киноа Archives - Marija Marija Marija

🍫 Чоколаден пудинг со тофу и киноа 🍫

LinkInBio, Десерти, Додатоци, Рецепти, Сосови, макала, намази и кремови / Марија

Овој чоколаден пудинг со тофу и киноа е кремаст, здрав и навистина неодолив! Плус богат со протеини и диететски влакна. Иако веќе имам два протеински пудинзи (чоко пудинг) и (двослоен пудинг) ова е уште една варијанта. Има само 6 состојки, се прави буквално прелесно а е навистина многу кремаст и вкусен. Засладен е само со урми што го прави уште поздрав и има само 370 калории и 15 грама протеин! Во однос на подготовката – јас го правам со свилено тофу за најкремаста текстура, но може да се направи и со обично тофу, но треба да додадете повеќе млеко, да го блендате подолго и крајниот резултат да биде silky smooth.

Зошто овој чоколаден пудинг со тофу и киноа е совршен избор?

✅ Полн со растителни протеини
✅ Кремаст и нежен
✅ Без млеко и без глутен
✅ Без вештачки засладувачи
✅ Лесен за подготовка – само неколку состојки и блендер, и имаш фантастичен десерт!

Вкусен, кремаст и неодоливо вкусен (а сепак здрав)!

Овој чоколаден пудинг со тофу и киноа е совршен баланс меѓу здраво и вкусно. Киноата му дава блага оревеста нота и дополнителна кремавост, додека свиленкастото тофу го прави нежно кремаст. Какаото му дава длабока чоколадна арома, а урмите го прават доволно благ, но без вишок шеќери. Тоа значи дека можеш да уживаш во секоја лажичка без грижа на совест! Кога последен пат си јадел таков пудинг?

Она што го прави овој десерт посебен е неговата хранлива и нутритивна вредност. Киноата е супер-храна богата со растителни протеини, железо и влакна, а тофуто додава растителни протеини, квалитетни аминокиселини и здрави масти. Ова не е само десерт – тоа е енергетски оброк кој ќе те засити и ќе ти даде сила во текот на денот. Без разлика дали го јадеш како здрав појадок, попладневна ужинка или вечерен десерт, овој чоколаден пудинг е идеален избор за сите што сакаат да се хранат подобро, а сепак да уживаат во неодоливи вкусови.

Целиот рецепт и начинот на подготовка го има подолу во рецептот, а имам и видео од целата подготовка кај мене на инстаграм во reels. Ова е десерт што ќе го обожаваш – лесен, хранлив и совршено чоколаден! 😍

Доколку сакаш брза и протеинска ужинка со богат чоколаден вкус, а не сакаш да јадеш купечки пудинг полн со процесирани шеќери, тогаш мојот чоколаден пудинг со тофу и киноа е тоа што ти треба! Многу вкусен и кремаст, со 15 грама протеин и само 370 калории, минимално засладен се прави буквално за неколку минути. Така што, доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍫 Чоколаден пудинг со тофу и киноа 🍫Прочитај повеќе »

🍫 Чоколаден пудинг со тофу и киноа 🍫 Read More »

🥪 Крцкав киноа тофу сендвич со намаз од сончоглед 🥪

LinkInBio, Појадок, Рецепти, Ручек / Марија

Оваа објава има многу долго име но содржи три рецепти: крцкав киноа тофу сендвич и намаз од сончоглед, односно: крцкаво киноа тофу + сендвич + намаз од сончоглед. И сега мислам дека се оправдав, нели? Инаку, сендвичов излезе многу спонтано. Првично, замислата ми беше да го направам тофуто посебно, а намазот да ми биде посебна објава. Но, решив дека можам да ги искомбинирам, и на едно место да имате повеќе рецепти. Секако, можете се да си направите посебно.

Инаку, овој крцкав киноа тофу сендвич излезе превкусно и мене ми беше врвен ручек, богат со растителни протеини.

Се прави многу лесно. Јас го печев во air-fryer (без воопшто масло) но можете и да го испржите (јас избегнувам пржење максимално) .

А доколку не сакате да го јадете како сендвич, можете да го послужите со салата и многу свеж или печен зеленчук.

Како да го направите ова Киноа тофу?

За сендвичот нема што многу да објаснувам, а крцкавото киноа тофу исто така се прави брзо и лесна! Потребни ви се 3 сада во кои ќе го извалката тофуто. Еден со брашно, еден со млеко и еден со киноа (претходно сварена). Инаку, јас во фрижидер секакош имам сварена киноа. Пред се, затоа што ми е супер за meal-prep а и за рецепти како овој или како вафлите со киноа и јагоди.

За миксот од брашно можете да употребите што сакате (или што имате дома). Јас употребив брашно од наут и нутритивен квасец (за повеќе протеини).

Инаку, целиот рецепт и начинот на подготовка го имате подолу во рецептот, а имате и кратко видео кај мене на инстаграм во reels.

Како да го направите намазот од сончоглед?

Исто така, многу лесно. Прво треба да го накиснете сончогледот во зовриена вода, минимум 2 часа. Потоа процедувате, ги додавате состојките и блендате. И тоа е тоа. Можете да го јадете како додаток во сендвичи и тортиљи, како дресинг во салати (со малку повеќе лимон) или како прилог во други јадења, бидејќи е супер извор на здрави масти (и е многу вкусен). Мене лично овој намаз ми е замена за мајонез.

И така, сосем за крај на овој пост стигнавме и до сендвичот. Јас користев купечко лепче, но ако знаете да си направите дома, тоа ви е плус! На лепчето мачкате од намазот од сончоглед, па го ставате тофуто, па микс зелена салата, домат, краставица и вегански кашкавал (ова е опционално). И тоа е тоа. Брз, избалансиран и многу вкусен ручек со 53 грама протеин и 700 калории.

Доколку сакате сендвич, но малку поздрава варијанта, направете си го овој крцкав киноа сендвич со намаз од сончоглед. Содржи 53 грама растителен протеин и намирници што ги имате дома и што не се процесирани. Многу е вкусен и дефинитивно поздрава варијанта од кој било купечки. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🥪 Крцкав киноа тофу сендвич со намаз од сончоглед 🥪Прочитај повеќе »

🥪 Крцкав киноа тофу сендвич со намаз од сончоглед 🥪 Read More »

🍓 Вафли со јагоди и киноа 🍓

LinkInBio, Вафли, Појадок, Рецепти / Марија

Вафли со јагоди и киноа, затоа што ако не се палачинки, тогаш се вафли! Шала на страна, откако го купив тостерот за мали вафли, мислам дека вафли правам еднаш неделно. И секој пат е нов експеримент од вкусови, секој пат различни, но секој пат многу брзи, лесни и вкусни! Овој пат, решив да ги објавам овие вафли од јагоди и киноа затоа што се подогни за целото семејство (вклучително, нормално, и бебе)!

Јас ги направив со вкупно 8 состојки и ми излегоа навистина многу вкусни. Крцкави од надвор а меки и сочни од внатре! Плус, богати со многу диететски влакна, витамини и растителни протеини!

Одлични се за пролетниот период со свежи јагоди, но, можете да ги направите и со замрзнати (секако претходно одмрзнете ги). За да ги направите овие вафли со јагоди и киноа, потребен ви е само блендер и тостер. И желба нормално!

Зошто да ги направите овие вафли со јагоди и киноа?

Затоа што киноата е суперхрана што треба често да ја вклучувате во вашата исхрана. За киноата имам пишувано многу во моите рецепти, но ако ви треба повеќе инфо, еве неколку рецепти што ќе ви ги издвојам:
1️⃣ солена гранола,
2️⃣ воздушести палачинки од киноа,
3️⃣ барови од амарант и киноа,
4️⃣ колаче од киноа и овес,
5️⃣ полнети пиперки со киноа,
6️⃣ киноа пица,
7️⃣ печена киноа,
8️⃣ палачинки од киноа,
9️⃣ тортиљи од киноа,
1️⃣0️⃣ гранола со киноа,
1️⃣1️⃣ чоколадна киноа торта,
1️⃣2️⃣ „месо“ од киноа и леќа…

Плус, јас сум ептен голем љубител на јагоди и се што има јагоди, за мене е 😍😋 Така што ова се две супер причини. Плус, се прават многу брзо и лесно (само би блендер) и се baby-friendly! И тоа е тоа. Целиот рецепт е подолу, а имате и кратко видео кај мене на инстаграм во reels.

Доколку си љубител на вафли, еве едни многу вкусни, брзи, лесни и суперздрави вафли од јагоди и киноа. Те охрабрувам да ги направиш и пробаш бидејќи буквално нема причина да не ги направиш (освен доколку си алергинеч на јагоди). И секако, доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍓 Вафли со јагоди и киноа 🍓Прочитај повеќе »

🍓 Вафли со јагоди и киноа 🍓 Read More »

🥄 Солена гранола 🥄

LinkInBio, Гранола, Додатоци, Појадок, Рецепти / Марија

Океј, солена гранола звучи тотално невообичаено, па дури можеби и чудно. Како би јаделе солена гранола? Во што би ја додале? Хмм.. Би рекла, би ја јаделе исто како и секоја друга гранола – со лажица 🤣 Ајде сега шала на страна, затоа што оваа гранола дефинитивно вреди да се проба. Може да се јаде со неутрален (или закиселен) јогурт, како додаток во сендвичи, паста, салати. Многу е вкусна, верувајте! Но, освен тоа, исто така е нутритивно богата, полна со омега-3 и други здрави масти, влакна, протеин, магнезиум, витамин Е, Б3, Б6, антиоксиданси и минерали.

Додадете му „crunch“ на секое јадење

Ако сте како мене и сакате секогаш нешто крцкаво во оброците, тогаш оваа гранола е дефинитивно за вас! Дава предобар солен крцкав шмек и е супер додаток во кој било оброк. Плус, ако (пак како мене) секогаш имате залиха од сварена киноа, тогаш дефинитивно станете и направете ја гранолава. Се прави навистина брзо и лесно, а брзо и се пече – готова е за 10-тина минути. А еве и неколку идеи како да ја јадете:

🥑 На авокадо тост,
🥗 Во салата,
🍝 Во паста,
🍛 Со рижото,
🍚 Со мојот солен печен овес,
🍶 Со јогурт,
🥣 Со тарана,
🥜 За ужинка место грицки

Ова се неколку идеи што први ми паднаа на памет, мислам дека ќе ми текнат уште, ама ако ја направите и ако ви дојде инспирација за уште некое комбо, споделете го во коментар под овој пост.

Доколку сакате пикантно или луто, слободно додадете од вашиот омилен лут сос или заменете ја томато пастата со Gochujang паста (јас тоа го направив) и во двете варијанти е врвна! Така што… скролнете надолу во овој пост за да го видите целиот рецепт, а секако, кај мене на инстаграм во reels имате и кратко видео од подготовката.

Доколку и ти како мене сакаш крцкави додатоци во јадењата, тогаш дефинитивно мораш да ја пробаш мојата солена гранола. Те охрабрувам, бидејќи веројатноста и ти да се навлечеш е ГОЛЕМА. Многу е вкусна и навистина лесно се прави. Доколку ја направиш, тагни го мојот инстаграм профил @marijamarijamarija

…

🥄 Солена гранола 🥄Прочитај повеќе »

🥄 Солена гранола 🥄 Read More »

🍑 Освежителна протеинска салата 🍑

LinkInBio, Рецепти, Ручек, Салати / Марија

Лето е и сезона на праски, па оттаму и инспирацијата за оваа освежителна протеинска салата. Инаку, многу сакам оброк салати! Одличен доказ за тоа се моите протеински виножито салати. Исто така, често пати знам да искомбинирам овошје во салатите, особено за повеќе антиоксиданси.

Па така и оваа освежителна протеинска салата е една комбинација на зеленчук, легуминозни протеини и… Праски!

Како да си ја направите оваа освежителна протеинска салата

Прво и најважно, одредете кој протеин ќе го користите. Во овој рецепт јас користев леќа и киноа што ги сварив претходно. Следен пат ќе додадам и тофу или темпе, за уште повеќе протеин.

киноа, леќа, праски, авокадо, маслинки, млад кромид, марула

Потоа, додадете листест зеленчук по желба, било да е спанаќ, рукола или марула. Следно се здравите масти, во мојот случај од авокадо и маслинки. Сосем на крај е благата освежителна нота од праските. Оваа салата е лесна, се прави брзо и едноставно и има навистина многу интересен освежителен и летен вкус.

Никогаш доволно од протеини, нели?

Не заборавајте дека и зеленчукот е извор на растителен протеин, а киноата иако по составот е јаглехидрат, ги има сите 9 есенцијални аминокиселини, што ја прави комплетен протеин. Плус јас додадов семе од коноп за да дојдам до 22 грама протеин. Секако, можете да додадете уште некој извор на протеин за уште поголема количина.

Уште една предност на оброк салатите, што не изоставувам да ја потенцирам, е тоа што можат да се направат однапред (без да се зачинат) и да стојат во фрижидер во добро затворен сад, се до моментот на јадење. Ова ги прави погодни за “meal-prep” односно можете да ги јадете дома, на работа или пак во движење, или пак да направите количина за два дена.

Доколку се уште размислуваш што да јадеш утре, направи си освежителна протеинска салата - лесен, шарен, здрав и нутритивно богат оброк што можеш да го јадеш дома, на работа или во движење. И секако, доколку си ја направиш мојата освежителна протеинска, тагни го мојот инстаграм профил @marijamarijamarija или остави ми коментар под овој пост

…

🍑 Освежителна протеинска салата 🍑Прочитај повеќе »

🍑 Освежителна протеинска салата 🍑 Read More »

🥙 „Месо“ од Киноа и Леќа 🥙

LinkInBio, Рецепти, Ручек / Марија

Пред да добијам коментари како не може да има месо од кино и леќа – апсолутно се сложувам. Затоа се наводниците. Ова „месо“ од киноа и леќа, не е месо, но дефинитивно потсеќа и е ОДЛИЧНО особено за во такоси, бурито и останати врапови. Јас го јадев и со рижото а може да се јаде со печен или варен компир или едноставно само со салата. Практично – на ист начин како што би јаделе мелено месо.

Ситните и моќни зрнца

И леќата и киноата спаѓаат во групата храна богата со растителни протеини. И за двете имам пишувано во неколку наврати, па сега може само малку да сумирам:

Леќа

Кај нас има два вида – зелена (кафена) и црвена. Двете подеднакво здрави и вкусни и без некоја позначајна разлика во начинот на подготовка.

Во однос на нутритивни вредности

Во 100 грама леќа има 116 калории, 0,4 грама масти, 20 грама јаглехидрати, од кои 8 грама диететски влакна и 9 грама протеин. Плус, содржи многу витамини и минерали.

Во однос на здравствени придобивки

Поради тоа што е богата со влакна, фолат и калиум леќата помага во справување со крвниот притисок и холестеролот. Одличен извор е на железо и витамин Б1 којшо помага за здравјето на срцето.

Останати рецепти со Леќа

Киноа

Иако постојат неколку видови киноа (бела, црна, црвена, шарена) кај нас е најзастапена белата киноа. Јас ја употребувам многу често (пред се поради нејзините нутритивни вредности).

Останати рецепти со Киноа

Зошто да го направите ова „месо“ од киноа и леќа

Освен поради многуте здравствени придобивки и одличните нутритивни вредности? 🤨🤔 Океј, дефинитивно не е најбрзиот рецепт (бидејќи захтева претходно варење на леќата и киноата) ама е многу вкусна алтернатива на меленото месо – коешто знаеме дека воопшто не е здраво, нели? Плус, моето „месо“ од киноа и леќа е супер за сите што постат (можете да го ставите во мусака, во петок) и за сите оние што сакаат малку да намалат со јадење на месо. Мене и првите две причини ми се сосем доволни, но знам дека има некои на кои им треба повеќе убедување. Оставам на вас да одлучите…

Инаку, целиот рецепт и начинот на подготовка ги имате подолу во рецептот, а имате и видео кај мене во reels на инстаграм.

Ова е една одлична замена за мелено месо. Моето „месо“ од киноа и леќа е супер здраво, така што навистина ве охрабрувам да го пробате. Плус, супер е што може да ви биде додаток во еден куп оброци, коишто вообичаено ги правите со мелено месо. Доколку го направиш, тагни го мојот инстаграм профил @marijamarijamarija или остави мо коменар под овој пост.

…

🥙 „Месо“ од Киноа и Леќа 🥙Прочитај повеќе »

🥙 „Месо“ од Киноа и Леќа 🥙 Read More »

🫘 Гранола со киноа 🫘

LinkInBio, Гранола, Појадок, Рецепти / Марија

Конечно уште една нова гранола, и овој пат супер здрава, супер крцкава и супер вкусна гранола со киноа! Гранола сакам многу, секогаш си ја правам дома и веќе имам неколку варијанти:

Оваа гранола со киноа е мноооогу крцкава, со посебен карамел вкус и е одличен додаток на вашиот јогурт, овошје или само како крцкава ужинка.

Иако ова веќе ми е седма гранола, знам дека ќе правам и пробувам уште многу опции и варијанти, секоја нова различна и вкусна на ново ниво!

А сега прашањето: зошто гранола со киноа?

Од повеќе причини, но првата нема да биде затоа што е здрава, ниту пак затоа што е вкусна. Верувајте, оваа гранола со киноа ем е многу здрава ем многу вкусна, но како прва причина мислам дека ќе биде:

Затоа што е супер начин да внесете киноа доколку нејзиниот вкус не ви се допаѓа.

А киноата е навистина многу важно да ја консумирате. Нема да повторувам зошто, бидејќи за киноата имам пишувано во многу од моите претходни постови. Ќе ги оставам подолу за да можете повеќе да прочитате за сите бенефити на киноата, доколку ве интересира. А исто така, можеби и ќе најдете инспирација за уште некој киноа рецепт (имам многу)!

🌱 Барови од амарант и киноа
🌿 Печена киноа
☘️ Киноа пица
🍃 Воздушести палачинки од киноа

Инаку, целиот рецепт и начинот на подготовка, го имате подолу во овој пост, а имате и кратко видео од подготовката кај мене на инстаграм во reels

Доколку си љубител на гранола, еве уште еден рецепт! Затоа што многу е важно си правиш гранола дома. Така го контролираш внесот на шеќери и хранливи материи - бидејќи знаеш што точно си ставил. А оваа гранола со киноа е одлична, особено ако не си љубител на киноа. Парадоксално но вистинито. Направи си ја уште денес, бидејќи е крцкава и вкусна и навистина лесно се прави. Доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🫘 Гранола со киноа 🫘Прочитај повеќе »

🫘 Гранола со киноа 🫘 Read More »

🍫 Барови од Амарант и Киноа 🍫

LinkInBio, Барови, Десерти, Рецепти, Ужина / Марија

Од Инките, Маите и Ацтеките до лесен и здрав десерт

Овие барови од амарант и киноа ги правам години наназад, бидејќи се прават лесно, многу се здрави и вкусни и немаат никаков додаден шеќер. Инаку, киноата и амарантот, наспроти популарното мислење дека се „модерни супер-храни“ всушност се семиња со долга древна историја. Еве и зошто. Амарантот бил една од основните храни во древните цивилизации на Инките, маите и Ацтеките. Инаку, самото име потекнува од грчкиот збор „амарантос“, што значи „оној што не вене“, а цветот амарант се сметал за симбол на бесмртноста во Античка Грција.

Всушност амарантот е група од повеќе од 60 различни видови зрна кои се одгледуваат околу 8.000 години. Се класифицира како „псевдожитарка“, што значи дека технички не е зрно од житарки како пченица или овес, но содржи сличен сет на хранливи материи и се користи на слични начини.

Нема глутен, богат е со диететски влакна, железо, манган, магнезиум и фосфор и ги содржи сите есенцијални аминокиселини што го прави комплетен протеин. Содржи антиоксиданси, ја намалува инфламацијата, го намалува нивото на холестерол и може да помогне во процесот на губење на тежината.

Сето ова го прави амарантот житарка којашто треба да ја консумираме често пред се поради придобивките а и поради тоа што сеподготвува лесно и едноставно.

Амарант vs. Киноа

Киноата датира отприлика од сличен период во историјата како амарантот. За киноата се верува дека првпат била одгледувана пред околу 5.000 години на езерото Титикака на границата со Боливија и Перу. Инките го прогласиле ова семе за свето, нарекувајќи го како „мајка на сите житарки“. Традиционално, царот на Инките би бил тој што ќе го посее првото семе од сезоната користејќи „златни орудија“. И историски и нутритивно овие две „псевдожитарки“ што всушност се семиња, имаат многу сличен профил.

аманрант, киноа, какао, протеин, млеко, путер од кикирики, кокосово масло

	Калории	Протеини	Масти	Јаглехидрати	Влакна	Железо	Магнезиум	Калиум
Амарант	102	3,8 гр.	1,6 гр.	16,6 гр.	2,1 гр.	2,1 мг.	65 мг.	135 мг.
Киноа	120	4,4 гр.	1,9 гр.	18,5 гр.	2,8 гр.	1,49 мг.	64 мг.	172 мг.

* на 100 гр зготвени

Амарантот има помалку калории, јаглехидрати и масти на 100 гр, (што е супер доколку треба да сте во калориски дефицит). Исто така, содржи поголема количина на железо што е од витално значење за производството на црвени крвни зрнца кои помагаат во пренесувањето на кислородот низ телото. Киноата, пак, обезбедува малку повеќе протеини на 100 грама, но е покалорична. Содржината на влакна може да помогне да се чувствувате сити подолго и за среќа двете житарки содржат приближна количина на диететски влакна.

Како да ги направите моите барови од амарант и киноа?

Убаво погодивте – ЛЕСНО! 🤣 Нели, како и сите мои десерти (и останати јадења) така и овие барови од амарант и киноа се прават за 10-тина минути. Најмногу време одзема пукањето на амарантот (но, можете да си го испукате од вечер). А сепак, најдолго време ќе ви помине во чекање да се стврднат за да можете да ги пробате. Житарките, во комбинација со антиоксидансите од какаото и црното чоколадо (доколку користите) и здравите масти од путерот од јатки, ем ќе го израдуваат вашиот организам ем ќе ви ги задоволат потребите за благо, без притоа да имате грижа на совест (сепак, не ги јадете сите одеднаш 🤣🤣).

Доколку сакате да се задржите само на семиња (да не употребите јатки) можете путерот од јатки да го замените со путер од сончоглед или путер од тиква (се прават подеднакво лесно како и путерите од јатки).

Засладувач не ви треба и мојот совет е да не употребите. Аромата на ванила можете да ја замените со арома од бадем или рум за да добиете малку „појак“ шмек, или комплетно да ја изоствите.

Крцкави и суптилно слатки, овие барови од амарант и киноа можат да бидат вашата ужина или десерт а дури можете да ги здробите во јогуртот за појадок (доколку немате гранола.). Целиот рецепт и начинот на подготовка е подолу во овој пост, а кратко видео имате и кај мене на инстаграм во reels.

Доколку сакаш здрав, вкусен и крцкав десерт или ужина, еве ти прилика да ги направиш барови од амарант и киноа. Те охрабрувам, бидејќи се многу вкусни и се прават навистина лесно и брзо. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍫 Барови од Амарант и Киноа 🍫Прочитај повеќе »

🍫 Барови од Амарант и Киноа 🍫 Read More »

🍰 Чоколадна Киноа Торта “Rudolph’s Cake” 🍰

LinkInBio, Брауни, Десерти, Рецепти, Торти и тартови / Марија

Оваа чоколадна киноа торта излезе сосем случајно, размислувајќи како би можела да направам уште поздрава чоколадна торта. Го носи името “Rudolph’s Cake”, бидејќи тоа го дадовте вие на наградувањето што го имав на мојот инстаграм профил.

И совршено и прилега. Оваа торта/колаче има длабок чоколаден вкус, мека е и сочна а можете да си играте со филување, полнење или декорации.

Се прави лесно, потребен ви е само процесор за храна и е супер здрава, поради тоа што главната состојка е киноата. Природно е засладена со урми и богата со антиоксиданси од какаото и растителни влакна и омега 3 од лененото семе.

Епа кога една торта е здрава, тогаш дефинитивно треба да се проба, нели? Не се двоумете, сварете си киноа и направете си ја оваа чоколадна киноа торта уште денес.

Зошто чоколадна киноа торта?

А зошто да не? Доколку ви се јаде нешто благо, а сепак не сакате да изедете еден тон процесиран шеќер, плус сакате да внесете добри состојки за коишто вашето тело ќе ви биде благодарно. Епа, оваа чоколадна киноа торта ги задоволува сите овие параметри.

Плус, можете да да ја декорирате како сакате и многу лесно ќе ја трансвормирате во роденденска, новогодишна, пролетна, есенска…

Можете да ја јадете за појадок, ужина или десерт со многу свежо овошје и путер од јатки или крем од индиски ореви.

Како и да ја послужите, се надевам дека ќе уживате!

А доколку ви се допадне, слободно разгледајте ги и другите рецепти од киноа кај мене на сајт

Инаку, целиот рецепт и начинот на подготовка го имате во рецептот подолу, а едно кратко видео имате и кај мене во reels на инастаграм.

Доколку си љубител на чоколадни колачиња, оваа чоколадна киноа торта е дифинитивно создадена за тебе! Те охрабрувам да ја направиш и пробаш најбрзо што можеш, и доколку ја направиш, тагни го мојот инстаграм профил @marijamarijamarija или остави мо коменар под овој пост.

…

🍰 Чоколадна Киноа Торта “Rudolph’s Cake” 🍰Прочитај повеќе »

🍰 Чоколадна Киноа Торта “Rudolph’s Cake” 🍰 Read More »

🫔 Тортиљи/врапови од Киноа 🫔

LinkInBio, Рецепти, Ручек, Тортиљи и врапови / Марија

Доколку се сеќавате на палачинките од киноа, овие тортиљи/врапови од киноа се еден сестрински рецепт. Исто е ама не е исто, нели?

Мене ми станаа едни од најчесто правените тортиљи (заедно со оние од леќа), ги правам барем два пати неделно, и можам да ви кажам дека и можете да ги јадете како солени палачинки за појадок или пак како тортиљи/врапови за ручек.

Одлично одат со хумус, тофу или сејтан, свеж зеленчук, маслинки или авокадо за комплетно балансиран оброк. Киноата, иако по составот е јаглехидрат, таа сепак таа (заедно со амарантот) е целосен извор на протеин, бидејќи ги обезбедува сите девет есенцијални амино киселини). Не знам дали ми е омилена или едноставно се трудам често да ја консумирам, па така и во некои од моите претходни објави имам пишувано за сите бенефити како и што се можете да си подготвите од Киноа -(само побарајте клучен збор киноа и ќе ви излезат сите рецепти.

Инаку, кверцетинот и кемпферолот, флавоноиди што се содржат во киноата, имаат антиинфламаторни својства. Делуваат како моќни антиоксиданси во телото, што значи дека помагаат во заштитата на клетките од оштетување предизвикано од слободните радикали.

Како да ги направите овие тортиљи/врапови од киноа?

Лесно. Како и за повеќето рецепти од киноа, прво ја киснете (колку подолго, толку подобро) па убаво ја плакнете и потоа блендате. Сепак, најважно од се за да ги направите е – нелепливо тавче.

Со овие тортиљи/врапови од киноа слободно журкајте се со зачините. Go wild и буквално дајте им го вкусот што го сакате. Од зачини што јас ги препорачувам секогаш се: куркума, лук во прав, димена пипер, оригано, сол (или зеленчуков зачин), хариса, но можете да употребите и други зачини по желба и вкус.

Потрудете се да ги наполните со извор на протеин, но пред се наполнете си ги со што ви се јаде во моментот, трпат буквално се.

И тоа е тоа, целиот рецепт и начинот на подготовка ги имате подолу во рецептот, а имате и видео кај мене во reels на инстаграм.

Ова е уште еден (овој пат во солена варијанта) рецепт за сите оние што не се љубители на киноа. Океј, за љубителите не треба многу објаснување. Значи љубител или не, ве охрабрувам да ги пробате овие тортиљи/врапови од киноа. Вкусот на киноата не доминира, меки се и сочни и пред се - МНОГУ ЗДРАВИ! Доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🫔 Тортиљи/врапови од Киноа 🫔Прочитај повеќе »

🫔 Тортиљи/врапови од Киноа 🫔 Read More »

🫔 Палачинки од Киноа 🫔

LinkInBio, Палачинки, Појадок, Рецепти, Ужина / Марија

Нека не ве буни фактот што веќе имам палачинки од киноа – овие се поинакви, тенки, француски (или crêpes). Плус, имаат помалку состојки а се подеднакво вкусни.

Веќе знаеме дека киноата се смета за супер храна, поради нејзините бенефити (маѓу кои и целосен извор на протеин, бидејќи ги обезбедува сите девет есенцијални амино киселини). Исто така, веќе знаеме дека сите палачинки од киноа се автоматски супер-палачинки, нели? Дел од бенефитите на киноата можете да ги прочитате во некои од моите претходни објави. Воедно и можете да се инспирирате што друго можете да направите од киноа. Некои од моите најчесто правени рецепти се:
🍕Пица,
🫑 Полнети пиперки,
🫐 Колаче со боровница

Знам дека многумина од вас не го сакаат вкусот на киноата – но пробајте некои од моите рецепти – нема да погрешите (плус организмот ќе ви биде благодарен).

Но да се вратиме на овие палачинки од киноа

Ова не можам да го повторам доволно пати – најважно од се за да ги направите е – нелепливо тавче и некаков блендер.

Киноата, како и за повеќето рецепти, прво ја киснете (најдобро преку ноќ) па ја плакнете и ја блендате заедно со другите состојки. Јас користев цимет, ванила и јаворов сируп, но можете да употребите и други состојки по вкус.

Внатре ги наполнив со мојот чоколаден сос (во малку погуста варијанта) и свежи малини а ги послужив со јогурт од бадем и уште малку свежи малини.

Доколку не сте особен љубител на киноа, сепак ве охрабрувам да ги пробате овие палачинки од киноа. Вкусот на киноата не доминира, меки се и сочни и пред се - МНОГУ ЗДРАВИ! Доколку ги направиш, тагни го мојот инстаграм профил @marijamarijamarija или остави мо коменар под овој пост.

…

🫔 Палачинки од Киноа 🫔Прочитај повеќе »

🫔 Палачинки од Киноа 🫔 Read More »

🍲 Печена Киноа 🍲

LinkInBio, Рецепти, Ручек / Марија

Киноа правам на многу начини, и оваа печена киноа е една од многуте мои варијации. Вкусна, здрава и прелесна за правење!

Киноа се трудам да јадам барем два пати во неделата – поради нејзината богата нутритивна природа. освен што киноата се смета за целосен извор на протеин, бидејќи ги обезбедува сите девет есенцијални амино киселини, таа е одличен извор на неколку минерали, вклучувајќи манган, фосфор, бакар, фолат, железо, магнезиум и цинк. Исто така, Јаглехидратите во киноата се состојат главно од скроб, нерастворливи влакна и мали количини шеќер и отпорен скроб.

Некои истражувања покажуваат дека киноата може да помогне во намалувањето на холестеролот во крвта, шеќерот во крвта како и триглицеридите. Исто така, помага во процесот на слабеење, нема глутен и е богата со антиоксиданси. Со причина се верува дека киноата е супер-храна, нели?

Како да ја направите мојата печена киноа

Во еден сад (секако, огноотпорен што може да оди во рерна). Убавината на овој рецепт е што не треба да валкате неколку тавчиња, тенџериња и садови. Правите се на едно место, склопувате за буквално 5 минути и печете 25 минути.

Буквално толку. За 30 минути имате Многу здрав и избалансиран ручек којшто исто така можете да си го носите и на работа, на пикник или кадебило, доколку го спакувате во сад со капак.

Јас ја правев со домати, спанаќ, тофу, маслинки и доматен сос, но вие можете да пробате и со друг избор на зеленчук. Потребно е зеленчукот што ќе го употребите да има кратко време на готвење.

Доколку сакаш киноа, мојата печена киноа е уште една опција како да ја зготвиш. Многу е едноставна и нутритивно богата. Те охрабрвам да ја направиш уште денес, бидејќи освен што е многу вкусна, се прави многу лесно и брзо а е неверојатно здрава! Доколку ја направиш, тагни го мојот инстаграм профил @marijamarijamarija или остави мо коменар под овој пост.

…

🍲 Печена Киноа 🍲Прочитај повеќе »

🍲 Печена Киноа 🍲 Read More »

киноа

🍫 Чоколаден пудинг со тофу и киноа 🍫

Зошто овој чоколаден пудинг со тофу и киноа е совршен избор?

Вкусен, кремаст и неодоливо вкусен (а сепак здрав)!

🥪 Крцкав киноа тофу сендвич со намаз од сончоглед 🥪

Како да го направите ова Киноа тофу?

Како да го направите намазот од сончоглед?

🍓 Вафли со јагоди и киноа 🍓

Зошто да ги направите овие вафли со јагоди и киноа?

🥄 Солена гранола 🥄

Додадете му „crunch“ на секое јадење

🍑 Освежителна протеинска салата 🍑

Како да си ја направите оваа освежителна протеинска салата

Никогаш доволно од протеини, нели?

🥙 „Месо“ од Киноа и Леќа 🥙

Ситните и моќни зрнца

Леќа

Во однос на нутритивни вредности

Во однос на здравствени придобивки

Останати рецепти со Леќа

Киноа

Останати рецепти со Киноа

Зошто да го направите ова „месо“ од киноа и леќа

🫘 Гранола со киноа 🫘

А сега прашањето: зошто гранола со киноа?

🍫 Барови од Амарант и Киноа 🍫

Од Инките, Маите и Ацтеките до лесен и здрав десерт

Амарант vs. Киноа

Како да ги направите моите барови од амарант и киноа?

🍰 Чоколадна Киноа Торта “Rudolph’s Cake” 🍰

Зошто чоколадна киноа торта?

🫔 Тортиљи/врапови од Киноа 🫔

Како да ги направите овие тортиљи/врапови од киноа?

🫔 Палачинки од Киноа 🫔

Но да се вратиме на овие палачинки од киноа

🍲 Печена Киноа 🍲

Како да ја направите мојата печена киноа

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️
© 2022 МаријаМаријаМарија. All rights are reserved.

киноа

Зошто овој чоколаден пудинг со тофу и киноа е совршен избор?

Вкусен, кремаст и неодоливо вкусен (а сепак здрав)!

Како да го направите ова Киноа тофу?

Како да го направите намазот од сончоглед?

Зошто да ги направите овие вафли со јагоди и киноа?

Додадете му „crunch“ на секое јадење

Како да си ја направите оваа освежителна протеинска салата

Никогаш доволно од протеини, нели?

Ситните и моќни зрнца

Леќа

Во однос на нутритивни вредности

Во однос на здравствени придобивки

Останати рецепти со Леќа

Киноа

Останати рецепти со Киноа

Зошто да го направите ова „месо“ од киноа и леќа

А сега прашањето: зошто гранола со киноа?

Од Инките, Маите и Ацтеките до лесен и здрав десерт

Амарант vs. Киноа

Како да ги направите моите барови од амарант и киноа?

Зошто чоколадна киноа торта?

Како да ги направите овие тортиљи/врапови од киноа?

Но да се вратиме на овие палачинки од киноа

Како да ја направите мојата печена киноа

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.