Лепчиња Archives - Page 2 of 3

🫘 Протеинско лепче од леќа 🫘

LinkInBio, Лепчиња, Рецепти, Солени лепчиња / Марија

Во последно време сè се врти околу протеините – колку да јадеме, како да внесеме повеќе протеини па така дојдов до ова протеинско лепче од леќа. Иако звучи незамисливо – лепче од леќа, сепак е превкусно, се прави многу лесно и трае неколку денови доколку го чувате во сад што добро се затвора со капак (јас го чувам во фрижидер). Можете да го јадете за појадок, ужинка, ручек или вечера, со каква комбинација и да посакате.

Го заслужува името ПРОТЕИНСКО ЛЕПЧЕ

Знаеме дека леќата е добар извор на растителен протеин, а наутот е уште подобар. Во 100 гр. леќа има 9 гр протеин, во 100 гр. наут има 19 гр. протеин, во 1 супена лажица нутритивен квасец има 3,8 гр. протеин, во 1 шоља семки од тиква има 11,8 гр. протеин и во 1 супена лажица семе од коноп има 3,2 гр. протеин и во 1 шоља овесно брашно има 10,6 гр. протеин. И тоа се всушност основните состојки на ова лепче.

Балансирано, нутритивно, вкусно

Ова протеинско лепче од леќа е добро да се најде на вашето дневно мени. А еве и зошто:
😎 Се прави лесно
😍 Потребен ви е само процесор за храна (ќе го направите во 1 сад)
🤩 Состојките се лесни
🥳 Богато е со растителни влакна, витамини, минерали и антиоксиданси
😋 Многу е вкусно
А еве и неколку идеи како да го искомбинирате:

За појадок

1. Со мојот матено тофу намаз, домат, краставичка и маслинки или печена пиперка,
2. Како додаток на тофу омлет или тофу кајгана
3. Со мојата веганска павлака, спанаќ и мојот вегански пармезан
3. Со мојот сладок протеински намаз и малини
4. Со путер од кикирики и боровници
5. Со мојата домашна нутела и праски

За ручек

1. Со хумус како додаток со мојата грчка салата (или каква било свежа салата)
2. Како додаток на мојата чорба од брокула (или каква било зеленчукова супа/чорба)
3. Со летна манџа или Шакшука
4. Како додаток со мојата чили леќа

Доколку си тип што не може да руча без леб, тогаш пробај го моето протеинско лепче од леќа. Здраво е, полно со протеини и растителни влакна и многу подобра опција од коебило купечко. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🫘 Протеинско лепче од леќа 🫘Прочитај повеќе »

🫘 Протеинско лепче од леќа 🫘 Read More »

🥨 Крекери со помалку јаглехидрати 🥨

LinkInBio, Крекери, Лепчиња, Рецепти, Ужина / Марија

Освен зошто се овие крекери со помалку јаглехидрати, ги сакам и затоа што се прават во еден сад, имаат вкупно 10 состојки, не се комплицирани а се многу вкусни. И отприлика тоа се причините зошто и вие мора да си ги направите. Секако, тоа што состојките се супер здрави за вас, е секогаш додадена вредност 🤣

Еден крекер, 40 калории

Овие крекери со помалку јаглехидрати се одлични затоа што совршено одат со сите ваши омилени намази и салати, а исто така се одлична ужина без ништо, сами по себе. Немаат глутен, погодни се и за палео и за кето начините на исхрана (доколку има некои што ги следат). Но поважно од сè, имаат многу бенефити, а само 40 калории од крекер.

Антиоксиданси, витамини и минерали

Семките од сончоглед се одличен извор на неколку хранливи материи – вклучувајќи витамин Е, Селен и Цинк. Есенцијалните витамини и минерали што ги содржат семките од сонќоглед, можат да помогнат да се намали ризикот од воспаленија, срцеви заболувања и дијабетес тип 2. Цинкот, инаку, е составен дел на имунолошкиот систем, бидејќи помага и во развојот и одржувањето на правилната функција на имуните клетки. Дополнително, цинкот функционира и како антиоксиданс, во борбата против слободните радикали.

Диететски влакна, омега масни киселини

Лененото семе е извор на многу хранливи материи, вклучувајќи растителни протеини, диететски влакна, омега-3 масни киселини, тиамин.

Лененото семе исто така содржи и лигнани коишто можат да помогнат во намалувањето на прогрес на одредени ракови. Уште една важна улога на лененото семе е подобрување на движењето на дебелото црево и подобрување на општото дигестивно здравје. Дополнително, може да помогне и во намалувањето на нивото на холестерол како и да го подобри здравјето на срцето.

Што можеме да заклучиме? Овие крекери се добри за вас и вашето здравје и се многу вкусни. Буквално нема причина да не ги направите.

‼️Сосем за крај, уште една важна порака: Гледајте ги додека ги печете, многу лесно горат.

Доколку сакаш поздрава ужинка или доколку си љубител на крекери, тогаш дефинитивно треба да ги пробаш овие крекери со помалку јаглехидрати. Те охрабрувам, бидејќи се вкусни и многу здрави! Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🥨 Крекери со помалку јаглехидрати 🥨Прочитај повеќе »

🥨 Крекери со помалку јаглехидрати 🥨 Read More »

🫓 Крекери од цвекло и хељда 🫓

LinkInBio, Крекери, Лепчиња, Рецепти, Ужина / Марија

Околу новогодишните празници, направив еден куп варијации на крекери, па и овие крекери од цвекло и хељда беа едни од нив. Ем розеви, ем супер здрави, ем одличен начин да внесете добри нутритиенти и диететски влакна. Се прават брзо и лесно, и ви требаат вкупно 9 состојки ако ги користите истите зачини како и мене. Главните состојки, како што кажува и самиот наслов, се цвеклото и хељдата.

Плус, ленено семе за екстра омега 3 и семки од сончоглед за уште повеќе витамини, минерали и антиоксиданси.

Крекери од цвекло и хељда за ужина, грицкање па дури и појадок

Доколку имате потреба да грицкате, мојата препорака е да грицкате паметно и здраво. А овие крекери дури можете да ги јадете и за појадок со хумус и свеж зеленчук.

Совршени за љубителите на розова боја

Во 2020, кога почна ковид-карантинот, јас влегов во една розова фаза, под мотото „Quarantine pink food – nothing can bring me down“. Буквално сè пто правев беше розово, обидувајќи се тоа да биде еден вид на занимација што ќе ми ги тргне мислите од пандемијата и воедно ќе ги направи нашите оброци поинакви од вообичаено.

Тогаш правев розова паста, розови палачинки, розово суши, па дури и розов спанаќ (сосот беше со цвекло). Но, зачудувачки, овие крекери од цвекло и хељда, дојдоа на ред речиси 2 години подоцна. Сепак, доколку сакате да експериментирате со различна храна или пак доколку имате некој мал вљубеник во розевата боја – тогаш дефинитивно треба да му ги направите овие крекери.

Цвекло секогаш и во секаков облик

Јас имам некоја посебна љубов за оброци со цвекло. Освен што МНОГУ го сакам печено со зачини и маслиново, често си го правам хумусот со цвекло, пицата и секако, чорбата (доколку не сте ги пробале, морате). Плус, доколку вежбате, цвеклото помага во издржливоста и користењето на кислородот (win-win). Освен се што до сега имам кажано за цвеклото, еве уште неколку придобивки што можете да ги имате доколку редовно консумирате цвекло во вашата исхрана:

🧠 Може да го подобри здравјето на мозокот,
🫃🏻 Може да го подобри здравјето на дигестивниот систем,
🔥 Се бори со инфламацијата,
🩸 Го одржува нивото на крвниот притисок,
💦 Има малку масти и калории, но многу вода, што го балансира внесот на енергија,
💪🏻 Одличен извор на многу хранливи материи, вклучувајќи фолати, манган и бакар.

Доколку сакаш здрави грицки или ужинка, пробај ги моите крекери од цвекло и хељда. Лесно се прават, вкусни се и здрави, за грицкање со помалку грижа на совест. Доколку ги направиш, тагни го мојот инстаграм профил @marijamarijamarija или остави ми коментар под овој пост.

…

🫓 Крекери од цвекло и хељда 🫓Прочитај повеќе »

🫓 Крекери од цвекло и хељда 🫓 Read More »

🥪 Здраво лепче од 3 состојки 🥪

LinkInBio, Лепчиња, Појадок, Рецепти, Солени лепчиња / Марија

Иако го нареков здраво лепче од 3 состојки, всушност, не сум сигурна колку ова може да се нарече лепче, но сепак, ја има таа функција. Инаку, бидејќи се трудам да не јадам леб, или кога да јадам да биде со помало количество на јаглехидрати или без глутен, па така бидна и ова лепче. И секако, одлично е за здравјето дигестивниот систем поради влакната и секако антиоксидансите и омега-3 масните киселини! Погодивте – ѕвездата е неговото височество: ленено семе.

Многу слично како и моите тако тортиљи од лен, и ова лепче има буквално три состојки. Сомелено ленено семе, прашок за печиво и вода. Можете да додадете и сол или други зачини, по желба. Добро е за балансиран појадок или како додаток во салата, но важно е да не се претерува со количините (ленот, сепак, има доста калории).

Моја препорака е да го најдете со свежо овошје или зеленчук од типот на домат или краставица, малку хумус или некој нискокалоричен домашен намаз, од печурки на пример.

Домашно лепче, секогаш

Придобивките од консумирањето на ленено семе се енормни и ова моќно семе се користи уште од дамнешни времиња. Лененото семе се одгледувало во Вавилон уште во 3000 година п.н.е. Во 8 век, кралот Карло Велики толку силно верувал во здравствените придобивки од лененото семе што донел закони со кои се бара од неговите поданици да го консумираат. Сега, векови подоцна, веќе имаме и истражувања што го поткрепуваат она во што верувал Карло Велики.

А зошто домашно лепче? Како и за се останато што приготвувате дома – знаете точно што ставате. Кога ќе приготвите нешто дома, ја знаете неговата точна нутритивна вредност, па комбинирањето во балансиран оброк ќе биде многу подобро и поедноставно. Таков е случајот и со моето здраво лепче од 3 состојки, што всуност е здраво лепче од една состојка – неговото височество ленено семе 😍

Доколку сакаш поздрава верзија на домашно лепче, тоа е знак дека треба да го пробаш моето здраво лепче од 3 состојки. Те охрабрувам, бидејќи е поинакви, здраво и нутритивно богато. Плус, се прави многу лесно. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🥪 Здраво лепче од 3 состојки 🥪Прочитај повеќе »

🥪 Здраво лепче од 3 состојки 🥪 Read More »

🍌Најдоброто двослојно банана лепче 🍌

LinkInBio, Десерти, Лепчиња, Појадок, Рецепти, Слатки лепчиња, Ужина / Марија

Рецептов за најдоброто двослојно банана лепче го пишувам прв, бидејќи е во топ пет најправени мои рецепти објавени на мојот инстаграм профил. Кога во 2020 почна пандемијата, сите почнаа да прават банана лепчиња и лепчиња од кисело тесто. Буквално секоја втора слика на фидот ми беше со лепчиња. Но јас ете не направив тогаш ништо. Дури следната година решив да се пробам со банана лепче и пробувајќи комбинации, стигнав до ова лепче што иницијално го направив двослојно но сосем исто функционира и само со какао или пак без воопшто какао. Меко е и сочно, лесно на вкус и не преблаго. Минимално е природно засладено со банани и јаворов сируп и поради тоа, одлично функционира и како појадок и како ужина и како десерт.

Откако прв пат го направив, само со ореви, почнав да пробувам разни комбинации: го правев полнето со цреши, со парчиња црно чоколадо, со јагоди… И секој пат беше превкусно. Па така откако мајка ми го проба прв пат, почна да го прави веројатно секоја втора недела и го усоврши беспрекорно, па сега ми е повкусно да го јадам нејзиното 🤷🏻‍♀️ Дали е поради тоа што „јадењето кај мама е секогаш највкусно“ или пак “practice makes it perfect” сепак, се радувам секој пат кога ќе го направи.

Потврдено најдобро банана лепче

Најдоброто двослојно банана лепче има вкуно 11 состојќи (плус додатоци, ако се користат). Подготовката е 10 минути а печењето е помеѓу 40 и 60 минути, зависно од рерната. Јас го покривам со фолија и го печам 45 минути покриено и уште 15 минути без фолија.

Одлично оди со путер од јатки, свежо овошје, па дури и со чоколаден сос

Состојките се едноставни и повеќето вообичаено ни се наоѓаат на рафтовите. Бананите – колку помеки, толку подобро. Добро созреаните банани (оние со темни точки) се посебно благи и ќе му дадат преубава блажина на лепчето.

За подготовка ви е потребен блендер или вилушка за пасирање на бананата, сад за мешање на сувите состојки, сад за мешање на влажните состојки и доколку го правите двослојно, уште еден сад кадешто ќе ја измешате половина од смесата со какао, хартија за печење и правоаголно калапче за печење лепче.

Доколку си еден од ретките што се уште го нема пробано најдоброто двослојно банана лепче, те охрабрувам да го направиш уште денес и доколку го направиш, тагни го мојот инстаграм профил @marijamarijamarija

…

🍌Најдоброто двослојно банана лепче 🍌Прочитај повеќе »

🍌Најдоброто двослојно банана лепче 🍌 Read More »

🍋 Здраво колаче со лимон 🍋

LinkInBio, Десерти, Лепчиња, Рецепти, Слатки лепчиња, Ужина / Марија

Здраво колаче со лимон или здраво нов брз летен десерт! Ова колаче е меко, сочно и доста освежително! Минимално е засладено, но може да го направите и без никаков засладувач за уште помалку јаглехидрати. Се прави во еден сад без никаква опрема – буквално може да го направи секој.

Има вкупно 9 состојки но можете да го модифицирате и да го направите без засладувач и без кокосово брашно – така ќе биде уште помеко и посочно. Одлично оди како ужина со кафе или голема шоља чај.

Состојките се лесни и многу здрави, па освен што ќе се заблажите и освежите, ќе внесете и многу витамин Ц, калциум, магнезиум, цинк, селен, Омега 3… Иако е здраво, сепак едно парче има 138,9 калории, па мојата препорака е да се обидете да не изедете повеќе од две.

За да го направите „фенси“ додадете му глазура

Јас се трудам моите десерти да ги правам без глазура, од причина што за да биде успешна, глазурата треба да содржи шеќер во прав. Јас шеќер не консумирам, па се обидов да направам некоја „алтернативна“ глазура за ова здраво колаче со лимон, и морам да бидам искрена – беше тотален неуспех. Поради тоа, се додека не ја усовршам, нема да ви ја препорачам.

… and just like that низата десерти со лимон, покрај тартот и чизкејкот, се збогати за уште едно колаче. Па додека да ги средам и објавам и останатите десерти со лимон, можете да да бирате помеѓу овие три.

(‼️) Бидејќи колачето е меко и сочно, важно е да го оставите комплетно да се излади пред да го извадите од тавчето и да го пресечете

Ова е дефинитивно знакот дека треба да го направиш моето здраво колаче со лимон. Лесно се прави, здраво е и навистина превкусно! Доколку го направиш, тагни го мојот инстаграм профил @marijamarijamarija

…

🍋 Здраво колаче со лимон 🍋Прочитај повеќе »

🍋 Здраво колаче со лимон 🍋 Read More »

🍠 Мини бургер лепчиња од сладок компир 🍠

LinkInBio, Лепчиња, Појадок, Рецепти, Ручек, Солени лепчиња, Ужина / Марија

Сигурна сум дека се сеќавате на моето најлесно тесто за пица од сладок компир! Епа еве мал апгрејд: бургер лепчиња од сладок компир! Јас ги направив во мини варијанта за да бидам сигурна дека ќе се испечат. Секако дека потоа ги направив и малку поголеми и со други варијации во составот. Но, сега ќе се задржам на овој рецепт. Од состојките, ми излегоа 4 мини бургерчиња и навистина беа превкусни и прелесни за правење. А, ако ја зголемите дозата, можете да направите мезе за вашата следна седенка 🤣

Уште неколку факти за слаткиот компир

Овие бургер лепчиња од сладок компир, освен што се многу вкусни, исто така се и многу здрави! Слаткиот компир е супер храна за подобрување на имунитетот, гастроинтестиналниот тракт и функцијата на мозокот!

Слаткиот компир содржи влакна и антиоксиданси кои поттикнуваат раст и развој на добра цревна бактерја, со што помагаат за поздрави црева. Исто така, богати се со бета-каротен и антоцијани, антиоксиданси кои можат да помогнат спречување на губење на видот и подобрување на здравјето на очите. Бета-каротенот, може да се претвори во витамин А со што помага во подобрување на целокупнио имунолошки систем!

Како да ги јадете овие мини бургер лепчиња од сладок компир

За појадок можете да ги јадете со:
– тофу омлет, хумус и авокадо;
– веганска павлака, домати, краставица и маслинки;
– путер од јатки и свежо овошје;
– стопен вегански кашкавал, печурки, брокула и домашен кечап;
За ручек можете да ги јадете со:
– фалафел, свеж зеленчук и сос од домат;
– ќофтиња од леќа, хумус и домат;
– краставица, авокадо, маслинки, млад кромид, парчиња димено тофу и сос од домат;

Доколку се уште го немаш пробано моите мини бургер лепчиња од сладок компир, еве прилика! Те охрабрувам, бидејќи се превкусни и секако, здрави. Доколку ги направиш, тагни го мојот инстаграм профил @marijamarijamarija

…

🍠 Мини бургер лепчиња од сладок компир 🍠Прочитај повеќе »

🍠 Мини бургер лепчиња од сладок компир 🍠 Read More »

🍘 Здрави крекери од многу зрна 🍘

LinkInBio, Крекери, Лепчиња, Рецепти, Ужина / Марија

Ова се моите здрави крекери од многу зрна, или еден од оние прелесни рецепти којшто ги содржи 5 од 6-те најздрави семиња што треба да ги консумирате. Освен што се супер здрави, крекериве се многу вкусни и се одличен извор на растителен протеин, влакна, здрави масни киселини и многу минерали што го подобруваат имунитетот и работата на мозокот (меѓу другото)! Поодамна се објавени на мојот инстаграм профил, но секако дека заслужуваат објава и овде!

Моќта на семињата

Лененото семе и чиата се одличен извор на влакна, омега-3, лигнани и останати нутритиенти коишто можат да го намалат нивото на холестерол и крвниот притисок и да ги намалат ризик-факторите за срцеви заболувања.

Сусамот е извор на лигнани и може да ја намали инфламацијата и оксидативниот стрес.

Семките од тиква и сончоглед се одличен извор на моносатурирани и омега-6 масни киселини и протеини и можат да го подобрат здравјето на срцето, да ги ублажат симптомите на уриранрите заболувања и да помогнат во намалување на инфламацијата и нивото на холестерол.

И всушност, тоа се главните состојки на овие здрави крекери 😋 Здрави, поздрави, најздрави!

Но и многу крцкави и вкусни! Плус ако си ги заќините по ваша желба и ваш вкус, ве уверувам дека ќе уживате уште повеќе! Одлично одат со хумус, гвакамоле или намаз по ваша желба. Јас лично преферирам да ги јадам само со свежа салата, бидејќи семињата сами по себе се доста калорични.

Доколку се уште го немаш пробано моите здрави крекери од многу зрна, еве прилика! Те охрабрувам, бидејќи се одлични и многу здрави. Доколку го направиш, тагни го мојот инстаграм профил @marijamarijamarija

…

🍘 Здрави крекери од многу зрна 🍘Прочитај повеќе »

🍘 Здрави крекери од многу зрна 🍘 Read More »

🍊 Колач со портокал и брусница 🍊

LinkInBio, Десерти, Лепчиња, Празнични, Рецепти, Слатки лепчиња / Марија

Овој колач со портокал и брусница прв пат го правев во Декември, некаде околу новогодишните и божиќните празници, кога и го објавив на мојот инстаграм профил. Нови фотографии немам, и не планирам да имам, овие многу ми се допаѓаат. Новогодишни се и се дел од посебна категорија кадешто има само новогодишни рецепти. Овој колач со портокал и брусница е прв во низата, бидејќи е толку воздушест и мек и преубав на вкус. Плус нели, вегански, без глутен и од здрави состојки.

А, кога за некои рецепти велам дека мора да ги направите, навистина го мислам тоа. Сметам дека вредат да се пробаат, затоа што вкусовите толку убаво одат заедно, што би било штета да не успеете да ги пробате. Овој колач е еден од тие рецепти. Портокалот е совршен вкус за новогодишно печење – целиот дом мириса преубаво, а брусницата уште повеќе го надополнува вкусот.

Плус, вкусот го збогатува и кокосовиот крем што го ставив како глазура од горе. Секако, не мора да го правите, но навистина МНОГУ убаво одговара во целава комбинација. За појадок или ужина со кафе и чај во студени зимски денови е број еден комбинација. Но, верувам дека е подеднакво вкусен и на пролетно сонце! 😍

Доколку се уште го немаш пробано овој колач со портокал и брусница, еве прилика да го направиш! Те охрабрувам, бидејќи е навистина вкусен. Доколку го направиш, тагни го мојот инстаграм профил @marijamarijamarija

…

🍊 Колач со портокал и брусница 🍊Прочитај повеќе »

🍊 Колач со портокал и брусница 🍊 Read More »

🥬 Протеинска проја со спанаќ, печурки и тофу 🥬

LinkInBio, Лепчиња, Појадок, Рецепти, Солени лепчиња, Ужина / Марија

Оваа веганска протеинска проја велам дека е протеинска, поради тоа што ја правам со тофу, печурки, нутритивен квасец и семки од тиква – сите одлични извори на растителен протеин. Плус, богата е со железо и здрави масти, поради спанаќот и семките. Подготовката е лесна и едноставна, од надвор е крцкава а внатре мека и сочна. Нема буквално ниту една причина да не ја направите уште веднаш. Од овие состојки се добиваат 6 поголеми или 8 помали парчиња.

Најважно за проја е да не биде сува како што обично знае да биде пројата. Епа, мојата проја е сочна и мека внатре, со крцкава коричка од надвор. Откако прв пат ја објавив на мојот инстаграм профил, оваа протеинска проја ја направив уште неколку пати, затоа што е супер опција за појадок, па дури и ручек со многу свежа салата од страна. Сите состојки се одлични, нема глутен, а количината на протеин заситува и ве држи сити подолг период. Можете да ја направите од вечер и да си ја спакувате за појадок за на работа со малку свеж домат и маслинки.

Лесен, прилагодлив рецепт

Инаку, да, рецептов може и слободно да се адаптира. На пример, во полнењето можете да ставите и друг зеленчук (одлична е и само со тофу и сушени чери домати). Каква комбинација и да направите, ова е еден супер вкусен и балансиран оброк.

Можете да ја направите во тава а можете да ја направите и како мафини, доколку имате силиконски модли и тавче за мафини. Така што, без размислување најтопло ви препорачувам да си ја направите во вкусот и обликот што најмногу ви се допаѓа.

Доколку се уште ја немаш пробано мојата протеинска проја, еве прилика! Те охрабрувам, бидејќи е навистина вкусна, крцкава и мека. Плус, преполна со протеини и железо. Доколку ја направиш, тагни го мојот инстаграм профил @marijamarijamarija

…

🥬 Протеинска проја со спанаќ, печурки и тофу 🥬Прочитај повеќе »

🥬 Протеинска проја со спанаќ, печурки и тофу 🥬 Read More »

🍞 Здраво лепче со помалку јаглехидрати 🍞

LinkInBio, Лепчиња, Појадок, Солени лепчиња, Ужина / Марија

Ова здраво лепче го правам често, затоа што има мало количество на јаглехидрати и е нискокалорично. Рецептов го имам објавено веќе два пати на мојот инстаграм профил, но објавите се на англиски, па еве фина прилика да го објавам и на Македонски. Инаку, едно парче има само 2 грама јаглехидрати – за споредба, едно мало парче леб од кисело тесто (sourdough) има 19 грама, додека обичен бел леб има 10 грама јаглехидрати. Во однос на калории, едно парче од ова лепче содржи 117kcal, но, поважно е што содржи големо количество на протеин, диететски влакна и здрави масни киселини.

Комбинацијата на брашна е одлична: бадемово (брашно, не мелени бадеми), кокосово и брашно од семки од тиква.

Доколку внимавате на макронутритиентите и доколку засметувате колкава количина на јаглехидрати внесувате, тогаш ова здраво лепче е совршено за вас. Подготовката не е најлесна (чекорите се детално и прецизно објаснети во рецептот подолу) но вреди, затоа што е и многу вкусно и многу здраво.

Доколку се уште го немаш направено ова здраво лепче, те охрабрувам, бидејќи е навистина вкусно и здраво. Доколку го направиш, тагни го мојот инстаграм профил @marijamarijamarija или остави ми коментар под овој пост.

…

🍞 Здраво лепче со помалку јаглехидрати 🍞Прочитај повеќе »

🍞 Здраво лепче со помалку јаглехидрати 🍞 Read More »

🍌 Протеинско чоколадно банана лепче 🍌

LinkInBio, Лепчиња, Појадок, Рецепти, Слатки лепчиња, Ужина / Марија

Ова е прв пат да направам друг обид за банана лепче, бидејќи едноставно мислам дека двослојното банана лепче е апсолутно непобедливо. АМА сепак решив да се обидам да го направам овој протеинско чоколадно банана лепче и со тешко срце морам да признаам дека излезе ПРЕ-ПРЕ-ПРЕВКУСЕН! Прво, нема никаков додаден шеќер, сем бананата (што е апсолутна победа) – бидејќи користев многу зрели (скоро кафени банани – тие се најблаги). Второ, користев чоколаден вегански протеин што му даде супер чоколадна нота и ја зголеми протеинската вредност. Трето, користев капки од црно чоколадо и какао парчиња за уште повеќе антиоксиданси.

протеинско чоколадно банана лепче парчиња

Нема дилема дека ова протеинско чоколадно банана лепче е супер здраво за појадок, десерт или ужина. Нема глутен, и буквално нема ниту една лоша состојка. Од надвор е крцкаво а внатре е меко и сочно, налик колаче.

Одлично оди со путер од јатки и свежо овошје. Има преубав чоколаден вкус а нема никаков шеќер – it’s magic! ✨

протеинско чоколадно банана лепче состојки

_{Плус, подготовката е толку лесна, се прави во еден сад и потребен ви е само блендер (или мелница) за да го сомелете овесот или бадемите. Бананата ја пасирате со вилушка и во истиот сад ги мешате состојките – ова е причина плус, бидејќи не се прави неред во кујна!}

Доколку го нема пробано и направено ова протеинско чоколадно банана лепче, те охрабрувам да го направиш ова, има супер чоколаден вкус, нема шеќер и е навистина вкусен и лесен. Доколку го направиш, тагни го мојот инстаграм профил @marijamarijamarija

…

🍌 Протеинско чоколадно банана лепче 🍌Прочитај повеќе »

🍌 Протеинско чоколадно банана лепче 🍌 Read More »

Лепчиња

🫘 Протеинско лепче од леќа 🫘

Го заслужува името ПРОТЕИНСКО ЛЕПЧЕ

Балансирано, нутритивно, вкусно

За појадок

За ручек

🥨 Крекери со помалку јаглехидрати 🥨

Еден крекер, 40 калории

Антиоксиданси, витамини и минерали

Диететски влакна, омега масни киселини

🫓 Крекери од цвекло и хељда 🫓

Крекери од цвекло и хељда за ужина, грицкање па дури и појадок

Совршени за љубителите на розова боја

Цвекло секогаш и во секаков облик

🥪 Здраво лепче од 3 состојки 🥪

Домашно лепче, секогаш

🍌Најдоброто двослојно банана лепче 🍌

Потврдено најдобро банана лепче

🍋 Здраво колаче со лимон 🍋

За да го направите „фенси“ додадете му глазура

🍠 Мини бургер лепчиња од сладок компир 🍠

Уште неколку факти за слаткиот компир

Како да ги јадете овие мини бургер лепчиња од сладок компир

🍘 Здрави крекери од многу зрна 🍘

Моќта на семињата

🍊 Колач со портокал и брусница 🍊

🥬 Протеинска проја со спанаќ, печурки и тофу 🥬

Лесен, прилагодлив рецепт

🍞 Здраво лепче со помалку јаглехидрати 🍞

🍌 Протеинско чоколадно банана лепче 🍌

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️
© 2022 МаријаМаријаМарија. All rights are reserved.

Лепчиња

Го заслужува името ПРОТЕИНСКО ЛЕПЧЕ

Балансирано, нутритивно, вкусно

За појадок

За ручек

Еден крекер, 40 калории

Антиоксиданси, витамини и минерали

Диететски влакна, омега масни киселини

Крекери од цвекло и хељда за ужина, грицкање па дури и појадок

Совршени за љубителите на розова боја

Цвекло секогаш и во секаков облик

Домашно лепче, секогаш

Потврдено најдобро банана лепче

За да го направите „фенси“ додадете му глазура

Уште неколку факти за слаткиот компир

Како да ги јадете овие мини бургер лепчиња од сладок компир

Моќта на семињата

Лесен, прилагодлив рецепт

GOOD FOOD VIBES & МЕСЕЧНИ СОВЕТИ ЗА ЗДРАВЈЕ

Made with ♥️ © 2022 МаријаМаријаМарија. All rights are reserved.

Made with ♥️
© 2022 МаријаМаријаМарија. All rights are reserved.