџи / Марија

Многу сум среќна кога ја дополнувам категоријата супи и чорби со вакви прекрасни, нутритивни и „новокомпонирани“ чорбички како оваа хранлива чорба од наут. Всушност, оваа чорба повеќе спаѓа во категорија „манџички“ но да не навлегуваме во технички детаљи, сите оброци слични на оваа ќе ги најдете заедно со супите и чорбите.

Зошто наут?

Наутот е вид на мешункаст зеленчук којшто спаѓа во исто семејство како и гравот и кикириките. Наутот е познат под повеќе „псевдоними“ како „гарбанзо грав“, „бенгалски грам“, „египетски грашок“ или едноставно – леблебија (кога е во печена форма). Вкусот му е јаткаст, а структурата кремаста. Карактеристично за наутот е што е една од мешунките со доста голем процент на растителен протеин. Но, сепак, наутот е најпознат по тоа што е клучната состојка во хумусот.

Сите придобивки од наутот

Го контролира нивото на шеќер во крвта

Наутот една моќна мешунка којашто помага при контрола на шеќерот во крвта, поради нискиот гликемиски индекс. Ова значи дека телото полека го апсорбира и вари, што помага да се задржи шеќерот во крвта и инсулинот да не се зголеми пребрзо. Ова го прави наутот погоден за дијабетичари.

Помага во варењето

Поради тоа што е богат со диететски влакна (особено растворливи), добрите бактерии во цревата лесно го разградуваат, па дебелото црево може полека да го вари. Плус, јадењето повеќе наут може да помогне да за полесно и поредовно празнење на дебелото црево.

Може да помогнат во намалувањето на холестеролот.

Нутот може да го намали вкупниот холестерол и пред се LDL („лошиот“) холестерол. Ова го намалува ризикот од срцеви заболувања.

Ова се секако, само дел од придобивките на наутот. Мојата хранлива чорба од наут е збогатена и со целер, но за целерот мислам дека е добро да напишам засебен пост. Во меѓувреме, направете си ја чорбава за следниот ручек, нема да погрешите.

Доколку си љубител на супи и чорби а се уште ја немаш направено оваа хранлива чорба од наут, еве прилика да ја направиш. Те охрабрувам, бидејќи е многу здрава, многу хранлива и многу вкусна. Доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🫘Хранлива чорба од наут 🫘Прочитај повеќе »

🫘Хранлива чорба од наут 🫘 Read More »

🍪 Брауни со Аквафаба 🍪

LinkInBio, Брауни, Десерти, Рецепти, Ужина / Марија

Искрено, немам оправдување зошто до сега го немам направено ова брауни со аквафаба. Всушност, никогаш и не ја употребував аквафабата (водата од наутот во конзерва). Секоја конзерва си викав “ајде барем еден мус” и ништо… АМА после ова брауни, дефинитивно ќе ја “активирам” повеќе и почесто.

Ова брауни со аквафаба е премеко, пресочно, превоздушесто, пречоколадно, превкусно, препре! 🤣 Од засладувач има кокосов шеќер (сакав да го направам без никаков засладувач ама ќе си го јадев сама така 🤣). Шала на страна, ако имате конзерва наут, утре направете си ручек а течноста зачувајте ја и направете го брауниво. Заблагодарете ми се потоа 😍

Ова брауни со аквафаба има точно 10 состојки и иако можеби ви звучи многу, сепак се прави прилично лесно и е МНОГУ вкусно и сочно. А тоа е всушност и поентата на едно брауни, нели?

Аквафаба е течноста од конзервата наут, што најчесто се користи како замена за јајце. За наутот веќе знаеме дека е здрав и дека е добар извор на растителен протеин, а дел од хранливите состојки се пренесуваат и во водата во којашто стои. Иако протеините и влакната не се пренесуваат, сепак, течноста прима дел од витамин Б, фолат, железо, фосфор, здрави масти, како линолова и олеинска киселина итн. Плус, антиоксидансите од какаото и црното чиколадо придонесуваат за уште поздрав десерт. Доколку внимавате на внесот на јаглехидрати, можете да го направите и без шеќер или со соодветен засладувач.

Доколку се уште го немаш направено моето брауни со аквафаба, еве ти прилика. Те охрабрувам, бидејќи е навистина превкусно, премеко, пречоколадно... Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍪 Брауни со Аквафаба 🍪Прочитај повеќе »

🍪 Брауни со Аквафаба 🍪 Read More »

наут

🫓 Крекери од Наут 🫓

Зошто крекери со наут?

🥦 Протеински зеленчукови палачинки (солени) 🥦

Како да ги направите овие протеински зеленчукови палачинки?

Сите придобивки од овие палачинки?

🍯 Наутела – Нутела од наут 🍯

Што ја прави оваа Наутела посебна?

Зошто да ја направите оваа Наутела – Нутела од Наут?

Како да ја искомбинирате мојата Наутела – Нутела од Наут?

🍳 Омлет од Наут 🍳

Зошто ќе ви се допадне овој омлет од наут?

Како да го направите?

🍩 Бомбици од наут 🍩

Зошто овие бомбици од наут?

Сите придобивки од наутот

Да се вратиме на моите бомбици со наут

🫘 Протеинско Брауни од Наут 🫘

Како да го направите ова протеинско брауни од наут?

Зошто Наут?

🍕 Протеинска пица од Наут и Чиа 🍕

Нема некој што не сака пица

Богата со протеини

И здрава, и вкусна

🫘Хранлива чорба од наут 🫘

Зошто наут?

Сите придобивки од наутот

Го контролира нивото на шеќер во крвта

Помага во варењето

Може да помогнат во намалувањето на холестеролот.

🍪 Брауни со Аквафаба 🍪

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️
© 2022 МаријаМаријаМарија. All rights are reserved.

наут

Зошто крекери со наут?

Како да ги направите овие протеински зеленчукови палачинки?

Сите придобивки од овие палачинки?

Што ја прави оваа Наутела посебна?

Зошто да ја направите оваа Наутела – Нутела од Наут?

Како да ја искомбинирате мојата Наутела – Нутела од Наут?

Зошто ќе ви се допадне овој омлет од наут?

Како да го направите?

Зошто овие бомбици од наут?

Сите придобивки од наутот

Да се вратиме на моите бомбици со наут

Како да го направите ова протеинско брауни од наут?

Зошто Наут?

Нема некој што не сака пица

Богата со протеини

И здрава, и вкусна

Зошто наут?

Сите придобивки од наутот

Го контролира нивото на шеќер во крвта

Помага во варењето

Може да помогнат во намалувањето на холестеролот.

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.