Marija Marija Marija

Instagram Facebook Pinterest
контакт
Menu
Menu

десерт

🫐 Колаче од киноа и овес со боровница и црно чоколадо 🫐

LinkInBio, Десерти, Колачиња и бисквити, Рецепти, Ужина /
quinoa-oat-cake-header
колаче од киноа и овес

Можеби името на ова колаче од киноа и овес со боровница и црно чоколадо му е предолго, ама и вкусот му е предобар! Ова колаче освен што е многу меко, воздушесто и вкусно, оди супер со кафе или чај и е баш здраво. Содржи протеини, многу влакна, антиоксиданси, железо и магнезиум и има низок гликемиски индекс, што го прави погодно за одржување на ниско ниво на шеќер во крвта. Уште една предност е што е безглутенско, не е многу благо, а боровницата многу освежува.

Кога го објавив прв пат на мојот инстаграм профил, не ни очекував дека ќе стане популарно, бидејќи најчесто рецептите што ми се мене омилени, не се меѓу најпопуларните – но ова колаче го разби тој малер.

Инаку, киноата се консумирала уште од страна на древните Инки, коишто ја сметале за света храна. Има повеќе видови на киноа, мешу кои бела, црна и црвена. Ова колаче го правев со бела киноа.

Ова колаче од киноа и овес можете да го јадете со јогурт и свежо овошје, со растопено црно чоколадо, со путер од јатки и секако, без ништо. Може да стои неколку денови, доколку го чувате го во фрижидер, во сад со капак.

колаче од киноа и овес
колаче од киноа и овес
колаче од киноа и овес
Доколку се уште го немаш направено ова колаче од киноа и овес, те охрабрувам, бидејќи е навистина вкусно и здраво. Доколку го направиш, тагни го мојот инстаграм профил @marijamarijamarija 
…

🫐 Колаче од киноа и овес со боровница и црно чоколадо 🫐Прочитај повеќе »

🫐 Колаче од киноа и овес со боровница и црно чоколадо 🫐 Read More »

🍪 Брзи колачиња од урми 🍪

LinkInBio, Десерти, Колачиња и бисквити, Рецепти, Ужина /
date-cookies-header

Од добро познатите факти за мене, издвојувам дека: МНОГУ сакам путер од кикирики, урми и брзи и едноставни рецепти. Ако нешто мразам е да помимнувам часови во кујна и затоа се трудам се што правам да е брзо и едноставно. Такви се и овие колачиња од урми! А за вкусот не можам да објаснам, мора да ги пробате сами. Уште еднаш, многу сум среќна што постојат crux.mk затоа што мислам дека немам пробано повкусен путер од кикирики 😍

урми
колачиња од урми состојки
колачиња од урми
колачиња од урми

Инаку, овие колачиња од урми се еден од најзачувуваните рецепти на мојот инстаграм профил – и разбирнливо, навистина се многу лесни за правење и многу многу вкусни (и многу поздрави до кој било купечки десерт или колаче!).

Урмите верувале или не се неверојатен извор на антиоксиданси. Ја подобруваат дигестијата, работата на мозокот, го контролираатнивото на шеќер во крвта, ги зајакнуваат коските, помагаат при несоница, ја подобруваат работата на срцето. Нивото на  витамин Ц и витамин Д што го содржат помага во одржувањето на еластичноста на кожата (и ја прават мазна). Толку многу моќ, во толку мало пакување 😍

Путерот од кикирики содржи омега 6 масни киселини и помага во борбата со лошиот ЛДЛ холестерол. Содржи добра количина на протеини, магнезиум, фосфор, цинк, ниацин и витамин Б6.

Значи овие колачиња не само што се десерт, туку се и лек 😆 Шала на страна, и покрај здравите компоненти, сепак и урмите и путерот од кикирики и овесот се калорични, така што препорачувам умерено консумирање.

Доколку се уште ги немаш пробано овие прелесни и пребрзи колачиња, те охрабрувам да ги направиш уште денес и доколку ги направиш, тагни го мојот инстаграм профил @marijamarijamarija 
…

🍪 Брзи колачиња од урми 🍪Прочитај повеќе »

🍪 Брзи колачиња од урми 🍪 Read More »

🌈 Воздушести палачинки од киноа 🌈

LinkInBio, Десерти, Палачинки, Појадок, Рецепти, Ужина /
quinoa-pancakes-header

Освен што се меки, овие воздушести палачинки од киноа се можеби едни од најздравите палачинки што можете да ги пробате. Киноата е моќна житарка којашто освен што е многу здрава и нутритивно богата, нејзиниот неутрален вкус ја прави многу погодна за подготовка во секакви јадења: како каша за појадок, во лепчиња, во пици, и секако, палачинки! Без разлика во каков облик ќе одберете да ја консумирате, нема да згрешите, бидејќи киноата е богата со растителен протеин, антиоксиданси, го штити срцето и другите органи од разни заболувања.

воздушести палачинки од киноа

Киноата е исто така богата со растителни влакна коишто го одржуваат нивото на шеќер во крвта, што ја прави супер-храна за намалување на ризикот од дијабетес и срцеви заболувања. Таа е одличен извор и на:

  • Фолат
  • Железо
  • Тиамин
  • Магнезиум
  • Манган
  • Фосфор
  • Калиум
  • Цинк

Сето ова ги прави овие палачинки СУПЕР-ПАЛАЧИНКИ 💖

Погодни за појадок, ужинка или десерт, овие меки и воздушести палачинки се дефинитивно одличен избор!

vozdushesti palachinki od kinoa
воздушести палачинки од киноа
воздушести палачинки од киноа
vozdushesti palachinki od kinoa

Брзи, лесни, едноставни и здрави

Овие воздушести палачинки од киноа се прават лесно, потребен ви е само блендер и нелепливо тавче за палачинки (ова е многу важно!). Ги печете без никакво масло по неколку минути од секоја страна, односно, додека да се појават меурчиња – како и за секои други американски палачинки.

Од оваа доза јас направив 18 мали парчиња (~8 цм во дијаметар, но вие можете да ги направите во големината што вам ви одговара.

Послужете ги со свежо овошје, путер од јатки, јогурт, гранола, непечени јатки или само полијте ги со јаворов сируп.

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку си љубител на палачинки, дефинитивно те охрабрувам да си покиснеш киноа за утре и да ги направиш овие воздушести палачинки од киноа. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🌈 Воздушести палачинки од киноа 🌈Прочитај повеќе »

🌈 Воздушести палачинки од киноа 🌈 Read More »

🍫Чоколадна гранола 🍫

LinkInBio, Гранола, Појадок, Рецепти /
chocolate granola - header

Сите заслужуваме чоколадна гранола во нашиот живот. А, оваа чоколадна гранола, освен што е мнооооогу вкусна, исто така е нутритивно богата, полна со омега-3 и други здрави масти, влакна, протеин, магнезиум, витамин Е, Б3, Б6, антиоксиданси и минерали. Ќе ви помогне во намалување инфламацијата, ја подобрува функцијата на срцето и мозокот, го намалува нивото на шеќер во крвта, и ве држи сите долг период. Не гледам зошто не би ја направиле уште веднаш, нели?

чоколадна гранола
чоколадна гранола
чоколадна гранола

Се прави во еден сад, навистина брзо и лесно, а брзо и се пече – готова е за 10/12 минути. Можете да ја јадете за појадок со растителен (вегански) јогурт или млеко, за ужина, па дури и како десерт. Искомбинирајте ја со смути, овесна каша или чиа пудинг и свежо овошје.

Гранолата е супер опција за почеток на денот. Доколку ја направите дома ќе знаете дека внесувате нутритивно богат и балансиран оброк полн со здрави масти, јаглехидрати и дури и протеини. Ќе ви даде енергија и ќе ве држи сити до ручекот. Плус какаото е одличен антиоксиданс, ја подобрува работата на срцето и мозокот и придонесува за здравјето на кожата и забите. 

Доколку си еден од ретките што се уште ја нема пробано и направено чоколаднава гранола, еве прилика да ја направиш. Те охрабрувам, бидејќи веројатноста и ти да се навлечеш е ГОЛЕМА. Многу е вкусна и навистина лесно се прави. Доколку ја направиш, тагни го мојот инстаграм профил @marijamarijamarija 
…

🍫Чоколадна гранола 🍫Прочитај повеќе »

🍫Чоколадна гранола 🍫 Read More »

🍯 Таан карамел барови 🍯

LinkInBio, Барови, Десерти, Рецепти /
tahini-caramel-bars-header

Порано воопшто не сакав таан, но некако како поминуваше времето не само што почав се повеќе да го јадам, туку ми стана и еден од омилените путери. Овие таан карамел барови прв пат ги направив пред некоја година кога прв пат ги објавив на мојот инстаграм профил и многу брзо се навлеков на нив. Посебно ако земеме предвид колку е таанот добар за нас, пред се, бидејќи е богат со антиоксиданси и анти-инфламаторски својства, уште повеќе ќе ги засакате 😊

таан карамел барови
таан карамел барови
таан карамел барови

А овие таан карамел барови се вистинско слатко уживање. Крцкава сонова, солен карамел и горко чоколадо – вистинска слатка награда за душата. Одат одлично со кафе или чај а стојат долго во замрзнувач (но сигурна сум дека брзо ќе го снема)

Карамелот од урми, што е основа на карамелот во овие барови, освен што е супер здрава алтернатива е многу вкусен и ви препорачувам секогаш да си го чувате во тегличка во фрижидер. Ќе ви се најде за некој десерт или едноставно кога имате потреба да се заблажите а притоа да не посегате по некое купечко и преработено слатко.

Доколку се уште ги немаш пробано и направено овие таан карамел барови, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija 
…

🍯 Таан карамел барови 🍯Прочитај повеќе »

🍯 Таан карамел барови 🍯 Read More »

🥥 Здрави Баунти барови 🥥

LinkInBio, Барови, Десерти, Рецепти /

БАУНТИ БАРОВИ – едни од 4-те омилени чоколадни десерти, заедно со Твикс, Сникерс и Марс (за сите имам здрави варијанти, без грижи). За жал, оние, вистинските чоколади се процесирани и преполни со шеќери па затоа решив дека ќе ги направам овие, поздрави и со само 7 гр. јаглехидрати од парче! 😍

баунти барови
баунти барови
баунти барови
baunti barovi

Овие Баунти барови се прават многу лесно и релативно брзо а за трикот за совршената баунти форма е да ги правите помеѓу палецот и показалецот (како на сликата). Кога ги направив првиот пат, беа хит рецепт објавен на мојот инстаграм профил и од тогаш си ги правам често. Доколку не користите засладувач и доколку користите црно чоколадо со висок процент и без шеќер ќе добиете супер здрав десерт, а сите го сакаме тоа, нели?

Еден #funfact за кокосовиот орев: може да се третира како јатка, како семка или како овошје, во зависност од вашето гледиште и критериум. 😆 Сепак, во кулинарскиот свет, кокосот се третира како овошје. Познат е по специфичниот слаткаст, јаткаст па дури и по малку тропски вкус.

Инаку, од нутриционистички аспкт, кокосовиот орев се смета за извор на здрави масти. Месото од кокосот содржи протеини и диететски влакна и некои минерали како железо, магнезиум, манган. Низ вековите кокосовиот орев се користел во традиционалната медицина за заштита од болести и инфекции. Се користел и за намалување на инфламацијата, уништување на бактериите и како против-отров. Па ако ви требаше и оправдување зошто МОРА да ги направите овие баунти барови, сега го имате! 🥥🥥🥥

Доколку си еден од ретките што се уште ги нема пробано и направено овие баунти барови, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija 
…

🥥 Здрави Баунти барови 🥥Прочитај повеќе »

🥥 Здрави Баунти барови 🥥 Read More »

🥞 Палачинки од овес и банана 🥞

LinkInBio, Палачинки, Појадок, Рецепти, Ужина /
banana-oat-pancakes-header

Ако сте љубител на американски палачинки на куп за појадок или „бранч“ овие палачинки од овес и банана се дефинитивно за вас! 

Инаку, овој рецепт е или најправениот или барем во од топ пет најправени мои рецепти објавени на мојот инстаграм профил. И со причина! Овие палачинки од овес и банана се супер лесни, воздушести и здрави вегански палачинки. Имаат 9 состојки и се минимално природно засладени со само 2 лажици јаворов сируп.

палачинки од овес и банана

Палачинкиве прв пат ги направив поодамна, и до сега ги имам направено во две варијанти – регуларна големина на американска палачинка како и во мини варијанта, за во чинија со овошје, јатки или јогурт. Но, базата од рецептот ми е скоро секогаш иста па потоа додавам или одземам по некоја состојка, како на пример палачинките со Мача.

Овие палачинки одат со путер од јатки, свежо или замрзнато овошје, чоколаден сос или прелив од јаворов сируп и семки. 

палачинки од овес и банана
палачинки од овес и банана
палачинки од овес и банана

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку си еден од ретките што се уште ги нема пробано и направено овие палачинки од овес и банана, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija 
…

🥞 Палачинки од овес и банана 🥞Прочитај повеќе »

🥞 Палачинки од овес и банана 🥞 Read More »

🌰 Слатко-горки бомбици со таан и ореви 🌰

LinkInBio, Бомбици, Десерти, Рецепти, Ужина /
bitter-sweat-truffles-header

Бомбици се еден од наједноставните и најлесни за подготовка десерти. Сите бомбици што ќе ги најдете овде се од сирови состојки, целосна и непреработена храна, без бел и вештачки шеќер, без непотребни додатоци, со здрави масти, безглутенски и пред сè, МНОГУ ВКУСНИ. Такви се и овие бомбици со таан.

бомбици со таан

За разлика од класичните бомбици, јас се трудам моите да не ги „трупам“ со шеќери, затоа што целта ми е да може секој да ги јаде. Кога се консумираат умерено, не само што не се штетни, туки и се многу здрави. Убавината е што стојат во фрижидер, а може и да се замрзнат.

Е сега малку за комбинацијата какао + ореви + таан. Нема да верувате колку е убава и многу, многу здрава. Овие бомбици со таан се навистина „слатко-горки“ имаат една посебно нежна нота на сусам (плус крцкаат од сусамот).

А кога велам здрави бомбици, мислам на следново:

Какаото, таанот  и оревите се многу богати со антиоксиданси. Оревите се одличен извор на омега-3 масни киселини и можат да ја намалат инфламацијата (воспалението). Иако се доста калорични, сепак можат да помогнат во процесот на слабеење. Исто така, можат да го намалат крвниот притисок, и да ја подобрат функцијата на мозокот. Таанот, пак, има антибактериски и антиинфламаторни својства. Придонесува за зајакнување на централниот нервен систем и ја подобрува функцијата на бубрезите и црниот дроб. Мислам дека ова се доволно добри причини уште веднаш да ги направите бомбициве и да си ги чувате во фрижидер за вашата следна ужинка или десерт.

бомбици со таан
bombici so taan
bombici so taan

За да ги направите, потребен ви е процесор за храна или блендер за да ги сомелете сите состојки. 

Доколку си еден од ретките што се уште ги нема пробано и направено овие превкусни слатко-горки бомбици со таан, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija 
…

🌰 Слатко-горки бомбици со таан и ореви 🌰Прочитај повеќе »

🌰 Слатко-горки бомбици со таан и ореви 🌰 Read More »

🍓 Палачинки од Јагоди 🍓

LinkInBio, Палачинки, Појадок, Рецепти, Ужина /
strawberry-pancakes-header

Во последно време ми стана многу интересно да експериментирам со здрави варијации на палачинки, па еве уште едни – палачинки од јагоди: овошни, освежителни, пролетни и лесни – совршени за појадок, ужина или десерт.

палачинки од јагоди

Овие палачинки од јагоди имаат само 4 состојки, се прават многу брзо и лесно и навистина се многу вкусни. Доколку немате јагоди можете да ставите малини, боровници или друго шумско овошје, по ваша желба.

Овојето може да биде смрзнато или свежо, зависно од сезоната и што имате во моментот.

Можеби не се најправените палачинки ама котираат високо на листата мои рецепти објавени на мојот инстаграм профил. 

палачинки од јагоди
палачинки од јагоди

Јагодите инаку се одличен извор на витамин Ц и манган, а исто така содржат солидни количини на фолати (витамин Б9) и калиум. Богати се со антиоксиданси и можат да го подобрат здравјето на срцето и да го намалат нивото на шеќер во крвта. Плус се многу вкусни и освежителни, што ги прави овие палачинки, вистинско неодоливо уживање!

(‼️) Како и за повеќето палачинки, и за овие е МНОГУ важно да ги печете на нелепливо тавче. 

Доколку си еден од ретките што се уште ги нема пробано и направено овие палачинки од јагоди, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🍓 Палачинки од Јагоди 🍓Прочитај повеќе »

🍓 Палачинки од Јагоди 🍓 Read More »

🥞 Тројно чоколадни палачинки 🥞

LinkInBio, Палачинки, Појадок, Рецепти, Ужина /
tripple-chocolate-pancakes-header

Љубители на интензивен чоколаден вкус – имам нешто за вас! 

Се чини дека од палачинки никогаш доста па еве еден нов, брз и три пати почоколаден (секако здрав и без додаден шеќер) рецепт за американски палачинки. Не е изненадување дека овие тројно чоколадни палачинки излегоа превкусни и пречоколадни, нели?! Плус, чоколадниот сос во комбинација со путерот од кикиритки на crux.mk е СОН 😍 

тројно чоколадни палачинки
тројно чоколадни палачинки
тројно чоколадни палачинки

Тоа што се чоколадни, не значи дека не можете да ги јадете за појадок, но супер функционираат како ужинка или десерт. Имаат само 5 состојки и се прават за 5 минути (без печењето). Меки се и воздушести, а поради тоа што имаат многу какао се и супер здрави. 

Овие тројно чоколадни палачинки ги вбројувам во категоријата на рецепти коишто се едни од најправените до сега објавени мои рецепти на мојот инстаграм профил. 

Одлично одат со путер од кикирики, свежо или замрзнато овошје, но и само така, без никаков додаток, како ужинка.
тројно чоколадни палачинки

(‼️) Како и за повеќето палачинки, и за овие е важно да ги печете на нелепливо тавче. 

Доколку си еден од ретките што се уште ги нема пробано и направено овие тројно чоколадни палачинки, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🥞 Тројно чоколадни палачинки 🥞Прочитај повеќе »

🥞 Тројно чоколадни палачинки 🥞 Read More »

🥞 Најлесните палачинки на светот 🥞

LinkInBio, Палачинки, Појадок, Рецепти, Ужина /
buckwheat-pancakes-header

Ова се дефинитивно најлесните палачинки на светот со само 2 состојки: вода и хељда. Останатото го додавате по вкус и желба. Мислам дека луѓето се делат на 2 типа: оние што сакаат американски палачинки и оние што сакаат француски палачинки (crêpes, тенки, како што ги правиме ние). Ова се такви, тенки само многу лесни и многу здрави!

најлесните палачинки на светот

Се прават со само 2 состојки.
Немаат глутен, немаат никаков шеќер, што значи можете да ги јадете и со солен фил.

Хељдата е инаку супер извор на растителен протеин, богата е со диететкси влакна, има многу низок гликемиски индекс – што значи дека јаглехидратите споро се абсорбираат во крвотокот и на вашето тело му овозможуваат стабилен енергетски тек (не создава нагли покачувања на нивото на шеќер во крвта) што ја прави погодна и за дијабетичари. 

палачинки од хељда
палачинки од хељда

Освен што се најлесните палачинки на светот, овие палачинки од хељда се доста популарни, и дефинитивно ги вбројувам во категоријата на рецепти коишто се едни од најправените до сега објавени мои рецепти на мојот инстаграм профил. 

најлесните палачинки на светот

🥞 Доколку се решите за солено полнење еве ви предлог: хумус, свеж чери домат, свежа краставица, маслинки, младо кромитче.
🥞 Доколку се решите за благо полнење еве ви предлог: направете смеса од домашен џем од чиа-јагоди и јогурт од бадеми, плус свежи јагоди. Прелијте со чоколаден сос, путер од кикирики crux.mk , јагоди, боровници и кокос. 

(‼️) Како и за повеќето палачинки, и за овие е важно да ги печете на нелепливо тавче. 

Доколку си еден од ретките што се уште ги нема пробано и направено најлесните палачинки на светот, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija или остави ми коментар под овој пост.
…

🥞 Најлесните палачинки на светот 🥞Прочитај повеќе »

🥞 Најлесните палачинки на светот 🥞 Read More »