Рецепти Archives - Page 18 of 19

👩🏻‍🌾 Гранола “торта од морков” 👩🏻‍🌾

LinkInBio, Гранола, Појадок, Рецепти / Марија

Оваа гранола од морков е трет вид на гранола што го правам и веќе сè потешко ми е да се одлучам која ми е омилена. Додека не ја направив чоколадната, бев „навлечена“ на таа од хељда. Па потоа, не прекинав да ја правам чоколадната. Е сега некако да ми преовлада овој вкус на „торта од морков“. Овошно-јаткаст и совршен! Изгледа дека додека не направам некоја нова гранола (а веќе имам една на ум) ќе бидам „навлечена на оваа“. Како и секоја друга гранола, МНОГУ лесно се прави, здрава е, вкусна и минимално природно засладена со само 2 лажици јаворов сируп на целата количина. Верувајте ми на зборот, МОРАТЕ да ја пробате!

Да ве потсетам дека консумирањето на домашна гранола има многу здравствени придобики а дел од нив се и:

Помага при слабеење,
Ја подобрува когнитивната активност
Го подобрува крвниот притисок,
Помага при превенција на анемија
Го намалува нивото на холестерол,
Го намалува високиот крвен притисок,
Помага во превенција на некои заболувања
Го подобува здравјето на дигестивниот тракт,

Секако, оваа гранола од морков можете да ја јадете како додаток на вашето смути, овесна каша, чиа пудинг или пудинг од ленено семе, со јогурт или растително млеко и свежо овошје. Можете дури и да ја ставите како додаток на палачинки.

Како и да решите да ја консумирате, нема да погрешите 😍

Доколку се уште ја немаш пробано и направено оваа гранола од морков, еве прилика да ја направиш. Те охрабрувам, бидејќи е превкусна и прелесна. Доколку ја направиш, тагни го мојот инстаграм профил @marijamarijamarija

…

👩🏻‍🌾 Гранола “торта од морков” 👩🏻‍🌾Прочитај повеќе »

👩🏻‍🌾 Гранола “торта од морков” 👩🏻‍🌾 Read More »

🥣 Пудинг од Ленено семе 🥣

LinkInBio, Каши и пудинзи, Појадок, Рецепти / Марија

Чиа пудингот е популарен избор за појадок веќе неколку години, што е навистина супер. Го има да се купи како подготвен оброк скоро секаде со најразлични додатоци – свежо и смрзнато овошје, протеини, путери од јатки, чоколадни кремови… А лесно може да си го направите и дома. Но, доколку ја јадете често, и веќе ви е здосадена, еве една алтернатива – подеднакво брза и едноставна за правење и подеднакво здрава! Пудинг од ленено семе!

Ленено vs. Чиа семе

И чиата и ленот се подеднакво нутритивно богати и двете семиња имаат големи здравствени бенефити (на пример поздраво срце, пониско ниво на шеќер во крвта итн.) Разликата е, секако, во типот (видот) и потеклото. Чиата потекнува од Мексико и Гватемала и била основа на исхраната на Маите и Ацтеките, додека лененото семе потекнува од Блискиот Исток. На вкус исто така се разликуваат – чиата нема некој посебен вкус, додека кај лененото семе има некоја јаткаста нота. И секако, разликата во нутритивната вредност. Додека и двете семиња содржат солидна количина на протеин и омега-3 масни киселини, сепак ленот содржи малку повеќе омега-3 и повеќе калиум. Чиата пак, има помалку калории и калциум и малку повеќе железо и фосфор.

Во секој случај, и двете семиња се многу здрави и помагаат за одржување на здраво срце, силни коски, добро варење на храната и одржување на шеќерот во крвта.

Лененото семе содржи повеќе растворливи влакна од Чиата, па поради тоа може да има поголема ефикасност во намалување на гладот и апетитот и се смета дека е поефикасен во борбата со одредени ракови.

Овој пудинг од ленено семе е супер опција за вашиот следен појадок, во комбинација со свежо или смрзнато овошје, путер од јатки или гранола.

Доколку се уште го немаш направено овој пудинг од ленено семе, еве прилика да ги направиш. Те охрабрувам, бидејќи е навистина вкусен и лесен. Доколку го направиш, тагни го мојот инстаграм профил @marijamarijamarija

…

🥣 Пудинг од Ленено семе 🥣Прочитај повеќе »

🥣 Пудинг од Ленено семе 🥣 Read More »

🍯 Таан карамел барови 🍯

LinkInBio, Барови, Десерти, Рецепти / Марија

Порано воопшто не сакав таан, но некако како поминуваше времето не само што почав се повеќе да го јадам, туку ми стана и еден од омилените путери. Овие таан карамел барови прв пат ги направив пред некоја година кога прв пат ги објавив на мојот инстаграм профил и многу брзо се навлеков на нив. Посебно ако земеме предвид колку е таанот добар за нас, пред се, бидејќи е богат со антиоксиданси и анти-инфламаторски својства, уште повеќе ќе ги засакате 😊

А овие таан карамел барови се вистинско слатко уживање. Крцкава сонова, солен карамел и горко чоколадо – вистинска слатка награда за душата. Одат одлично со кафе или чај а стојат долго во замрзнувач (но сигурна сум дека брзо ќе го снема)

Карамелот од урми, што е основа на карамелот во овие барови, освен што е супер здрава алтернатива е многу вкусен и ви препорачувам секогаш да си го чувате во тегличка во фрижидер. Ќе ви се најде за некој десерт или едноставно кога имате потреба да се заблажите а притоа да не посегате по некое купечко и преработено слатко.

Доколку се уште ги немаш пробано и направено овие таан карамел барови, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija

…

🍯 Таан карамел барови 🍯Прочитај повеќе »

🍯 Таан карамел барови 🍯 Read More »

🥥 Здрави Баунти барови 🥥

LinkInBio, Барови, Десерти, Рецепти / Марија

БАУНТИ БАРОВИ – едни од 4-те омилени чоколадни десерти, заедно со Твикс, Сникерс и Марс (за сите имам здрави варијанти, без грижи). За жал, оние, вистинските чоколади се процесирани и преполни со шеќери па затоа решив дека ќе ги направам овие, поздрави и со само 7 гр. јаглехидрати од парче! 😍

Овие Баунти барови се прават многу лесно и релативно брзо а за трикот за совршената баунти форма е да ги правите помеѓу палецот и показалецот (како на сликата). Кога ги направив првиот пат, беа хит рецепт објавен на мојот инстаграм профил и од тогаш си ги правам често. Доколку не користите засладувач и доколку користите црно чоколадо со висок процент и без шеќер ќе добиете супер здрав десерт, а сите го сакаме тоа, нели?

Еден #funfact за кокосовиот орев: може да се третира како јатка, како семка или како овошје, во зависност од вашето гледиште и критериум. 😆 Сепак, во кулинарскиот свет, кокосот се третира како овошје. Познат е по специфичниот слаткаст, јаткаст па дури и по малку тропски вкус.

Инаку, од нутриционистички аспкт, кокосовиот орев се смета за извор на здрави масти. Месото од кокосот содржи протеини и диететски влакна и некои минерали како железо, магнезиум, манган. Низ вековите кокосовиот орев се користел во традиционалната медицина за заштита од болести и инфекции. Се користел и за намалување на инфламацијата, уништување на бактериите и како против-отров. Па ако ви требаше и оправдување зошто МОРА да ги направите овие баунти барови, сега го имате! 🥥🥥🥥

Доколку си еден од ретките што се уште ги нема пробано и направено овие баунти барови, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija

…

🥥 Здрави Баунти барови 🥥Прочитај повеќе »

🥥 Здрави Баунти барови 🥥 Read More »

🥞 Палачинки од овес и банана 🥞

LinkInBio, Палачинки, Појадок, Рецепти, Ужина / Марија

Ако сте љубител на американски палачинки на куп за појадок или „бранч“ овие палачинки од овес и банана се дефинитивно за вас!

Инаку, овој рецепт е или најправениот или барем во од топ пет најправени мои рецепти објавени на мојот инстаграм профил. И со причина! Овие палачинки од овес и банана се супер лесни, воздушести и здрави вегански палачинки. Имаат 9 состојки и се минимално природно засладени со само 2 лажици јаворов сируп.

Палачинкиве прв пат ги направив поодамна, и до сега ги имам направено во две варијанти – регуларна големина на американска палачинка како и во мини варијанта, за во чинија со овошје, јатки или јогурт. Но, базата од рецептот ми е скоро секогаш иста па потоа додавам или одземам по некоја состојка, како на пример палачинките со Мача.

Овие палачинки одат со путер од јатки, свежо или замрзнато овошје, чоколаден сос или прелив од јаворов сируп и семки.

(‼️) Како и за повеќето палачинки, и за овие е МНОГУ важно да ги печете на нелепливо тавче.

Доколку си еден од ретките што се уште ги нема пробано и направено овие палачинки од овес и банана, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija

…

🥞 Палачинки од овес и банана 🥞Прочитај повеќе »

🥞 Палачинки од овес и банана 🥞 Read More »

🌰 Слатко-горки бомбици со таан и ореви 🌰

LinkInBio, Бомбици, Десерти, Рецепти, Ужина / Марија

Бомбици се еден од наједноставните и најлесни за подготовка десерти. Сите бомбици што ќе ги најдете овде се од сирови состојки, целосна и непреработена храна, без бел и вештачки шеќер, без непотребни додатоци, со здрави масти, безглутенски и пред сè, МНОГУ ВКУСНИ. Такви се и овие бомбици со таан.

За разлика од класичните бомбици, јас се трудам моите да не ги „трупам“ со шеќери, затоа што целта ми е да може секој да ги јаде. Кога се консумираат умерено, не само што не се штетни, туки и се многу здрави. Убавината е што стојат во фрижидер, а може и да се замрзнат.

Е сега малку за комбинацијата какао + ореви + таан. Нема да верувате колку е убава и многу, многу здрава. Овие бомбици со таан се навистина „слатко-горки“ имаат една посебно нежна нота на сусам (плус крцкаат од сусамот).

А кога велам здрави бомбици, мислам на следново:

Какаото, таанот и оревите се многу богати со антиоксиданси. Оревите се одличен извор на омега-3 масни киселини и можат да ја намалат инфламацијата (воспалението). Иако се доста калорични, сепак можат да помогнат во процесот на слабеење. Исто така, можат да го намалат крвниот притисок, и да ја подобрат функцијата на мозокот. Таанот, пак, има антибактериски и антиинфламаторни својства. Придонесува за зајакнување на централниот нервен систем и ја подобрува функцијата на бубрезите и црниот дроб. Мислам дека ова се доволно добри причини уште веднаш да ги направите бомбициве и да си ги чувате во фрижидер за вашата следна ужинка или десерт.

За да ги направите, потребен ви е процесор за храна или блендер за да ги сомелете сите состојки.

Доколку си еден од ретките што се уште ги нема пробано и направено овие превкусни слатко-горки бомбици со таан, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija

…

🌰 Слатко-горки бомбици со таан и ореви 🌰Прочитај повеќе »

🌰 Слатко-горки бомбици со таан и ореви 🌰 Read More »

🍫 Најлесниот чоколаден сос 🍫

LinkInBio, Рецепти, Сосови, макала, намази и кремови / Марија

Време е да престанете да користите готови чоколадни преливи и сосови, затоа што овде го имате најлесниот чоколаден сос: толку брз, едноставен и здрав што дефинитивно нема да имате ниту потреба, ниту желба да користите друг.

Најлесниот чоколаден сос се прави за буквално 3 минути и потребни се само 3 состојки: какао, вода и јаворов сируп (или засладувач по ваша желба*) и е одличен додаток во вашиот појадок, ужинка или десерт.

Одлично оди врз вашата овесна каша, чиа пудинг, или пудинг од ленено семе. Супер е како прелив врз овошна салата, како прелив врз палачинки и останати десерти. Генерално, одлично оди со се што може да добие чоколаден прелив.

Плус, какаото е многу здраво, ја намалува инфламацијата (воспаленијата) и може да ве заштити од одредени заболувања бидејќи е богато со полинутриенти а има ниска количина на масти и калории (само 12 калории во 1 супена лажица).

Доколку си еден од ретките што се уште го нема пробано и направено најлесниот чоколаден сос, те охрабрувам да го направиш уште денес. Се прави за буквално 3 минути, а доколку го направиш, тагни го мојот инстаграм профил @marijamarijamarija

Печати рецепт

🍫 Најлесниот чоколаден сос 🍫

Време на подготовка3

Вкупно време3

Состојки

2 с.л. какао полни лажици
4-5 с.л. вода
1 с.л. јаворов сируп (или сируп по ваша желба**)

Инструкции

Во сад го ставате какаото, додавате засладувач и вода најпрво 4 лажици, па ако е премногу густо (ова зависи од типот на какаото) додавате уште малку вода.
Мешате со лажичка се додека не добиете течна кремаста смеса во вид на прелив
Полевате врз палачинките од овес и банана, тројно чоколадните палачинки, палачинките од хељда или палачинките од јагода

Вкупно парчиња:
(препорачана порција: 3 лажици)
Нутритивни вредности:
Калории: 100 kcal
Протеини: 4 гр.
Масти: 2 гр.
Јаглехидрати: 27 гр.
Влакна: 2 гр.
Калиум: 84 мг.

* с.л. = супена лажица - ќе го користам како кратенка*
* Доколку користите мед, поради неговата густина, ќе треба да се додаде топла вода и поголема количина и не сум сигурна дали ќе се добие истиот крем (бидејки јас не користам мед)

[Поврзано] Тројно чоколадни палачинки

‼️Сите фотографии се оригинални, направени од страна на МаријаМаријаМарија, и истите не смеат да се користат без претходно одобрување. Доколку сакате да користите некои од моите фотографии, слободно исконтактирајте ме 💌 .

🍫 Најлесниот чоколаден сос 🍫 Read More »

🍓 Палачинки од Јагоди 🍓

LinkInBio, Палачинки, Појадок, Рецепти, Ужина / Марија

Во последно време ми стана многу интересно да експериментирам со здрави варијации на палачинки, па еве уште едни – палачинки од јагоди: овошни, освежителни, пролетни и лесни – совршени за појадок, ужина или десерт.

Овие палачинки од јагоди имаат само 4 состојки, се прават многу брзо и лесно и навистина се многу вкусни. Доколку немате јагоди можете да ставите малини, боровници или друго шумско овошје, по ваша желба.

Овојето може да биде смрзнато или свежо, зависно од сезоната и што имате во моментот.

Можеби не се најправените палачинки ама котираат високо на листата мои рецепти објавени на мојот инстаграм профил.

Јагодите инаку се одличен извор на витамин Ц и манган, а исто така содржат солидни количини на фолати (витамин Б9) и калиум. Богати се со антиоксиданси и можат да го подобрат здравјето на срцето и да го намалат нивото на шеќер во крвта. Плус се многу вкусни и освежителни, што ги прави овие палачинки, вистинско неодоливо уживање!

(‼️) Како и за повеќето палачинки, и за овие е МНОГУ важно да ги печете на нелепливо тавче.

Доколку си еден од ретките што се уште ги нема пробано и направено овие палачинки од јагоди, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🍓 Палачинки од Јагоди 🍓Прочитај повеќе »

🍓 Палачинки од Јагоди 🍓 Read More »

🥞 Тројно чоколадни палачинки 🥞

LinkInBio, Палачинки, Појадок, Рецепти, Ужина / Марија

Љубители на интензивен чоколаден вкус – имам нешто за вас!

Се чини дека од палачинки никогаш доста па еве еден нов, брз и три пати почоколаден (секако здрав и без додаден шеќер) рецепт за американски палачинки. Не е изненадување дека овие тројно чоколадни палачинки излегоа превкусни и пречоколадни, нели?! Плус, чоколадниот сос во комбинација со путерот од кикиритки на crux.mk е СОН 😍

Тоа што се чоколадни, не значи дека не можете да ги јадете за појадок, но супер функционираат како ужинка или десерт. Имаат само 5 состојки и се прават за 5 минути (без печењето). Меки се и воздушести, а поради тоа што имаат многу какао се и супер здрави.

Овие тројно чоколадни палачинки ги вбројувам во категоријата на рецепти коишто се едни од најправените до сега објавени мои рецепти на мојот инстаграм профил.
Одлично одат со путер од кикирики, свежо или замрзнато овошје, но и само така, без никаков додаток, како ужинка.

(‼️) Како и за повеќето палачинки, и за овие е важно да ги печете на нелепливо тавче.

Доколку си еден од ретките што се уште ги нема пробано и направено овие тројно чоколадни палачинки, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🥞 Тројно чоколадни палачинки 🥞Прочитај повеќе »

🥞 Тројно чоколадни палачинки 🥞 Read More »

🍕 Најлесното тесто за пица од сладок компир 🍕

Пици, Рецепти, Ручек / Марија

Пица од сладок компир?!? Молам?

Да, добро прочитавте! Пица од сладок компир – доколку не сте ја направиле и ве интересира како да ја направите, продолжете со читање…

Пицата е едно од омилените јадења на повеќето од нас. Но, пицата сама по себе не е едно од „најздравите“ оброци што може да ги изедете. Посебно, доколку избегнувате бело брашно како мене.

Епа од пуста желба за пица, оваа пица од сладок компир ја направив сосем случајно летото, и од тогаш наваму ја правам еднаш во две недели. А, и стана еден од топ пет најправени мои рецепти објавени на мојот инстаграм профил. Со причина – одлична е! И навистина лесна, со само 3 состојки!

Слаткиот компир, е многу здрав – содржи витамин Б, витамин Ц, Калциум, Железо, Магнезиум, Фосфор, Калиум, Цинк. Добар извор е на растителен протеин. Само еден сладок компир ќе задоволи 400% од дневните потреби на витамин А. Ќе ви помогне да го одржите здравјето на очите и ќе го подобри вашиот имунитет. А добар е и за бубрезите и срцето.

Како да ја направите мојата пица од сладок компир

Инаку оваа пица од сладок компир можете да ја збогатите со топинзи по желба, но мојата препорака е да се задржите на зеленчук, печурки, тофу и маслинки, заради добар баланс. Целиот рецепт и начинот на подготовка го имате подолу, додека кратко видео од подготовката имате и кај мене на инстаграм во reels. И на се ова, можам само да додадам – направете си ја еднаш, нема да зажалите. Напротив, ќе си ја правите многу често. Плус, оваа пица е уште еден креативен начин да внесете повеќе зеленчук во исхраната. Или да подметнете зеленчук доколку имате „пребирлив јадач“.

Доколку си еден од ретките што се уште ја нема направено оваа пица од сладок компир, те охрабрувам да ја направиш уште денес и доколку ја направиш, тагни го мојот инстаграм профил @marijamarijamarija или остави ми коментар под овој пост.

…

🍕 Најлесното тесто за пица од сладок компир 🍕Прочитај повеќе »

🍕 Најлесното тесто за пица од сладок компир 🍕 Read More »

🥞 Најлесните палачинки на светот 🥞

LinkInBio, Палачинки, Појадок, Рецепти, Ужина / Марија

Ова се дефинитивно најлесните палачинки на светот со само 2 состојки: вода и хељда. Останатото го додавате по вкус и желба. Мислам дека луѓето се делат на 2 типа: оние што сакаат американски палачинки и оние што сакаат француски палачинки (crêpes, тенки, како што ги правиме ние). Ова се такви, тенки само многу лесни и многу здрави!

Се прават со само 2 состојки.
Немаат глутен, немаат никаков шеќер, што значи можете да ги јадете и со солен фил.

Хељдата е инаку супер извор на растителен протеин, богата е со диететкси влакна, има многу низок гликемиски индекс – што значи дека јаглехидратите споро се абсорбираат во крвотокот и на вашето тело му овозможуваат стабилен енергетски тек (не создава нагли покачувања на нивото на шеќер во крвта) што ја прави погодна и за дијабетичари.

Освен што се најлесните палачинки на светот, овие палачинки од хељда се доста популарни, и дефинитивно ги вбројувам во категоријата на рецепти коишто се едни од најправените до сега објавени мои рецепти на мојот инстаграм профил.

🥞 Доколку се решите за солено полнење еве ви предлог: хумус, свеж чери домат, свежа краставица, маслинки, младо кромитче.
🥞 Доколку се решите за благо полнење еве ви предлог: направете смеса од домашен џем од чиа-јагоди и јогурт од бадеми, плус свежи јагоди. Прелијте со чоколаден сос, путер од кикирики crux.mk , јагоди, боровници и кокос.

(‼️) Како и за повеќето палачинки, и за овие е важно да ги печете на нелепливо тавче.

Доколку си еден од ретките што се уште ги нема пробано и направено најлесните палачинки на светот, еве прилика да ги направиш. Те охрабрувам, бидејќи се навистина вкусни и лесни. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🥞 Најлесните палачинки на светот 🥞Прочитај повеќе »

🥞 Најлесните палачинки на светот 🥞 Read More »

🍌 Протеинско чоколадно банана лепче 🍌

LinkInBio, Лепчиња, Појадок, Рецепти, Слатки лепчиња, Ужина / Марија

Ова е прв пат да направам друг обид за банана лепче, бидејќи едноставно мислам дека двослојното банана лепче е апсолутно непобедливо. АМА сепак решив да се обидам да го направам овој протеинско чоколадно банана лепче и со тешко срце морам да признаам дека излезе ПРЕ-ПРЕ-ПРЕВКУСЕН! Прво, нема никаков додаден шеќер, сем бананата (што е апсолутна победа) – бидејќи користев многу зрели (скоро кафени банани – тие се најблаги). Второ, користев чоколаден вегански протеин што му даде супер чоколадна нота и ја зголеми протеинската вредност. Трето, користев капки од црно чоколадо и какао парчиња за уште повеќе антиоксиданси.

протеинско чоколадно банана лепче парчиња

Нема дилема дека ова протеинско чоколадно банана лепче е супер здраво за појадок, десерт или ужина. Нема глутен, и буквално нема ниту една лоша состојка. Од надвор е крцкаво а внатре е меко и сочно, налик колаче.

Одлично оди со путер од јатки и свежо овошје. Има преубав чоколаден вкус а нема никаков шеќер – it’s magic! ✨

протеинско чоколадно банана лепче состојки

_{Плус, подготовката е толку лесна, се прави во еден сад и потребен ви е само блендер (или мелница) за да го сомелете овесот или бадемите. Бананата ја пасирате со вилушка и во истиот сад ги мешате состојките – ова е причина плус, бидејќи не се прави неред во кујна!}

Доколку го нема пробано и направено ова протеинско чоколадно банана лепче, те охрабрувам да го направиш ова, има супер чоколаден вкус, нема шеќер и е навистина вкусен и лесен. Доколку го направиш, тагни го мојот инстаграм профил @marijamarijamarija

…

🍌 Протеинско чоколадно банана лепче 🍌Прочитај повеќе »

🍌 Протеинско чоколадно банана лепче 🍌 Read More »

Рецепти

👩🏻‍🌾 Гранола “торта од морков” 👩🏻‍🌾

🥣 Пудинг од Ленено семе 🥣

Ленено vs. Чиа семе

🍯 Таан карамел барови 🍯

🥥 Здрави Баунти барови 🥥

🥞 Палачинки од овес и банана 🥞

Ако сте љубител на американски палачинки на куп за појадок или „бранч“ овие палачинки од овес и банана се дефинитивно за вас!

🌰 Слатко-горки бомбици со таан и ореви 🌰

А кога велам здрави бомбици, мислам на следново:

🍫 Најлесниот чоколаден сос 🍫

🍫 Најлесниот чоколаден сос 🍫

Состојки

Инструкции

🍓 Палачинки од Јагоди 🍓

🥞 Тројно чоколадни палачинки 🥞

Љубители на интензивен чоколаден вкус – имам нешто за вас!

🍕 Најлесното тесто за пица од сладок компир 🍕

Пица од сладок компир?!? Молам?

Како да ја направите мојата пица од сладок компир

🥞 Најлесните палачинки на светот 🥞

🍌 Протеинско чоколадно банана лепче 🍌

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️
© 2022 МаријаМаријаМарија. All rights are reserved.

Рецепти

Ленено vs. Чиа семе

Ако сте љубител на американски палачинки на куп за појадок или „бранч“ овие палачинки од овес и банана се дефинитивно за вас!

А кога велам здрави бомбици, мислам на следново:

🍫 Најлесниот чоколаден сос 🍫

Состојки

Инструкции

Љубители на интензивен чоколаден вкус – имам нешто за вас!

Пица од сладок компир?!? Молам?

Како да ја направите мојата пица од сладок компир

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.